Lost. Rüpp. II, 7

በ ባ (!) sic by Dorothea Reule(!)corrected by Dorothea Reuleስመ፡ አብ፡ ወወልድ፡ ወመንፈ ስ ሰ (!) sic by Dorothea Reule(!)corrected by Dorothea Reule፡ ቅዱስ፡ ፩አምላክ። ንዌጥን፡ በረዴ (!) sic by Dorothea Reuleኤቱ (!) sic by Dorothea Reule፡ እግዚአብሔር፡ ጽሒፈ፡ ነገረ፡ ሙሴ፡ ነቢይ፡ ዘነገሮ፡ እግዚአብሔር፡ በደብረ፡ ሲና፡ በረከቱ፡ ቅድስት፡ ተሀሉ፡ ምስለ፡ ፍቁሩ፡ መርዶክዮስ። ሶበ፡ ዓርገ፡ ሙሴ፡ ነቢይ፡ ውስተ፡ ደብረ፡ ሲና፡ ከመ፡ ይስአል፡ እግዚኡ፡ ጾመ፡ ፵መዓልተ፡ ወ፵ሌሊተ፡ ወተወክፈ፡ ኦሪተ፡ ዘአውረደ፡ እግዚአብሔር፡ ላዕለ፡ እዱ። ወውስቴታ፡ ትእዛዝ፡ ለደቂቀ፡ እስራኤል። ወባቲ፡ ሥርዓታት፡ ወሕገጋት፡ ወፍትሓት፡ እለ፡ የዓቅብዋ። ወኮነ፡ ጾመ፡ ሙሴ፡ በወርኃ፡ ስኔ። ወአመ፡ ወረደት፡ ኀቤሁ፡ ኦሪት፡ አኀዘ፡ ሙሴ፡ ይስአል፡ ኀበ፡ እግዚአብሔር። ወይቤ፡ ኦእግዚእየ፡ ወአምላኪየ፡ አምረኒ፡ ዘእስአል፡ በእንቲአሁ። ወይቤሎ፡ እግዚአብሔር፡ ምንት፡ ውእቱ። ወይቤ፡ ሙሴ፡ [ለዘ(?)]supplied by Lazarus Goldschmidtአጽገበ፡ ርኁበ፡ ምንት፡ ትሁብ፡ ዐስቦ። ወይቤ፡ እግዚአብሔር፡ ለዘአጽገበ፡ ርኁበ፡ በእንቲአየ፡ አሙሴ፡ አጸግቦ፡ እምሥናያት፡ ዘለዓለም። ወለዘአልብሰ፡ ዕሩቀ። ኦሙሴ፡ አነ፡ አልብሶ፡ ልብሰ፡ ብርሃን። ወአድኅኖ፡ እምእሳተ፡ ሲኦል። ወካዕበ፡ ይቤ፡ ሙሴ፡ ለዘይመይጥ፡ ሰኣሊ፡ እምአንቀጸ፡ ማኅደሩ፡ ምንት፡ ትፈድዮ። ይቤ፡ እግዚአብሔር፡ እከልኦ፡ እምገነትየ፡ ወኢየኃድጎ፡ ይርአይ። ወይቤ፡ ሙሴ፡ ለዘአስተዮ፡ ለጽሙእ፡ ማየ፡ በፍኖት፡ ምንት፡ ዐስቡ። ወይቤ፡ አምላክ፡ አነ፡ አሰትዮ፡ ማየ፡ ሕይወት፡ ወኢይጸምእ፡ ለዓለም። ወአድኅኖ፡ እምላህበ፡ እሳት። ወይቤ፡ ሙሴ፡ ዘይሰብር፡ ልበ፡ እጓለ፡ ማውታ፡ አው፡ ሰኣሌ፡ ምንተ፡ ትገብር፡ ቦቱ። ይቤ፡ አምላክ፡ ዝንቱ፡ ይከውን፡ ወድአ፡ ሰባሬ፡ ልብየ፡ ወአነ፡ እወድዮ፡ ውስተ፡ እሳተ፡ ገሃነም። ወይቤ፡ ሙሴ፡ ዘይምሀክ፡ ለእለ፡ ነዳይ፡ ወምስኪን፡ ወይሁቦ፡ ወየሐይዎ፡ ልቦ፡ ወይገብር፡ ምጽዋተ፡ ምስሌሁ፡ ምንተ፡ ተዓስዮ። ይቤሎ፡ እግዚአብሔር፡ ዝንቱ፡ ይከውን፡ ምስሌየ፡ ወዘገብረ፡ ምስሌየ፡ ምስኪናን፡ ወድአ፡ ገብረ፡ ምስሌየ፡ ወአወረሶ፡ መንግሥተ፡ ሰማያት፡ ወአስተፌሥሖ፡ በሕይወት፡ ዘለዓለም፡ ዘአልቦቱ፡ ጥፍአት፡ ወኢማኅለቅት፡ ወኢፍጻሜ። ወይቤ፡ ሙሴ፡ ወዘይሁብ፡ ከፈነ፡ ለእኁሁ፡ ምእመን፡ አመ፡ ሞተ፡ ምንተ፡ ትሁብ፡ [ሎቱ።(?)]supplied by Lazarus Goldschmidt ወይቤ፡ አምላክ፡ አነ፡ አለብሶ፡ ልብስ፡ እምብርሃን፡ አምላካዊ፡ ወእሰሪ፡ ሎቱ፡ ኃጢአቶ፡ ወኃጢአተ፡ ወላድያኒሁ፡ ወእምሕሮ። ወይቤ፡ ሙሴ፡ ወዘይከሪ፡ መቃብረ፡ ለእኁሁ፡ ምእመን፡ አመ፡ ሞተ፡ ምንተ፡ ትሁቦ። ይቤ፡ አምላክ፡ እጽሕፍ፡ ስሞ፡ በመጽሐፈ፡ ሕይውት፡ ምስለ፡ ነቢያት፡ ወሐዋርያት፡ ወሰማዕታት፡ ወጻድቃን፡ ወአኃድሮ፡ ውስተ፡ ገነትየ፡ አነ፡ እምህክ፡ ላዕሌሁ፡ በደኃሪት፡ ዕለት፡ በከመ፡ አዕረፈ፡ ሥጋ፡ አግብርትየ። ወይቤ፡ ሙሴ፡ ለዘየሐውር፡ ምስለ፡ ጸዋርያነ፡ ምውት፡ ወይጸውር፡ ለሊሁ፡ ምንተ፡ [ትሁቦ፡(?)]supplied by Lazarus Goldschmidt ይቤ፡ አምላክ፡ እጽሕፍ፡ ሎቱ፡ ኵሎ፡ ምክያደ፡ ምጽዋት። ወእሰሪ፡ ጌጋዮ። ይቤ፡ ሙሴ፡ ለዘይጼሊ፡ በመንፈቀ፡ ሌሊት፡ ወኢይነውም፡ ምንተ፡ ትሁቦ። ይቤ፡ አምላክ፡ እሬስዮ፡ ኢይኑም፡ በዑረተ፡ ኃጢአት፡ ከመ፡ አነ፡ ኢይነውም። ወይከውን፡ ንጹሐ፡ እስከ፡ ለዓለም፡ ወየሐዩ፡ በትንሣኤ። ይቤ፡ ሙሴ፡ ለዘይጼሊ፡ ጸሎተ፡ ነግህ፡ ቅድመ፡ ሥርቀተ፡ ፀሐይ፡ ምንተ፡ ትሁቦ። ይቤ፡ አምላክ፡ አነ፡ እሁቦ፡ ዐስቦ፡ ወአኃድግ፡ ሎቱ፡ ኃጢአቶ፡ ወእጽሕፍ፡ ሉ (!) sic by Dorothea Reuleቱ፡ ኵሎ፡ ምጽዋተ። ይቤ፡ ሙሴ፡ ወዘይጼሊ፡ ጸሎተ፡ ፫ሰዓት። ይቤ፡ እግዚአብሔር፡ ይከውን፡ አንቀጸ፡ ሕይወት፡ ቅድሜሁ፡ ርኅወ። ይቤ፡ ሙሴ፡ ወለዘይጼሊ፡ ጸሎተ፡ ፮ሰዓት፡ ምንተ፡ ትሁቦ፡ [ይቤ፡(?)]supplied by Lazarus Goldschmidt አምላክ፡ አነ፡ አዓቅቦ፡ እሞጋኔነ፡ ቀትር። ወይቤ፡ ሙሴ፡ ወለዘይጼሊ፡ ጸሎተ፡ ፱ሰዓት፡ ምንተ፡ ትሁቦ። ወይቤ፡ አምላክ፡ አነ፡ አበጽሖ፡ ኀበ፡ መዓርገ፡ ሰማያውያን፡ ወአበዝኅ፡ ሀብቶ፡ በዝ፡ ዓለም፡ ወበዘይመጽእ። ይቤ፡ ሙሴ፡ ወለዘይጼሊ፡ ጸሎተ፡ ሰርክ፡ ምንተ፡ ትሁቦ። ወይቤ፡ አምላክ፡ አነ፡ አኃድግ፡ አበሳሁ፡ ወአበሳ፡ ወላድያኒሁ፡ ወእሬሲ፡ ሎቱ፡ መክፈለተ፡ ወርስተ፡ በመንግሥተ፡ ሰማያዊት። ወይቤ፡ ሙሴ፡ ወለዘይጼሊ፡ ጸሎተ፡ ንዋም፡ ምንተ፡ ተዓስዮ። ይቤ፡ አምላክ፡ እስምዕ፡ ጸሎቶ፡ ወአበጥል፡ እምኔሁ፡ እከየ፡ ሌሊት፡ ስማዕ፡ ኦሙሴ፡ ዘእቤለከ፡ ለኵሉ፡ ዘይጼሊ፡ አው፡ ዘይጸውም፡ አው፡ ዘይተግህ፡ ውስተ፡ ፍቅረ፡ ዚአየ፡ አድኅኖ፡ ወአዓርፎ፡ በዝ፡ ዓለም፡ ወበዘይመጽአኒ፡ አወርሶ፡ ሕይወተ፡ ዘለዓለም፡ ወአስተፌሥሖ፡ በተቀብሎትየ፡ ገጸ፡ በገጽ፡ ወይትኃሠይ፡ በመንግሥትየ፡ ሰማያዊት። ይቤ፡ ሙሴ፡ ወለዘይሌቅሕ፡ ድርኅመ፡ ለሰብእ፡ ምንተ፡ ተዐስዮ። ይቤ፡ አምላክ፡ አወፈዮ፡ በበ፩ድርኅም፡ ፻። ወለዘያበልዕ፡ ምጽዋተ፡ ለምስኪናን፡ ወለፅኑሳን፡ አነ፡ አዓስዮ፡ ህየንተ፡ ኵሉ፡ ፩ድርኅም፡ ፻። ወኵሉ፡ ሰብእ፡ ዘይገብር፡ ምስለ፡ ቢጹ፡ በእንቲአሁ፡ ሠናየ፡ ምስሌየ፡ ወድአ፡ ገብረ፡ ወአነ፡ አዓሥዮ፡ እምሠናያት፡ ሰማያዊት፡ ወአድኅኖ፡ እምዕለት፡ እኪት። ወኵሉ፡ ዘይገብር፡ እከየ፡ ምስለ፡ ቢጹ፡ እሣቅዮ፡ ወአበጽሕ፡ ላዕሌሁ፡ ኵሎ፡ መከራ፡ ወመንሱተ። ኦሙሴ፡ አመ፡ ትከውን፡ ምስለ፡ ቢጽክሙ፡ አነ፡ እከውን፡ ምስሌክሙ፡ ወአምሀክሙ፡ ቢጸክሙ፡ አነ፡ እምህክ፡ ኪያክሙ። ወአመ፡ ተማዕክሙ፡ ለዕሌሁ፡ ኢይምህክሙ፡ ወዘይገብር፡ እከየ፡ ለአግዋሪሁ፡ አነ፡ አበጽሕ፡ ላዕሌሁ፡ ኵሎ፡ እከየ። ወዘይሐፅን፡ እጓለ፡ መውታ፡ በእንተ፡ ጽድቅ። ይቤ፡ አምላክ፡ እጽሕፍ፡ ሎቱ፡ ኵሎ፡ ሕፅነቶ፡ በ፲፻ምጽዋት። ይቤ፡ ሙሴ፡ ወለዘይሁብ፡ መብልዐ፡ ለቢጹ፡ ምንተ፡ ትሁቦ። ይቤ፡ አምላክ፡ ይከውን፡ ሎቱ፡ ዐስብ፡ ወጽድቅ፡ በመንግሥተ፡ ሰማያት። ይቤ፡ ሙሴ፡ ዘይዜሙ፡ ወይስርቅ፡ ወይገፍዕ፡ ወይነሥእ፡ በግፍዕ፡ እምሰብእ፡ ወኢይኔስሕ። ይቤ፡ አምላክ፡ ዘይሠርቅ፡ ወይገፍዕ፡ ወይነሥእ፡ እሰምብእ፡ በግፍዕ፡ ወኢይሁብ፡ ወኢያወፈ፡ ዘወሰደ፡ ወኢይኔስሕ፡ እስከ፡ እሰሪ፡ ሎቱ፡ ጌጋዮ፡ አነ፡ እኤዝዞመ (!) sic by Dorothea Reule፡ ለመላእክተ፡ መዐት፡ ይደዩ፡ ውስተ፡ እሰሪ፡ ሰናስሰ፡ እሳት፡ ወየዓአርዋ፡ ምስለ፡ ሰይጣናት፡ ውስተ፡ ሲኦል፡ ወይሣቅይዎ፡ በሥቃይ፡ መሪር፡ ዘእንበለ፡ ምሕረት፡ ወኢይምህክ፡ ወኵሉ፡ ዘይገፍዕ፡ ሰብእ፡ አነ፡ እገፍዖ፡ ወእግድፎ፡ ውስተ፡ ገሃነም፡ ኦሙሴ፡ አነ፡ ውእቱ፡ አምላክ፡ ወሊተ፡ ኃይል፡ ወሊተ፡ ጽንዕ፡ ወሊተ፡ ጽድቅ፡ አነ፡ አበጽሖ፡ ለዘይገብር፡ ከመዝ፡ ከመ፡ ጋጋ፡ እሳት፡ ውስተ፡ ክሳዱ፡ ወሰናስለ፡ እሉት፡ ውስተ፡ ጕርዔሁ። ይቤ፡ ሙሴ፡ ወዘይሠርቅ፡ እምድረ፡ ቢጹ፡ ስዝረ፡ ወነሥኦ፡ ወኄዶ፡ በግፍዕ፡ ምንተ፡ ትፈድዮ። ወይቤ፡ አምላክ፡ እሬሲ፡ ቦቱ፡ ጋጋ፡ እሳት፡ ወሰናስለ፡ እሳት፡ ውስተ፡ ክሳዱ፡ ኢይመይጥ፡ ለበዓለ፡ ርስት፡ እስከ፡ ያነከሩ፡ ኵሉ፡ ሰብእ። ይቤ፡ ሙሴ፡ ዘይሠርቅ፡ ወይቀትል። ይቤ፡ አምላክ፡ አመ፡ ኢይምህር፡ ቢጾ፡ አነኒ፡ ኢይምህሮ፡ ወኢይከውን፡ ሎቱ፡ ሠርየተ፡ ኃጢአት፡ እስከ፡ ለዓለም። ይቤ፡ ሙሴ፡ ወዘይጸልእ፡ አበዊሁ፡ ወኢይስምዕ፡ እምኔሆሙ፡ ወያነድድ፡ ልቦሙ። ይቤ፡ አምላክ፡ አነ፡ ኢይስምዕ፡ እምኔሁ፡ ሶበ፡ ይጼውዓኒ፡ ወእገድፎ፡ ውስተ፡ ሲኦል፡ ሶበኒ፡ አብርሃም፡ ፍቁርየ፡ አበ፡ አሕዛብ፡ ሰአለኒ፡ እም፡ አያድኃኖ፡ ወዘይሌቅሕ፡ ድርኅመ፡ ለሰብእ፡ ወኢይነሥእ፡ ርዴ፡ ወኢረባሐ፡ እዌስከ፡ ሀብተ፡ ውስተ፡ ሀብቱ፡ ወእሰሪ፡ ሎቱ፡ ጌጋዮ፡ ወእጽሕፍ፡ ስሞ፡ ውስተ፡ መጽሐፈ፡ ሕይወት፡ ምስለ፡ ሰማዕታት፡ ወቅዱሳን፡ ወዘይነሥእ፡ ርዴ፡ ላዕለ፡ ቢጹ፡ ይከውን፡ ቢጾ፡ ሊቃየል፡ ዞ (!) sic by Dorothea Reuleቀተሎ፡ ለአቤሊ፡ ውእቱ፡ ይነብር፡ ወስተ፡ ሲኦል፡ እስከ፡ ለዓለም። ይቤ፡ ሙሴ፡ ወዘይወዲ፡ ፍቅረ፡ ምስለ፡ ሰብእ፡ ምንተ፡ ትሁቦ። ይቤ፡ አምላክ፡ ይከውን፡ ፍቁረ፡ ወክቡረ፡ ወግሩመ። ወአኀድሮ፡ ውስተ፡ መንግሥትየ፡ ዘለዓለም። ይቤ፡ ሙሴ፡ ወዘይወዲ፡ ጸልዐ፡ ማእከለ፡ ሰብእ፡ ምንተ፡ ትፈድዮ። ይቤ፡ እግዚአብሔር፡ ዘይገብር፡ ከመዝ፡ ይከውን፡ ርኁቀ፡ እምኔየ፡ አነኒ፡ ርኀ (!) sic by Dorothea Reuleቅ፡ እምኔሁ፡ ወይከውን፡ ማኅደሩ፡ ውስተ፡ ሲኦል፡ ምስለ፡ ሰይጣን፡ ወአእምር፡ ኦሙሴ፡ ከመ፡ ኵሉ፡ ዘየኃፍር፡ ገብረ፡ እምአግብርትየ፡ ሊተ፡ የኃፍረኒ፡ ወዘያስተሐቅር፡ እምአግብርትየ፡ ሊተ፡ ያስተሐቅረኒ፡ ወትከውን፡ ኦሙሴ፡ ትኤዝዝ፡ ሕዝበከ፡ ወካህናተ፡ ለእጓለ፡ እመሕያው፡ ወእቤራት፡ ወምስኪናን፡ ከመ፡ ኢይግፍዕዎሙ፡ እስመ፡ መዓትየ፡ ወመቅሠፍትየ፡ ይወርድ፡ ላዕለ፡ እለ፡ ይገፍዕዎሙ፡ እስመ፡ ምስኪናን፡ ወእጓለ፡ ማውታ፡ ቅሩባን፡ ኀቤየ፡ ውስተ፡ እዝንየ፡ ወይበውእ፡ ዐውያቶሙ፡ ወኢይትኤገሥ፡ ዐውያቶሙ፡ ወተገፍትዖቶሙ፡ ወእመ፡ ኢይትመየጡ፡ እምግዝፈተ፡ ልቦሙ፡ ወውህደተ፡ ምሂኮቶሙ፡ ላዕሌሆሙ፡ አበጽሕ፡ መዓትየ፡ ላዕሌክሙ፡ ወአጠፍኦሙ፡ እምንዑስ፡ እስከ፡ ዓቢይ። ወእምድኅረ፡ ዝንቱ፡ ይቤሎ፡ እግዚአብሔር፡ ለደብር፡ ተለዓል፡ ወኮነ፡ ሰማየ፡ እምነ፡ ሙሴ፡ መጠነ፡ ቁመተ፡ ሰብእ፡ ወነጸረ፡ ኵሎ፡ ዓለመ፡ ከመ፡ ሐይመት፡ ወይቤሎ፡ አምላክ፡ ለሙሴ፡ ኦሙሴ፡ ሰአለኒ፡ ዘትፈቅድ፡ ወይቤ፡ ሙሴ፡ ቅሩብ፡ አንተ፡ እግዚኦ፡ ወእኮ፡ ርኁቅ፡ እስመ፡ በጸሕኩ፡ ኀቤከ። ወሶበ፡ ሰምዐ፡ እግዚአብሔር፡ እምነ፡ ሙሴ፡ ዘንተ፡ ነገረ፡ ይቤ፡ አነ፡ እትሌዓል፡ እምነ፡ ኵሉ። ወአነ፡ ታሕተ፡ ኵሉ፡ ወአልቦ፡ ምንትኒ፡ ታሑት፡ ወኢላዕል፡ እምኔየ፡ ወኵሉ፡ መካን፡ ትፈቅደኒ፡ ከመ፡ ትርከበኒ፡ ውስቴታ። ወይቤሎ፡ ሙሴ፡ ለእግዚአብሔር፡ ምንት፡ ውእቱ፡ መብልዕከ፡ ወምንት፡ ውእቱ፡ ስታይከ፡ ወምንት፡ ውእቱ፡ ልብስከ። ይቤ፡ እግዚአብሔር፡ መብልዕየሰ፡ ሊተ፡ አንብዐ፡ ሰብእ፡ ኃጥኣን፡ እመ፡ ነስሑ፡ ኀቤየ፡ ወስቴየኒ፡ ንስሐሆሙ፡ ዘይነስሑ፡ ላእለ፡ ዘይገብሩ፡ እምኃጢአት። ኦሙሴ፡ መብልዕየኒ፡ ወስቴየኒ፡ ስብሐተ፡ ክቡራን፡ መላእክት፡ ወንስሐ፡ እጓለ፡ እመሕያው። ይቤ፡ ሙሴ፡ እፎ፡ ሀሎከ፡ ወአይቴ፡ ኮንከ፡ እምቅድመ፡ ፍጥረተ፡ ሰማይ፡ ወምድር። ይቤ፡ እግዚአብሔር፡ ኮንኩ፡ ላዕለ፡ መንበር፡ ዘውእቱ፡ መንበረ፡ ኃይል። ወይቤ፡ ሙሴ፡ ወምንት፡ ኮነ፡ ሀልዎትከ፡ ላዕለ፡ መንበር፡ ወታሕተ፡ መንበር። ወአይቴ፡ ኮንከ፡ እምቅድመ፡ ዝንቱ፡ መንበር። ይቤ፡ አምላክ፡ ስቡሕ፡ ወልዑል፡ እስመ፡ ውእቱ፡ እሳት፡ ወይለህብ፡ እሳት፡ እምኔሁ፡ ወውእቱ፡ አክናፈ፡ ኪሩቤል፡ ፬ቱ፡ ፩በመልክአ፡ እጓለ፡ እመሕያው፡ ወ፩በአምሳለ፡ ንስር፡ ወ፩በአምሳለ፡ ላህም፡ ወ፩በአምሳለ፡ አንበሳ፡ ወአልቦ፡ ዘይትሌዓል፡ ኀበ፡ መንበር፡ ዘእንበለ፡ ፈጣሬ፡ ሰማያት፡ ወምድር፡ ወዝሰማይ፡ ፩እለ፡ ውስቴቱ፡ ከዋክብት፡ ወወርኅ፡ ወፀሐይ፡ ወለዝንቱ፡ ጠፈር፡ ሰማይ፡ ላዕሌሁ፡ ባሕር፡ ወማይ፡ ወለካልኡ፡ ሰማይ፡ ላዕሌሁ፡ ባሕረ፡ እሳት፡ ወለሣልስ፡ ሰማይ፡ ላዕሌሁ፡ መንበረ፡ ኃይል፡ ወለመንበር፡ ታሕቴሁ፡ [አ(?)]supplied by Lazarus Goldschmidtመላእክት፡ ፫፻፻፻አእላፍ፡ አፍ፡ ወለኵሉ፡ አፍ፡ ውስቴቱ፡ ፫፻፻፻አእላፍ፡ ልሳን፡ ወኵሉ፡ ልሳን፡ ይሴብሕ፡ በ፫፻፻፻አእላፍ፡ ልሳን፡ ይሴብሑ፡ ወያዓብዩ፡ ስምየ፡ ዓቢየ፡ ወአልቦ፡ ውስቴቶሙ፡ አሐዱ፡ ዘይመስል፡ ቢጾ፡ ወማእከለ፡ ፬ቱ፡ መላእክት፡ እለ፡ ይጸውሩ፡ መንበረ፡ ማእከለ፡ ፩ወ፩፴እምኪሩቤል፡ ወሱሬፌል፡ (!) sic by Lazarus Goldschmidt ወመላእክት፡ ክቡራን፡ እለ፡ አልቦሙ፡ ኍልቍ፡ ፻፻አእላፋት፡ ወትእልሬተ፡ አእላፋት፡ እሙንቱ፡ ይሴብሑ፡ ስምየ፡ ዘእንበለ፡ ፅርዐት፡ ወኢያረምሞ፡ ኦሙሴ፡ ኵሎ፡ ዘርኢከ፡ አነ፡ ፈጠርኩ፡ ዘበሰማያት፡ ወዘላዕለ፡ ምድር፡ ወዘአብሕርት፡ ወላዕለ፡ አድባር። ወይቤ፡ ሙሴ፡ እግዚኦ፡ ገጽከ፡ ለምሥራቅኑ፡ አው፡ በምዕራብ፡ አው፡ በሰሜን፡ አው፡ በደቡብ። ይቤ፡ እግዚአብሔር፡ ትፈቅድኑ፡ ታእምር፡ ኦሙሴ፡ አንድድ፡ እሳተ፡ ወነጽር፡ አይቴ፡ ይከውን፡ ገጹ፡ በኵሉ፡ መካን፡ ወበኵሉ፡ አጽናፍ። ይቤ፡ እግዚአብሔር፡ ከማሁ፡ አነ፡ በኵሉ፡ መካን፡ ወበኵሉ፡ ጽንፍ፡ ወአነ፡ እመልእ፡ ሰማያት፡ ወምድረ፡ ወአብሕርተ፡ ወአድባረ፡ ወአነ፡ እትሌዓል፡ እምአርያም፡ ወውስተ፡ ዕመቀ፡ ዕመቃት፡ ወላዕለ፡ ኵሉ፡ መትሕተ፡ ኵሉ፡ ወውስተ፡ ኵሉ፡ ወአፍአ፡ ኵሉ፡ ወአልቦ፡ መካን፡ ዕሩክ፡ እምኔየ፡ ወእንበለ፡ መካነ፡ ክሕደት፡ ወስሕተት፡ ወዐመፃ፡ ወመካን፡ ዘየኃድጉ፡ ባቲ፡ ሃይማኖተ፡ ዚአየ፡ ወይሰግዱ፡ ለአማልክት። ይቤ፡ ሙሴ፡ ትነውም፡ አው፡ አልቦ። ይቤ፡ እግዚአብሔር፡ ኦሙሴ፡ ኢይነውም፡ ለግሙራ፡ ንሣእ፡ በእዴከ፡ ጽዋዐ፡ ወነጸር፡ ወገብረ፡ ሙሴ፡ በከመ፡ አዘዞ፡ እግዚኡ፡ ወአውረደ፡ እግዚአብሔር፡ ንዋመ፡ ድቃስ፡ ላዕለ፡ ሙሴ፡ ወወድቀ፡ ጽዋዕ፡ ወተዘርወ፡ ወተክዕወ፡ ወዕበ፡ ነቅሐ፡ ሙሴ፡ እምንዋሙ፡ ወውእቱ፡ ድንዙዝ፡ ይቤ፡ አምላክ፡ ኦሙሴ፡ ጽንዕየ፡ ወኃይልየ፡ ወክብርየ፡ ሶበሰ፡ ኖምኩ፡ ሰማይ፡ ወምድር፡ እምወድቁ፡ በከመ፡ ወድቀ፡ ጽዋዕ፡ እምእዴከ። ይቤ፡ ሙሴ፡ እክልነ፡ ከመ፡ እርአይከ፡ በእዕይንትኩ። ይቤ፡ አምላክ፡ ኦሙሴ፡ አላ፡ ሀሎኩ፡ ከመ፡ አርኢከ፡ አመ፡ ትነግር፡ ለደቂቀ፡ እስራኤል፡ እስመ፡ ርኢኩ፡ እግዚአብሔር፡ እኩን፡ ኀቤሆሙ፡ እሙነ። ድ (!) sic by Dorothea Reuleቤ፡ አምላክ፡ ጸሊ፡ ኦሙሴ፡ ከመ፡ ትርአየኒ። ወሶቤሃ፡ ጸለየ፡ ሙሴ፡ ቅድመ፡ እግዚአብሔር፡ ወሰገደ፡ ፲ወ፪ተ፡ ስግደታተ፡ ወነጸረ፡ ኀበ፡ ሰማይ፡ አመ፡ ወድአ፡ ትከሥተ፡ እምኔሃ፡ ኀዳጥ፡ መጠነ፡ ስቍረተ፡ መርፍዕ፡ በኃይል፡ አምላካዊት፡ ወወድቀ፡ በገጹ፡ ወጸለለ፡ አዕይንቲሁ፡ ወኢክህለ፡ ይነጽር፡ ኀበ፡ ግርማ፡ ፈጣረሁ፡ ወዕበየ፡ ኃይሉ፡ ወሶበ፡ ነቅሐ፡ ሙሴ፡ እምድቀቱ፡ ወነጸረ፡ ግብረ፡ ዘኢርእዮ፡ ካልእ፡ ይቤ፡ ሙሴ፡ ጽንዐከ፡ እግዚኦ፡ ወዕበየከ፡ ኢይክል፡ ፩ሂ፡ ይርአይ፡ ወይነጽር፡ ኃይለከ፡ ወዕበየከ፡ ወኢጠባይዐ፡ ባሕርይከ፡ ዘእንበለ፡ ንጹሕ፡ ልብ፡ ይሬኢ፡ ፀዳለ፡ ስብሐተ፡ ስምከ። ወደኅረ፡ ዝንቱ፡ አዘዘ፡ እግዚአብሔር፡ ከመ፡ ይረድ፡ እምላዕለ፡ ደብር፡ ወይሑር፡ ኀበ፡ ደቂቀ፡ እስራኤል፡ ወይነግሮሙ፡ ዘከመ፡ ርእየ፡ ወሰምዐ፡ [እም(?)]supplied by Lazarus Goldschmidtእግዚአብሔር፡ ስቡሕ፡ ወልዑል። ወአዘዞሙ፡ በኵሉ፡ ዘአዘዘ፡ እግዚአብሔር፡ ዘሎቱ፡ ስብሐት፡ ወክብር፡ ወዕበይ፡ ወሰጊድ፡ ይእዜኒ፡ ወዘልፈኒ፡ ለዓለመ፡ ዓለም፡ አሜን። መልአ፡ ወተፈጸመ፡ ነገረ፡ [ሙሴ፡(?)]supplied by Lazarus Goldschmidt ነቢይ፡ ዘተነገሮ፡ እግዚአብሔር፡ በደብረ፡ ሲና፡ ወምጦ፡ ለዝንቱ፡ መጽሐፈ፡ ሙሴ፡ አቡነ፡ role: title ክርስተዶሉ፡ እም[ል(?)]supplied by Lazarus Goldschmidtሳነ፡ ዓረቢ፡ በግዕዝ። ወተጽሕፈ፡ እምፍጥረተ፡ ዓለም፡ በ፸፻ወ፪፻፵ወ፯ዓመተ፡ ዓለም፡ ሣሀሉ፡ ወምሕረቱ፡ የሀሉ፡ ምስለ፡ ገብሩ፡ መርዶክዮስ ። ለዓለመ፡ ዓለም፡ አሜን፡