Kings 2 = (Ethiopic) Book of Kings 4

http://www.sacred-texts.com/bib/poly/kg2001.htm 1↗     ¹ ወእምድኅረ ፡ ሞተ ፡ አካአብ ፡ አፅረሩ ፡ ሞአብ ።
² ወደወየ ፡ አካዝያስ ፡ ወሰከበ ፡ ውስተ ፡ ጽርሑ ፡ በሰማርያ ፡ ወለአከ ፡ ሐዋርያተ ፡ ወይቤሎሙ ፡ ሑሩ ፡ ተሰአሉ ፡ ሊተ ፡ ኀበ ፡ በዓለ ፡ ጽንጽንያ ፡ አምላከ ፡ አቃሮን ፡ ለእመ ፡ አሐዩ ፡ እምዛቲ ፡ ደዌ ፡ ወሖሩ ፡ ይስአሉ ፡ ሎቱ ።
³ ወጸውዖ ፡ መልአከ ፡ እግዚአብሔር ፡ ለኤልያስ ፡ ትስብያዊ ፡ ወይቤሎ ፡ ተንሥእ ፡ ሖር ፡ ተቀበሎሙ ፡ ለሐዋርያቲሁ ፡ ለንጉሠ ፡ ሰማርያ ፡ ወበሎሙ ፡ ኢሀሎኑአ ፡ አምላከ ፡ እስራኤልአ ፡ ከመአ ፡ ትሖሩአ ፡ አንትሙ ፡ ትስአሉ ፡ ኀበ ፡ በዓለ ፡ ጽንጽንያ ፡ አምላከ ፡ አቃሮን ፤ አኮኬ ፡ ከማሁ ።
⁴ ከመዝ ፡ ይቤ ፡ እግዚአብሔር ፡ ምስካብከ ፡ ዘውስቴቱ ፡ ሰከብከ ፡ ወኢትትነሣእ ፡ እምውስቴቱ ፡ በህየአ ፡ ሞተአ ፡ ትመውትአ ፡ ወሖረ ፡ ኤልያስ ፡ ወይቤሎሙ ፡ ከማሁ ።
⁵ ወተመይጡ ፡ እሙንቱ ፡ ሐዋርያቲሁ ፡ ኀቤሁ ፡ ወይቤሎሙ ፡ ምንተ ፡ አግብአክሙ ።
⁶ ወይቤልዎ ፡ ተቅበለነ ፡ ፩በእሲ ፡ ወይቤለነ ፡ ሖሩ ፡ ግብኡ ፡ ኀበ ፡ ንጉሥ ፡ ዘፈነወክሙ ፡ ወበልዎ ፡ ከመዝአ ፡ ይቤአ ፡ እግዚአብሔርአ ፡ ኢሀሎኑአ ፡ አምላከ ፡ እስራኤል ፡ ከመ ፡ ትሖር ፡ ኀበ ፡ በዓለ ፡ ጽንጽንያ ፡ አምላከ ፡ አቃሮን ፡ ትስአል ፡ አኮኬ ፡ ከማሁ ፤ ምስካብከ ፡ ዘውስቴቱ ፡ ሰከብከ ፡ ኢትትነሣአ ፡ እምኔሁአ ፤ ሞተአ ፡ ትመውትአ ።
⁷ ወይቤሎሙ ፡ ምንተ ፡ ይመስል ፡ ብእሲሁ ፡ ዘተቀበለክሙ ፡ ወዘንተ ፡ ነገረ ፡ ዘነገረክሙ ።
⁸ ወይቤልዎ ፡ ጸጓር ፡ ብእሲሁ ፡ ወቅናት ፡ ዘአዲም ፡ ውስተ ፡ ሐቌሁ ፡ ወይቤሎሙ ፡ ኤልያስ ፡ ትስብያዊ ፡ ውእቱ ።
⁹ ወለአከ ፡ ኀቤሁ ፡ ይጸውዕዎ ፡ ፶ብእሴ ፡ ምስለ ፡ መስፍኖሙ ፡ ወሖሩ ፡ ኀቤሁ ፡ ወረከብዎ ፡ ይነብር ፡ ውስተ ፡ ርእሰ ፡ ደብር ፡ ወይቤሎ ፡ ዝክቱ ፡ መስፍኖሙ ፡ ብእሴ ፡ እግዚአብሔር ፡ ንጉሥ ፡ ይጺውዐከ ፡ ረድ ።
¹⁰ ወአውሥኦ ፡ ኤልያስ ፡ ለውእቱ ፡ መስፍኖሙ ፡ ወይቤሎ ፡ ለእመ ፡ ብእሴ ፡ እግዚአብሔርኑ ፡ አነ ፡ ለትረድ ፡ እሳት ፡ እምሰማይ ፡ ወትብላዕከ ፡ ለከ ፡ ወለ፶እለ ፡ ምስሌከ ፡ ወወረደት ፡ እሳት ፡ እምሰማይ ፡ ወበልዐቶሙ ፡ ሎቱ ፡ ወለ፶እለ ፡ ምስሌሁ ።
¹¹ ወደገመ ፡ ንጉሥ ፡ ፈንዎ ፡ ፶ብእሴ ፡ ምስለ ፡ መስፍኖሙ ፡ ወጸውዖ ፡ መስፍኖሙ ፡ ወይቤሎ ፡ ብእሴ ፡ እግዚአብሔር ፡ ይጼውዐከ ፡ ንጉሥ ፤ ፍጡነ ፡ ረድ ።
¹² ወአውሥአ ፡ ኤልያስ ፡ ወይቤሎ ፡ እመሰ ፡ ብእሴ ፡ እግዚአብሔር ፡ አነ ፡ ትረድ ፡ እሳት ፡ እምሰማይ ፡ ወትብላዕክሙ ፡ ለከ ፡ ወለ፶እለ ፡ ምስሌከ ፡ ወወረደት ፡ እሳት ፡ እምሰማይ ፡ ወበልዐቶ ፡ ሎቱ ፡ ወለ፶ ፡ እለ ፡ ምስሌሁ ።
¹³ ወሠለስ ፡ ዓዲ ፡ ንጉሥ ፡ ፈንዎ ፡ ፶ብእሴ ፡ ምስለ ፡ መስፍኖሙ ፡ ወሖረ ፡ ኀቤሁ ፡ ዝኩ ፡ መስፍኖሙ ፡ ሣልስ ፡ ወእስተብረከ ፡ በብረኪሁ ፡ ቅድሜሁ ፡ ለኤልያስ ፡ ወይቤሎ ፡ ብእሴ ፡ እግዚአብሔር ፡ ገነይኩ ፡ ለከ ፡ ትክበር ፡ ነፍስየ ፡ ወነፍሶሙ ፡ ለአግብርቲከ ፡ በቅድመ ፡ አዕይንቲከ ፤
¹⁴ ናሁ ፡ ወረደ ፡ እሳት ፡ እምሰማይ ፡ ወበልዐቶሙ ፡ ለእልክቱ ፡ ፪መሳፍንት ፡ ቀደምት ፡ ወለሰብኦሙ ፡ በበ፶ወይእዜኒ ፡ ትክበር ፡ ነፍስየ ፡ በቀድመ ፡ አዕይነቲከ ።
¹⁵ ወነበቦ ፡ መልእከ ፡ እግዚአብሔር ፡ ለኤልያስ ፡ ወይቤሎ ፡ ረድ ፡ ምስሌሁ ፡ ወኢትፍራህ ፡ እምቅድመ ፡ ገጾሙ ፡ ወተንሥአ ፡ ኤልያስ ፡ ወወረደ ፡ ምስሌሁ ፡ ወሖረ ፡ ኀበ ፡ ንጉሥ ።
¹⁶ ወተናገሮ ፡ ወይቤሎ ፡ ኤልያስ ፡ ከመዝ ፡ ይቤ ፡ እግዚአብሔር ፡ በእፎአ ፡ ከመአ ፡ ለአከ ፡ ኀበ ፡ በዓለ ፡ ጽንጽንያ ፡ አምላከ ፡ አቃሮን ፤ አኮኬ ፡ ከማሁ ፤ እምስካብከ ፡ ዘውስቴቱ ፡ ሰከብከ ፡ ኢትትነሣእ ፡ እምኔሁ ፡ እስመአ ፡ ሞተአ ፡ ትመውትአ ።
¹⁷ ወሞተ ፡ በቃለ ፡ እግዚአብሔር ፡ ዘይቤሎ ፡ ኤልያስ ።
¹⁸ ወኵሉ ፡ ነገሩ ፡ ለእካዝያስ ፡ ወኵሉ ፡ ዘገብረ ፡ ናሁ ፡ ዝንቱ ፡ ውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ መዋዕሊሆሙ ፡ ለነገሥተ ፡ እስራኤል ።
¹⁹ ወኢዮራም ፡ ወልደ ፡ አካአብ ፡ ነግሠ ፡ ለእስራኤል ፡ በሰማርያ ፡ ፲ወ፪ዓመተ ፡ አመ ፡ ፲ወ፰ዓመተ ፡ መንግሥቱ ፡ ለዮሳፍጥ ፡ ንጉሠ ፡ ይሁዳ ፡ ወገብረ ፡ እኩየ ፡ ቅድመ ፡ እግዚአብሔር ፡ ወባሕቱ ፡ አኮ ፡ ከመ ፡ እኀዊሁ ፡ ወአኮ ፡ ከመ ፡ እሙ ፡ ወአሰሰለ ፡ አምሳሊሁ ፡ ለበዓል ፡ ዘገብረ ፡ አቡሁ ፡ [ወ]ሰበሮሙ ፡ ወባሕቱ ፡ ተለወ ፡ ኀጢአተ ፡ ቤቱ ፡ ለኢዮርብዓም ፡ ዘአስሐቶሙ ፡ ለእስራኤል ፡ ወኢኀደገ ፡ ኪያሁ ፡ ወተምዕዐ ፡ መዐተ ፡ እግዚአብሔር ፡ ላዕለ ፡ ቤተ ፡ አካአብ ።

http://www.sacred-texts.com/bib/poly/kg2002.htm 2↗     ¹ ወእምዝ ፡ አመ ፡ ያዐርጎ ፡ እግዚአብሔር ፡ ለኤልያስ ፡ ውስተ ፡ ሰማይ ፡ ሖሩ ፡ ኤልያስ ፡ ወኤልሳዕ ፡ እምነ ፡ ኢያሪኮ ።
² ወይቤሎ ፡ ኤልያስ ፡ ለኤልሳዕ ፡ ንበር ፡ ዝየ ፡ እስመ ፡ ለአከኒ ፡ እግዚአብሔር ፡ እስከ ፡ ቤቴል ፡ ወይቤሎ ፡ ኤልሳዕ ፡ ለኤልያስ ፡ ሕያው ፡ እግዚአብሔር ፡ ወሕያው ፡ ነፍስከ ፡ ከመ ፡ ኢየኀድገከ ፡ ወበጽሐ ፡ ቤቴል ።
³ ወመጽኡ ፡ ደቂቀ ፡ ነቢያት ፡ እለ ፡ ውስተ ፡ ቤቴል ፡ ኀቤሁ ፡ ወይቤልዎ ፡ ለኤልሳዕ ፡ ሶበ ፡ ታአምርኑ ፡ ከመ ፡ ዮም ፡ ይነሥኦ ፡ እግዚአብሔር ፡ ለእግዚእከ ፡ እመልዕልተ ፡ ርእስከ ፡ ወይቤሎሙ ፡ አንሰ ፡ አእመርኩ ፡ አርምሙ ።
⁴ ወይቤሎ ፡ ኤልያስ ፡ ለኤልሳዕ ፡ ንበር ፡ ዝየ ፡ እስመ ፡ እግዚአብሔር ፡ ለአከኒ ፡ ኢያሪኮ ፡ ወይቤሎ ፡ ኤልሳዕ ፡ ሕያው ፡ እግዚአብሔር ፡ ወሕያው ፡ ነፍስከ ፡ ከመ ፡ ኢየኀድገከ ፤ ወበጽሑ ፡ ኢያሪኮ ።
⁵ ወመጽኡ ፡ ደቂቀ ፡ ነቢያት ፡ እለ ፡ ውስተ ፡ ኢያሪኮ ፡ ኀበ ፡ ኤልሳዕ ፡ ወይቤልዎ ፡ ሶበ ፡ ታአምርኑ ፡ ከመ ፡ ዮም ፡ ይነሥኦ ፡ እግዚአብሔር ፡ ለእግዚእከ ፡ እመልዕልተ ፡ ርእስከ ፡ ወይቤሎሙ ፡ አእመርኩ ፡ እርምሙ ።
⁶ ወይቤሎ ፡ ኤልያስ ፡ ለኤልሳዕ ፡ ንበር ፡ ዝየ ፡ እስመ ፡ እግዚአብሔር ፡ ለአከኒ ፡ መንገለ ፡ ዮርዳኖስ ፡ ወይቤሎ ፡ ኤልሳዕ ፡ ሕያው ፡ እግዚአብሔር ፡ ወሕያው ፡ ነፍስከ ፡ ከመ ፡ ኢየኀድገከ ፡ ወሖሩ ፡ ክልኤሆሙ ።
⁷ ወ፶ዕደው ፡ እምነ ፡ ደቂቀ ፡ ነቢያት ፡ ምስሌሆሙ ፡ ወቆሙ ፡ [እልክቱ] እምርሑቅ ፡ አንጻሮሙ ፡ ወእሙንቱሰ ፡ ቆሙ ፡ ክልኤሆሙ ፡ ኀበ ፡ ዮርዳኖስ ።
⁸ ወነሥአ ፡ ኤልያስ ፡ ሐሜላቶ ፡ ወጦማ ፡ ወዘበጣ ፡ ለማየ ፡ ዮርዳኖስ ፡ ወቆመ ፡ ማይ ፡ እምለፌኒ ፡ ወእምለፌኒ ፡ ወኀለፉ ፡ ክልኤሆሙ ፡ ወቆሙ ፡ በድወ ፡ ወጺኦሙ ።
⁹ ወእምዝ ፡ ሶበ ፡ ኀለፉ ፡ ክልኤሆሙ ፡ ይቤሎ ፡ ኤልያስ ፡ ለኤልሳዕ ፡ ሰአለኒ ፡ ዘትፈቅድ ፡ እግበር ፡ ለከ ፡ ዘእንበለ ፡ እዕርግ ፡ እምኀቤከ ፡ ወይቤሎ ፡ ኤልሳዕ ፡ ለኤልያስ ፡ ለይኩን ፡ ከዕበተ ፡ ላዕሌየ ፡ መንፈስ ፡ ቅዱስ ፡ ዘዲቤከ ።
¹⁰ ወይቤሎ ፡ ኤልያስ ፡ ዕጹበ ፡ ሰአልከ ፡ ወባሕቱ ፡ ለእመ ፡ ርኢከኒ ፡ እንዘ ፡ አዐርግ ፡ እምኀቤከ ፡ ለይኩንከ ፡ ከማሁ ፡ ወእመሰ ፡ ኢርኢከኒ ፡ ኢይኩንከ ።
¹¹ ወእንዘ ፡ የሐውሩ ፡ ክልኤሆሙ ፡ ወይትናገሩ ፡ መጽአ ፡ ሰረገላ ፡ ዘእሳት ፡ ወአፍራስ ፡ ዘእሳት ፡ ወቦአ ፡ ማእከለ ፡ ክልኤሆሙ ፡ ወአስተራሐቆሙ ፡ ወዐርገ ፡ ኤልያስ ፡ ከመ ፡ ዘበድልቅልቅ ፡ ወከመ ፡ ዘውስተ ፡ ሰማይ ።
¹² ወርእዮ ፡ ኤልሳዕ ፡ ወይቤሎ ፡ አባ ፡ አባ ፡ ኀይሎሙ ፡ ለእስራኤል ፡ ወጽንዖሙ ፡ ወእምዝ ፡ ኢርእዮ ፡ እንከ ፡ ዳግመ ፡ ወሠጠጠ ፡ አልባሲሁ ፡ ወረሰዮሙ ፡ ለ፪ ።
¹³ ወአውረደ ፡ ሎቱ ፡ ኤልያስ ፡ ሐሜላቶ ፡ ወወረደ ፡ ላዕለ ፡ ርእሱ ፡ ለኤልሳዕ ፡ ወገብአ ፡ ኤልሳዕ ፡ ወቆመ ፡ ኀበ ፡ ድንጋገ ፡ ማየ ፡ ዮርዳኖስ ።
¹⁴ ወነሥአ ፡ ሐሜላቶ ፡ ለኤልያስ ፡ እንተ ፡ ወረደት ፡ መልዕልተ ፡ ርእሱ ፡ ወዘበጠ ፡ ማየ ፡ ባቲ ፡ ወአበየ ፡ ተግሕሦ ፡ ወይቤ ፡ አይቴ ፡ ውእቱ ፡ አምላከ ፡ ኤልያስ ፡ ወእፎ ፡ ወእምዝ ፡ ዘበጦ ፡ ለማይ ፡ ወተግሕሠ ፡ ወቆመ ፡ እንተ ፡ ለፌኒ ፡ ወእንተ ፡ ለፌኒ ፡ ወኀለፈ ፡ ኤልሳዕ ።
¹⁵ ወርእይዎ ፡ ደቂቀ ፡ ነቢያት ፡ እለ ፡ ውስተ ፡ ኢያሪኮ ፡ እንዘ ፡ ይመጽእ ፡ ቅድሜሆሙ ፡ ወይቤሉ ፡ ገብአ ፡ መንፈስ ፡ ቅዱስ ፡ ዘላዕለ ፡ ኤልያስ ፡ [ዲበ ፡] ኤልሳዕ ፡ ወተቀበልዎ ፡ ወሰገዱ ፡ ሎቱ ፡ ውስተ ፡ ምድር ።
¹⁶ ወይቤልዎ ፡ ናሁ ፡ ሀለዉ ፡ ዝየ ፡ ምስለ ፡ አግብርቲከ ፡ ፶ዕደው ፡ ደቂቀ ፡ ኀይል ፡ ይሖሩ ፡ ይኅሥሥዎ ፡ ለእግዚእከ ፡ ዮጊ ፡ ረከቦ ፡ መንፈሰ ፡ እግዚአብሔር ፡ ወአውረዶ ፡ ውስተ ፡ ዮርዳኖስ ፡ ወእመ ፡ አኮ ፡ ውስተ ፡ ፩እምነ ፡ አድባር ፡ ወእመ ፡ አኮ ፡ ውስተ ፡ ፩እምነ ፡ አውግር ፡ ወይቤሎሙ ፡ ኤልሳዕ ፡ ኢትፈንዉ ።
¹⁷ ወአገበርዎ ፡ እስከ ፡ ኀፈሮሙ ፡ ወፈነዉ ፡ ፶ዕደወ ፡ ወኀሠሥዎ ፡ ሠሉሰ ፡ መዋዕለ ፡ ወኢረከብዎ ።
¹⁸ ወኤልሳዕሰ ፡ ሀለወ ፡ ኢያሪኮ ፡ ይነብር ፡ ወይቤሎሙ ፡ ኤልሳዕ ፡ ኢይቤለክሙኑ ፡ ኢትፈንዉ ፡ ወኢትሖሩ ።
¹⁹ ወይቤልዎ ፡ ለኤልሳዕ ፡ ሰብአ ፡ ይእቲ ፡ ሀገር ፡ ናሁ ፡ ንብረታ ፡ ለዛቲ ፡ ሀገር ፡ ሠናይ ፡ በከመ ፡ ይሬኢ ፡ እግዚአብሔር ፡ ወማየ ፡ ብሔሩሰ ፡ እኩይ ፡ ወአንስትኒ ፡ ይመክና ።
²⁰ ወይቤሎሙ ፡ ኤልሳዕ ፡ እምጽኡ ፡ ሊተ ፡ መሳብከ ፡ ሐዲሰ ፡ ወደዩ ፡ ውስቴቱ ፡ ፄወ ፡ ወአምጽኡ ፡ ሎቱ ።
²¹ ወሖረ ፡ ኤልሳዕ ፡ ኀበ ፡ ነቀዐ ፡ ማይ ፡ ወሶጠ ፡ ውስቴቱ ፡ ዝኩ ፡ ፄወ ፡ ወይቤ ፡ ከመዝ ፡ ይቤ ፡ እግዚአብሔር ፡ ፈወስክዎአ ፡ ለዝአ ፡ ማይአ ፡ ከመአ ፡ አልቦአ ፡ ዘይመውትአ ፡ እምኔሁአ ፡ ወአልቦአ ፡ ዘይመክንአ ፡ እምኔሁአ ።
²² ወእምይእቲ ፡ አሚረ ፡ ተፈወስ ፡ ውእቱ ፡ ማይ ፡ እስከ ፡ ዮም ፡ በከመ ፡ ነበበ ፡ ኤልሳዕ ።
²³ ወዐርገ ፡ እምህየ ፡ ውስተ ፡ ቤቴል ፡ ወእንዘ ፡ የዕርግ ፡ በፍኖት ፡ ረከበ ፡ ደቀ ፡ ንኡሳነ ፡ እንዘ ፡ ይወጽኡ ፡ እምሀገር ፡ ወአኀዙ ፡ ይሳለቁ ፡ ላዕሌሁ ፡ ወይቤልዎ ፡ ዕርግ ፡ ዕርግ ፡ በራሕ ።
²⁴ ወሶበ ፡ ተመይጠ ፡ ድኅሬሁ ፡ ወርእዮ[ሙ] ፡ ረገሞሙ ፡ በስመ ፡ እግዚአብሔር ፡ ወእምዝ ፡ መጽኡ ፡ ፪ድብ ፡ እምገዳም ፡ ወቀተሉ ፡ እምውስቴቶሙ ፡ ፵ወ፪ደቀ ።
²⁵ ወእምህየ ፡ ሖረ ፡ ደብረ ፡ ቀርሜሎስ ፡ ወእምህየ ፡ ገብአ ፡ ሰማርያ ።

http://www.sacred-texts.com/bib/poly/kg2003.htm 3↗     ¹ ወኢዮራም ፡ ወልደ ፡ አካአብ ፡ ነግሠ ፡ ላዕለ ፡ እስራኤል ፡ አመ ፡ ፲ወ፰ዓመተ ፡ መንግሥቱ ፡ ለኢዮሳፍጥ ፡ ንጉሠ ፡ ይሁዳ ፡ ወነግሠ ፡ ፲ወ፪ዓመተ ።
² ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወባሕቱ ፡ አኮ ፡ ከመ ፡ አቡሁ ፡ ወአኮ ፡ ከመ ፡ እሙ ፡ ወእሰሰለ ፡ አምሳሊሁ ፡ ለበዓል ፡ ዘገብረ ፡ አቡሁ ።
³ ዳእሙ ፡ ተለወ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ፡ ወኪያሁሰ ፡ ኢኀደገ ።
⁴ ወሞ[ሳ] ፡ ንጉሠ ፡ ሞአብ ፡ ሀገረ ፡ ሜኖቅት ፡ ወሀቦ ፡ ፲፼አባግዐ ፡ ፀምር ፡ ወ፲፼ሐራጊተ ፡ ጠሊ ።
⁵ ወእምዝ ፡ እምድኅረ ፡ ሞተ ፡ አካአብ ፡ ወዐለውዎ ፡ ሞአብ ፡ ለንጉሠ ፡ እስራኤል ።
⁶ ወወፅአ ፡ ኢዮራም ፡ ንጉሥ ፡ ውእተ ፡ አሚረ ፡ እምነ ፡ ሰማርያ ፡ ወአንሥኦሙ ፡ ለእስራኤል ።
⁷ ወሖረ ፡ ወለአከ ፡ ኀበ ፡ ዮሳፍጥ ፡ ንጉሠ ፡ ይሁዳ ፡ እንዘ ፡ ይብል ፡ ንጉሠ ፡ ሞአብ ፡ ዐለወኒአ ፡ ትመጽእኑአ ፡ ምስሌየ ፡ ንጽብኦሙ ፡ ለሞአብአ ፤ ወይቤሎ ፡ ኦሆአ ፡ አዐርግአ ፡ ምስሌከአ ፤ አነኒአ ፡ ከማከአ ፡ ወአንተኒአ ፡ ከማየ ፤ ሕዝብየኒአ ፡ ከመ ፡ ሕዝብከአ ፡ ወአፍራስየኒአ ፡ ከመ ፡ አፍራሲከአ ።
⁸ ወይቤሎ ፡ እንተ ፡ አይ ፡ ፍኖትአ ፡ ነዐርግአ ፡ ወይቤሎ ፡ እንተ ፡ ፍኖተ ፡ በድውአ ፡ ዘኤዶምአ ።
⁹ ወሖሩ ፡ ንጉሠ ፡ እስራኤል ፡ ወንጉሠ ፡ ይሁዳ ፡ ወንጉሠ ፡ ኤዶም ፡ ወዖዱ ፡ ሰቡዐ ፡ መዋዕለ ፡ እንዘ ፡ የሐውሩ ፡ ወኀጥኡ ፡ ማየ ፡ ለትዕይንት ፡ ወለእንስሳሆሙ ፡ ዘይጼዐኑ ።
¹⁰ ወይቤ ፡ ንጉሠ ፡ እስራኤል ፡ አሌ ፡ ለነ ፡ አምጽአነኑ ፡ እግዚአብሔር ፡ ለ፫ነገሥት ፡ ያግብአነ ፡ ውስተ ፡ እዴሆሙ ፡ ለሞአብ ።
¹¹ ወይቤ ፡ ዮሳፍጥ ፡ አልቦኑ ፡ ዝየ ፡ ነቢየ ፡ እግዚአብሔር ፡ ወንስአል ፡ ቃለ ፡ እግዚአብሔር ፡ በኀቤሁ ፡ ወአውሥአ ፡ ፩እምውስተ ፡ ደቁ ፡ ለንጉሠ ፡ እስራኤል ፡ ወይቤ ፡ ሀለወ ፡ ዝየ ፡ ኤልሳዕ ፡ ወልደ ፡ ሳፋጥ ፡ ኀሃቤ ፡ እዴሁ ፡ ለኤልያስ ።
¹² ወይቤ ፡ ዮሳፍጥ ፡ ቦኑ ፡ ቃለ ፡ እግዚአብሔር ፡ ላዕሌሁ ፡ ወወረዱ ፡ ኀቤሁ ፡ ንጉሠ ፡ እስራኤል ፡ ወዮሳፍጥ ፡ ንጉሠ ፡ ይሁዳ ፡ ወንጉሠ ፡ ኤዶም ።
¹³ ወይቤ ፡ ኤልሳዕ ፡ ለንጉሠ ፡ እስራኤል ፡ ምንተ ፡ ብየ ፡ ምስሌከ ፤ሖር ፡ ኀበ ፡ ነቢያቲሁ ፡ ለአቡከ ፡ ወይቤ ፡ ንጉሠ ፡ እስራኤል ፡ አምጽአነኑ ፡ እግዚአብሔር ፡ ለ፫ነገሥት ፡ ከመ ፡ ያግብአነ ፡ ውስተ ፡ እዴሆሙ ፡ ለሞአብ ።
¹⁴ ወይቤሎሙ ፡ ኤልሳዕ ፡ ሕያው ፡ እግዚአብሔር ፡ አምላከ ፡ ኀይል ፡ ዘቆምኩ ፡ ቅድሜሁ ፡ ሶበ ፡ አኮ ፡ ገጸ ፡ ዮሳፍጥ ፡ ንጉሠ ፡ ይሁዳ ፡ ዘኀፈርኩ ፡ እምኢነጸርኩ ።
¹⁵ ወይእዜኒ ፡ አምጽኡ ፡ ሊተ ፡ ዘይዜምር ፡ ወእምዝ ፡ ሶበ ፡ ዘመረ ፡ ዘይዜምር ፡ መጽአ ፡ እደ ፡ እግዚአብሔር ፡ ላዕሌሁ ።
¹⁶ ወይቤ ፡ ከመዝ ፡ ይቤ ፡ እግዚአብሔር ፡ ግበሩአ ፡ ዐዘቃተ ፡ ውስተ ፡ ዝንቱአ ፡ ፈለግአ ።
¹⁷ እስመ ፡ ከመዝአ ፡ ይቤአ ፡ እግዚአብሔርአ ፡ እንዘ ፡ ኢትሬእዩአ ፡ ነፋሰአ ፡ ወኢትሬእዩአ ፡ ዝናመአ ፡ ወይመልእአ ፡ ዝአ ፡ ፈለግአ ፡ ወትሰትዩአ ፡ አንትሙአ ፡ ወጥሪትክሙአ ፡ ወእንስሳክሙአ ።
¹⁸ እስመአ ፡ ቀሊል ፡ ውእቱ ፡ በቅድመ ፡ አዕይንቲሁ ፡ ለእግዚአብሔር ፤ ወኣገብኦሙ ፡ ለሞአብ ፡ ውስተ ፡ እዴክሙ ።
¹⁹ ወቅትሉ ፡ ኵሎ ፡ አህጉሪሆሙ ፡ ዐበይተ ፡ ወኵሎ ፡ ዕፀዊሆሙ ፡ ዘሠናይ ፡ ግዝሙ ፡ ወኵሎ ፡ አንቅዕተ ፡ ማያቲሆሙ ፡ ድፍኑ ፡ ወኵሎአ ፡ ንዋዮሙአ ፡ ሠናየ ፡ ስብሩአ ፡ በእብንአ ።
²⁰ ወሶበ ፡ ጸብሐ ፡ ብሔር ፡ ጊዜ ፡ ይሠውዑ ፡ መሥዋዕተ ፡ ወመጽአ ፡ ማይ ፡ እምፍኖተ ፡ ኤዶም ፡ ወመልአ ፡ ኵሎ ፡ ውእተ ፡ ምድረ ፡ ማይ ።
²¹ ወሶበ ፡ ሰምዑ ፡ ሞአብ ፡ ኵሎሙ ፡ ከመ ፡ ዐርጉ ፡ እልክቱ ፡ ነገሥት ፡ ይጽብእዎሙ ፡ አንሥኡ ፡ ዐውያተ ፡ ውስተ ፡ ኵሉ ፡ በሓውርቲሆሙ ፡ እንዘ ፡ ይብሉ ፡ ርድኡአ ፡ ኵልክሙአ ፡ በንዋየ ፡ ሐቅልክሙአ ፡ ወተጋብኡ ፡ ወቆሙ ፡ ውስተ ፡ ርእሰ ፡ ደብር ።
²² ወጌሱ ፡ በጽባሕ ፡ ወሶበ ፡ ሠረቀ ፡ ፀሓይ ፡ ዲበ ፡ ውእቱ ፡ ማይ ፡ ወርእዩ ፡ ሞአብ ፡ ቅድሜሆሙ ፡ ቄሐ ፡ ከመ ፡ ደም ፡ ውእቱ ፡ ማይ ።
²³ ወይቤሎ ፡ ተቃተሉ ፡ እሉ ፡ ነገሥት ፡ በበይናቲሆሙ ፤ ደመ ፡ ኲናት ፡ ውእቱ ፡ ዝንቱ ፤ ወቀተሉ ፡ ቢጾሙ ፡ ወይእዜኒ ፡ ሀቡነ ፡ ንረድ ፡ ንበርብሮሙ ።
²⁴ ወቦኡ ፡ ትዕይንቶሙ ፡ ለእስራኤል ፡ ወተንሥኡ ፡ እስራኤል ፡ ወቀተልዎሙ ፡ ለሞአብ ፡ ወጐዩ ፡ ሞአብ ፡ እምቅድመ ፡ ገጸሙ ፡ ለእስራኤል ፡ ወቦኡ ፡ ወእንዘ ፡ ይበውኡ ፡ ቀተልዎሙ ፡ ለሞአብ ።
²⁵ ወነሠቱ ፡ ፭አህጉሪሆሙ ፡ ወውስተ ፡ ኵሉ ፡ ገራውሂሆሙ ፡ ሠናይ ፡ ወገሩ ፡ እብነ ፡ ኵሉ ፡ ሰብአ ፡ እስራኤል ፡ ወመልእዎ ፡ ወደፈኑ ፡ ዐዘቃቲሆሙ ፡ ኵሎ ፡ ወኵሎ ፡ ዖሞሙ ፡ ወዕፀዎሙ ፡ ሠናየ ፡ ገዘሙ ፡ ወነሠቱ ፡ ቅጽረ ፡ ሀገሮሙ ፡ ወዐገትዎሙ ፡ ሰብአ ፡ ሞፀፍ ፡ ወቀተልዎሙ ።
²⁶ ወሶበ ፡ ርእየ ፡ ንጉሠ ፡ ሞአብ ፡ ከመ ፡ ቀተልዎሙ ፡ ወሶበ ፡ ርእየ ፡ ከመ ፡ ሞእዎሙ ፡ ነሥአ ፡ ምስሌሁ ፡ ፯፻ብእሴ ፡ ወሖረ ፡ ይትቃተሎ ፡ ለንጉሠ ፡ ኤዶም ፡ ወስእኖ ።
²⁷ ወእምዝ ፡ ነሥኦ ፡ ለወልዱ ፡ ዘበኵሩ ፡ ዘይነግሥ ፡ ህየንቴሁ ፡ ወሦዖ ፡ በዲበ ፡ አረፍት ፡ ወነስሑ ፡ እስራኤል ፡ ዐቢየ ፡ ንስሓ ፡ ወግዕዙ ፡ ወአተዉ ፡ ብሔሮሙ ።

http://www.sacred-texts.com/bib/poly/kg2004.htm 4↗     ¹ ወአሐቲ ፡ ብእሲት ፡ እምውስተ ፡ እዋልደ ፡ ነቢያት ፡ ጸርኀት ፡ ኀበ ፡ ኤልሳዕ ፡ ወትቤ ፡ ገብርከ ፡ ፈራሄ ፡ እግዚአብሔር ፡ ምትየ ፡ ውእቱ ፡ ወሞተ ፡ ወመጽአ ፡ በዓለ ፡ ዕዳ ፡ ይንሥኦሙ ፡ ለ፪ደቂቅየ ፡ ይቅንዮሙ ።
² ወይቤላ ፡ ኤልሳዕ ፡ ምንተ ፡ ትፈቅዲ ፡ እግበር ፡ ለኪ ፡ ንግርኒ ፡ ወምንት ፡ ብኪ ፡ በውስተ ፡ ቤትኪ ፤ ወትቤሎ ፡ አልባቲ ፡ ለአመትከ ፡ ውስተ ፡ ቤታ ፡ ወኢምንተኒ ፡ ዘእንበለ ፡ ልኵንተ ፡ ቅብእ ፡ ዘእትቀባእ ።
³ ወይቤላ ፡ ሖሪ ፡ ተዋሐሲ ፡ ለኪ ፡ ንዋየ ፡ ልሕኵት ፡ እምኀበ ፡ ጎርኪ ።
⁴ ወባኢ ፡ ቤተኪ ፡ ወዕጸዊ ፡ ኆኅተኪ ፡ ላዕሌኪ ፡ ወላዕለ ፡ ደቂቅኪ ፡ ወሱጢ ፡ ውስተ ፡ ውእቱ ፡ ንዋየ ፡ ልሕኵት ፡ ወዘመልአ ፡ አግሕሚ ።
⁵ ወአተወት ፡ ቤታ ፡ ወዐጸወት ፡ ኆኅተ ፡ ላዕሌሃ ፡ ወላዕለ ፡ ደቂቃ ፡ ወእሙንቱ ፡ ያቀርቡ ፡ ላቲ ፡ ወይእቲ ፡ ትሰውጥ ።
⁶ ወይእቲ ፡ ትቤሎሙ ፡ ለደቂቃ ፡ አቅርቡ ፡ ሊተ ፡ ዓዲ ፡ ንዋየ ፡ ልሕኵት ፡ ወይቤልዋ ፡ ኅልቀ ፡ ኵሉ ፡ ንዋየ ፡ ልሕኵት ፡ ወእምዝ ፡ ቆመ ፡ ዝክቱኒ ፡ ቅብእ ።
⁷ ወሖረት ፡ ወነገረቶ ፡ ለብእሴ ፡ እግዚአብሔር ፡ ወይቤላ ፡ ኤልሳዕ ፡ ሖሪ ፡ ሢጢ ፡ ወፍድዪ ፡ ዕዳኪ ፡ ወሰልጢ ፡ ሲሳየኒ ፡ ወበዘተረፈ ፡ ቅብእ ፡ እሕይዊ ፡ ርእሰኪ ፡ ወእሕይዊ ፡ ውሉደሊ ።
⁸ ወእምዝ ፡ ኀለፈ ፡ ኤልሳዕ ፡ አሐተ ፡ ዕለተ ፡ እንተ ፡ ሱማን ፡ ወሀለወት ፡ ህየ ፡ ብእሲት ፡ ዐባይ ፡ ወአቀመቶ ፡ ይብላዕ ፡ እክለ ፡ እስመ ፡ ጐንደየ ፡ ግሒሠ ፡ ህየ ፡ ወተግሕሠ ፡ ህየ ፡ ይብላዕ ፡ እክለ ።
⁹ ወትቤሎ ፡ ይእቲ ፡ ብእሲት ፡ ለምታ ፡ ብእሴ ፡ እግዚአብሔር ፡ ቅዱስ ፡ ውእቱ ፡ ወዘልፈ ፡ የኀልፍ ፡ እንተ ፡ ኀቤነ ።
¹⁰ ወንግበር ፡ ሎቱ ፡ ጽርሐ ፡ አሐተኔ ፡ ንስቲተ ፡ መካነ ፡ ወንንጽፍ ፡ ሎቱ ፡ ዐራተ ፡ ወመንበረ ፡ ወተቅዋመ ፡ ማኅቶት ፡ ወማእደኒ ፡ እንተ ፡ ጊዜ ፡ ኀለፈ ፡ ኀቤነ ፡ ይግሐስ ፡ ህየ ።
¹¹ ወእምዝ ፡ አሐተ ፡ ዕለተ ፡ ቦአ ፡ ህየ ፡ ወቤተ ፡ ውስተ ፡ ጽርሑ ።
¹² ወይቤሎ ፡ ለግያዝ ፡ ወልዱ ፡ ጸውዓ ፡ ሊተ ፡ ለዛቲ ፡ ሰሜናዊት ፡ ወጸውዓ ፡ ወቆመት ፡ ቅድሜሁ ።
¹³ ወይቤሎ ፡ በላ ፡ ናሁ ፡ አክበርክኒ ፡ ኵሎ ፡ ዘንተ ፡ ክብረ ፡ ምንተ ፡ እግበር ፡ ለኪ ፤ እመቦ ፡ ዘብኪ ፡ ትካዘ ፡ ኀበ ፡ ንጉሥ ፡ ወእመኒ ፡ ኀበ ፡ መልአክ ፤ ወትቤሎ ፡ አንሰ ፡ ሀለውኩ ፡ ማእከለ ፡ ሕዝብየ ፡ እነብር ።
¹⁴ ወይቤ ፡ ምንተ ፡ ንግበር ፡ ላቲ ፡ ወይቤሎ ፡ ግያዝ ፡ ወልዱ ፡ መምህርት ፡ ይእቲ ፡ እስመ ፡ ውሉደ ፡ አልባቲ ፡ ወምታኒ ፡ ልሂቅ ።
¹⁵ ወጸውዓ ፡ ወቆመት ፡ ኀበ ፡ ኆኅት ።
¹⁶ ወይቤላ ፡ ኤልሳዕ ፡ ዓመ ፡ ከመ ፡ ዮም ፡ በሕይወትኪ ፡ ትረክቢ ፡ ውሉደ ፡ ወትቤሎ ፡ እግዚእየ ፡ ኢተሐስዋ ፡ ለአመትከ ።
¹⁷ ወእምዝ ፡ ፀንሰት ፡ ይእቲ ፡ ብእሲት ፡ ወወለደት ፡ ወልደ ፡ በዓመት ፡ ሕይወታ ፡ በዕለተ ፡ ይቤላ ፡ ኤልሳዕ ።
¹⁸ ወልህቀ ፡ ውእቱ ፡ ሕፃን ፡ ወወፈረ ፡ ኀበ ፡ አቡሁ ፡ ውስተ ፡ ማእረር ።
¹⁹ ወይቤሎ ፡ ለአቡሁ ፡ ርእስየ ፡ ርእስየ ፡ ወይቤሎ ፡ ለቍልዔሁ ፡ አእትዎ ፡ ኀበ ፡ እሙ ።
²⁰ ወአስከበቶ ፡ ውስተ ፡ ሕፅና ፡ ላዕለ ፡ ብረኪሃ ፡ እስከ ፡ ቀትር ።
²¹ ወእምዝ ፡ ሶበ ፡ ሞተ ፡ አዕረገቶ ፡ ወእስከበቶ ፡ ውስተ ፡ ዐራቱ ፡ ለብእሴ ፡ እግዚአብሔር ፡ ወዐጸወት ፡ ላዕሌሁ ፡ ወወፅአት ።
²² ወጸውዐቶ ፡ ለምታ ፡ ወትቤሎ ፡ ጸውዕ ፡ ወፈኑ ፡ ሊተ ፡ አሐደ ፡ እምውስተ ፡ ደቅ ፡ ወአሐደ ፡ አድገ ፡ እስመ ፡ እሐውር ፡ ኀበ ፡ ብእሴ ፡ እግዚአብሔር ፡ ወእገብእ ።
²³ ወይቤላ ፡ ምንተ ፡ ተሐውሪ ፡ ዮም ፡ ኀቤሁ ፡ እንዘ ፡ ኢኮነ ፡ ሠርቀ ፡ ወርኅ ፡ ወኢኮነ ፡ ሰንበት ፡ ወትቤለመ ፡ ከመ ፡ አአምኆ ።
²⁴ ወረሐኑ ፡ ላቲ ፡ አድገ ፡ ወትቤሎ ፡ ለገብራ ፡ ተንሥእ ፡ ንሖር ፡ ወኢትክልአኒ ፡ ሐዊረ ፡ እምከመ ፡ እቤለከ ፤ ነዓ ፡ ትልወኒ ፡ ወንሖር ፡ ኀበ ፡ ብእሲ ፡ እግዚአብሔር ፡ ውስተ ፡ ደብረ ፡ ቀርሜሎስ ።
²⁵ ወሶበ ፡ ርእያ ፡ ኤልሳዕ ፡ ለይእቲ ፡ ብእሲት ፡ እንዘ ፡ ትመጽእ ፡ ወይቤሎ ፡ ለግያዝ ፡ ቍልዔሁ ፡ ነያ ፡ እንታክቲ ፡ ብእሲት ፡ ሰሜናዊት ።
²⁶ ሩጽ ፡ ይእዜኒ ፡ ወተቀበላ ፡ ወበላ ፡ ሰላም ፡ ለኪ ፡ ዳኅንኑ ፡ ምትኪ ፡ ወዳኅንኑ ፡ ሕፃንኪ ፡ ወትቤሎ ፡ ዳኅን ።
²⁷ ወበጽሐት ፡ ኀበ ፡ ኤልሳዕ ፡ ውስተ ፡ ደብር ፡ ወአኀዘቶ ፡ እገሪሁ ፡ ወመጽአ ፡ ግያዝ ፡ ይክልኣ ፡ ወይቤሎ ፡ ኤልሳዕ ፡ ኅድጋ ፡ እስመ ፡ ትክዝት ፡ ነፍሳ ፡ ወኀብአኒ ፡ እግዚአብሔር ፡ ወኢነገረኒ ።
²⁸ ወትቤሎ ፡ ቦኑ ፡ ዘሰአልኩ ፡ ወልደ ፡ በኀበ ፡ እግዚእየ ፤ አኮኑ ፡ እቤለከ ፡ ኢተሐስወኒ ።
²⁹ ወይቤሎ ፡ ኤልሳዕ ፡ ለግያዝ ፡ ቅንት ፡ ሐቌ ፡ ከ ፡ ወንሣእ ፡ በትርየ ፡ ወጾር ፡ ውስተ ፡ እዴከ ፡ ወሖር ፡ ወእመ ፡ ረከብከ ፡ ሰብአ ፡ ኢታጻብሖ ፡ ወእመቦ ፡ ዘተጻብሐከ ፡ ኢታውሥኦ ፡ ወአንብራ ፡ ለበትርየ ፡ ውስተ ፡ ገጹ ፡ ለሕፃን ።
³⁰ ወትቤሎ ፡ እሙ ፡ ለውእቱ ፡ ሕፃን ፡ ሕያው ፡ እግዚአብሔር ፡ ወሕያው ፡ ነፍስከ ፡ ከመ ፡ ኢየኀድገከ ፡ ወተንሥአ ፡ ኤልሳዕ ፡ ወሖረ ፡ ምስሌሃ ።
³¹ ወግያዝ ፡ የሐውር ፡ ቅድሜሆሙ ፡ ወበደሮ ፡ በጺሐ ፡ ግያዝ ፡ ወአንበራ ፡ ለበትሩ ፡ ላዕለ ፡ ገጹ ፡ ለውእቱ ፡ ሕፃን ፡ ወኢነበቦ ፡ ወኢሰምዖ ፡ ወገብእ ፡ ወተቀበሎ ፡ ወነገሮ ፡ ወይቤሎ ፡ ኢተንሥአ ፡ ሕፃን ።
³² ወቦአ ፡ ኤልሳዕ ፡ ቤተ ፡ ወረከቦ ፡ ለሕፃን ፡ ምውተ ፡ ወይሰክብ ፡ ውስተ ፡ ዐራት ።
³³ ወቦእ ፡ ኤልሳዕ ፡ ቤተ ፡ ወዐጸወ ፡ ኆኅተ ፡ ላዕለ ፡ ክልኤሆሙ ፡ ወጸለየ ፡ ኀበ ፡ እግዚአብሔር ።
³⁴ ወዐርገ ፡ ወሰከበ ፡ ላዕለ ፡ ውእቱ ፡ ሕፃን ፡ ወወደየ ፡ አፉሁ ፡ ውስተ ፡ አፉሁ ፡ ወአዕይንቲሁ ፡ ውስተ ፡ አዕይንቲሁ ፡ ወእደዊሁ ፡ ዲበ ፡ እደዊሁ ፡ ወሰከበ ፡ ላዕሌሁ ፡ ወሞቀ ፡ ሥጋሁ ፡ ለውእቱ ፡ ሕፃን ።
³⁵ ወተንሥአ ፡ ወዖደ ፡ ውስተ ፡ ውእቱ ፡ ቤት ፡ ለፌኒ ፡ ወለፌኒ ፡ ወዐርገ ፡ ካዕበ ፡ ወሰከበ ፡ ላዕለ ፡ ውእቱ ፡ ሕፃን ፡ ወከማሁ ፡ ገብረ ፡ እስከ ፡ ስብዕ ፡ ወእምዝ ፡ ከሠተ ፡ አዕይንቲሁ ፡ ውእቱ ፡ ሕፃን ።
³⁶ ወጸውዖ ፡ ኤልሳዕ ፡ ለግያዝ ፡ ወይቤሎ ፡ ጸውዓ ፡ ለዛቲ ፡ ብእሲት ፡ ሰሜናዊት ፡ ወጸውዓ ፡ ወቦአት ፡ ኀቤሁ ፡ ወይቤላ ፡ ኤልሳዕ ፡ ንሥኢ ፡ ናሁ ፡ ወልድኪ ።
³⁷ ወቦአት ፡ ይእቲ ፡ ብእሲት ፡ ወሰገደት ፡ ሎቱ ፡ ወገነየት ፡ ሎቱ ፡ ታሕት ፡ እገሪሁ ፡ ወነሥአት ፡ ሕፃና ፡ ወወፅአት ።
³⁸ ወገብአ ፡ ኤልሳዕ ፡ ብሔረ ፡ ገልገላ ፡ ወረኃብ ፡ ው[ስተ] ፡ ብሔር ፡ ወመጽኡ ፡ ደቂቀ ፡ ነቢያት ፡ ወነበሩ ፡ ቅድሜሁ ፡ ወይቤሎ ፡ ኤልሳዕ ፡ ለቍልዔሁ ፡ አፍልሕ ፡ ጽህርተ ፡ ዐቢየ ፡ ወአብስል ፡ ሎሙ ፡ ተብሲለ ፡ ለደቂቀ ፡ ነቢያት ።
³⁹ ወወፈረ ፡ ገዳመ ፡ ይሕመል ፡ ሐምለ ፡ ምድር ፡ ወረከበ ፡ ዐጸደ ፡ ወይን ፡ በገዳም ፡ ወቦአ ፡ ወአረየ ፡ በህየ ፡ ሐምለ ፡ ምድር ፡ ወመልአ ፡ ልብሶ ፡ ወወደየ ፡ ውስተ ፡ ጽህርት ፡ ወአብሰለ ፡ ወኢያእመረ ፡ ምንት ፡ ውስቴቱ ።
⁴⁰ ወእምዝ ፡ አቅረበ ፡ ሎሙ ፡ ይብልዑ ፡ ለእሙንቱ ፡ ወሶበ ፡ በልዑ ፡ ውእተ ፡ ተብሲለ ፡ ጸርኁ ፡ ኅቡረ ፡ ኵሎሙ ፡ ወይቤሉ ፡ ሕምዘ ፡ ባቲ ፡ ውስቴታ ፡ ለዛቲ ፡ ጽህርት ፡ እንተ ፡ ብእሲ ፡ እግዚአብሔር ፡ ወስእኑ ፡ በሊዐ ።
⁴¹ ወይቤ ፡ ኤልሳዕ ፡ እምጽኡ ፡ ሐሪጸ ፡ ወደዩ ፡ ውስተ ፡ ጽህርት ፡ ወይቤሎ ፡ ኤልሳዕ ፡ ለግያዝ ፡ ሱጥ ፡ ሎሙ ፡ ለሕዝብ ፡ ወይብልዑ ፡ ወእምዝ ፡ እንከ ፡ አልቦ ፡ እኩየ ፡ ዘተረክበ ፡ ውስተ ፡ ይእቲ ፡ ጽህርት ።
⁴² ወመጽአ ፡ ፩ብእሲ ፡ እምነ ፡ ሳሪራ ፡ ወአምጽአ ፡ ሎቱ ፡ ለብእሴ ፡ እግዚአብሔር ፡ እምነ ፡ ቀዳሜ ፡ እክሉ ፡ ፳ኅብስተ ፡ ሰገም ፡ ወ፪ተመርተ ፡ ወይቤሎ ፡ ለቍልዔሁ ፡ ሀቦሙ ፡ ለእሉ ፡ ዕደው ፡ ወይብልዑ ።
⁴³ ወይቤሎ ፡ ቍልዔሁ ፡ ምንትኑ ፡ አቀርብ ፡ እሎንተ ፡ ለ፻ብእሲ ፡ ወይቤሎ ፡ አቅርብ ፡ ሎሙ ፡ ለሕዝብ ፡ ይብልዑ ፡ እስመ ፡ ከመዝ ፡ ይቤ ፡ እግዚአብሔር ፡ ይብልዑአ ፡ ወያትርፉአ ።
⁴⁴ ወበልዑ ፡ ወአትረፉ ፡ በከመ ፡ ይቤ ፡ እግዚአብሔር ።

http://www.sacred-texts.com/bib/poly/kg2005.htm 5↗     ¹ ወንእማን ፡ መልአከ ፡ ስራዊሆሙ ፡ ለሶርያ ፡ ብእሲ ፡ ዕቢይ ፡ በቅድመ ፡ እግዚኡ ፡ ወክቡር ፡ ውእቱ ፡ ወያከብሮ ፡ እስመ ፡ በእደ ፡ ዚአሁ ፡ አድኀኖሙ ፡ እግዚአብሔር ፡ ለሶርያ ፡ ወብእሲ ፡ ጽኑዕ ፡ ውእቱ ፡ ወኀያል ፡ ወአኀዞ ፡ ለምጽ ።
² ወአመ ፡ መጽአ ፡ ምስለ ፡ ሶርያ ፡ ጸብአ ፡ ወፄወወ ፡ እምነ ፡ ምድረ ፡ እስራኤል ፡ አሐተ ፡ ወለተ ፡ ነኣሳ ፡ ወአንበራ ፡ ኀበ ፡ ብእሲቱ ።
³ ወትቤላ ፡ ለእግዝእታ ፡ ርቱዕ ፡ ይሖር ፡ እግዚእየ ፡ ኀበ ፡ ብእሴ ፡ እግዚአብሔር ፡ ነቢይ ፡ ዘውስተ ፡ ሰማርያ ፡ ወይፌውሶ ፡ እምዝንቱ ፡ ለምጹ ።
⁴ ወቦአት ፡ ብእሲቱ ፡ ኀቤሁ ፡ ወነገረቶ ፡ ወትቤሎ ፡ ከመዝ ፡ ትቤ ፡ ዛቲ ፡ ወለት ፡ እንተ ፡ እምብሔረ ፡ እስራኤል ።
⁵ ወይቤሎ ፡ ንጉሠ ፡ ሶርያ ፡ ለንእማን ፡ ነዓ ፡ ሖር ፡ እፌኑ ፡ ለከ ፡ መጽሐፈ ፡ ኀበ ፡ ንጉሠ ፡ እስራኤል ፡ ወሖረ ፡ ወነሥአ ፡ ምስሌሁ ፡ ፲መክሊተ ፡ ብሩረ ፡ ወ፰፻ወርቀ ፡ ወ፲ዐራዘ ፡ አልባስ ።
⁶ ወአብጽሐ ፡ መጽሐፈ ፡ ኀበ ፡ ንጉሠ ፡ እስራኤል ፡ ወይብል ፡ መጽሐፉ ፡ ይእዜኒአ ፡ እምከመአ ፡ በጽሐት ፡ ዛቲ ፡ መጽሐፍ ፡ ኀቤከ ፡ ናሁ ፡ ፈነውኩ ፡ ኀቤከ ፡ ንእማን ፡ ቍልዔየ ፡ ወፈውሶ ፡ እምነአ ፡ ለምጹአ ።
⁷ ወእምዝ ፡ ሶበ ፡ አንበባ ፡ ንጉሠ ፡ እስራኤል ፡ ለይእቲ ፡ መጽሐፍ ፡ ሠጠጠ ፡ አልባሲሁ ፡ ወይቤ ፡ ቦኑ ፡ እግዚአብሔር ፡ አነ ፡ ከመ ፡ እክል ፡ ቀቲለ ፡ ወአሕይዎ ፡ ከመ ፡ ይፈኑ ፡ ኀቤየ ፡ ዝንቱ ፡ ብእ[ሴ] ፡ ዘለምጽ ፡ ወእፈውሶ ፡ እምነ ፡ ለምጹ ፤ ናሁ ፡ ርእዩ ፡ ከመ ፡ ምክንያተ ፡ የኀሥሥ ፡ ዝንቱ ፡ ለነ ።
⁸ ወእምዝ ፡ ሶበ ፡ ሰምዐ ፡ ኤልሳዕ ፡ ከመ ፡ ሠጠጠ ፡ አልባሲሁ ፡ ንጉሠ ፡ እስራኤል ፡ ለአከ ፡ ኀበ ፡ ንጉሥ ፡ ወይቤሎ ፡ ለምንትአ ፡ ሠጠጥከአ ፡ አልባሲከ ፤ ለይምጻእ ፡ ኀቤየ ፡ ንእማን ፡ ወታአምር ፡ ከመ ፡ ቦቱ ፡ ነቢየ ፡ ውስተአ ፡ እስራኤልአ ።
⁹ ወሖረ ፡ ንእማን ፡ በአፍራስ ፡ ወበሰረገላት ፡ ወቆመ ፡ ኀበ ፡ ኆኅተ ፡ ቤቱ ፡ ለኤልሳዕ ።
¹⁰ ወለአከ ፡ ኀቤሁ ፡ ኤልሳዕ ፡ እንዘ ፡ ይብል ፡ ሖርአ ፡ ተጠመቅአ ፡ ውስተ ፡ ተከዚ ፡ ዮርዳኖስ ፡ ስብዕ ፡ ወይገብእ ፡ ኅብረ ፡ ሥጋከ ፡ ወተሐዩአ ፡ እምለምጽከአ ።
¹¹ ወተምዕዐ ፡ ንእማን ፡ ወአተወ ፡ ወይቤ ፡ መሰለኒ ፡ ሊተሰ ፡ ዘይወፅእ ፡ ወይቀውም ፡ ኀቤየ ፡ ወይጼውዕ ፡ ስመ ፡ እግዚአብሔር ፡ አምላኩ ፡ ወይወዲ ፡ እዴሁ ፡ ዲቤየ ፡ ወይፌውሰኒ ።
¹² ኢይኄይስኑ ፡ ማያተ ፡ ደማስቆ ፡ እምነ ፡ ኵሉ ፡ ማያቲሆሙ ፡ ለእስራኤል ፡ ይኄይሱ ፡ ፈለገ ፡ አበና ፡ ወፈለገ ፡ ፈርፋ ፤ ኢየሐውርኑ ፡ እትኀፀብ ፡ ውስቴቶሙ ፡ ወእሕየሡ ፡ እምነ ፡ ለምጽየ ፡ ወተግሕሠ ፡ ወሖረ ፡ እንዘ ፡ ይትመዓዕ ።
¹³ ወመጽኡ ፡ ደቁ ፡ ኀቤሁ ፡ ወይቤልዎ ፡ ዐቢየ ፡ ነገረ ፡ ይቤለከ ፡ ነቢይ ፤ ግበር ፡ በከመ ፡ ይቤለከ ፡ ሖር ፡ ተኀፀብ ፡ ወተሐዩ ።
¹⁴ ወሖረ ፡ ንእማን ፡ ወወረደ ፡ ወተጠምቀ ፡ ውስተ ፡ ፈለገ ፡ ዮርዳኖስ ፡ ስብዕ ፡ በከመ ፡ ይቤሎ ፡ ኤልሳዕ ፡ ወሐይወ ፡ ወኮነ ፡ ሥጋሁ ፡ ከመ ፡ ሥጋ ፡ ሕፃን ፡ ንኡስ ።
¹⁵ ወገብአ ፡ ኀበ ፡ ኤልሳ ፡ ዕ ፡ ለሊሁ ፡ ምስለ ፡ ኵሉ ፡ ትዕይንቱ ፡ ወበጽሐ ፡ ኀቤሁ ፡ ወቆመ ፡ ቅድሜሁ ፡ ወይቤሎ ፡ ናሁ ፡ አእመርኩ ፡ ከመ ፡ አልቦቱ ፡ አምላከ ፡ በኵሉ ፡ ምድር ፡ እንበለ ፡ በውስተ ፡ እስራኤል ፡ ወይእዜኒ ፡ ንሣእ ፡ አምኃሁ ፡ እምነ ፡ እዴሁ ፡ ለገብርከ ።
¹⁶ ወይቤሎ ፡ ኤልሳዕ ፡ ሕያው ፡ እግዚአብሔር ፡ ዘቆምኩ ፡ ቅድሜሁ ፡ ከመ ፡ ኢይነሥእ ፡ ወአስተብቍዖ ፡ ይንሣእ ፡ ወኦሆ ፡ ኢይቤ ።
¹⁷ ወይቤሎ ፡ ንእማን ፡ ወእመ ፡ አኮ ፡ የሀብዎ ፡ ለገብርከ ፡ በመስፈርተ ፡ ጎሞር ፡ ጾረ ፡ ፪አብቅል ፡ እስመ ፡ ኢይገብር ፡ ገብርከ ፡ እምይእዜ ፡ እንከ ፡ መሥዋዕተ ፡ ለባዕድ ፡ አማልክት ፡ ዘእንበለ ፡ ለግዚአብሔር ፡ ለባሕቲቱ ፡ በቃለ ፡ ዚአከ ።
¹⁸ ወበእንተ ፡ ዝንቱ ፡ ይሰሪ ፡ ሎቱ ፡ እግዚአብሔር ፡ ለገብርከ ፡ ሶበ ፡ ይበውእ ፡ እግዚእየ ፡ ቤተ ፡ ሬማን ፡ ይሰግድ ፡ ሎቱ ፡ በህየ ፡ ያሰምክ ፡ ዲበ ፡ እዴየ ፡ ወእሰግድ ፡ አነኒ ፡ ምስሌሁ ፡ በቤተ ፡ ሬማን ፡ ሶበ ፡ ሰገደ ፡ ውእቱ ፡ ውስተ ፡ ቤተ ፡ ራማን ፡ ወይስሪ ፡ ሎቱ ፡ እግዚአብሔር ፡ ለገብርከ ፡ እንበይነ ፡ ዝንቱ ፡ ነገር ።
¹⁹ ወይቤሎ ፡ ኤልሳዕ ፡ ለንእማን ፡ እቱ ፡ እንከሰ ፡ በሰላም ፡ ወአተወ ፡ በሰላም ፡ እምኀቤሁ ፡ ውስተ ፡ ብሔሩ ፡ ዴብላታ ።
²⁰ ወይቤ ፡ ግያዝ ፡ ቍልዔሁ ፡ ለኤልሳዕ ፡ ናሁ ፡ ምሕኮ ፡ እግዚእየ ፡ ለንእማን ፡ ሶርያዊ ፡ ወኢነሥአ ፡ እምኔሁ ፡ ወኢምንተኒ ፡ እምውስተ ፡ ዘአምጽአ ፡ ሎቱ ፤ ሕያው ፡ እግዚአብሔር ፡ ከመ ፡ እረውጽ ፡ እትልዎ ፡ ወእነሥእ ፡ እምኔሁ ፡ ዘኮነ ።
²¹ ወዴገኖ ፡ ግያዝ ፡ ወተለዎ ፡ ለንእማን ፡ ወተመይጠ ፡ ንእማን ፡ ወርእዮ ፡ እንዘ ፡ ይተልዎ ፡ እምድኅሬሁ ፡ ወወረደ ፡ እምውስተ ፡ ሰረገላሁ ፡ ወገብአ ፡ ወተቀበሎ ።
²² ወይቤሎ ፡ ሰላም ፡ ለከ ፤ እግዚእየ ፡ ለአከኒ ፡ ኀቤከ ፡ ወይቤለከ ፡ እስመአ ፡ በጽሑአ ፡ ኀቤየ ፡ ፪ዕደው ፡ እምነ ፡ ደብረ ፡ ኤፍራም ፡ እምውስተ ፡ ደቀ ፡ ነቢያት ፡ ወሀቦሙ ፡ መክሊተ ፡ ብሩርአ ፡ ወ፪አልባስ ፡ ዐራዞሙአ ።
²³ ወይቤሎ ፡ ንእማን ፡ ንሣእ ፡ ፪መክሊተ ፡ ወነሥአ ፡ ወወደዮ ፡ ውስተ ፡ መሥንቅ ፡ ፪ወአልባሰ ፡ ዐራዝ ፡ ፪ወአጾረ ፡ ሎቱ ፡ ፪እምውስተ ፡ ደቁ ፡ ወሖሩ ፡ ቅድሜሁ ።
²⁴ ወቦኡ ፡ ውስተ ፡ ጽልመት ፡ ወእምዝ ፡ ተመጠዎሙ ፡ ወአብአ ፡ ቤቶ ፡ ወፈነዎሙ ፡ ለእሙንቱ ፡ ዕደው ።
²⁵ ወእምዝ ፡ ቦአ ፡ ወቆመ ፡ ቅድመ ፡ እግዚኡ ፡ ወይቤሎ ፡ ኤልሳዕ ፡ ለግያዝ ፡ እምአይቴ ፡ አንተ ፡ ወይቤሎ ፡ ግያዝ ፡ አልቦ ፡ ኀበ ፡ ሖረ ፡ ገብርከ ፡ ወኢአይቴኒ ።
²⁶ ወይቤሎ ፡ ኤልሳዕ ፡ አኮኑ ፡ ልብየ ፡ ሖረ ፡ ምስሌከ ፡ ወሶበ ፡ ተመይጠ ፡ ብእሲ ፡ እምላዕለ ፡ ሰረገላሁ ፡ ወተቀበለከ ፡ ወይእዜኒ ፡ ወርቅስ ፡ ነሣእከ ፡ ወይእዜኒ ፡ አልባስ ፡ ነሣእከ ፡ ወይኩንከ ፡ ለዐጸደ ፡ ወይን ፡ ወለዐጸደ ፡ ወፍር ፡ ወለዐጸደ ፡ ቅብእ ፡ ወለአልህምትኒ ፡ ወለአባግዕኒ ፡ ወለአግብርትኒ ፡ ወለአእማትኒ ።
²⁷ ወባሕቱ ፡ ለምጹ ፡ ለንእማን ፡ ይግባእ ፡ ላዕሌከ ፡ ወላዕለ ፡ ውሉድከ ፡ እስከ ፡ ለዓለም ፤ወበጊዜሃ ፡ አኀዞ ፡ ለምጸ ፡ ንእማን ፡ ለግያዝ ፡ ወወፅአ ፡ እምቅድመ ፡ ገጹ ፡ ለኤልሳዕ ፡ ግያዝ ፡ እንዘ ፡ ኵለንታሁ ፡ ለምጽ ፡ ጸዐዳ ፡ ከመ ፡ በረድ ።

http://www.sacred-texts.com/bib/poly/kg2006.htm 6↗     ¹ ወይቤልዎ ፡ ደቂቀ ፡ ነቢያት ፡ ለኤልሳዕ ፡ ናሁ ፡ ዝንቱ ፡ ማኅደርነ ፡ ኀበ ፡ ነኀድር ፡ ቅድሚከ ፡ ይጸብበነ ።
² ንሖርኑ ፡ መንገለ ፡ ዮርዳኖስ ፡ ወንግዝም ፡ ለነ ፡ ፩ሠርዌ ፡ እምህየ ፡ ወንግበር ፡ ለነ ፡ ማኅደረዖ ፡ ህየ ፡ ኀበ ፡ ነኀድር ፡ ወይቤሎሙ ፡ ሖሩ ።
³ ወይቤሎ ፡ ፩እምውስቴቶሙ ፡ ነዓ ፡ አንተ ፡ ምስለ ፡ አግብርቲከ ፡ ወይቤሎ ፡ አሆ ፡ እመጽእ ፡ እነኒ ።
⁴ ወሖረ ፡ ምስሌሆሙ ፡ ወበጽሑ ፡ ተከዜ ፡ ዮርዳኖስ ፡ ወገዘሙ ፡ ዕፀወ ።
⁵ ወ፩እንዘ ፡ ይገዝም ፡ ሠርዌ ፡ ተነጽለ ፡ ማኅፄሁ ፡ ወወድቀ ፡ ውስተ ፡ ማይ ፡ ወአኀዘ ፡ ርእሶ ፡ ወጸርኀ ፡ ወይቤ ፡ እግዚኦ ፡ ወዝንቱኒ ፡ ሕቡይ ፡ ውእቱ ።
⁶ ወይቤሎ ፡ ብእሴ ፡ እግዚአብሔር ፡ አይቴ ፡ ወድቀ ፡ ወአርአዮ ፡ ኀበ ፡ ወድቀ ፡ ወነቀፈ ፡ ቅርፍተ ፡ ዕፅ ፡ ወወገረ ፡ ህየ ፡ ወጸለለ ፡ ዝክቱ ፡ ኀጺን ፡ ማኅጼ ።
⁷ ወይቤ ፡ ንሣእ ፡ ናሁ ፡ ንዋየከ ፡ ወአውረደ ፡ እዴሁ ፡ ወነሥኦ ።
⁸ ወጸብኦሙ ፡ ንጉሠ ፡ ሶርያ ፡ ለእስራኤል ፡ ወተማከረ ፡ ምስለ ፡ ደቁ ፡ ወይቤሎሙ ፡ ብሔረ ፡ ፌልሞን ፡ ነኀድር ።
⁹ ወለአከ ፡ ኤልሳዕ ፡ ኀበ ፡ ንጉሠ ፡ እስራኤል ፡ እንዘ ፡ ይብል ፡ ዑቅአ ፡ ኢትሖርአ ፡ ውስተአ ፡ ብሔርአ ፡ እስመአ ፡ ሀለዉአ ፡ ህየአ ፡ ሶርያአ ፡ ተኀብኡአ ።
¹⁰ ወለአከ ፡ ንጉሠ ፡ እስራኤል ፡ ይዕቀቡ ፡ ሎቱ ፡ ውእተ ፡ ብሔረ ፡ ኀበ ፡ ይቤሎ ፡ ኤልሳዕ ፡ ምዕረ ፡ ወካዕበ ።
¹¹ ወረሐፀት ፡ ነፍሱ ፡ ለንጉሠ ፡ ሶርያ ፡ እንበይነ ፡ ዝንቱ ፡ ነገር ፡ ወጸውዖሙ ፡ ለደቁ ፡ ወይቤሎሙ ፡ ኢታየድዑኒኑ ፡ መኑ ፡ ይነግሮ ፡ ለንጉሠ ፡ እስራኤል ።
¹² ወይቤሎ ፡ ፩እምውስተ ፡ ደቁ ፡ አኮኑ ፡ እግዚኦ ፡ ኤልሳዕ ፡ ነቢይ ፡ በውስተ ፡ እስራኤል ፡ ውእቱ ፡ ይነግሮ ፡ ለንጉሠ ፡ እስራኤል ፡ ኵሎ ፡ ቃለከ ፡ ወኵሎ ፡ ዘተናገርከ ፡ በውስተ ፡ ጽርሐ ፡ ቤትከ ።
¹³ ወይቤሎሙ ፡ ሖሩ ፡ አእሞሩ ፡ ኀበ ፡ ሀለወ ፡ ወእፈኑ ፡ ያምጽእዎ ፡ ወይቤልዎ ፡ ውስተ ፡ ዶታይን ።
¹⁴ ወፈነወ ፡ ህየ ፡ አፍራሰ ፡ ወሰረገላተ ፡ ወሰራዊተ ፡ ወበጽሑ ፡ ህየ ፡ ሌሊተ ፡ ወዐገትዋ ፡ ለይእቲ ፡ ሀገር ።
¹⁵ ወነቅሀ ፡ ቍልዔሁ ፡ ለኤልሳዕ ፡ ወተንሥአ ፡ ወወፅአ ፡ ወርእየ ፡ ሰራዊት ፡ የዐግትዋ ፡ ለሀገር ፡ አፍራስ ፡ ወሰረገላት ፡ ወይቤሎ ፡ ቍልዔሁ ፡ እግዚኦ ፡ ምንተ ፡ ንግበር ።
¹⁶ ወይቤሎ ፡ ኤልሳዕ ፡ ኢትፍራህ ፤ ይበዝኁ ፡ እለ ፡ ሀለዉ ፡ ምስሌነ ፡ እምኔሆሙ ።
¹⁷ ወጸለየ ፡ ኤልሳዕ ፡ ወይቤ ፡ እግዚኦ ፡ ክሥት ፡ አዕይንቲሁ ፡ ለዝ ፡ ወልድ ፡ ወይርአይ ፡ ወከሠቶ ፡ እግዚአብሔር ፡ አዕይንቲሁ ፡ ወርእየ ፡ ኵለንታሁ ፡ ደብረ ፡ አፍራስ ፡ ወሰረገላተ ፡ እሳት ፡ ሐጸሮ ፡ ላዕለ ፡ ኤልሳዕ ።
¹⁸ ወወረዱ ፡ ኀበ ፡ ኤልሳዕ ፡ ወጸለየ ፡ ኤልሳዕ ፡ ኀበ ፡ እግዚአብሔር ፡ ወይቤ ፡ እግዚኦ ፡ አዑሮሙ ፡ ለዝንቱ ፡ ሕዝብ ፡ ወአዖሮሙ ፡ በከመ ፡ ይቤ ፡ ኤልሳዕ ።
¹⁹ ወይቤሎሙ ፡ ኤልሳዕ ፡ አኮ ፡ ዝየ ፡ ሀገሩ ፡ ወአኮ ፡ ዝየ ፡ ፍኖቱ ፡ ንዑ ፡ ትልዉኒ ፡ ኀበ ፡ ውእቱ ፡ ብእሲ ፡ ዘተኀሥሡ ፡ አነ ፡ እወስደክሙ ፡ ወነሥኦሙ ፡ ወወሰዶሙ ፡ ሀገረ ፡ ሰማርያ ።
²⁰ ወይቤ ፡ ኤልሳዕ ፡ ክሥቶሙ ፡ እግዚኦ ፡ አዕይንቲሆሙ ፡ ወይርአዩ ፡ ወከሠቶሙ ፡ አዕይንቲሆሙ ፡ ወርእዩ ፡ ወአእመሩ ፡ ከመ ፡ ማእከለ ፡ ሰማርያ ፡ ሀለዉ ።
²¹ ወይቤሎ ፡ ንጉሠ ፡ እስራኤል ፡ ለኤልሳዕ ፡ ሶበ ፡ ርእዮሙ ፡ እቅትሎሙኑ ፡ እባእ ።
²² ወይቤሎ ፡ ኢትቅትሎሙ ፡ ዘአኮ ፡ በኲናትከ ፡ ፄወውኮሙ ፡ ወዘአኮ ፡ በቀስትከ ፤ አላ ፡ በኲናትከ ፡ ወበቀስትከ ፡ ዘፄወውከ ፡ ኪያሆሙ ፡ ትቀትል ፤ ወአቅርብ ፡ ሎሙ ፡ እክለ ፡ ወማየ ፡ ቅድሜሆሙ ፡ ወይብልዑ ፡ ወይስተዩ ፡ ወይእተዉ ፡ ኀበ ፡ እግዚእሙ ።
²³ ወአቅረበ ፡ ሎሙ ፡ ብዘመነ ፡ ወበልዑ ፡ ወሰትዩ ፡ ወፈነዎሙ ፡ ወአተዉ ፡ ኀበ ፡ እግዚኦሙ ፡ ወኢደገሙ ፡ እንከ ፡ ሶርያ ፡ ጸቢኦቶሙ ፡ ለብሔረ ፡ እስራኤል ።
²⁴ ወእምዝ ፡ አስተጋብአ ፡ ወልደ ፡ አዴር ፡ ንጉሠ ፡ ሶርያ ፡ ኵሎ ፡ ተዓይኒሁ ፡ ወሖረ ፡ ወዐገታ ፡ ለሰማርያ ፡ ወነበረ ፡ ህየ ።
²⁵ ወኮነ ፡ ዐቢይ ፡ ረኃብ ፡ ውስተ ፡ ሰማርያ ፡ ወነበሩ ፡ ሶርያ ፡ ላዕሌሆሙ ፡ እስከ ፡ ኮነ ፡ ርእሰ ፡ አድግ ፡ ፶ሰቅለ ፡ ብሩር ፡ ወራብዕተ ፡ እዴሃ ፡ ለመስፈርተ ፡ ቃቡ ፡ ኵስሐ ፡ ርግብ ፡ በ፶ሰቅለ ፡ ብሩር ።
²⁶ ወንጉሠ ፡ እስራኤል ፡ እንዘ ፡ ያንሶሱ ፡ ውስተ ፡ ናሕስ ፡ ወሐወጸ ፡ እንተ ፡ ተድባብ ፡ ወጸርኀት ፡ አሐቲ ፡ ብእሲት ፡ ወትቤሎ ፡ አድኅን ፡ እግዚኦ ፡ ንጉሠ ፡ እስራኤል ።
²⁷ ወይቤላ ፡ ኢያድኅነኪ ፡ እግዚአብሔር ፡ እምአይቴኑ ፡ ኣድኅነኪ ፡ እምነ ፡ ምክያደ ፡ ወይንኑ ፡ ወአው ፡ እምነ ፡ ዐጸደ ፡ እክልኑ ።
²⁸ ወይቤላ ፡ ንጉሥ ፡ ምንተ ፡ ኮንኪ ፡ ወትቤሎ ፡ ትቤለኒ ፡ ዛቲ ፡ ብእሲት ፡ አምጽኢዮ ፡ ለወልድኪ ፡ ንብልዖ ፡ ዮም ።
²⁹ ወአብሰልናሁ ፡ ለወልድየ ፡ ወበላዕናሁ ፡ ወእምዝ ፡ እቤላ ፡ በሳኒታ ፡ አምጽኢዩ ፡ ለወልድኪኒ ፡ ንብልዖ ፡ ወኀብአቶ ፡ ለወልዳ ።
³⁰ ወሶበ ፡ ሰምዐ ፡ ንጉሥ ፡ በከመ ፡ ትቤሎ ፡ ይእቲ ፡ ብእሲት ፡ ሠጠጠ ፡ አልባሲሁ ፡ እንዘ ፡ የሐውር ፡ ውስተ ፡ ናሕስ ፡ መንገለ ፡ ተድባብ ፡ ወርእዩ ፡ ሕዝብ ፡ ሠቀ ፡ ዘይለብስ ፡ ንጉሥ ፡ ውስተ ፡ ሥጋሁ ፡ ውስጠ ።
³¹ ወይቤ ፡ ከመዝ ፡ ለይረስየኒ ፡ እግዚአብሔር ፡ ወከመዝ ፡ ለይቅትለኒ ፡ እመ ፡ ቤተ ፡ ርእሱ ፡ ለኤልሳዕ ፡ ውስተ ፡ ክሳዱ ፡ ዮም ።
³² ወኤልሳዕሰ ፡ ሀሎ ፡ ይነብር ፡ ውስተ ፡ ቤቱ ፡ ወሊቃውንት ፡ ይነብሩ ፡ ምስሌሁ ፡ ወፈነወ ፡ ንጉሥ ፡ ፩ብእሴ ፡ እምውስተ ፡ እለ ፡ ይቀውሙ ፡ ቅድሜሁ ፡ ወእንበለ ፡ ይብጻሕ ፡ ዝክቱ ፡ ዘለአከ ፡ ንጉሥ ፡ ኀቤሁ ፡ ወይቤሎሙ ፡ ኤልሳዕ ፡ ለሊቃናት ፡ ሶበ ፡ ታአምሩ ፡ ከመ ፡ ፈነወ ፡ ወልደ ፡ ቀታሊ ፡ ከመ ፡ ይምትሩ ፡ ርእስየ ፡ ዑቁ ፡ እምከመ ፡ በጽሐ ፡ ዕጽዉ ፡ ኆኅተ ፡ ወቀትሩ ፡ ወኅድግዎ ፡ ይቁም ፡ ኀበ ፡ ኆኅት ፡ እስመ ፡ ድምፀ ፡ እገሪሁ ፡ ለእግዚኤ ፡ ድኅሬሁ ።
³³ ወእንዘ ፡ ይትናገር ፡ ምስሌሆሙ ፡ በጽሐ ፡ ዘለአከ ፡ ንጉሥ ፡ ወወረደ ፡ ኀቤሁ ፡ ወይቤ ፡ ኤልሳዕ ፡ ናሁ ፡ ዛቲ ፡ እኪት ፡ እምኀበ ፡ እግዚአብሔር ፡ መጽአተኒ ፡ ወምንት ፡ እንከ ፡ እጸንሖ ፡ ለእግዚአብሔር ።

http://www.sacred-texts.com/bib/poly/kg2007.htm 7↗     ¹ ወይቤሎ ፡ ኤልሳዕ ፡ ስማዕ ፡ ቃለ ፡ እግዚአብሔር ፡ ከመዝ ፡ ይቤ ፡ እግዚአብሔር ፡ ጌሰመአ ፡ ዘጊዜአ ፡ መስፈርተ ፡ ስንዳሌአ ፡ በሰቅልአ ፡ ትከውንአ ፡ ወ፪መስፈርተ ፡ ሰገምአ ፡ በሰቅልአ ፡ ይትወሀብአ ፡ በአንቀጸ ፡ ሰማርያ ።
² ወአውሥአ ፡ ዝክቱ ፡ ዘያሰምክ ፡ ንጉሥ ፡ ላዕለ ፡ እዴሁ ፡ ወይቤሎ ፡ ለኤልሳዕ ፡ ለእመ ፡ አውሐዘ ፡ እግዚአብሔር ፡ አስራበ ፡ እክል ፡ እምሰማይ ፡ ኢይከውን ፡ ከመዝ ፡ ነገር ፡ ዘትብል ፡ ወይቤሎ ፡ ኤልሳዕ ፡ ሀለወከ ፡ ትርአዮ ፡ በአዕይንቲከ ፡ ወኢትጥዐሞ ።
³ ወሀለዉ ፡ ፬ዕደው ፡ እለ ፡ ለምጽ ፡ ኀበ ፡ አንቀጸ ፡ ሀገር ፡ ወተባሀሉ ፡ በበይናቲሆሙ ፡ ምንት ፡ ያነብረነ ፡ ዝየ ፡ ለነ ፡ እስከ ፡ ንመውት ።
⁴ እመኒ ፡ ቦእነ ፡ ሀገረ ፡ ንመውት ፡ በረኃብ ፡ በህያ ፡ እስመ ፡ ርኁብ ፡ ሀገር ፡ ወእመኒ ፡ ነበርነ ፡ ዝየ ፡ ንመውት ፡ ወይእዜኒ ፡ ንዑ ፡ ንሖር ፡ ውስተ ፡ ተዓይኒሆሙ ፡ ለሶርያ ፤ እመ ፡ አሕየዉነ ፡ ነሐዩ ፡ ወእመኒ ፡ ቀተሉነ ፡ ንመውት ።
⁵ ወተንሥኡ ፡ በውስተ ፡ ጽልመት ፡ ወቦኡ ፡ ውስተ ፡ ተዓይነ ፡ ሶርያ ፡ ወበጽሑ ፡ ሶርያ ፡ ወአልቦ ፡ ዘረከቡ ፡ በህየ ።
⁶ እስመ ፡ አስምዖሙ ፡ እግዚአብሔር ፡ ለተዓይነ ፡ ሶርያ ፡ ድምፀ ፡ ሰረገላት ፡ ወድምፀ ፡ አፍራስ ፡ ወድምፀ ፡ ሰራዊት ፡ ብዙኅ ፡ ወይቤሉ ፡ ሶርያ ፡ በበይናቲሆሙ ፡ ይእዜ ፡ ዐሰቦሙ ፡ ላዕሌነ ፡ ንጉሠ ፡ እስራኤል ፡ ለንጉሠ ፡ ኬጤዎን ፡ ወንጉሠ ፡ ግብጽ ፡ ከመ ፡ ይሩዱነ ።
⁷ ወመምሁ ፡ ወተንሥኡ ፡ ወጐዩ ፡ በውስተ ፡ ጽልመት ፡ ወኀደጉ ፡ ተዓይኒሆሙ ፡ ወአፍራሲሆሙኒ ፡ ወአእዱጊሆሙኒ ፡ በከመ ፡ ሀለወ ፡ ወአምሰጡ ፡ በነፍሶሙ ።
⁸ ወቦኡ ፡ እልክቱ ፡ እለ ፡ ለምጽ ፡ ውስተ ፡ ትዕይንት ፡ ወቦኡ ፡ ውስተ ፡ አሐቲ ፡ ደብተራ ፡ ወበልዑ ፡ ወሰትዩ ፡ ወነሥኡ ፡ እምህየ ፡ ወርቀ ፡ ወብሩረ ፡ ወአልባሰ ፡ ወሖሩ ፡ ወቦኡ ፡ ውስተ ፡ ካልእት ፡ ትዕይንት ፡ ወነሥኡ ፡ እምህየኒ ፡ ወሖሩ ፡ ወኀብኡ ።
⁹ ወተባሀሉ ፡ በበይናቲሆሙ ፡ አኮ ፡ ከመዝ ፡ ዘንገብር ፡ ንሕነ ፤ ዛቲ ፡ ዕለት ፡ ቡርክት ፡ ይእቲ ፤ ወለእመ ፡ አርመምነ ፡ ወጸናሕነ ፡ እስከ ፡ ይጸብሕ ፡ ጌጋየ ፡ ይከውነነ ፤ ንዑ ፡ ይእዜ ፡ ንባእ ፡ ወንዜኑ ፡ ለቤተ ፡ ንጉሥ ።
¹⁰ ወቦኡ ፡ ወዐውየዉ ፡ ኀበ ፡ አንቀጸ ፡ ሀገር ፡ ወዜነዉ ፡ ወይቤሉ ፡ ቦእነ ፡ ውስተ ፡ ትዕይንቶሙ ፡ ለሶርያ ፡ ወአልቦ ፡ ዘረከብነ ፡ በህየ ፡ ሰብአ ፡ ወአልቦ ፡ ድምፀ ፡ ሰብእ ፡ በህየ ፡ ዘእንበለ ፡ አፍራስ ፡ ወአእዱግ ፡ ወተዓይኒሆሙ ፡ ከማሁ ፡ ሀለወ ።
¹¹ ወቦኡ ፡ በጸውት ፡ ውስጠ ፡ ወዜነዉ ፡ ለቤተ ፡ ንጉሥ ።
¹² ወተንሥአ ፡ ንጉሥ ፡ በሌሊት ፡ ወይቤሎሙ ፡ ለደቁ ፡ እንግርክሙኑ ፡ ዘከመ ፡ ይሬስዩነ ፡ ሶርያ ፤ አእመሩነ ፡ ዘከመ ፡ ርኅብነ ፡ ወወፅኡ ፡ እምውስተ ፡ ተዓይኒሆሙ ፡ ወተኀብኡ ፡ ውስተ ፡ ገዳም ፡ እንዘ ፡ ይብሉ ፡ ይወዕኡ ፡ እምሀገሮሙ ፡ ወንእኅዞሙ ፡ ሕያዋኒሆሙ ፡ ወእምዝ ፡ ንበውእ ፡ ሀገሮሙ ።
¹³ ወአውሥአ ፡ ፩እምውስተ ፡ ደቁ ፡ ወይቤሎ ፡ ይንሥኡ ፡ ፭አፍራሰ ፡ እምውስተ ፡ እለ ፡ ተርፉ ፡ ዝየ ፡ እምኀበ ፡ ኵሎ ፡ እስራኤል ፡ ወይሖሩ ፡ ህየ ፡ ወይርአዩ ።
¹⁴ ወነሥኡ ፡ ፪መስተጽዕናነ ፡ አፍራስ ፡ ወፈነዎሙ ፡ ንጉሠ ፡ እስራኤል ፡ ይዴግንዎ ፡ ለንጉሠ ፡ ሶርያ ፡ ወይቤሎሙ ፡ ሖሩ ፡ ርእዩ ።
¹⁵ ወሖሩ ፡ ወዴገንዎሙ ፡ እስከ ፡ ተከዜ ፡ ዮርዳኖስ ፡ ወረከቡ ፡ ኵሎ ፡ ፍኖቶሙ ፡ ምሉአ ፡ አልባሰ ፡ ወንዋየ ፡ ዘገደፉ ፡ ሶርያ ፡ ሶበ ፡ ደንገፁ ፤ ወገብኡ ፡ እልክቱ ፡ እለ ፡ ተፈነዉ ፡ ወዜነውዎ ፡ ለንጉሠ ፡ እስራኤል ።
¹⁶ ወወፅኡ ፡ ሕዝብ ፡ ወበርበሩ ፡ ተዓይኒሆሙ ፡ ለሶርያ ፡ ወተሠይጠ ፡ መስፈርተ ፡ ስንዳሌ ፡ በሰቅል ፡ አሐቲ ፡ በከመ ፡ ይቤ ፡ እግዚአብሔር ፡ ወካዕባ ፡ ለይእቲ ፡ በአ ፡ አሕቲ ፡ ሰቅል ።
¹⁷ ወፈነዎ ፡ ንጉሥ ፡ ለዝክቱ ፡ ወዓሊሁ ፡ ዘያሰምክ ፡ ንጉሥ ፡ ላዕለ ፡ እዴሁ ፡ ከመ ፡ ይቁም ፡ ውስተ ፡ አንቀጽ ፡ ወአጠቅዎ ፡ ሕዝብ ፡ በውስተ ፡ አንቀጽ ፡ ወኬድዎ ፡ ወሞተ ፡ በከመ ፡ ነበበ ፡ ብእሴ ፡ እግዚአብሔር ፡ በከመ ፡ ይቤሎ ፡ ሶበ ፡ ለአክዎ ፡ ኀቤሁ ።
¹⁸ ወኮነ ፡ በከመ ፡ ይቤሎ ፡ ኤልሳዕ ፡ ለንጉሥ ፡ ካዕባ ፡ ለይእቲ ፡ መስፈርተ ፡ ሰገም ፡ በአሐቲ ፡ ሰቅል ፡ ወምዕሬሃ ፡ ለይእቲ ፡ መስፈርተ ፡ ስንዳሌ ፡ በአሐቲ ፡ ሰቅል ፡ ዘይቤሎ ፡ ጌሰመ ፡ ዘጊዜ ፡ ይሠየጥ ፡ በአንቀጸ ፡ ሰማርያ ።
¹⁹ ወአውሥአ ፡ ውእቱ ፡ ወዓሌ ፡ ንጉሥ ፡ ወይቤሎ ፡ ለእመ ፡ አውሐዘ ፡ እግዚአብሔር ፡ አስራበ ፡ ሰማይ ፡ እክለ ፡ ኢይከውን ፡ ከመዝ ፡ ነገር ፡ ዘትብል ፡ ወይቤሎ ፡ ኤልሳዕ ፡ ሀለወከ ፡ ትርአዮ ፡ በአዕይንቲከ ፡ ወኢትጥዕሞ ።
²⁰ ወኮነ ፡ ከማሁ ፡ ወኬድዎ ፡ ሕዝብ ፡ በውስተ ፡ አንቀጽ ፡ ወሞተ ።

http://www.sacred-texts.com/bib/poly/kg2008.htm 8↗     ¹ ወይቤላ ፡ ኤልሳዕ ፡ ለእንታክቲ ፡ ብእሲት ፡ እንተ ፡ አሕየወ ፡ ላቲ ፡ ወልዳ ፡ ተንሥኢ ፡ ወሖሪ ፡ አንቲኒ ፡ ወቤትኪ ፡ ወንበሪ ፡ ኀበ ፡ ነበርኪ ፡ ትካት ፡ እስመ ፡ ረኃበ ፡ ይፌኑ ፡ እግዚአብሔር ፡ ውስተ ፡ ምድር ፡ ወእምዝ ፡ መጽአ ፡ ረኃብ ፡ ውስተ ፡ ምድር ፡ ፯ዓመተ ።
² ወተንሥአት ፡ ይእቲ ፡ ብእሲት ፡ ወገብረት ፡ በከመ ፡ ይቤላ ፡ ኤልሳዕ ፡ ወሖረት ፡ ብሔረ ፡ ኢሎፍሊ ፡ ወነበረት ፡ ፯ዓመተ ።
³ ወእምድኅረ ፡ ኀለፈ ፡ ፯ዓመት ፡ አተወት ፡ ይእቲ ፡ ብእሲት ፡ ወገብአት ፡ እምብሔረ ፡ ኢሎፍሊ ፡ ወሖረት ፡ ወዐውየወት ፡ ኀበ ፡ ንጉሥ ፡ በእንተ ፡ ቤታ ፡ ወበእንተ ፡ አዕጻዳቲሃ ።
⁴ ወተስእሎ ፡ ንጉሥ ፡ ለግያዝ ፡ ወልዱ ፡ ለኤልሳዕ ፡ ለብእሴ ፡ እግዚአብሔር ፡ ወይቤሎ ፡ ንግረኒ ፡ ኵሎ ፡ ነገረ ፡ ነኪር ፡ ዘገብረ ፡ ኤልሳዕ ።
⁵ ወእምዝ ፡ እንዘ ፡ ይነግሮ ፡ ለንጉሥ ፡ ዘከመ ፡ አሕየወ ፡ ሕፃነ ፡ ዘሞተ ፡ ወመጽአት ፡ ይእቲ ፡ ብእሲት ፡ እንተ ፡ አሕየወ ፡ ላቲ ፡ ኤልሳዕ ፡ ሕፃና ፡ ዐውየወት ፡ ኀበ ፡ ንጉሥ ፡ በእንተ ፡ ቤታ ፡ ወበእንተ ፡ አዕጻዳቲሃ ፡ ወይቤሎ ፡ ግያዝ ፡ እግዚኦ ፡ ንጉሥ ፡ ነያ ፡ ይእቲ ፡ ብእሲት ፡ ወነዋ ፡ ሕፃናሂ ፡ ዘአሕየወ ፡ ኤልሳዕ ።
⁶ ወተስእለ ፡ ንጉሥ ፡ ወነገረቶ ፡ ወወሀባ ፡ ንጉሥ ፡ ፩እምውስተ ፡ ኅጽዋኑ ፡ ወይቤሎ ፡ አግብእ ፡ ላቲ ፡ ኵሎ ፡ ንዋያ ፡ ወኵሎ ፡ እክለ ፡ አዕጻዳቲሃ ፡ ዘእምአመ ፡ ኀደገት ፡ ብሔራ ፡ ወእስከ ፡ ዘይእዜ ።
⁷ ወሖረ ፡ ኤልሳዕ ፡ ብሔረ ፡ ደማስቆ ፡ ወደወየ ፡ ወልደ ፡ አዴር ፡ ንጉሠ ፡ ሶርያ ፡ ወነገርዎ ፡ ወይቤልዎ ፡ መጽአ ፡ ብእሴ ፡ እግዚአብሔር ፡ ዝየ ።
⁸ ወይቤሎ ፡ ለአዛሔል ፡ ንሣእ ፡ መና ፡ ምስሌከ ፡ ወሖር ፡ ተቀበሎ ፡ ለብእሴ ፡ እግዚአብሔር ፡ ወተሰአሎ ፡ ቃለ ፡ እግዚአብሔር ፡ እመ ፡ አሐዩ ፡ እምነ ፡ ዝንቱ ፡ ደዌየ ።
⁹ ወሖረ ፡ አዛሔል ፡ ወተቀበሎ ፡ ወነሥአ ፡ መና ፡ ምስሌሁ ፡ ወእምውስተ ፡ ኵሉ ፡ ሠናይ ፡ ዘብሔረ ፡ ደማስቆ ፡ ወ፵ገምል ፡ ይጸውሩ ፡ አርሶን ፡ ወሖረ ፡ ወበጽሐ ፡ ኀቤሁ ፡ ወይቤሎ ፡ ለኤልሳዕ ፡ ወልድከ ፡ ወልደ ፡ አዴር ፡ ንጉሠ ፡ ሶርያ ፡ ፈነወኒ ፡ ኀቤከ ፡ እንዘ ፡ ይብል ፡ አሐዩኑአ ፡ እምነአ ፡ ዝአ ፡ ደዌየአ ።
¹⁰ ወይቤሎ ፡ ኤልሳዕ ፡ ሖር ፡ በሎ ፡ ሐዪወሰአ ፡ ኢተሐዩአ ፡ አንተአ ፡ ወአርአየኒ ፡ እግዚአብሔር ፡ ከመ ፡ ሞተ ፡ ትመውት ።
¹¹ ወበጽሐ ፡ ቅድመ ፡ ገጹ ፡ ወኀፈረ ፡ ብእሴ ፡ እግዚአብሔር ፡ ወበከየ ።
¹² ወይቤሎ ፡ አዛሔል ፡ ምንተ ፡ ያበኪዮ ፡ ለእግዚእየ ፡ ወይቤሎ ፡ ኤልሳዕ ፡ ኣአምር ፡ መጠነ ፡ ሀለወከ ፡ ትረስዮሙ ፡ ለደቂቀ ፡ እስራኤል ፤ አህጉሪሆሙ ፡ ታውዒ ፡ በእሳት ፡ ወትቀትል ፡ ኄሮሙ ፡ በኲናት ፡ ወትነፅር ፡ ሕፃናቲሆሙ ፡ ወታነ[ቅ]ዖን ፡ ለፅኑሳቲሆሙ ።
¹³ ወይቤሎ ፡ አዛሔል ፡ ምንትኑ ፡ አነ ፡ ገብርከ ፡ ዘከመ ፡ ከልብ ፡ ምውት ፡ ከመ ፡ እግበሮ ፡ ለዝንቱ ፡ ነገር ፡ ወይቤሎ ፡ ኤልሳዕ ፡ አርአየኒ ፡ እግዚአብሔር ፡ ኪያከ ፡ እንዘ ፡ ትነግሥ ፡ ለሶርያ ።
¹⁴ ወእምዝ ፡ አተወ ፡ እምኀበ ፡ ኤልሳዕ ፡ ወቦአ ፡ ኀበ ፡ እግዚኡ ፡ ወይቤሎ ፡ ምንተ ፡ ይቤለከ ፡ ኤልሳዕ ፡ ወይቤ ፡ ይቤለኒ ፡ ሐዪወአ ፡ ተሐዩአ ።
¹⁵ ወእምዝ ፡ በሳኒታ ፡ ነሥአ ፡ ክዳነ ፡ ወጠምዐ ፡ ውስተ ፡ ማይ ፡ ወተገልበበ ፡ ገጻ ፡ ወሞተ ፡ ወነግሠ ፡ አዛሔል ፡ ህየንቴሁ ፤ አመ ፡ ፭ዓመተ ፡ መንግሥቱ ፡ ለኢዮራም ፡ ወልደ ፡ አካአብ ፡ ንጉሠ ፡ እስራኤል ፡ ወኢዮሳፍጥ ፡ ንጉሠ ፡ ይሁዳ ።
¹⁶ [ወኢዮራም ፡ ንጉሠ ፡ ይሁዳ ፡] ፴ወ፪ዓመቱ ፡ ሎቱ ፡ አመ ፡ ይነግሥ ፡ ወ፰ክረምተ ፡ ነግሠ ፡ በኢየሩሳሌም ።
¹⁷ ወሖረ ፡ በፍኖቶሙ ፡ ለነገሥተ ፡ እስራኤል ፡ በከመ ፡ ገብረ ፡ ቤተ ፡ አካአብ ፡ እስመ ፡ ወለተ ፡ አካአብ ፡ ያወስብ ፡ ወገብረ ፡ እኩየ ፡ ቅድመ ፡ እግዚአብሔር ።
¹⁸ ወኢፈቀደ ፡ እግዚአብሔር ፡ ያማስኖሙ ፡ ለይሁዳ ፡ እንበይነ ፡ ዳዊት ፡ ገብሩ ፡ በከመ ፡ ይቤሎ ፡ የሀቦ ፡ ማኅቶተ ፡ ለወልዱ ፡ በኵሉ ፡ መዋዕል ።
²⁰ ወበመዋዕሊሁ ፡ አፅረሩ ፡ ኤዶም ፡ ወዐለውዎሙ ፡ ለይሁዳ ፡ ወአንገሡ ፡ ሎሙ ፡ ለሊሆሙ ፡ ንጉሠ ።
²¹ ወዐርገ ፡ ኢዮራም ፡ ውስተ ፡ ሲሆር ፡ ወኵሉ ፡ ሰረገላቲሁ ፡ ምስሌሁ ፡ ወተንሥአ ፡ ወቀተሎሙ ፡ ለኤዶም ፡ እለ ፡ ዐገትዎ ፡ ወለመላእክተ ፡ ሰረገላቲሆሙ ፡ ወእምዝ ፡ ጐዩ ፡ ወአተዉ ፡ አብያቲሆሙ ።
²² ወአፅረሩ ፡ ኤዶም ፡ ወዐለውዎሙ ፡ ለይሁዳ ፡ እስከ ፡ ዮም ፡ ወይእተ ፡ አሚረ ፡ አፅረሩ ፡ ሎምና ፡ በእማንቱ ፡ መዋዕል ።
²³ ወኵሉ ፡ ነገሩ ፡ ለኢዮራም ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
²⁴ ወሰከበ ፡ ኢዮራም ፡ ምስለ ፡ አበዊሁ ፡ ውስተ ፡ ሀገረ ፡ ዳዊት ፡ አቡሁ ፡ ወነግሠ ፡ አካዝያስ ፡ ወልዱ ፡ ህየንቴሁ ።
²⁵ አመ ፡ ፲ወ፪ዓመተ ፡ መንግሥቱ ፡ ለኢዮራም ፡ ወልደ ፡ አካአብ ፡ ንጉሠ ፡ እስራኤል ፡ ነግሠ ፡ አካዝያስ ፡ ወልደ ፡ ኢዮራም ።
²⁶ እንዘ ፡ ፳ወ፪ክራማቲሁ ፡ እምዘ ፡ ተወልደ ፡ አመ ፡ ይነግሥ ፡ ወ፩ክረምተ ፡ ነግሠ ፡ ለእስራኤል ፡ ወስማ ፡ ለእሙ ፡ ጎቶልያ ፡ ወለተ ፡ ዘንበሪ ፡ ንጉሠ ፡ እስራኤል ።
²⁷ ወሖረ ፡ በፍኖቶሙ ፡ ለቤተ ፡ አካአብ ፡ ወገብረ ፡ እኩየ ፡ ቅድመ ፡ እግዚአብሔር ፡ ከመ ፡ ቤተ ፡ አካአብ ።
²⁸ ወሖረ ፡ ምስለ ፡ ኢዮራም ፡ ወልደ ፡ አካአብ ፡ ጸብአ ፡ ከመ ፡ ይቅትልዎ ፡ ለአዛሔል ፡ ንጉሠ ፡ ሶርያ ፡ ኢሎፍሊ ፡ በሬማት ፡ ዘገለዓድ ፡ ወአቍስልዎ ፡ ሶርያ ፡ ለኢዮራም ።
²⁹ ወገብአ ፡ ኢዮራም ፡ ንጉሥ ፡ ውስተ ፡ እስራኤል ፡ ከመ ፡ ይትፈወስ ፡ ቍስሎ ፡ ዘአቍሰልዎ ፡ በሬማት ፡ አመ ፡ ተቃተለ ፡ ምስለ ፡ አዛሔል ፡ ንጉሠ ፡ ሶርያ ፡ ወአካዝየስ ፡ ወልደ ፡ ኢዮራም ፡ ወረደ ፡ ይርአዮ ፡ ለኢዮራም ፡ ወልደ ፡ አካአብ ፡ ውስተ ፡ እስራኤል ፡ እስመ ፡ ይደዊ ።

http://www.sacred-texts.com/bib/poly/kg2009.htm 9↗     ¹ ወጸውዐ ፡ ኤልሳዕ ፡ ነቢይ ፡ ፩እምውስተ ፡ ደቀ ፡ ነቢያት ፡ ወይቤሎ ፡ ቅንት ፡ ሐቇከ ፡ ወንሣእ ፡ ቀርነ ፡ ቅብእ ፡ ምስሌከ ፡ ወሖር ፡ ሬማተ ፡ ዘገለአድ ።
² ወባእ ፡ ህየ ፡ ወኅሥሦ ፡ በህየ ፡ ለኢዩ ፡ ወልደ ፡ ኢዮሳፍጥ ፡ ወልደ ፡ ናሜሲ ፡ ወባእ ፡ ወአንሥኦ ፡ እማእከለ ፡ አኀዊሁ ፡ ወአብኦ ፡ ውስተ ፡ ውሳጢተ ፡ ጽርሕ ።
³ ወንሣእ ፡ ቀርነ ፡ ቅብእ ፡ ወሱጥ ፡ ውስተ ፡ ርእሱ ፡ ወበሎ ፡ ከመዝ ፡ ይቤ ፡ እግዚአብሔር ፡ ቀባእኩከአ ፡ ትንግሥአ ፡ ላዕለ ፡ እስራኤልአ ፡ ወእምዝ ፡ አርኁ ፡ ኆኅተ ፡ ወጕየይ ፡ ወኢትቁም ።
⁴ ወሖረ ፡ ውእቱ ፡ ወልደ ፡ ነቢይ ፡ ውስተ ፡ ሬማት ፡ ዘገለአድ ።
⁵ ወረከበ ፡ መላእክተ ፡ ሰራዊት ፡ ይነብሩ ፡ ወይቤ ፡ ብየ ፡ ዘእነግረከ ፡ መልአክ ፡ ወይቤ ፡ ኢዩ ፡ መኑ ፡ እምውስቴትነ ፡ ወይቤሎ ፡ ኪያከ ፡ መልአክ ።
⁶ ወተንሥአ ፡ ወቦአ ፡ ቤተ ፡ ወሶጠ ፡ ቅብአ ፡ ውስተ ፡ ርእሱ ፡ ወይቤሎ ፡ ከመዝ ፡ ይቤ ፡ እግዚአብሔር ፡ አምላከ ፡ እስራኤል ፡ ቀባእኩከአ ፡ ትንግሥአ ፡ ለሕዝበአ ፡ እግዚአብሔር ፡ ለእስራኤልአ ፤
⁷ ከመአ ፡ ትሠርዎአ ፡ ለቤተአ ፡ አካአብ ፡ እግዚእከ ፡ እምቅድመ ፡ ገጽየ ፡ ወትትበቀል ፡ ደሞሙ ፡ ለነቢያት ፡ ለአግብርትየ ፡ ወደመ ፡ ኵሎሙ ፡ አግብርተ ፡ እግዚአብሔር ፡ እምነ ፡ እዴሃ ፡ ለኤልዛቤል ፤
⁸ ወእምእደ ፡ ኵሉ ፡ ቤቱ ፡ ለአካአብ ፡ ወትሤርዎ ፡ ለቤተ ፡ አካአብ ፡ እስከ ፡ ዘያስተአዝብ ፡ በኀበ ፡ አረፍት ፡ ወኵሎ ፡ ቅሩበ ፡ ዘይከውን ፡ ወኵሎ ፡ ዘተረፈ ፡ እምኔሆሙ ፡ ውስተ ፡ እስራኤል ።
⁹ ወእሬስዮ ፡ ለቤተ ፡ አካአብ ፡ ከመ ፡ ቤተ ፡ ኢዮራብአም ፡ ወልደ ፡ ናባጥ ፡ ወከመ ፡ ቤተ ፡ በአስ ፡ ወልደ ፡ አኪያ ።
¹⁰ ወለኢያዛቤል ፡ ከለባት ፡ ይበልዕዋ ፡ በብሔረ ፡ እስራኤልአ ፡ ወኢትረክብአ ፡ ዘይቀብራአ ፤ ወእምዝ ፡ አርኀወ ፡ ኆኅተ ፡ ወጐየ ።
¹¹ ወወፅአ ፡ ኢዩ ፡ ኀበ ፡ ደቀ ፡ እግዚኡ ፡ ወይቤልዎ ፡ ሰላም ፡ ለከ ፡ ምንትኑ ፡ መጽአ ፡ ዝብእሲ ፡ ኀቤከ ፡ ወይቤሎሙ ፡ ኢታአምርዎኑ ፡ ዝብእሲ ፡ ከመ ፡ በከ ፡ ይዛዋዕ ።
¹² ወይቤልዎ ፡ ሐሰውከ ፤ ንግረነ ፡ ዳእሙ ፡ ወይቤሎሙ ፡ ኢዩ ፡ ለደቁ ፡ ከመዝ ፡ ወከመዝ ፡ ይቤለኒ ፡ ወይቤለኒ ፡ ከመዝ ፡ ይቤ ፡ እግዚአብሔር ፡ ቀባእኩከአ ፡ ትንግሥአ ፡ ለእስራኤልአ ።
¹³ ወሶበ ፡ ሰምዑ ፡ አስተፋጠኑ ፡ ወነጸፉ ፡ አልባሲሆሙ ፡ ኵሎሙ ፡ ወነጸፉ ፡ ሎቱ ፡ ኀበ ፡ ይነብር ፡ ውስተ ፡ መዓርግ ፡ ወነፍኁ ፡ ቀርነ ፡ ወይቤሉ ፡ ነግሠ ፡ ኢዩ ።
¹⁴ ወጸብአ ፡ ኢዩ ፡ ወልደ ፡ ዮሳፍጥ ፡ ወልደ ፡ ናሜስ ፡ ለኢዮራም ፡ ወኢዮራምሰ ፡ ሀሎ ፡ ውስተ ፡ ሬማት ፡ ዘገለዓድ ፡ የዐቅብዎ ፡ ኵሎሙ ፡ እስራኤል ፡ እምነ ፡ አዛሔል ፡ ንጉሠ ፡ ሶርያ ።
¹⁵ ወገብአ ፡ ኢዮራም ፡ ንጉሥ ፡ ኀበ ፡ እስራኤል ፡ ይትፈወስ ፡ እምነ ፡ ቍስሉ ፡ ዘአቍሰልዎ ፡ ሶርያ ፡ አመ ፡ ተቃተለ ፡ ምስለ ፡ አዛሔል ፡ ንጉሠ ፡ ሶርያ ፡ ወይቤሎሙ ፡ ኢዩ ፡ ለእለ ፡ ምስሌሁ ፡ ትክሉኑ ፡ መጥዎ ፡ ነፍስክሙ ፡ ምስሌየ ፡ ዑቁ ፡ እንከ ፡ ወአልቦ ፡ ዘያመስጠክሙ ፡ ወአልቦ ፡ ዘይወፅእ ፡ እምነ ፡ ሀገርክሙ ፡ ኢይዜንውዎሙ ፡ ለእስራኤል ።
¹⁶ ወእምዝ ፡ ሖረ ፡ ኢዩ ፡ ፍጡነ ፡ ኀበ ፡ እስራኤል ፡ ወወረደ ፡ ወኢዮራምሰ ፡ ንጉሠ ፡ እስራኤል ፡ ሀለወ ፡ ውስተ ፡ እስራኤል ፡ ይትፌወስ ፡ ንድፈቶ ፡ ኀበ ፡ ነደፍዎ ፡ ሶርያ ፡ አረማዊያን ፡ በሬማት ፡ አመ ፡ ተቃተለ ፡ ምስለ ፡ አዛሔል ፡ ንጉሠ ፡ ሶርያ ፡ እስመ ፡ ጽኑዕ ፡ ብእሲ ፡ ውእቱ ፡ ወኀያል ፡ ውእቱ ፤ ወአካዝያስ ፡ ንጉሠ ፡ ይሁዳ ፡ ወረደ ፡ ይርአዮ ፡ ለኢዮራም ።
¹⁷ ወዐርገ ፡ ሰብአ ፡ ዐይን ፡ ውስተ ፡ ማኅፈድ ፡ ይርአዮሙ ፡ ለእስራኤል ፡ ወርእየ ፡ ጸበሎሙ ፡ ለእለ ፡ ኢዩ ፡ እንዘ ፡ ይመጽኡ ፡ ወይቤ ፡ ናሁ ፡ ጸበለ ፡ እሬኢ ፡ አንሰ ፤ ወይቤ ፡ ኢዮራም ፡ ይሖር ፡ ፩ያሩጽ ፡ ፈረሰ ፡ ይትቀበሎሙ ፡ ወይበሎሙ ፡ ሰላም ፡ ለክሙ ።
¹⁸ ወሖረ ፡ ፩አሮጸ ፡ ፈረሰ ፡ ወተቀበሎሙ ፡ ወይቤሎሙ ፡ ሰላም ፡ ለክሙ ፡ ይቤለክሙ ፡ ንጉሥ ፡ ወይቤሎ ፡ ኢዩ ፡ ምንተ ፡ ብከ ፡ ምስለ ፡ ሰላም ፤ ግባእ ፡ ድኅሬየ ፤ ወነገሮሙ ፡ ዝኩ ፡ ሰብእ ፡ ዐይን ፡ ወይቤሎሙ ፡ በጽሐ ፡ ዘለአክሙ ፡ ኀቤሆሙ ፡ ወኢገብአ ።
¹⁹ ወፈነወ ፡ ካዕበ ፡ ካልአ ፡ ያሩጽ ፡ ፈረሰ ፡ ወበጽሐ ፡ ኀቤሆሙ ፡ ወይቤሎሙ ፡ ሰላምአ ፡ ለክሙአ ፡ ይቤ ፡ ንጉሥ ፡ ወይቤሎ ፡ ኢዩ ፡ ምንተ ፡ ብከ ፡ ምስለ ፡ ሰላም ፤ ግባእ ፡ ድኅሬየ ።
²⁰ ወነገሮ ፡ ዝኩ ፡ ሰብአ ፡ ዐይን ፡ ወይቤሎ ፡ በጽሐ ፡ ዘለአክሙ ፡ ኀቤሆሙ ፡ ወኢተመይጠ ፤ መሪሐ ፡ ይመርሖ ፡ ለኢዩ ፡ ወልደ ፡ ናሜሴ ፡ እስመ ፡ ካልእት ፡ ፍኖቶሙ ።
²¹ ወይቤ ፡ ኢዮራም ፡ ንዑ ፡ ንሖር ፡ ወአሖሩ ፡ ሰረገላቲሆሙ ፡ ወወፅአ ፡ ኢዮራም ፡ ንጉሠ ፡ እስራኤል ፡ ወአካዝያስ ፡ ንጉሠ ፡ ይሁዳ ፡ ክልኤሆሙ ፡ በሰረገላቲሆሙ ፡ ወሖሩ ፡ ወተቀበልዎ ፡ ለኢዩ ፡ ወረከብዎ ፡ ውስተ ፡ ዐጸደ ፡ ናቡቴ ፡ እስራኤላዊ ።
²² ወይቤሎ ፡ ሰላም ፡ ለኢዩ ፡ ወይቤሎ ፡ እንከ ፡ ኢዩ ፡ ምንተ ፡ ብከ ፡ ምስለ ፡ ሰላም ፡ አኮኑ ፡ ዝሙታ ፡ ለእምካ ፡ ኢያዛቤል ፡ ወሥራያቲሃ ፡ በዝኀ ።
²³ ወተመይጠ ፡ ኢዮራም ፡ ከመ ፡ ይጕየይ ፡ ወይቤሎ ፡ ለአካዝ ፡ ተጓሐለወነ ፡ አካዝ ።
²⁴ ወወሰቀ ፡ ወመሰከ ፡ ቀስቶ ፡ በኀይሉ ፡ ወነደፎ ፡ ለኢዮራም ፡ ማእከለ ፡ ተኬሳሁ ፡ ወወፅአ ፡ ሐጹ ፡ እንተ ፡ ውስተ ፡ ልቡ ፡ ወወድቀ ፡ በብረኪሁ ።
²⁵ ወይቤሎ ፡ ኢዩ ፡ ለበዴቃ ፡ ወዓሊሁ ፡ ግድፎ ፡ ውስተ ፡ ዐጸደ ፡ ናቡቴ ፡ እስራኤላዊ ፡ እስመ ፡ አነ ፡ እዜከር ፡ ወለሊከ ፡ ታአምር ፡ አመ ፡ ንጼዐን ፡ አእዱገ ፡ ወንተልዎ ፡ ለአካአብ ፡ አቡሁ ፡ ወአምጽአ ፡ ላዕሌሁ ፡ እግዚአብሔር ፡ ዘይቤ ፤
²⁶ ደሞ ፡ ለናቡቴ ፡ ወደመ ፡ ደቂቁ ፡ ርኢኩ ፡ ትማልም ፡ ይቤ ፡ እግዚአብሔር ፡ ወእትበቀሎ ፡ በዝ ፡ ዐጸድ ፡ ይቤ ፡ እግዚአብሔር ፡ ወይእዜኒ ፡ ንሥኦ ፡ ወግድፎ ፡ ውስተዝ ፡ ዐጸድ ፡ በከመ ፡ ይቤ ፡ እግዚአብሔር ።
²⁷ ወሶበ ፡ ርእየ ፡ አካዝያስ ፡ ንጉሠ ፡ ይሁዳ ፡ ጐየ ፡ እንተ ፡ ፍኖተ ፡ ቤታን ፡ ወተለዎ ፡ ኢዩ ፡ ወዴገኖ ፡ ወይቤ ፡ ኢየኀድጎ ፡ ኪያሁኒ ፡ ወቀተሎ ፡ በውስተ ፡ ሰረገላቲሁ ፡ እንዘ ፡ የዐርግ ፡ መንገለ ፡ ጋይ ፡ አንተ ፡ ኤብላሔም ፡ ወእምህየ ፡ ጐየ ፡ ውስተ ፡ መጌዶን ፡ ወበህየ ፡ ወፅአት ፡ ነፍሱ ።
²⁸ ወጸዐንዎ ፡ ደቁ ፡ ውስተ ፡ ሰረገላቲሁ ፡ ወአእተውዎ ፡ ውስተ ፡ ኢየሩሳሌም ፡ ወቀበርዎ ፡ ውስተ ፡ መቃብሩ ፡ ውስተ ፡ ሀገረ ፡ ዳዊት ።
²⁹ ወአመ ፡ ፲ወ፩ክረምት ፡ መንግሥቱ ፡ ለኢዮራም ፡ ንጉሠ ፡ እስራኤል ፡ ነግሠ ፡ አካዝያስ ፡ ለይሁዳ ።
³⁰ ወሖረ ፡ ኢዩ ፡ ውስተ ፡ እስራኤል ፡ ወሰምዐት ፡ ኢያዛቤል ፡ ወተኵሕለት ፡ አዕይንቲሃ ፡ ወተሠነየት ፡ ወተፀፍረት ፡ ርእሳ ፡ ወሐወጸት ፡ እንተ ፡ ውስተ ፡ መስኮት ።
³¹ ወቦአ ፡ ኢዩ ፡ ውስተ ፡ ሀገር ፡ ወትቤሎ ፡ ስላም ፡ ለዝንበሪ ፡ ለቀታሌ ፡ እግዚኡ ።
³² ወአንሥአ ፡ ገጾ ፡ ወርእያ ፡ ውስተ ፡ መስኮት ፡ ወይቤላ ፡ መኑ ፡ አንቲ ፡ ረዲ ፡ ዝየ ፡ ኀቤየ ፡ ወእምዝ ፡ ሐወጹ ፡ ክልኤቱ ፡ ኅጽዋን ።
³³ ወይቤሎሙ ፡ አጽድፍዋ ፡ ወአጽደፍዋ ፡ ወተነዝኀ ፡ ደማ ፡ ኀበ ፡ አረፍት ፡ ወኀበ ፡ አፍራስ ፡ ወኬድዋ ።
³⁴ ወቦአ ፡ ኢዩ ፡ ወበልዐ ፡ ወሰትየ ፡ ወእምዝ ፡ ይቤ ፡ ሖሩ ፡ ርእይዋ ፡ ለዛቲ ፡ ርግምት ፡ ወቅብርዋ ፡ እስመ ፡ ወለተ ፡ ንጉሥ ፡ ይእቲ ።
³⁵ ወሖሩ ፡ ይቅብርዋ ፡ ወኢረከቡ ፡ ዘእንበለ ፡ ናላሃ ፡ ወሰሎና ፡ እገሪሃ ፡ ወእራኃተ ፡ እደዊሃ ።
³⁶ ወገብኡ ፡ ወነገርዎ ፡ ወይቤ ፡ ዝክቱ ፡ ቃለ ፡ እግዚአብሔር ፡ ዘነበለ ፡ በእደ ፡ ኤልያስ ፡ ትስብያዊ ፡ ወይቤ ፡ በውስተ ፡ ዐጸደ ፡ እስራኤል ፡ ይበልዕዋ ፡ ከለባት ፡ ለኤልዛቤል ፤
³⁷ [ወይከውን ፡ በድና ፡ ለኤልዛቤል ፡] ከመ ፡ መሬት ፡ ውስተ ፡ ገጸ ፡ ገዳም ፡ በደወለ ፡ እስራኤል ፡ ከመ ፡ ኢይበልዋ ፡ እንከ ፡ ኢያዜቤል ።

http://www.sacred-texts.com/bib/poly/kg2010.htm 10↗     ¹ ወቦቱ ፡ አካአብ ፡ ፸ደቂቀ ፡ ውስተ ፡ ሰማርያ ፡ ወጸሐፈ ፡ [ኢዩ ፡] መጽሐፈ ፡ ወፈነወ ፡ ውስተ ፡ ሰማርያ ፡ ኀበ ፡ መላእክተ ፡ ሰማርያ ፡ ወኀበ ፡ ሊቃናት ፡ ወኀበ ፡ ሐፀንቶሙ ፡ ለደቂቀ ፡ አካአብ ፡ ወጸሐፈ ፡ እንዘ ፡ ይብል ፤
² ይእዜኒአ ፡ እምከመ ፡ በጽሐት ፡ ዛቲአ ፡ መጽሐፍአ ፡ ኀቤክሙ ፡ ናሁ ፡ ሀለዉ ፡ ደቂቁ ፡ ለእግዚእክሙ ፡ ኀቤክሙ ፡ ወአፍራሲሁኒ ፡ ኀቤክሙ ፡ ወሰረገላቲሁኒ ፡ ወአህጉሪሁኒ ፡ ጽኑዓት ፡ ወንዋየ ፡ ሐቅሉኒ ።
³ ወርእዩ ፡ ለክሙ ፡ ዘይኄይስ ፡ ዘትፈቅዱ ፡ እምውስተ ፡ ደቁ ፡ ለእግዚእክሙ ፡ አንብርዎ ፡ ላዕለ ፡ መንበረ ፡ አቡሁ ፡ ወተቃተሉአ ፡ ለቤተ ፡ እግዚእክሙአ ።
⁴ ወፈርሁ ፡ ፈድፋደ ፡ ወይቤሉ ፡ ዘ፪ነገሥት ፡ ስእኑ ፡ ቀዊመ ፡ ቅድመ ፡ ገጹ ፡ እፎ ፡ እንከ ፡ ንሕነ ፡ ንክል ፡ ቀዊመ ፡ ቅድመ ፡ ገጹ ።
⁵ ወለአኩ ፡ መገብተ ፡ ቤቱ ፡ ወመገብተ ፡ ሀገር ፡ ወሊቃናት ፡ ወሐፀንቶሙ ፡ ኀበ ፡ ኢዩ ፡ እንዘ ፡ ይብሉ ፡ ንሕነሰአ ፡ አግብርቲከአ ፡ ንሕነ ፡ ወዘአዘዝከነ ፡ ንገብር ፡ ወአልቦ ፡ ብእሲ ፡ ዘናነግሥ ፤ ዘትፈቅድአ ፡ ግበርአ ።
⁶ ወእምዝ ፡ ጸሐፈ ፡ ሎሙ ፡ ኢዩ ፡ ካልእተ ፡ መጽሐፈ ፡ እንዘ ፡ ይብል ፡ እመሰኬአ ፡ እሊአየአ ፡ አንትሙ ፡ ትሰምዑኒ ፡ ቃልየ ፡ ምትሩ ፡ አርእስቲሆሙ ፡ ለደቂቀ ፡ እግዚእክሙ ፡ ወፈንዉ ፡ ኀቤየ ፡ ውስተ ፡ እስራኤል ፡ ጌሠምአ ፡ ዘጊዜ ፤ ወደቂቀ ፡ ንጉሥ ፡ ፸ዕደው ፡ እሙንቱ ፡ ጽኑዓነ ፡ ሀገር ።
⁷ ወሶበ ፡ በጽሐት ፡ መጽሐፍ ፡ ኀቤሆሙ ፡ ነሥእዎሙ ፡ ለደቂቀ ፡ ንጉሥ ፡ ወረገዝዎሙ ፡ ፸ዕደው ፡ ወሰቀሉ ፡ አርእስቲሆሙ ፡ ውስተ ፡ ዕፀወ ፡ ቀርጣልስ ፡ ወፈነውዎሙ ፡ ኀቤሁ ፡ ውስተ ፡ እስራኤል ።
⁸ ወበጽሐ ፡ ሐዋርያሁ ፡ ወነገሮ ፡ ወይቤሎ ፡ አምጻእኩ ፡ አርእስቲሆሙ ፡ ለደቂቀ ፡ ንጉሥ ፡ ወይቤሎ ፡ ንጉሥ ፡ ወጥኅዎሙ ፡ ምክዕቢተ ፡ በጽባሕ ፡ ኀበ ፡ አንቀጸ ፡ ሀገር ።
⁹ ወሶበ ፡ ጸብሐ ፡ ወጽአ ፡ ንጉሥ ፡ ኀበ ፡ አንቀጸ ፡ ሀገር ፡ ወይቤሎሙ ፡ ለኵሉ ፡ ሕዝብ ፡ ድኅንክሙ ፡ አንትሙ ፡ ናሁ ፡ አነ ፡ ዐለውኩ ፡ ቤተ ፡ አጋእዝትየ ፡ ወቀተልክዎሙ መኑ ፡ ቀተሎሙ ፡ እንከ ፡ ለእሉ ፡ ኵሎሙ ።
¹⁰ ናሁ ፡ ርእይዎ ፡ በእፎ ፡ ከመ ፡ ኢይወድቅ ፡ እምነ ፡ ቃሉ ፡ ለእግዚአብሔር ፡ ውስተ ፡ ምድር ፡ ዘነበበ ፡ እግዚአብሔር ፡ ላዕለ ፡ ቤተ ፡ አካአብ ፡ በውስተ ፡ እስራኤል ፡ ወገብረ ፡ እግዚአብሔር ፡ ኵሎ ፡ ዘነበበ ፡ በእደ ፡ ገብሩ ፡ ኤልያስ ።
¹¹ ወቀተሎሙ ፡ ኢዩ ፡ ለኵሎሙ ፡ ሰብአ ፡ ቤቱ ፡ ለአካአብ ፡ እለ ፡ ተርፉ ፡ ውስተ ፡ እስራኤል ፡ ወለኵሎሙ ፡ ጽኑዓኒሁ ፡ ወለኵሉ ፡ ማኅፈሩ ፡ ወለኵሉ ፡ ካህናቲሁ ፡ ወኢያትረፈ ፡ እምኔሆሙ ፡ ወኢ፩ ።
¹² ወተንሥአ ፡ ወሖረ ፡ ሰማርያ ፡ ወበጽሐ ፡ ቤተ ፡ ቃት ፡ ኀበ ፡ ኖሎት ፡ እለ ፡ ውስተ ፡ ፍኖት ።
¹³ ወረከቦሙ ፡ ኢዩ ፡ ለአኀዊሁ ፡ ለአካዝያስ ፡ ንጉሠ ፡ ይሁዳ ፡ ወይቤሎሙ ፡ መኑ ፡ አንትሙ ፡ ወይቤልዎ ፡ አኀዊሁ ፡ ለአካዝያስ ፡ ንጉሠ ፡ ይሁዳ ፡ ንሕነ ፡ ወወረድነ ፡ ንዜንዎሙ ፡ ዳኅናሆሙ ፡ ለዶቂቀ ፡ ንጉሥ ፡ ወለደቂቀ ፡ ኀያላኑ ።
¹⁴ ወአዘዘ ፡ የአኀዝዎሙ ፡ ሕያዋኒሆሙ ፡ ወረገዝዎሙ ፡ በቤተ ፡ ቃት ፡ ፵ወ፪ዕደው ፡ እሙንቱ ፡ ወኢያትረፈ ፡ እምኔሆሙ ፡ ወኢ፩ብእሌ ።
¹⁵ ወሖረ ፡ እምህየ ፡ ወረከቦ ፡ ለኢዮናዳብ ፡ ወልደ ፡ ሬካብ ፡ በፍኖት ፡ ተቀበሎ ፡ ወባረኮ ፡ ወይቤሎ ፡ ኢዩ ፡ ርቱዕኑ ፡ ልብከ ፡ ምስሌየ ፡ ከመ ፡ ርቱዕ ፡ ልብየ ፡ ምስሌከ ፡ ወይቤሎ ፡ ኢዮናዳብ ፡ እወ ፡ ወይቤሎ ፡ ኢዩ ፡ እመሰኬ ፡ አማንከ ፡ መጥወኒ ፡ እዴከ ፡ ወመጠዎ ፡ እዴሁ ፡ ወአዕረጎ ፡ ኀቤሁ ፡ ውስተ ፡ ሰረገላሁ ።
¹⁶ ወይቤሎ ፡ ነዓ ፡ ምስሌየ ፡ ወትሬኢ ፡ ዘከመ ፡ እቀንእ ፡ ለእግዚአብሔር ፡ ጻባኦት ፡ ወአጽዐኖ ፡ ምስሌሁ ፡ ውስተ ፡ ሰረገላሁ ።
¹⁷ ወቦአ ፡ ሰማርያ ፡ ወቀተለ ፡ ኵሎ ፡ ዘተረፈ ፡ ሰብኡ ፡ ለአካአብ ፡ ዘውስተ ፡ ሰማርያ ፡ እስከ ፡ ደምሰሶሙ ፡ በከመ ፡ ቃለ ፡ እግዚአብሔር ፡ ዘይቤሎ ፡ ለኤልያስ ።
¹⁸ ወወሐኮሙ ፡ ኢዩ ፡ ለኵሉ ፡ ሕዝብ ፡ ወይቤሎሙ ፡ አካአብሰ ፡ ውኁደ ፡ ተቀንየ ፡ ለበዓል ፡ ወኢዩስ ፡ ብዙኀ ፡ ይትቀነይ ፡ ሎቱ ።
¹⁹ ወይእዜኒ ፡ ጸውዑ ፡ [ሊተ ፡] ኵሎ ፡ ነቢያቲሁ ፡ ለበዓል ፡ ወኵሎ ፡ አግብርቲሁ ፡ ወኵሎ ፡ ማርያቶ ፡ ወአልቦ ፡ ዘተኀድጉ ፡ እስመ ፡ ዐቢይ ፡ መሥዋዕቱ ፡ ለበዓል ፡ ወኵሉ ፡ ዘኢመጽአ ፡ ይመውት ፤ ወኢዩሰ ፡ ተመየኖሙ ፡ ከመ ፡ ይቅትሎሙ ፡ ለኵሉ ፡ አግብርተ ፡ በዓል ።
²⁰ ወይቤሎሙ ፡ ኢዩ ፡ አንጽሑ ፡ መሥዋዕተክሙ ፡ ለበዓል ፡ ወሰበኩ ፡ ሎሙ ።
²¹ ወለአከ ፡ ኢዩ ፡ ውሰተ ፡ ኵሉ ፡ በሓውርተ ፡ እስራኤል ፡ ወመጽኡ ፡ ኵሎሙ ፡ አግብርተ ፡ በዓል ፡ ወኵሎሙ ፡ ነቢያቲሁ ፡ ወኢተኅደገ ፡ ወኢ፩እምውስቴቶሙ ፡ ብእሲ ፡ ዘኢመጽአ ፡ ወቦኡ ፡ ኵሎሙ ፡ ቤተ ፡ በዓል ፡ ወመልእዎ ፡ ለቤተ ፡ በዓል ፡ ኵለንታሁ ።
²² ወይቤሎ ፡ ኢዩ ፡ ለመጋቤ ፡ ቤተ ፡ መስተዓድ ፡ አውጽእ ፡ አልባሰ ፡ ለኵሉ ፡ አግብርተ ፡ በዓል ፡ ወአውፅአ ፡ ሎሙ ፡ ዘይዔርዘሙ ።
²³ ወቦኡ ፡ ኢዩ ፡ ወኢዩናዳብ ፡ ወልዴ ፡ ሬካብ ፡ ውስተ ፡ ቤተ ፡ በዓል ፡ ወይቤሎሙ ፡ ለአግብርተ ፡ በዓል ፡ ተፋቀዱ ፡ ወአእምሩ ፡ እመበ ፡ ውስቴትክሙ ፡ እምነ ፡ አግብርተ ፡ እግዚአብሔር ፡ ዘእንበለ ፡ ባሕቲትክሙ ፡ አንትሙ ፡ ዳእሙ ፡ አግብርተ ፡ በዓል ፡ ወመሥዋዕትክሙ ፡ አልቦ ፡ ዘየሀሉ ፡ ዝየ ።
²⁴ ወአዘዘ ፡ ኢዩ ፡ ፹ብእሴ ፡ ይቁሙ ፡ አፍአ ፡ ወይቤሎሙ ፡ ፩ብእሲ ፡ እመቦ ፡ ዘአምሠጠክሙ ፡ እምእሉ ፡ ዕደው ፡ እለ ፡ ኣወፅእ ፡ ኀቤክሙ ፡ አነ ፡ ነፍስክሙ ፡ ትመውት ፡ ህየንተ ፡ ነፍሱ ፡ ለውእቱ ፡ ዘአምሠጠክሙ ።
²⁵ ወእምዝ ፡ ሶበ ፡ አኅለቁ ፡ ገቢረ ፡ መሥዋዕት ፡ ወይቤሎሙ ፡ ኢዩ ፡ ለወዓሊሁ ፡ ወለሐራሁ ፡ ባኡ ፡ ወቅትልዎሙ ፡ ወአልበ ፡ ዘያመሥጠክሙ ፡ እምኔሆሙ ፡ ወቀተልዎሙ ፡ በኀጺን ፡ ወገደፍዎሙ ፡ ወዓሊሁ ፡ ወሐራሁ ፡ ወቦኡ ፡ ሀገረ ።
²⁶ ወአውዐዩ ፡ ቤተ ፡ በዓል ፡ ወኵሎ ፡ ንዋዮ ፡ ወኵሎ ፡ አልባሲሁ ።
²⁷ ወአውደቁ ፡ ኵሎ ፡ አምሳሊሁ ፡ ለበዓል ።
²⁸ ወእማሰኖ ፡ ኢዩ ፡ ለበዓል ፡ ይእተ ፡ አሚረ ፡ እምነ ፡ እስራኤል ።
²⁹ ወባሕቱ ፡ ኢዩ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ፡ ኢየኀድጎሙ ፡ ኢዩ ፡ እምቅድሜሆሙ ፡ ለእልክቱ ፡ እጐልት ፡ እለ ፡ ወርቅ ፡ አሐቲ ፡ እንተ ፡ ውስተ ፡ ቤቴል ፡ ወአሐቲ ፡ እንተ ፡ ውስተ ፡ ዳን ።
³⁰ ወይቤሎ ፡ እግዚአብሔር ፡ ለኢዩ ፡ እስመ ፡ አሠነይከ ፡ ገቢረ ፡ ቅድመ ፡ አዕይንትየ ፡ ወኵሎ ፡ ዘኀለይኩ ፡ በልብየ ፡ ገበርከ ፡ ላዕለ ፡ ቤተ ፡ አካአብ ፡ እስከ ፡ ራብዕ ፡ ትውልድከ ፡ ይነብሩ ፡ ላዕለ ፡ መንበረ ፡ እስራኤል ።
³¹ ወኢተዐቀበ ፡ ኢዩ ፡ ከመ ፡ ይሖር ፡ በሕገ ፡ እግዚአብሔር ፡ አምላከ ፡ እስራኤል ፡ በኵሉ ፡ ልቡ ፤ ኢኀደገ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
³² ወይእተ ፡ አሚረ ፡ አኀዘ ፡ ይቅትሎሙ ፡ እግዚአብሔር ፡ ለእስራኤል ፡ ወቀተሎሙ ፡ አዛሔል ፡ በውስተ ፡ ኵሉ ፡ በሓውርቲሆሙ ፡ ለእስራኤል ፤
³⁴ እምጽባሐ ፡ ዮርዳኖስ ፡ ወኵሉ ፡ ብሔረ ፡ ገለአድ ፡ ዘጋድ ፡ ወዘሮቤል ፡ ወዘምናሴ ፡ እምአሮኤር ፡ እንተ ፡ ውስተ ፡ ከንፈረ ፡ አርኖን ፡ ዘገለአድ ፡ ወባሳን ።
³⁵ ወኵሉ ፡ ነገሩ ፡ ለኢዩ ፡ ወኵሉ ፡ ዘገብረ ፡ ወኵሉ ፡ ኀይሉ ፡ ወኵሉ ፡ ዘቀተለ ፡ ዝውእቱ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
³⁶ ወሰከበ ፡ ኢዩ ፡ ምስለ ፡ አበዊሁ ፡ ወተቀብረ ፡ ውስተ ፡ ሰማርያ ፡ ወነግሠ ፡ ኢዮአካስ ፡ ወልዱ ፡ ህየንቴሁ ።
³⁷ ወ፳ወ፰ክራማተ ፡ ነግሠ ፡ ኢዩ ፡ ለእስራኤል ፡ በሰማርያ ።

http://www.sacred-texts.com/bib/poly/kg2011.htm 11↗     ¹ ወጎቶልያ ፡ እሙ ፡ ለአካዝያስ ፡ ሶበ ፡ ርእየት ፡ ከመ ፡ ሞተ ፡ ወልዳ ፡ ወጠፍአ ፡ ዘመደ ፡ መንግሥት ፤
² ነሥአ[ቶ] ፡ ኢዮሰቡሔ ፡ ወለተ ፡ ንጉሥ ፡ [ኢዮራም ፡ እኅቱ ፡ ለአካዝያስ ፡ ለኢዮአስ ፡ ወልደ ፡ አካዝያስ፡] ሰረቀቶ ፡ እማእከለ ፡ ደቀቀ ፡ ንጉሥ ፡ እለ ፡ ቀተሉ ፡ ወለሐፃኒቱ ፡ ወኀብአቶ ፡ ውሳጢተ ፡ ጽርሕ ፡ እምጎቶልያ ፡ ወኢቀተለቶ ።
³ ወኀብአቶ ፡ ፮ዓመተ ፡ ወጎቶልያ ፡ ለሊሃ ፡ ነግሠት ፡ ለብሔር ፡ ፮ዓመተ ።
⁴ ወአመ ፡ ሳብዕ ፡ ዓም ፡ ለአከ ፡ ዮዳሔ ፡ ወአምጽኦሙ ፡ ለመሳፍንት ፡ ለኮሪ ፡ ወለራሲን ፡ ወአብኦሙ ፡ ኀቤሁ ፡ ውስተ ፡ ቤተ ፡ እግዚአብሔር ፡ ወተካየዶሙ ፡ ኪዳነ ፡ እግዚአብሔር ፡ ወአምሐሎሙ ፡ በቅድመ ፡ እግዚአብሔር ፡ ወአርአዮሙ ፡ ዮዳሔ ፡ ወልደ ፡ ንጉሥ ።
⁵ ወይቤሎሙ ፡ ከመዝ ፡ ግበሩ ፤ ሣልስተ ፡ እዴክሙ ፡ ባኡ ፡ በዕለተ ፡ ሰንበት ፡ ወዕቀቡ ፡ ቤተ ፡ ንጉሥ ፡ ወንበሩ ፡ ውስተ ፡ አንቀጽ ፤
⁶ ወሣልስተ ፡ እዴክሙ ፡ ውስተ ፡ ስፍሐተ ፡ ፍናዌ ፡ ንበሩ ፡ መንገለ ፡ አንቀጽ ፡ ዘዐውደ ፡ ድኅሬሆሙ ፡ ለወዐልተ ፡ ንጉሥ ፡ ወዕቀቡ ፡ ወአጽንዑ ፡ ቤተ ።
⁷ ወ፪እድ ፡ እምውስቴትክሙ ፡ ለኵሉ ፡ ዘይወጽእ ፡ በዕለተ ፡ ሰንበት ፡ ወዕቀቡ ፡ ቤተ ፡ እግዚአብሔር ፡ ኀበ ፡ ንጉሥ ፡ ሀለወ ።
⁸ ወዕግትዎ ፡ ለንጉሥ ፡ ኵልክሙ ፡ እንዘ ፡ ትጸውሩ ፡ ንዋየ ፡ ሐቅልክሙ ፡ ወኵሉ ፡ ዘቦአ ፡ ውስተ ፡ አዴሮታ ፡ ቅትሉ ፡ ወእለኒ ፡ ምስለ ፡ ንጉሥ ፡ ይበውኡ ፡ ወይወፅኡ ።
⁹ ወገብሩ ፡ መሳፍንት ፡ ኵሎ ፡ ዘአዘዞሙ ፡ ዮዳሔ ፡ ጠቢብ ፡ ወነሥኡ ፡ ኵሎሙ ፡ ሰብኦሙ ፡ ወአስተጋብኡ ፡ ኵሎሙ ፡ እለ ፡ ቦኡ ፡ በዕለተ ፡ ሰንበት ፡ ወሖሩ ፡ ኀበ ፡ ዮዳሔ ፡ ካህን ።
¹⁰ ወወሀቦሙ ፡ ዮዳሔ ፡ ለመሳፍንት ፡ አርማሒሁ ፡ ለዳዊት ፡ ወንዋየ ፡ ሐቅሉ ፡ ዘሀሎ ፡ ውስተ ፡ ቤተ ፡ እግዚአብሔር ።
¹¹ ወቆሙ ፡ ወዓሊሁ ፡ ምስለ ፡ ንዋየ ፡ ሐቅሎሙ ፡ መንገለ ፡ የማነ ፡ ቤት ፡ እስከ ፡ መንገለ ፡ ፀጋመ ፡ ቤት ፡ ዘምሥዋዕ ፡ ወዐገትዎ ፡ ለንጉሥ ።
¹² ወአውፅእዎ ፡ ለወልደ ፡ ንጉሥ ፡ ወአልበሶ ፡ ልብሰ ፡ ኢያዜር ፡ ዘስምዕ ፡ ወአንገሦ ፡ ወቀብኦ ፡ ወጠፍሑ ፡ እደዊሆሙ ፡ ወይቤሉ ፡ ሕያው ፡ አበ ፡ ነጋሢ ።
¹³ ወሰምዐት ፡ ጎቶልያ ፡ ድምፀ ፡ ሕዝብ ፡ እንዘ ፡ ይረውጹ ፡ ወቦአት ፡ ኀበ ፡ ሕዝብ ፡ ቤተ ፡ እግዚአብሔር ።
¹⁴ ሪጋረከበቶ ፡ ለንጉሥ ፡ ይቀውም ፡ ወያሰምክ ፡ ውስተ ፡ ዐምድ ፡ በከመ ፡ ሕጎሙ ፡ ወቅድሜሁ ፡ ይነፍሑ ፡ ቀርነ ፡ ወመዝሙራተኒ ፡ ወኵሉ ፡ ሕዝበ ፡ ምድር ፡ ይትፌሥሑ ፡ ወይነፍሑ ፡ ቀርነ ፡ ወሠጠጠት ፡ አልባሲሃ ፡ ጎቶልያ ፡ ወዐውየወት ፡ ወትቤ ፡ ማዕሌት ፡ መዕሌት ።
¹⁵ ወአዘዞሙ ፡ ዮዳሔ ፡ ካህን ፡ ለመሳፍንት ፡ ወይቤሎሙ ፡ ለመላእክተ ፡ ሰራዊት ፡ አውፅእዋ ፡ እምውስተ ፡ አዴሮታ ፡ ወኵሉ ፡ ዘተለዋ ፡ ቅትልዎ ፡ በኀጺን ፡ እስመ ፡ ካህን ፡ አዘዘ ፡ ከመ ፡ ኢይቅትልዋ ፡ በቤተ ፡ እግዚአብሔር ።
¹⁶ ወአኀዝዋ ፡ ወወሰድዋ ፡ ፍኖተ ፡ አፍራስ ፡ ዘቤተ ፡ ንጉሥ ፡ ወቀተልዋ ፡ በህየ ።
¹⁷ ወአስተካየደ ፡ ዮዳሔ ፡ ኪዳነ ፡ ማእካለ ፡ ቤተ ፡ እግዚአብሔር ፡ ወማእከለ ፡ ቤተ ፡ ንጉሥ ፡ ወማእከለ ፡ ሕዝብ ፡ ከመ ፡ ይኩኑ ፡ ሕዝበ ፡ እግዚአብሔር ።
¹⁸ ወቦኡ ፡ ኵሉ ፡ ሕዝብ ፡ ዘብሔር ፡ ቤተ ፡ በዓል ፡ ወሰበርዎ ፡ ወነሰቱ ፡ ምሥዋዓቲሁ ፡ ወቀጥቀጡ ፡ አምሳሊሁ ፡ በሕቁ ፡ ወቀተልዎ ፡ ለማታን ፡ ለማሬ ፡ በዓል ፡ በቀድመ ፡ ምሥዋዕ ፡ ወሤመ ፡ ካህን ፡ መገብተ ፡ ለቤተ ፡ እግዚአብሔር ።
¹⁹ ወነሥኦሙ ፡ ለመሳፍንት ፡ ለኮሪ ፡ ወለራሲን ፡ ወለኵሉ ፡ ሕዝበ ፡ ምድር ፡ ወአውጽእዎ ፡ ለንጉሥ ፡ እምቤተ ፡ እግዚአብሔር ፡ ወወሰዶ ፡ እንተ ፡ አንቀጸ ፡ ፍኖቶሙ ፡ ለ[ወዐልተ] ፡ ቤተ ፡ ንጉሥ ፡ ወአንበሮ ፡ ውስተ ፡ መንበረ ፡ ነገሥት ።
²⁰ ወተፈሥሑ ፡ ኵሉ ፡ ሕዝበ ፡ ምድር ፡ ወነበረት ፡ እንከ ፡ ሀገርኒ ፡ ዳኅና ፡ ወለጎቶልያሰ ፡ ቀተልዋ ፡ በኀጺን ፡ በቤተ ፡ ንጉሥ ።
²¹ ወ፯ክረምቱ ፡ ለኢዮአስ ፡ አመ ፡ ይነግሥ ።

http://www.sacred-texts.com/bib/poly/kg2012.htm 12↗     ¹ አመ ፡ ሳብዕ ፡ ዓመተ ፡ መንግሥቱ ፡ ለኢዩ ፡ ነግሠ ፡ ኢዮአስ ፡ ወ፵ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ አብያ ፡ ወለተ ፡ ቤርሳቤሕ ።
² ወገብረ ፡ ኢዮአስ ፡ ጽድቀ ፡ ቅድመ ፡ እግዚአብሔር ፡ በኵሉ ፡ መዋዕል ፡ ዘመሀሮ ፡ ዮዳሔ ፡ ካህን ።
³ ወባሕቱ ፡ አብያተ ፡ አማልክት ፡ ኢያሰሰለ ፡ ወሕዝብኒ ፡ ህየ ፡ ዳእሙ ፡ የዐጥኑ ፡ ወይሠውዑ ፡ ውስተ ፡ ቤተ ፡ አማልክት ።
⁴ ወይቤሎሙ ፡ ኢዮአስ ፡ ለካህናት ፡ ኵሎ ፡ ወርቀ ፡ ዘይቄድሱ ፡ ወያበውኡ ፡ ለቤተ ፡ እግዚአብሔር ፡ ወወርቀኒ ፡ ዘቤዘ ፡ ወኵሎ ፡ ወርቀ ፡ ዘበፈቃዱ ፡ ያበውእ ፡ ሰብእ ፡ ለቤተ ፡ እግዚአብሔር ፤
⁵ ለይንሥኡ ፡ ካህናት ፡ ለርእሶሙ ፡ ኵሉ ፡ ብእሲ ፡ እምውስተ ፡ ተግባሩ ፡ ወለሊሆሙ ፡ ይዕቀቡ ፡ ቤዴቀ ፡ ዘበቤቱ ።
⁶ ወእምዝ ፡ አመ ፡ ፴ወ፫ዓመተ ፡ መንግሥቱ ፡ ለኢዮአስ ፡ ሶበ ፡ ርእየ ፡ ኢዮአስ ፡ ካህናት ፡ ከመ ፡ ኢዐቀቡ ፡ ቤዴቀ ፡ ዘውስተ ፡ ቤቱ ፤
⁷ ጸውዖ ፡ ኢዮአስ ፡ ንጉሥ ፡ ለዮዳሔ ፡ ካህን ፡ ወለካህናትኒ ፡ ወይቤሎሙ ፡ በእፎ ፡ ኢዐቀብክሙ ፡ ቤዴቀ ፡ ዘውስተ ፡ ቤት ፤ እምይእዜ ፡ እንከ ፡ ኢትንሥኡ ፡ ወርቆ ፡ ለተግባርክሙ ፤ ለቤዴቅ ፡ ዘውስተ ፡ ቤት ፡ ያብእዎ ።
⁸ ወተካየዱ ፡ ካህናት ፡ ከመ ፡ ኢይንሥኡ ፡ እንከ ፡ ወርቀ ፡ መባእ ፡ ዘሕዝብ ፡ ወከመ ፡ ይዕቀቡ ፡ ቤዴቀ ፡ ዘውስተ ፡ ቤት ።
⁹ ወነሥአ ፡ ዮዳሔ ፡ ካህን ፡ አሐተ ፡ ታቦተ ፡ ወሰቈራ ፡ ውስተ ፡ ሰሌዳሃ ፡ ወአንበራ ፡ ኀበ ፡ አሚቢን ፡ ውስተ ፡ ቤቱ ፡ ለመጋቤ ፡ ቤተ ፡ እግዚአብሔር ፡ ወአግብኡ ፡ ካህናት ፡ ኵሎ ፡ ወርቆ ፡ ዘተረክበ ፡ ውስተ ፡ ቤተ ፡ እግዚአብሔር ፡ በመድሎቱ ።
¹⁰ ወሶበ ፡ ርእዩ ፡ ከመ ፡ ብዙኅ ፡ ወርቁ ፡ ዘተረክበ ፡ ውስተ ፡ ታቦት ፡ ዐርገ ፡ ጸሓፌ ፡ ንጉሥ ፡ ወካህናት ፡ ወኈለቍዎ ፡ ወርቆ ፡ ወአስርዎ ፡ ዐቍሮሙ ፡ ኵሎ ፡ ወርቀ ፡ ዘረከቡ ፡ ውስተ ፡ ቤተ ፡ እግዚአብሔር ።
¹¹ ወአዘዘ ፡ ይንሥኡ ፡ መገብተ ፡ ቤተ ፡ እግዚአብሔር ፡ ወርቀ ፡ ዘይበውእ ፡ ለፃእፃእ ፡ ይኩኖሙ ፡ ዘይሁቡ ፡ ለጸረብተ ፡ ዕፅ ፡ ወለነደቅት ፡ እለ ፡ የሐንጹ ፡ ቤተ ፡ እግዚአብሔር ፤
¹² ወለመገይራን ፡ ወለወቀርተ ፡ እብን ፡ በዘ ፡ ይሣየጡ ፡ እብነ ፡ ውቁረ ፡ ወዕፀ ፡ ጽሩበ ፡ በዘየዐቅቡ ፡ ቤዴቀ ፡ ዘውስተ ፡ ቤተ ፡ እግዚአብሔር ፡ ወለኵሉ ፡ ፃእፃአ ፡ ቤተ ፡ እግዚአብሔር ፡ በዘ ፡ የዐቅቡ ፤
¹³ እንበለ ፡ መዓጹት ፡ ዘብሩር ፡ ዘይገብሩ ፡ ለቤተ ፡ እግዚአብሔር ፡ ወፍያላትኒ ፡ ወአቅርንትኒ ፡ ወኵሉ ፡ ንዋየ ፡ ወርቅ ፡ ወብሩር ፡ ዘይበውእ ፡ ለቤተ ፡ እግዚአብሔር ፤
¹⁴ አዘዘ ፡ ይመጥውዎሙ ፡ ለእለ ፡ ይገብሩ ፡ ግብሮ ፡ ወቦቱ ፡ ይዕቀቡ ፡ ቤተ ፡ እግዚአብሔር ።
¹⁵ ወኢትትሓሰብዎሙ ፡ ለእሙንቱ ፡ ዕደው ፡ እለ ፡ ይነሥኡ ፡ ወርቆ ፡ ወያስተዋፅእዎ ፡ ለግብሮሙ ፡ በሃይማኖቶሙ ።
¹⁶ ወወርቅሰ ፡ ዘበእንተ ፡ ኀጢአት ፡ ወዘበእንተ ፡ ንስሓኒ ፡ ዘይበውእ ፡ ለቤተ ፡ እግዚአብሔር ፡ ለካህናት ፡ ውእቱ ።
¹⁷ ወበውእቱ ፡ መዋዕል ፡ ዐርገ ፡ አዛሔል ፡ ንጉሠ ፡ ሶርያ ፡ ወተቃተሎሙ ፡ ለጌት ፡ ወነሥኣ ፡ ለጌት ፡ ወአስተጋብኣ ፡ ወፈነወ ፡ አዛሔል ፡ ሰራዊት ፡ ይዕርጉ ፡ ኢየሩሳሌም ፡ አቅዲሞ ፡ እምኔሁ ።
¹⁸ ወነሥአ ፡ ኢዮአስ ፡ ንጉሠ ፡ ይሁዳ ፡ ዘቅድሳ[ት] ፡ ኵሎ ፡ ዘቀደሱ ፡ አበዊሁ ፡ ዮሳፍጥ ፡ ወኢዮራም ፡ ወአካዝያስ ፡ ነገሥተ ፡ ይሁዳ ፡ ወዚአሁኒ ፡ ዘቀደሰ ፡ ለሊሁ ፡ ወኵሎ ፡ ወርቀ ፡ ዘተረክበ ፡ ውስተ ፡ መዝገበ ፡ ቤተ ፡ እግዚአብሔር ፡ ወዘቤተ ፡ ንጉሥኒ ፡ ወፈነወ ፡ ለአዛሔል ፡ ንጉሠ ፡ ሶርያ ፡ ወገብአ ፡ አዛሔል ፡ ወኀደጋ ፡ ለኢየሩሳሌም ።
¹⁹ ወኵሉ ፡ ነገሩ ፡ ለኢዮአስ ፡ ወኵሉ ፡ ዘገብረ ፡ ናሁ ፡ ዝንቱ ፡ ውእቱ ፡ ዘጽሑፍ ፡ ውስተ ፡ መጽሐፈ ፡ መዋዕሊሆሙ ፡ ለነገሥተ ፡ ይሁዳ ።
²⁰ ወተንሥኡ ፡ አግብርቲሁ ፡ ወአስተቋጸሩ ፡ ሎቱ ፡ በኵለሄ ፡ ማዕሌተ ፡ ወቀተልዎ ፡ ለኢዮአስ ፡ በቤተ ፡ ማኅሎ ፡ ዘውስተ ፡ ገዳም ።
²¹ ኢያዜክር ፡ ወኢያሙሐድ ፡ ወኢያዛብድ ፡ ወልዱ ፡ እሉ ፡ አግብርቲሁ ፡ እለ ፡ ቀተልዎ ፡ ወሞተ ፡ ወቀበርዎ ፡ ምስለ ፡ አበዊሁ ፡ ውስተ ፡ ሀገረ ፡ ዳዊት ፡ ወነግሠ ፡ አሜስያስ ፡ ወልዱ ፡ ህየንቴሁ ።

http://www.sacred-texts.com/bib/poly/kg2013.htm 13↗     ¹ አመ ፡ ፳ወ፫ዓመተ ፡ መንግሥቱ ፡ ለኢዮያስ ፡ ወልደ ፡ አካዝያስ ፡ ንጉሠ ፡ ይሁዳ ፡ ነግሠ ፡ ዮአካስ ፡ ወልደ ፡ ኢዩ ፡ በሰማርያ ፡ ፲ወ፯ክረምተ ።
² ወገብረ ፡ እኩየ ፡ ቅድመ ፡ እግዚአብሔር ፡ ወሖረ ፡ ወተለወ ፡ ኀጢአተ ፡ ኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ፡ ወኢኀደገ ፡ ኪያሃ ።
³ ወተምዕዐ ፡ እግዚአብሔር ፡ መዐተ ፡ ላዕለ ፡ እስራኤል ፡ ወአግብኦሙ ፡ ውስተ ፡ እዴሁ ፡ ለአዛሔል ፡ ንጉሠ ፡ ሶርያ ፡ ወውስተ ፡ እዴሁ ፡ ለወልደ ፡ አዴር ፡ ወልደ ፡ አዛሔል ፡ በኵሉ ፡ መዋዕል ።
⁴ ወተጋነየ ፡ ዮአካዝ ፡ ለገጸ ፡ እግዚአብሔር ፡ እስመ ፡ ርእየ ፡ ሕማሞሙ ፡ ለእስራኤል ፡ እስመ ፡ ሣቀዮሙ ፡ ንጉሠ ፡ ሶርያ ።
⁵ ወፈነወ ፡ እግዚአብሔር ፡ መድኀኒተ ፡ ለእስራኤል ፡ ወአውፅኦሙ ፡ እምውስተ ፡ እዴሆሙ ፡ ለሶርያ ፡ ወነበሩ ፡ ደቂቀ ፡ እስራኤል ፡ ውስተ ፡ አብያቲሆሙ ፡ ከመ ፡ ዘልፈ ።
⁶ ወባሕቱ ፡ ኢኀደጉ ፡ ኀጢአተ ፡ ቤተ ፡ ኢዮርብዓም ፡ ዘአስሐቶሙ ፡ ለእስራኤል ፡ ወተለዉ ፡ ኪያሃ ፡ ወምሕራመ ፡ ዖምኒ ፡ ቆመ ፡ ውስተ ፡ ስማርያ ።
⁷ እስመ ፡ አልቦ ፡ ሕዝብ ፡ ዘተረፈ ፡ ለኢዮአክስ ፡ ዘእንበለ ፡ ፶አፍራስ ፡ ወ፲ሰረገላት ፡ ወ[፼]ብእሲ ፡ አጋር ፡ እስመ ፡ ቀተሎሙ ፡ ለኵሎሙ ፡ ንጉሠ ፡ ሶርያ ፡ ወረሰዮሙ ፡ ወኬዶሙ ፡ ከመ ፡ መሬት ።
⁸ ወኵሉ ፡ ነገሩ ፡ ለኢዮአክስ ፡ ወኵሉ ፡ ዘገብረ ፡ ወኵሉ ፡ ኀይሉ ፡ ናሁ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያት ፡ መዋዕሊሆሙ ፡ ለነገሥተ ፡ እስራኤል ።
⁹ ወሰከበ ፡ ዮአክስ ፡ ምስለ ፡ አበዊሁ ፡ ወቀበርዎ ፡ ውስተ ፡ ሰማርያ ፡ ወነግሠ ፡ ዮአስ ፡ ወልዱ ፡ ህየንቴሁ ።
¹⁰ አመ ፡ ፴ወ፯ዓመተ ፡ መንግሥቱ ፡ ለኢዮአስ ፡ ንጉሠ ፡ ይሁዳ ፡ ነግሠ ፡ ዮአስ ፡ ወልደ ፡ ዮአክስ ፡ ለእስራኤል ፡ በሰማርያ ፡ ፲ወ፮ዓመተ ።
¹¹ ወገብረ ፡ እኩየ ፡ ቅድመ ፡ እግዚአብሔር ፡ ወኢኀደገ ፡ ኵሎ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ፡ ወኪያሃ ፡ ተለወ ።
¹² ወኵሉ ፡ ነገሩ ፡ ለዮአስ ፡ ወኵሉ ፡ ዘገብረ ፡ ወኵሎ ፡ ኀይሉ ፡ ናሁ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያት ፡ መዋዕሊሆሙ ፡ ለነገሥተ ፡ [እስራኤል] ።
¹³ ወሰከበ ፡ ምስለ ፡ አበዊሁ ፡ ወካልእ ፡ ኢዮርብዓም ፡ ነግሠ ፡ ወነበረ ፡ ውስተ ፡ መንበሩ ፡ በሰማርያ ፡ ምስለ ፡ ደቂቀ ፡ እስራኤል ።
¹⁴ ወኤልሳዕኒ ፡ ደወየ ፡ ደዌሁ ፡ ዘዘልፈ ፡ እንተ ፡ ባቲ ፡ ይመውት ፡ ወወረደ ፡ ኀቤሁ ፡ ኢዮአስ ፡ ንጉሠ ፡ እስራኤል ፡ ወበከየ ፡ በቅድሜሁ ፡ ወይቤለመ ፡ አባ ፡ አባ ፡ ሰረገላቲሆሙ ፡ ለእስራኤል ፡ ወአፍራሲሆሙ ።
¹⁵ ወይቤሎ ፡ ኤልሳዕ ፡ ንሣእ ፡ ቀስተከ ፡ ወሐጸከ ።
¹⁶ ወይቤሎ ፡ ለንጉሥ ፡ ምስክ ፡ ቀስተከ ፡ ወወስቅ ፡ ሐጸከ ፡ ወወሰቀ ፡ ዮአስ ፡ ወመሰከ ፡ ቀስቶ ፡ በእዴሁ ፡ ወወደየ ፡ ኤልሳዕ ፡ እዴሁ ፡ ላዕለ ፡ እዴሁ ፡ ለንጉሥ ።
¹⁷ ወይቤሎ ፡ አርኁ ፡ መሰኮተ ፡ መንገለ ፡ ጽባሕ ፡ ወአርኀወ ፡ ወይቤሎ ፡ ኤልሳዕ ፡ ንድፍ ፡ ወነደፈ ፡ ወይቤሎ ፡ ኤልሳዕ ፡ ሐጸ ፡ መድኀኒቱ ፡ ለእግዚአብሔር ፡ ወሐጸ ፡ ተምውእቶሙ ፡ ለሶርያ ፡ ወትቀትሎሙ ፡ ለሶርያ ፡ እምነ ፡ አፌቅ ፡ እስከ ፡ ጽንፋ ።
¹⁸ ወይቤሎ ፡ ኤልሳዕ ፡ ንሣእ ፡ ቀስተ ፡ ወንድፍ ፡ ውስተ ፡ ምድር ፡ ወነደፈ ፡ ንጉሥ ፡ ሥልሰ ፡ ወኀደገ ።
¹⁹ ወተከዘ ፡ ብእሴ ፡ እግዚአብሔር ፡ ወይቤሎ ፡ ሶበ ፡ ነደፍከ ፡ ስብዐ ፡ ወእመ ፡ አኮ ፡ ስድሰ ፡ እምቀተልኮሙ ፡ ለሶርያ ፡ ወእምአኅለቆሙ ፡ ወይእዜሰ ፡ ሥልሰ ፡ ትቀትሎሙ ፡ ለሶርያ ።
²⁰ ወሞተ ፡ ኤልሳዕ ፡ ወቀበርዎ ፡ ወበውእቱ ፡ ዓመት ፡ ሮድዎሙ ፡ ብሔሮሙ ፡ ሞአብ ።
²¹ ወእንዘ ፡ ይቀብርዎ ፡ በኤልሳዕ ፡ አምጽኡ ፡ ካልአ ፡ ብእሴ ፡ ይቅብሩ ፡ ወሶበ ፡ ይሬእዩ ፡ ይረውድዎሙ ፡ ገደፍዎ ፡ በድኖ ፡ ለውእቱ ፡ ብእሲ ፡ ውስተ ፡ መቃብረ ፡ ኤልሳዕ ፡ ወወረደ ፡ ውእቱ ፡ በድን ፡ ላዕሰ ፡ ኤልሳዕ ፡ ወለከፎ ፡ ውእቱ ፡ በድን ፡ ለበድነ ፡ ኤልሳዕ ፡ ወሐይወ ፡ ውእቱ ፡ ብእሲ ፡ ወተንሥአ ፡ ወቆመ ፡ በእገሪሁ ።
²² ወሣቀዮሙ ፡ አዛሔል ፡ ለእስራኤል ፡ በኵሉ ፡ መዋዕሊሁ ፡ ለዮአስ ።
²³ ወመሐሮሙ ፡ እግዚአብሔር ፡ ወተሣሀሎሙ ፡ በእንተ ፡ ማሕላሁ ፡ ዘመሐለ ፡ ለአብርሃም ፡ ወለይስሐቅ ፡ ወለያዕቆብ ፡ ወኢፈቀደ ፡ እግዚአብሔር ፡ ያጥፍኦሙ ፡ ወኢገደፎሙ ፡ እምቅድመ ፡ ገጹ ።
²⁴ ወሞተ ፡ አዛሔል ፡ ንጉሠ ፡ ሶርያ ፡ ወነግሠ ፡ ወልደ ፡ አዴር ፡ ወልዱ ፡ ህየንቴሁ ።
²⁵ ወተመይጠ ፡ ዮአስ ፡ ወልደ ፡ ዮአክስ ፡ ወሄደ ፡ አህጉሪሁ ፡ ለወልደ ፡ አዴር ፡ ወልደ ፡ አዛሔል ፡ እለ ፡ ነሥአ ፡ እምኀበ ፡ ዮአክስ ፡ አቡሁ ፡ ወአመ ፡ ተቃተሎ ፡ ሥልሰ ፡ ቀተሎ ፡ ዮአስ ፡ ወሄደ ፡ አህጉሪሆሙ ፡ ለእስራኤል ።

http://www.sacred-texts.com/bib/poly/kg2014.htm 14↗     ¹ ወአመ ፡ ካልእት ፡ ዓመተ ፡ መንግሥቱ ፡ ለዮአስ ፡ ወልደ ፡ ዮአክስ ፡ ንጉሠ ፡ እስራኤል ፡ ወነግሠ ፡ አሜስያስ ፡ ወልደ ፡ ዮአስ ፡ ንጉሠ ፡ ይሁዳ ።
² ፳ወ፭ክረምቱ ፡ አመ ፡ ይነግሥ ፡ ወ፳ወ፱ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ዮአድሞ ፡ እንተ ፡ እምኢየሩሳሌም ።
³ ወገብረ ፡ ጽድቀ ፡ ቅድመ ፡ አዕይንቲሁ ፡ ለእግዚአብሔር ፡ ወባሕቱ ፡ አኮ ፡ ከመ ፡ ዳዊት ፡ አቡሁ ፡ ወኵሎ ፡ ዘከመ ፡ ገብረ ፡ ዮአስ ፡ አቡሁ ፡ ገብረ ።
⁴ ወአብያተ ፡ አማልክትሰ ፡ ኢያሰሰለ ፡ ወሕዝብኒ ፡ ህየ ፡ ዓዲሆሙ ፡ የዐጥኑ ፡ ወይሠውዑ ፡ ውስተ ፡ አብያተ ፡ አማልክት ።
⁵ ወሶበ ፡ ጸንዐት ፡ መንግሥቱ ፡ ቀተሎሙ ፡ ለአግብርቲሁ ፡ እለ ፡ ቀተልዎ ፡ ለአቡሁ ።
⁶ ወደቂቆሙ ፡ ለእለ ፡ ቀተልዎ ፡ ኢቀተሎሙ ፡ እስመ ፡ ከማሁ ፡ ጽሑፍ ፡ ውስተ ፡ መጽሐፈ ፡ ሕጉ ፡ ለሙሴ ፡ ዘከመ ፡ አዘዘ ፡ እግዚአብሔር ፡ ወይቤ ፡ ኢይመውቱ ፡ አበው ፡ በጌጋየ ፡ ውሉዶሙ ፡ ወኢይመውቱ ፡ ውሉድ ፡ በጌጋየ ፡ አበዊሆሙ ፤ ኵሉ ፡ በጌጋየ ፡ ዚአሁ ፡ ይመውት ።
⁷ ወውእቱ ፡ ቀተሎሙ ፡ ለኤዶም ፡ በርዴ ፡ ፼ ብእሴ ፡ ወበጽሐ ፡ እስከ ፡ ጸወኖሙ ፡ እንዘ ፡ ይቀትሎሙ ፡ ወሰመዮ ፡ ቀቶሔል ፡ እስከ ፡ ዮም ።
⁸ ወእምዝ ፡ ፈነወ ፡ አሜስያስ ፡ ሐዋርያተ ፡ ኀበ ፡ ዮአስ ፡ ወልድ ፡ ዮአክስ ፡ ወልደ ፡ ኢዩ ፡ ንጉሠ ፡ እስራኤል ፡ እንዘ ፡ ይብል ፡ ነዓአ ፡ ንትራአይአ ፡ ገጸአ ፡ በገጽአ ።
⁹ ወለአከ ፡ ዮአስ ፡ ኀበ ፡ አሜስያስ ፡ ንጉሠ ፡ ይሁዳ ፡ እንዘ ፡ ይብል ፡ እቃንአ ፡ ዘውስተ ፡ ዕፀ ፡ ሊባኖስአ ፡ ለአከ ፡ ኀበ ፡ ዕፀ ፡ ቄድሮስ ፡ ዘውስተ ፡ ሊባኖስ ፡ እንዘ ፡ ይብል ፡ ሀቦአ ፡ ለወልድየአ ፡ ወለተከአ ፡ ያውስብአ ፡ ወመጽኡአ ፡ አራዊተ ፡ ገዳምአ ፡ ዘውስተ ፡ ሊባኖስአ ፡ ወቀተልዎአ ፡ ለአቃንአ ።
¹⁰ እስመሁአ ፡ ቀተልኮሙአ ፡ ለኢዶምያስ ፡ አዕበይከ ፡ ልበከ ፡ ወትዜኀር ፡ ንቡረከ ፡ ውስተ ፡ ቤትከ ፡ ለምንት ፡ ትትዐበይ ፡ በእከይከ ፡ እንዘእ ፡ ሀለውክሙአ ፡ ትደቁአ ፡ አንተኒአ ፡ ወይሁዳአ ፡ ምስሌከአ ።
¹¹ ወአበየ ፡ ሰሚዐ ፡ አሜስያስ ፡ ወዐርገ ፡ ዮአስ ፡ ንጉሠ ፡ እስራኤል ፡ ወተራከበ ፡ ምስለ ፡ አሜስያስ ፡ ንጉሠ ፡ ይሁዳ ፡ በቤተ ፡ ሳሚስ ፡ በምድረ ፡ ይሁዳ ፡ ወተራአዩ ፡ ገጸ ፡ በገጽ ።
¹² ወወድቁ ፡ ይሁዳ ፡ ቅድመ ፡ እስራኤል ፡ ወጐዩ ፡ ወአተዉ ፡ አብያቲሆሙ ።
¹³ ወለአሜስያስሰ ፡ ወልደ ፡ ዮአ[ስ] ፡ አኀዞ ፡ ዮአስ ፡ ንጉሠ ፡ እስራኤል ፡ በቤተ ፡ ሳሚስ ፡ ወአተወ ፡ ኢየሩሳሌም ፡ ወሰቀሎ ፡ ውስተ ፡ አረፍተ ፡ ኢየሩሳሌም ፡ ውስተ ፡ አንቀጸ ፡ ኤፍሬም ፡ ወሰሐበ ፡ እስከ ፡ አንቀጸ ፡ መኣዝንት ፡ ፬፻በእመት ።
¹⁴ ወነሥአ ፡ ወርቀ ፡ ወብሩረ ፡ ወኵሎ ፡ ንዋየ ፡ ዘተረክበ ፡ ውስተ ፡ ቤተ ፡ እግዚአብሔር ፡ ወዘውስተ ፡ መዝገበ ፡ ቤተ ፡ ንጉሥ ፡ ወነሥአ ፡ ደቀ ፡ ፈላስያን ፡ እለ ፡ ተደመሩ ፡ ምስሌሁ ፡ ወአተወ ፡ ወተመይጠ ፡ ሰማርያ ።
¹⁵ ወኵሉ ፡ ነገሩ ፡ ለዮአስ ፡ ወኵሉ ፡ ኀይሉ ፡ ወዘከመ ፡ ተቃተለ ፡ ምስለ ፡ አሜስያስ ፡ ንጉሠ ፡ ይሁዳ ፡ ናሁ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
¹⁶ ወስከበ ፡ ዮአስ ፡ ምስለ ፡ አበዊሁ ፡ ወተቀብረ ፡ ውስተ ፡ ሰማርያ ፡ ምስለ ፡ ነገሥተ ፡ እስራኤል ፡ ወነግሠ ፡ ኢዮራብዓም ፡ ወልዱ ፡ ህየንቴሁ ።
¹⁷ ወሐይወ ፡ አሜስያስ ፡ ወልደ ፡ ዮአስ ፡ ንጉሠ ፡ ይሁዳ ፡ ወእምድኅረ ፡ ሞተ ፡ ወልደ ፡ ዮአክስ ፡ ንጉሠ ፡ እስራኤል ፡ ፲ወ፭ዓመተ ።
¹⁸ ወኵሉ ፡ ነገሩ ፡ በአሜስያስ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
¹⁹ ወዐለውዎ ፡ ማዕሌተ ፡ ሰብአ ፡ ኢየሩሳሌም ፡ ወተኀጥአ ፡ እምህየ ፡ ውስተ ፡ ለኪስ ፡ ወለአከ ፡ ንጉሠ ፡ ለኪስ ፡ ወአዴገኖ ፡ ወቀተሎ ፡ በህየ ።
²⁰ ወጸዐንዎ ፡ በድኖ ፡ ውስተ ፡ አፍራስ ፡ ወቀበርዎ ፡ ውስተ ፡ ኢየሩሳልም ፡ ምስለ ፡ አበዊሁ ፡ ውስተ ፡ ሀገረ ፡ ዳዊት ።
²¹ ወአኀዝዎ ፡ ኵሎሙ ፡ ሕዝበ ፡ ይሁዳ ፡ ለአዛርያስ ፡ አሜሃ ፡ እንዘ ፡ ፲ወ፮ክረምቱ ፡ ወአንገሥዎ ፡ ህየንተ ፡ አሜስያስ ፡ አቡሁ ።
²² ወውእቱ ፡ ሐነጻ ፡ ለኤላም ፡ ወአስተጋብኣ ፡ ለይሁዳ ፡ እምድኅረ ፡ ሰከበ ፡ ንጉሥ ፡ ምስለ ፡ አበዊሁ ።
²³ ወአመ ፡ ፲ወ፭ዓመተ ፡ መንግሥቱ ፡ ለአሜስያስ ፡ ወልደ ፡ ዮአስ ፡ ንጉሠ ፡ ይሁዳ ፡ ነግሠ ፡ ኢዮርብዓም ፡ ወልደ ፡ ዮአስ ፡ ለእስራኤል ፡ በሰማርያ ፡ ፵ወ፩ክረምተ ፡ ነግሠ ።
²⁴ ወገብረ ፡ እኩየ ፡ ቅድመ ፡ እግዚአብሔር ፡ ወኢኀደገ ፡ ኵሎ ፡ ኀጢአቶ ፡ ለኢዮራብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
²⁵ ውእቱ ፡ አቀመ ፡ ደወሎሙ ፡ ለእስራኤል ፡ እምፍኖተ ፡ ኤማት ፡ እስከ ፡ ባሕር ፡ ዘዐረብ ፡ በከመ ፡ ይቤ ፡ እግዚአብሔር ፡ አምላከ ፡ እስራኤል ፡ ዘከመ ፡ ነበበ ፡ በእደ ፡ ገብሩ ፡ ዮሐና ፡ ወልደ ፡ አማቴ ፡ ነቢይ ፡ ዘውስተ ፡ ጌድ ፡ ዘኮቤር ።
²⁶ እስመ ፡ ርእየ ፡ ሕማሞሙ ፡ እግዚአብሔር ፡ ለእስራኤል ፡ መራር ፡ ፈድፋደ ፡ ወውኅዱሂ ፡ ወተገድፉሂ ፡ ወኀጥኡ ፡ ዘይረድኦሙ ፡ ለእስራኤል ።
²⁷ ወኢነበበ ፡ እግዚአብሔር ፡ ከመ ፡ ይደምስስ ፡ ዘርኦሙ ፡ ለእስራኤል ፡ እምታሕተ ፡ ሰማይ ፡ ወአድኀኖሙ ፡ [በ]እደ ፡ ኢዮርብዓም ፡ ወልደ ፡ ዮአስ ።
²⁸ ወኵሉ ፡ ነንሩ ፡ ለኢዮራብዓም ፡ ወኵሉ ፡ ዘንብረ ፡ ወኵሉ ፡ ኀይሉ ፡ ወኵሉ ፡ ፀብኡ ፡ ወዘከመ ፡ አስተጋብኦሙ ፡ ለኤማት ፡ ወለደማስቆ ፡ አምእስራኤል ፡ ለይሁዳ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
²⁹ ወሰከበ ፡ ኢዮርብዓም ፡ ምስለ ፡ አበዊሁ ፡ ምስለ ፡ ነገሥተ ፡ እስራኤል ፡ ወነግሠ ፡ አዜከርያስ ፡ ወልዱ ፡ ህየንቴሁ ።

http://www.sacred-texts.com/bib/poly/kg2015.htm 15↗     ¹ አመ ፡ ፳ወ፯ዓመተ ፡ መንግሥቱ ፡ ለኢዮርብዓም ፡ ንጉሠ ፡ እስራኤል ፡ [ነግሠ ፡ አዛርያስ ፡ ወልደ ፡ አሜስያስ ፡ ንጉሠ ፡ ይሁዳ ።]
² ወ፲ወ፮ክረምቱ ፡ ለአዛርያስ ፡ አመ ፡ ይነግሥ ፤ ፶ወ፪ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ከልያ ፡ እንተ ፡ ኢየሩሳሌም ።
³ ወገብረ ፡ ጽድቀ ፡ በቅድመ ፡ አዕይንቲሁ ፡ ለእግዚአብሔር ፡ ዘከመ ፡ ገብረ ፡ አሜስያስ ፡ አቡሁ ።
⁴ ወአብያተ ፡ አማልክትሰ ፡ ኢያሰሰለ ፤ ዓዲሆሙ ፡ ሕዝብ ፡ ህየ ፡ የዐጥኑ ፡ ወይሠውዑ ፡ ውስተ ፡ አብያተ ፡ አማልክት ።
⁵ ወገሰሶ ፡ እግዚአብሔር ፡ ለንጉሥ ፡ ወአኀዞ ፡ ለምጽ ፡ እስከ ፡ አመ ፡ ሞተ ፡ ወነግሠ ፡ እምቤተ ፡ አፍሶት ፡ ወዮናታን ፡ ወልደ ፡ ንጉሥ ፡ የዐቅብ ፡ ቤቶ ፡ ወይኴንን ፡ አሕዛበ ፡ ምድር ።
⁶ ወኵሉ ፡ ነገሩ ፡ ለአዛርያስ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
⁷ ወስከበ ፡ አዛርያስ ፡ ምሰለ ፡ አበዊሁ ፡ ውስተ ፡ ሀገረ ፡ ዳዊት ፡ ወነግሠ ፡ ዮናታን ፡ ወልዱ ፡ ህየንቴሁ ።
⁸ ወአመ ፡ ፴ወ፰ዓመተ ፡ መንግሥቱ ፡ ለአዛርያስ ፡ ንጉሠ ፡ ይሁዳ ፡ ነግሠ ፡ አዜኬርያስ ፡ ወልደ ፡ ኢዮርብዓም ፡ ለእስራኤል ፡ በሰማርያ ፡ ፮አውራኀ ።
⁹ ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ በከመ ፡ ገብሩ ፡ አበዊሁ ፡ ወኢኀደገ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
¹⁰ ወዐለውዎ ፡ ሴሎም ፡ ወልደ ፡ ኢያቢሶ ፡ ወበላዓን ፡ ወሴሎም ፡ አቡሁ ፡ ቀተልዎ ፡ ወነግሠ ፡ ሴሎም ፡ ህየንቴሁ ።
¹¹ ወኵሉ ፡ ነገሩ ፡ ለአዜኬርያስ ፡ ናሁ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
¹² ወዝውእቱ ፡ ቃለ ፡ እግዚአብሔር ፡ ለኢዩ ፡ ዘይቤለመ ፡ እስከ ፡ ራብዕ ፡ ትውልድከ ፡ ይነብሩ ፡ ውስተ ፡ መንበረ ፡ እስራኤል ፡ ወከማሁ ፡ ኮነ ።
¹³ ወነግሠ ፡ ሴሎም ፡ ወልደ ፡ ያቤሳ ፤ አመ ፡ ፴ወ፱ዓመተ ፡ መንግሥቱ ፡ ለአዛርያ ፡ ንጉሠ ፡ ይሁዳ ፡ ነግሠ ፡ ሴሎም ፡ ፴መዋዕለ ፡ በሰማርያ ።
¹⁴ ወዐርገ ፡ ምናሔም ፡ ወልደ ፡ ጌዱ ፡ እምተርሲላቅ ፡ ወሖረ ፡ ሰማርያ ፡ ወቀተሎ ፡ ለሴሎም ፡ ወልደ ፡ ያቤሶ ፡ በሰማርያ ።
¹⁵ ወኵሉ ፡ ነገሩ ፡ ለሴሎም ፡ ወማዕሌቱኒ ፡ ዘዐለወ ፡ ናሁ ፡ ዝንቱ ፡ ውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
¹⁶ ወእምዝ ፡ ቀተሎሙ ፡ ምናሔም ፡ ለቴርሳ ፡ ወኵሎሙ ፡ ዘውስተ ፡ ቴርሳ ፡ ወለኵሉ ፡ አድያሚሆሙ ፡ ወዘእምቴርሳ ፡ እስመ ፡ [ኢያ]ርኀውዎ ፡ ወኵሎሙ ፡ እለ ፡ ሀለዉ ፡ ውስቴታ ፡ ወፅኑሳቲሆሙኒ ፡ ነፀሮን ።
¹⁷ ወአመ ፡ ፴ወ፱ዓመተ ፡ መንግሥቱ ፡ ለአዛርያስ ፡ ንጉሠ ፡ ይሁዳ ፡ ነግሠ ፡ ምናሔም ፡ ወልደ ፡ ጊዱ ፡ ለእስራኤል ፡ ፲ክረምተ ፡ በሰማርያ ።
¹⁸ ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወኢኀደገ ፡ ኵሎ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
¹⁹ ወበመዋዕሊሁ ፡ ዐርገ ፡ ፎሐ ፡ ንጉሠ ፡ ፋርስ ፡ ውስተ ፡ ውእቱ ፡ ብሔር ፡ ወወሀቦ ፡ ምናሔም ፡ ለፉሐ ፡ ፲፻መካልየ ፡ ብሩር ፡ ከመ ፡ ይኅበር ፡ ምስሌሁ ።
²⁰ ወአዘዞሙ ፡ ምናሔም ፡ ለእስራኤል ፡ የሀብዎ ፡ ብዙኀ ፡ ብሩረ ፡ ለንጉሠ ፡ ፋርስ ፡ ያስተዋፅኡ ፡ ሎቱ ፡ ብእሲ ፡ ብእሲ ፡ በበ፶ሰቅሎን ፡ ወኢቦአ ፡ ንጉሠ ፡ ፋርስ ፡ ወኢነበረ ፡ ውስተ ፡ ውእቱ ፡ ብሔር ።
²¹ ወኵሉ ፡ ነገሩ ፡ ለምናሔም ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
²² ወሰከበ ፡ ምናሔም ፡ ምስለ ፡ አበዊሁ ።
²³ ወአመ ፡ ኀምሳ ፡ ዓመተ ፡ መንግሥቱ ፡ ለአዛርያስ ፡ ንጉሠ ፡ ይሁዳ ፡ ነግሠ ፡ ፋቄስያስ ፡ ወልደ ፡ ምናሔም ፡ ለእስራኤል ፡ በሰማርያ ፡ ፪ዓመተ ።
²⁴ ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወኢኀደገ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
²⁵ ወዐለዎ ፡ ፋቂሔ ፡ ወልደ ፡ ሮሜልዩ ፡ ወዓሊሁ ፡ ወቀተስመ ፡ በሰማርያ ፡ በቅድመ ፡ ቤተ ፡ ንጉሥ ፡ ምስለ ፡ አርጎብ ፡ ወምስለ ፡ አርያ ፡ ወምስሌሁ ፡ ፶ብእሲ ፡ እምውስተ ፡ ፬፻ወቀተሎ ፡ ወነግሠ ፡ ህየንቴሁ ።
²⁶ ወኵሉ ፡ ነገሩ ፡ ለፋቄስያስ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
²⁷ ወአመ ፡ ፶ወ፪ዓመተ ፡ መንግሥቱ ፡ ለአዛርያስ ፡ ንጉሠ ፡ ይሁዳ ፡ ነግሠ ፡ ፋቁሔ ፡ ወልደ ፡ ሮሜልዩ ፡ ለእስራኤል ፡ በሰማርያ ፡ ፳ክረምተ ።
²⁸ ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወኢኀደገ ፡ ኀጢአቶ ፡ ለኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ።
²⁹ በመዋዕሊሁ ፡ ለፋቁሔ ፡ መጽአ ፡ ተልገተፌለሰር ፡ ንጉሠ ፡ ፋርስ ፡ ወነሥኦ ፡ ለናይን ፡ ወለአቤል ፡ ወለዘምሕኮ ፡ ወለዘአንዮኅ ፡ ወለቄኔዝ ፡ ወለአሶር ፡ ወለገለአድ ፡ እንተ ፡ ገሊላ ፡ ወኵሎ ፡ ምድረ ፡ ንፍታሌም ፡ ወአፍለሶሙ ፡ ብሔረ ፡ ፋርስ ።
³⁰ ወዐለዎ ፡ ማዕሌተ ፡ ሆሴዕ ፡ ወልደ ፡ ኤላ ፡ ለፋቁሔ ፡ ወልደ ፡ ሮሜልዩ ፡ ወቀተሎ ፡ ወነግሠ ፡ ህየንቴሁ ፡ አመ ፡ ፳ዓመቱ ፡ ለዮናታን ፡ ወልደ ፡ አዛርያስ ።
³¹ ወኵሉ ፡ ነገሩ ፡ ለፋቁሔ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ እስራኤል ።
³² አመ ፡ ፪ዓመተ ፡ መንግሥቱ ፡ ለፋቁሔ ፡ ወልደ ፡ ሮሜልዩ ፡ ንጉሠ ፡ እስራኤል ፡ ነግሠ ፡ ዮአታም ፡ ወልደ ፡ አዘርያስ ፡ ንጉሠ ፡ ይሁዳ ።
³³ እንዘ ፡ ፳ወ፭ክረምቱ ፡ አመ ፡ ይነግሥ ፤ ወ፲ወ፮ክረምተ ፡ ነግሁ ፡ በኢየሩሳሌም ፡ ወስማ ፡ ለእሙ ፡ ዔሩሳ ፡ ወለተ ፡ ሳዱቅ ።
³⁴ ወገብረ ፡ ሠናየ ፡ ቅድመ ፡ አዕይንቲሁ ፡ ለእግዚአብሔር ፡ ኵሎ ፡ ዘከመ ፡ ገብረ ፡ አዛርያስ ፡ አቡሁ ።
³⁵ ወባሕቱ ፡ ቤተ ፡ አማልክት ፡ ኢያሰሰለ ፡ ወዓዲሆሙ ፡ ሕዝብ ፡ ይሠውዑ ፡ ወየዐጥኑ ፡ ውስተ ፡ አብያተ ፡ አማልክት ፡ ወውእቱ ፡ ሐነጸ ፡ አንቀጸ ፡ ቤተ ፡ እግዚአብሔር ፡ ላዕሌየ ።
³⁶ ወኵሉ ፡ ነገሩ ፡ ለዮአታም ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነዚያቲሆሙ ፡ ለነገሥተ ፡ ይሁዳ ።
³⁷ ወይእተ ፡ አሚረ ፡ አኀዘ ፡ ይፈንዎ ፡ እግዚአብሔር ፡ ለረዐሶን ፡ ንጉሠ ፡ ሶርያ ፡ ወፋቁሔ ፡ ወልደ ፡ ሮሜልዩ ፡ ውስተ ፡ ኢየሩሳሌም ።
³⁸ ወሰከበ ፡ ኢዮአታም ፡ ምስለ ፡ አበዊሁ ፡ ውስተ ፡ ሀገረ ፡ ዳዊት ፡ አቡሁ ፡ ወነግሠ ፡ አካዝ ፡ ወልዱ ፡ ህየንቴሁ ።

http://www.sacred-texts.com/bib/poly/kg2016.htm 16↗     ¹ አመ ፡ ፲ወ፯ዓመተ ፡ መንግሥቱ ፡ ለፋቁሔ ፡ ወልደ ፡ ሮሜልዩ ፡ ነግሠ ፡ አካዝ ፡ ወልደ ፡ ዮአታም ፡ ንጉሠ ፡ ይሁዳ ።
² ወ፳ክረምቱ ፡ አመ ፡ ይነግሥ ፡ አካዝ ፡ ወ፲ወ፮ክረምተ ፡ ነግሠ ፡ በኢየሩሳሌም ፡ ወኢገብረ ፡ ሠናየ ፡ ቅድመ ፡ አዕይንቲሁ ፡ ለእግዚአብሔር ፡ አምላኩ ፡ ወኢኮነ ፡ ምእመነ ፡ ከመ ፡ ዳዊት ፡ አቡሁ ።
³ ወሖረ ፡ በፍኖተ ፡ ኢዮርብዓም ፡ ወልደ ፡ ናባጥ ፡ ንጉሠ ፡ እስራኤል ፡ ወወልዶ ፡ ሦዐ ፡ በእሳት ፡ ለርኵሶሙ ፡ ለአሕዛብ ፡ እለ ፡ አሰሰለ ፡ እግዚአብሔር ፡ እምቅድመ ፡ ገጾሙ ፡ ለእስራኤል ።
⁴ ወሦዐ ፡ ወዐጠነ ፡ ሎሙ ፡ ውስተ ፡ አብያተ ፡ አማልክት ፡ ወውስተ ፡ አውግር ፡ ወታሕተ ፡ ኵሉ ፡ ዖም ፡ ጽፉቅ ።
⁵ ወይእተ ፡ አሚረ ፡ ዐርጉ ፡ ረአሶን ፡ ንጉሠ ፡ [ሶርያ ፡] ወፋቁሔኒ ፡ ወልደ ፡ ሮሜልዩ ፡ ንጉሠ ፡ እስራኤል ፡ ላዕለ ፡ ኢየሩሳሌም ፡ ከመ ፡ ይትቃተልዎሙ ፡ ወተቃተልዎ ፡ ለአካዝ ፡ ወስእኑ ፡ መዊኦቶ ።
⁶ ወይእተ ፡ ዕለተ ፡ አግብአ ፡ ሎሙ ፡ ረአሶን ፡ ንጉሠ ፡ [ሶርያ፡] ኤላተ ፡ ለሶርያ ፡ ወአውፅኦሙ ፡ በአይሁድ ፡ እምኤላት ፡ ወሰብአ ፡ ኤዶምያስ ፡ ገብኡ ፡ ውስተ ፡ ኤላት ፡ ወነበፋ ፡ ህየ ፡ እስከ ፡ ዮም ።
⁷ ወለአከ ፡ አካዝ ፡ ሐዋርያተ ፡ ኀበ ፡ ተልጌልፌልሶር ፡ ንጉሠ ፡ ፋርስ ፡ እንዘ ፡ ይብል ፡ ገብርከኒአ ፡ ወወልድከኒአ ፡ አነአ ፤ ዕረግአ ፡ ወአድኅነኒአ ፡ እምነ ፡ እዴሁ ፡ ለንጉሠ ፡ ሶርያ ፡ ወእምእዴሁ ፡ ለንጉሠ ፡ እስራኤልአ ፡ እለ ፡ ተንሥኡ ፡ ሳዕሌየአ ።
⁸ ወነሥአ ፡ አካዝ ፡ ወርቀ ፡ ወብሩረ ፡ ዘተረክበ ፡ ውስተ ፡ መዛግብተ ፡ ቤተ ፡ እግዚአብሔር ፡ ወዘቤተ ፡ ንጉሥ ፡ ወፈነወ ፡ ሎቱ ፡ ለንጉሥ ፡ አምኃሁ ።
⁹ ወአሆ ፡ ይቤሎ ፡ ንጉሠ ፡ ፋርስ ፡ ወዐርገ ፡ ንጉሠ ፡ ፋርስ ፡ ውስተ ፡ ደማስቆ ፡ ወነሥኦሙ ፡ ወአፍለሶሙ ፡ ወቀተሎ ፡ ለረአሶን ።
¹⁰ ወሖረ ፡ አካዝ ፡ ንጉሥ ፡ ወተቀበሎ ፡ ለቴልገፌልሶር ፡ ንጉሠ ፡ ፋርስ ፡ ውስተ ፡ ደማስቆ ፡ ወርእየ ፡ በህየ ፡ መሥዋዕተ ፡ በደማስቆ ፡ ወፈነወ ፡ አካዝ ፡ ንጉሥ ፡ ኀበ ፡ አርያ ፡ ካህን ፡ አርአያሁ ፡ ለውእቱ ፡ መሥዋዕት ፡ ወሥርዐተ ፡ ኵሉ ፡ ግብረቱ ።
¹¹ ወሐነጸ ፡ አርያ ፡ ካህን ፡ ምሥዋዐ ፡ ኵሎ ፡ ዘከመ ፡ ፈነወ ፡ ሎቱ ፡ ንጉሥ ፡ አካዝ ፡ እምደማስቆ ።
¹² ወርእዮ ፡ ንጉሥ ፡ ለውእቱ ፡ ምሥዋዕ ፡ ወዐርገ ፡ ውስቴቱ ።
¹³ ወዐጠነ ፡ ወሦዐ ፡ ወአውጽሐ ፡ ወከዐወ ፡ ደመ ፡ መሥዋዕተ ፡ ሰላም ፡ ውስተ ፡ ምሥዋዕ ።
¹⁴ ምሥዋዕኒ ፡ ዘብርት ፡ ዘቅድመ ፡ እግዚአብሔር ፡ አሰሰለ ፡ እምቅድመ ፡ ቤተ ፡ እግዚአብሔር ፡ እማእከለ ፡ ምሥዋዕ ፡ ወአንበሮ ፡ መንገለ ፡ ደቡቡ ፡ ለምሥዋዕ ።
¹⁵ ወአዘዞ ፡ አካዝ ፡ ንጉሥ ፡ ለእርያ ፡ ካህን ፡ ወይቤሎ ፡ ውስተ ፡ ምሥዋዕ ፡ ዘየዐቢ ፡ ሡዕ ፡ መሥዋዕተ ፡ ነግህ ፡ ወመሥዋዕተ ፡ ሰርክ ፡ ወመባአ ፡ ንጉሥሰ ፡ ወመሥዋዕቶ ፡ ወመሥዋዕተ ፡ ኵሉ ፡ ሕዝብ ፡ ወመባኦሙ ፡ ወሞጻሕቶሙ ፡ ወኵሎ ፡ ደመ ፡ መሥዋዕት ፡ ወኵሎ ፡ ደመ ፡ መባኦሙ ፡ ትክዑ ፡ ዲቤሁ ፡ ወምሥዋዕሰ ፡ ዘብርት ፡ ይኩነነ ፡ ለነግሀ ፡ ነግህ ።
¹⁶ ወገብረ ፡ አርያ ፡ ካህን ፡ ኵሎ ፡ ዘከመ ፡ አዘዞ ፡ አካዝ ፡ ንጉሥ ።
¹⁷ ወዐጸወ ፡ ንጉሥ ፡ ኵሎ ፡ መብዐለ ፡ ሜክኖት ፡ ወአሰሰለ ፡ እምኔሆሙ ፡ ማዕከከ ፡ ወባሕረኒ ፡ ነሠተ ፡ ወአውረዶ ፡ እምላዕለ ፡ አልህምተ ፡ ብርት ፡ እለ ፡ መትሕታ ፡ ወገብረ ፡ ዘእብን ፡ ምንባራ ።
¹⁸ መሰረተ ፡ ምንባራኒ ፡ ሐነጸ ፡ ውስተ ፡ ቤተ ፡ እግዚአብሔር ፡ ወሙባኡ ፡ ለንጉሥ ፡ ወዘአፍአኒ ፡ አግብአ ፡ ውስተ ፡ ቤተ ፡ እግዚአብሔር ፡ እምቅድመ ፡ ገጹ ፡ ለንጉሠ ፡ ፋርስ ።
¹⁹ ወኵሉ ፡ ነገሩ ፡ ለአካዝ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
²⁰ ወሰከበ ፡ አካዝ ፡ ምስለ ፡ አበዊሁ ፡ ወቀበርዎ ፡ ውስተ ፡ ሀገረ ፡ ዳዊት ፡ ወነግሠ ፡ ሕዝቅያስ ፡ ወልዱ ፡ ህየንቴሁ ።

http://www.sacred-texts.com/bib/poly/kg2017.htm 17↗     ¹ አመ ፡ ፲ወ፪ዓመተ ፡ መንግሥቱ ፡ ለአካዝ ፡ ንጉሠ ፡ ይሁደ ፡ ነግሠ ፡ ሆሴዕ ፡ ወልደ ፡ ኤላ ፡ በሰማርያ ፡ ለእስራኤል ፡ ፱ክረምተ ።
² ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወባሕቱ ፡ ኢከመ ፡ ነገሥተ ፡ እስራኤል ፡ እለ ፡ እምቅድሜሁ ።
³ ወዐርገ ፡ ስልምናሶር ፡ ንጉሠ ፡ ፋርስ ፡ ወኮኖ ፡ ሆሴዕ ፡ ገብረ ፡ ወአግብአ ፡ ሎቱ ፡ መሀና ።
⁴ ወብእሶ ፡ ለንጉሠ ፡ ፋርስ ፡ እስመ ፡ ፈነወ ፡ ሐዋርያተ ፡ ኀበ ፡ ሰጎል ፡ ንጉሠ ፡ ግብጽ ፡ ወኢያምጽአ ፡ ሎቱ ፡ መሀና ፡ ለንጉሠ ፡ ፋርስ ፡ በውእቱ ፡ ዓመት ፡ ወተቃተሎ ፡ ንጉሠ ፡ ፋርስ ፡ ወአሰሮ ፡ ውስተ ፡ ቤተ ፡ ሞቅሕ ።
⁵ ወዐርገ ፡ ንጉሠ ፡ ፋርስ ፡ ውስተ ፡ ኵሉ ፡ ምድር ፡ ወዐርገ ፡ ውስተ ፡ ሰማርያ ፡ ወተቃተለ ፡ ፫ዓመተ ።
⁶ ወአመ ፡ ፱ ፡ ዓመተ ፡ መንግሥቱ ፡ ለሆሴዕ ፡ ነሥኣ ፡ ንጉሠ ፡ ፋርስ ፡ ለሰማርያ ፡ ወአፍለሶሙ ፡ ለእስራኤል ፡ ብሔረ ፡ ፋርስ ፡ ወአንበሮሙ ፡ ውስተ ፡ አላሔ ፡ ወውስተ ፡ አቦር ፡ አፍላገ ፡ ጎዛን ፡ ወውስተ ፡ አድባረ ፡ ሜዶን ።
⁷ ወአመ ፡ ይኤብሱ ፡ ደቂቀ ፡ እስራኤል ፡ ለእግዚአብሔር ፡ አምላኮሙ ፡ ዘአውፅኦሙ ፡ አምድረ ፡ ግብጽ ፡ እምታሕተ ፡ እዴሁ ፡ ለፈርዖን ፡ ንጉሠ ፡ ግብጽ ፡ ወኢፈርህዎ ፡ ለእግዚአብሔር ፡ ወአምላኩ ፡ ባዕደ ፡ አማልክተ ።
⁸ ወሖሩ ፡ በሕገ ፡ አሕዛብ ፡ እለ ፡ አሰሰለ ፡ እግዚአብሔር ፡ እምቅድመ ፡ ገጾሙ ፡ ለደቂቀ ፡ እስራኤል ፡ ወኵሉ ፡ ዘገብሩ ፡ ነገሥተ ፡ እስራኤል ፤
⁹ ወኵሉ ፡ ዘፈጠሩ ፡ ነገረ ፡ ደቂቀ ፡ እስራኤል ፡ ዘኢይፈቅድ ፡ እግዚአብሔር ፡ አምላኮሙ ፡ ወሐነጹ ፡ ሎሙ ፡ አብያተ ፡ አማልክት ፡ ውስተ ፡ ኵሉ ፡ አህጉሪሆሙ ፡ እምነ ፡ ማኅፈዶሙ ፡ ለሰብአ ፡ ዐይን ፡ እስከ ፡ አህጉረ ፡ ቅጽር ።
¹⁰ ወገብሩ ፡ ሎሙ ፡ ምስለ ፡ ወአምለኩ ፡ ወአሕረሙ ፡ ዖመ ፡ ውስተ ፡ ኵሉ ፡ አድባር ፡ ነዋኅት ፡ ወአውግር ፡ ወታሕተ ፡ ኵሉ ፡ ዖም ፡ ጽፉቅ ።
¹¹ ወዐጠኑ ፡ ህየ ፡ ውስተ ፡ ኵሉ ፡ አብያተ ፡ አማልክቲሆሙ ፡ በከመ ፡ አሕዛብ ፡ እለ ፡ አሰሰለ ፡ እግዚአብሔር ፡ እምቅድመ ፡ ገጾሙ ፡ ወገብሩ ፡ ምሕራማተ ፡ ወጸቈኑ ፡ ከመ ፡ ያምዕዕዎ ፡ ለእግዚአብሔር ።
¹² ወተቀንዩ ፡ ለአማልክት ፡ ዘይቤሎሙ ፡ እግዚአብሔር ፡ ዑቁ ፡ ኢትግበሩ ፡ ዘነገረ ፡ ለእግዚአብሔር ።
¹³ ወተካየዶሙ ፡ እግዚአብሔር ፡ ለእስራኤል ፡ ወለይሁዳ ፡ በአደ ፡ ኵሎሙ ፡ ነቢያቲሁ ፡ እንዘ ፡ ኵሎሙ ፡ ይሰምዑ ፡ ወይቤሎሙ ፡ ተመየጡ ፡ እምፍኖትክሙ ፡ እኪት ፡ ወዕቀቡ ፡ ፍናውየ ፡ ወትእዛዝየ ፡ ወኵነኔየ ፡ ወኵሎ ፡ ሕግየ ፡ ዘአዘዝክዎሙ ፡ ለአበዊክሙ ፡ ወኵሎ ፡ ዘለአኩ ፡ ሎሙ ፡ ምስለ ፡ አግብርትየ ፡ ነቢያት ።
¹⁴ ወኢሰምዑ ፡ ወአጽንዑ ፡ ዘባናቲሆሙ ፡ እምዘባናተ ፡ አበዊሆሙ ።
¹⁵ ወኵሎ ፡ ኪዳነ ፡ ዘተካየዶሙ ፡ ኢዐቀቡ ፡ ወተለዉ ፡ ከንቶ ፡ ወኮኑ ፡ ከንቶ ፡ ወተለዉ ፡ አሕዛበ ፡ እለ ፡ ዐውዶሙ ፡ ዘአዘዞሙ ፡ እግዚአብሔር ፡ ከመ ፡ ኢይግበሩ ፡ ከማሆሙ ።
¹⁶ ወኀደጉ ፡ ትእዛዘ ፡ እግዚአብሔር ፡ አምላኮሙ ፡ ወገብሩ ፡ ሎሙ ፡ ስብኮ ፡ ፪እጐልተ ፡ ወገብሩ ፡ ሎሙ ፡ ምሕራማተ ፡ ዖም ፡ ወሰገዱ ፡ ለኵሉ ፡ ኀይለ ፡ ሰማይ ፡ ወአምላክዎ ፡ ለበዓል ።
¹⁷ ወሦዑ ፡ ሎሙ ፡ ደቂቆሙ ፡ ወአዋልዲሆሙ ፡ በእሳት ፡ ወያስተቃስሙ ፡ ወያሰግሉ ፡ ወተሠየጡ ፡ ከመ ፡ ይግበሩ ፡ እኩየ ፡ ቅድመ ፡ እግዚአብሔር ፡ ወከመ ፡ ያምዕዕዎ ።
¹⁸ ወተምዐ ፡ እግዚአብሔር ፡ ፈድፋደ ፡ ላዕለ ፡ እስራኤል ፡ ወገደፎሙ ፡ እምቅድመ ፡ ገጹ ፡ ወኢተርፉ ፡ እንበለ ፡ ነገደ ፡ ይሁዳ ፡ ባሕቲቶሙ ።
¹⁹ ወይሁዳኒ ፡ ኢዐቀቡ ፡ ትእዛዘ ፡ እግዚአብሔር ፡ አምላኮሙ ፡ ወሖሩ ፡ በግዕዞሙ ፡ ለእስራኤል ፡ ዘገብሩ ፡ ወኀደግዎ ፡ ለእግዚአብሔር ።
²⁰ ወተምዕዐ ፡ እግዚአብሔር ፡ ላዕለ ፡ ኵሉ ፡ ዘርአ ፡ እስራኤል ፡ ወሆኮሙ ፡ ወአግብኦሙ ፡ ውስተ ፡ እዴሆሙ ፡ ለእለ ፡ ይትማሠጥዎሙ ፡ እስከ ፡ ገደፎሙ ፡ እምቅድመ ፡ ገጹ ።
²¹ ወአልቦ ፡ እምቤተ ፡ ዳዊት ፡ ዘእንበለ ፡ እስራኤል ፡ ወአንገሥዎ ፡ ለኢዮርብዓም ፡ ወልደ ፡ ናባጥ ፡ ወአኅደጎሙ ፡ ለእስራኤል ፡ ተሊዎቶ ፡ ለእግዚአብሔር ፡ ወአስሐቶሙ ፡ በዐቢይ ፡ ጌጋይ ።
²² ወተለዉ ፡ ደቂቀ ፡ እስራኤል ፡ ኵሎ ፡ ኀጢአቶ ፡ ለኢዮርብንም ፡ ዘገብረ ፡ ወኢኀዶጉ ፡ ኪያሁ ፤
²³ እስከ ፡ ገደፎሙ ፡ እግዚአብሔር ፡ ለእስራኤል ፡ እምቅድመ ፡ ገጹ ፡ በከመ ፡ ነበበ ፡ እግዚአብሔር ፡ በእደ ፡ ኵሉ ፡ አግብርቲሁ ፡ ነቢያት ፤ ወፈለሱ ፡ እስራኤል ፡ እምብሔሮሙ ፡ ለብሔረ ፡ ፋርስ ፡ እስከ ፡ ዮም ።
²⁴ ወወሰዶሙ ፡ ንጉሠ ፡ ፋርስ ፡ እምባቢሎን ፡ ለአኩንታ ፡ ወእምነ ፡ ኤላ ፡ ወእምኤማት ፡ ወሴፋራሔም ፡ ወአንበሮሙ ፡ ውስተ ፡ አህጉረ ፡ ሰማርያ ፡ ህየንቴሆሙ ፡ ለደቂቀ ፡ እስራኤል ፡ ወወረስዋ ፡ ለሰማርያ ፡ ወተካፈልዋ ፡ ወነበሩ ፡ ውስተ ፡ አህጉሪሃ ።
²⁵ ወእምዝ ፡ በቀዳሚ ፡ ንብረቶሙ ፡ ኢፈርህዎ ፡ ለእግዚአብሔር ፡ ወፈነወ ፡ እግዚአብሔር ፡ ዐናብስተ ፡ ላዕሌሆሙ ፡ ወቀተልዎሙ ።
²⁶ ወይቤ ፡ ልዎ ፡ ለንጉሠ ፡ ፋርስ ፡ እልክቱ ፡ አሕዛብ ፡ እለ ፡ አፍለስከ ፡ ወአንበርከ ፡ ውስተ ፡ አህጉረ ፡ ሰማርያ ፡ ወኢያእመሩ ፡ ሕጎ ፡ ለአምላ[ከ] ፡ ውእቱ ፡ ብሔር ፡ ወፈነወ ፡ ዐናብስተ ፡ ላዕሌሆሙ ፡ ወበልዕዎሙ ፡ ወቀተልዎሙ ፡ እስመ ፡ ኢያእመሩ ፡ ሕጎ ፡ ለአምላ[ከ] ፡ ውእቱ ፡ ብሔር ።
²⁷ ወአዘዘ ፡ ንጉሠ ፡ ፋርስ ፡ ይንሥኡ ፡ እምውስተ ፡ አይሁድ ፡ ፩ካህነ ፡ ወይሰዱ ፡ ወያንብሮ ፡ ምስሌሆሙ ፡ ወይምሀ[ሮ]ሙ ፡ ሕጎ ፡ ለአምላ[ከ] ፡ ብሔር ።
²⁸ ወወሰዱ ፡ ፩ካህነ ፡ እምውስተ ፡ እለ ፡ አፍለሱ ፡ እምሰማርያ ፡ ወአንበርዎ ፡ ውስተ ፡ ቤቴል ፡ ወመሀሮሙ ፡ ውእቱ ፡ ካህን ፡ ከመ ፡ ይፍርህዎ ፡ ለእግዚአብሔር ።
²⁹ ወገብሩ ፡ በበሕዘቢሆሙ ፡ አማልክቲሆሙ ፡ ወአንበርዎሙ ፡ ውስተ ፡ አብያተ ፡ አማልክት ፡ ዘገብሩ ፡ ሰብአ ፡ ሰማርያ ፡ ወበበ ፡ ሕዘቢሆሙ ፡ ወአህጉሪሆሙ ፡ እለ ፡ ውስቴቶን ፡ ይነብሩ ።
³⁰ ወሰብአ ፡ ባቢሎን ፡ ገብርዋ ፡ ለሰከተቤናሆን ፡ ወሰብአ ፡ ኵቱ ፡ ገብርዋ ፡ ለኤርጌት ፡ ወሰብአ ፡ ኤማት ፡ ገብርዋ ፡ ለኤሴማት ።
³¹ ወሰብአ ፡ ኤዌዎን ፡ ገብርዋ ፡ ለኤብላዘር ፡ ወለትርቃት ፡ ወለሌፍሮን ፡ በኀበ ፡ ሦዑ ፡ ውሉዶሙ ፡ ባእሳት ፡ ለአድራሜሌክ ፡ ወእኔሜሌክ ፡ አማልክተ ፡ ሴፋርም ።
³² ወተፀምዱ ፡ ለእግዚአብሔር ፡ እሙንቱ ፡ ወአማልክቲሆሙ ፡ አንበሩ ፡ ውስተ ፡ አብያት ፡ ዘሰማርያ ፡ ዘአማልክቲሆሙ ፡ በበሕዘቢሆሙ ፡ ለለአህጉሪሆሙ ።
³³ ወፈርሁ ፡ እግዚአብሔር ፡ እንዘ ፡ አማልክቲሆሙ ፡ ያመልኩ ፡ በሕገ ፡ አሕዛብ ፡ እለ ፡ አፍለሱ ፡ በህየ ፡ እስከ ፡ ዮም ።
³⁴ ወይፈርህዎ ፡ እሙንቱ ፡ ወለሊሆሙ ፡ ይገብሩ ፡ በሕጎሙ ፡ ዘያለምዱ ፡ ወበሕገ ፡ እግዚአብሔር ፡ ወበትእዛዙ ፡ ዘአዘዞሙ ፡ ለደቂቀ ፡ ያዕቆብ ፡ ወሰመዮ ፡ ስሞ ፡ እስራኤል ።
³⁵ ወተካየደ ፡ እግዚአብሔር ፡ ኪዳነ ፡ ምስሌሆሙ ፡ ወአዘዞሙ ፡ ወይቤሎሙ ፡ ኢትፍርሁ ፡ ባዕደ ፡ አማልክተ ፡ ወኢትስግዱ ፡ ሎሙ ፡ ወኢታምልክዎሙ ፡ ወኢትሡቡ ፡ ሎሙ ።
³⁶ ዘእንበለ ፡ ለእግዚአብሔር ፡ ዘአውፅአክሙ ፡ እምድረ ፡ ግብጽ ፡ በዐቢይ ፡ ኀይል ፡ ወበመዝራዕቱ ፡ ልዑል ፡ ሎቱ ፡ ፍርህዎ ፡ ወሎቱ ፡ ስግዱ ፡ ወሎቱ ፡ ሡዑ ።
³⁷ ወዕቀቡ ፡ ኵሎ ፡ ኵነኔሁ ፡ ወሕጎ ፡ ወትእዛዞ ፡ ዘጸሐፈ ፡ ለክሙ ፡ ከመ ፡ ትግበርዎ ፡ ኵሎ ፡ መዋዕሊክሙ ፡ ወኢትፍርሁ ፡ ባዕደ ፡ አማልክተ ።
³⁸ ወኢትርስዑ ፡ ኪዳነ ፡ ዘተካየደክሙ ፡ ወኢትፍርሁ ፡ ባዕደ ፡ አማልክተ ።
³⁹ ዘእንበለ ፡ ለእግዚአብሔር ፡ አምላክክሙ ፡ ኪያሁ ፡ ፍርህዎ ፡ ወውእቱ ፡ ያድኅነክሙ ፡ እምነ ፡ ኵሉ ፡ ፀርክሙ ።
⁴⁰ ወኢታፅምእዎሙ ፡ ሕጎሙ ፡ ዘከመ ፡ ይገብሩ ፡ እሙንቱ ።
⁴¹ ወነበሩ ፡ እሉ ፡ ሕዝብ ፡ እንዘ ፡ ይፈርህዎ ፡ ለእግዚአብሔር ፡ ወለአማልክቲሆሙ ፡ ይትቀነዩ ፡ ወውሉዶሙኒ ፡ ወውሉደ ፡ ውሉዶሙኒ ፡ በከመ ፡ ገብሩ ፡ አበዊሆሙ ፡ ገብሩ ፡ እሙንቱ ፡ እስከ ፡ ዮም ።

http://www.sacred-texts.com/bib/poly/kg2018.htm 18↗     ¹ ወአመ ፡ ፫ዓመተ ፡ መንግሥቱ ፡ ለሆሴዕ ፡ ወልደ ፡ ኤላ ፡ ንጉሠ ፡ እስራኤል ፡ ነግሠ ፡ ሕዝቅያስ ፡ ወልደ ፡ አካዝ ፡ ንጉሠ ፡ ይሁዳ ።
² እንዘ ፡ ፳ወ፭ክረምቱ ፡ አመ ፡ ነግሠ ፡ ወ፳ወ፱ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ሀቡ ፡ ወለተ ፡ ዘካርያ ።
³ ወገብረ ፡ ጽድቀ ፡ በቅድመ ፡ አዕይንቲሁ ፡ ለእግዚአብሔር ፡ ወኵሎ ፡ ዘከመ ፡ ገብረ ፡ ዳዊት ፡ አቡሁ ።
⁴ ወውእቱ ፡ ነሠተ ፡ አብያተ ፡ አማልክት ፡ ወሰበረ ፡ ኵሎ ፡ ምስለ ፡ ወሠረወ ፡ ምሕራማቲሆሙ ፡ ወአርዌ ፡ ምድርኒ ፡ ዘገብረ ፡ ሙሴ ፡ እስመ ፡ እስከ ፡ ይእቲ ፡ ዕለት ፡ ነበሩ ፡ እንዘ ፡ የዐጥኑ ፡ ሎቱ ፡ ደቂቀ ፡ እስራኤል ፡ ወሰመይዎ ፡ ኔስታሊ ፡ በእግዚአብሔር ፡ አምላከ ፡ እስራኤል ።
⁵ ወውእቱሰ ፡ ተአመነ ፡ በእግዚአብሔር ፡ ወአልቦ ፡ ዘኮነ ፡ ከማሁ ፡ በውስተ ፡ ነገሥተ ፡ ይሁዳ ፡ ወኢእለ ፡ እምቅድሜሁ ።
⁶ ወተለዎ ፡ ለእግዚአብሔር ፡ ወኢኀይጎ ፡ ወዐቀበ ፡ ትእዛዞ ፡ ዘአዘዘ ፡ ሙሌ ።
⁷ ወሀለወ ፡ እግዚአብሔር ፡ ምስሌሁ ፡ በኵሉ ፡ ዘገብረ ፡ ወአፅረርዎ ፡ ለንጉሠ ፡ ፋርስ ፡ ወኢተቀንዩ ፡ ሎቱ ።
⁸ ወውእቱ ፡ ቀተሎሙ ፡ ለኢሎፍሊ ፡ እስከ ፡ ጋዛ ፡ ወእስከ ፡ አድያሚሃ ፡ እማኅፈደ ፡ ሰብአ ፡ ዐይን ፡ እስከ ፡ ሀገረ ፡ ቅጽር ።
⁹ ወአመ ፡ ራብዕ ፡ ዓመተ ፡ መንግሥቱ ፡ ለሕዝቅያስ ፡ ወሰቡዑ ፡ ለሆሴዕ ፡ ወልደ ፡ ኤላ ፡ ንጉሠ ፡ እስራኤል ፡ ወዐርገ ፡ ስልምናሶር ፡ ንጉሠ ፡ ፋርስ ፡ ላዕለ ፡ ሰማርያ ።
¹⁰ ወአግረሮሙ ፡ በ፫ዓመት ፡ አመ ፡ [፮]ዓመተ ፡ መንግሥቱ ፡ ለሕዝቅያስ ፡ ወ[በ፱]ዓመተ ፡ መንግሥቱ ፡ ለሆሴዕ ፡ ንጉሠ ፡ እስራኤል ፡ ነሥኦሙ ፡ ለሰማርያ ።
¹¹ ወአፍለሶሙ ፡ ንጉሠ ፡ ፋርስ ፡ ለሰማርያ ፡ ብሔረ ፡ ፋርስ ፡ ወአንበሮሙ ፡ ውስተ ፡ ኤላ ፡ ወውስተ ፡ አብዮር ፡ አፍላገ ፡ ጎዞር ፡ ወውስተ ፡ በሓውርተ ፡ ሜዶን ።
¹² እስመ ፡ ኢሰምዑ ፡ ቃለ ፡ እግዚአብሔር ፡ አምላኮሙ ፡ ወኀደጉ ፡ ኪዳኖ ፡ ኵሎ ፡ ዘአዘዞ ፡ ለሙሴ ፡ ቍልዔሁ ፡ ለእግዚአብሔር ፡ ወአበዩ ፡ ገቢረ ።
¹³ ወአመ ፡ ፲ወ፬ዓመተ ፡ መንግሥቱ ፡ ለሕዝቅያስ ፡ ዐርገ ፡ ሰናክሬም ፡ ንጉሠ ፡ ፋርስ ፡ ላዕለ ፡ አህጉረ ፡ ይሁዳ ፡ ዐበይት ፡ ወነሥአ ።
¹⁴ ወለአከ ፡ ሕዝቅያስ ፡ ንጉሠ ፡ ይሁዳ ፡ ሐዋርያተ ፡ ኀበ ፡ ንጉሠ ፡ ፋርስ ፡ ውስተ ፡ ለኪስ ፡ እንዘ ፡ ይብል ፡ ምንተአ ፡ አበስኩ ፡ እቱአ ፡ ወኅድገኒአ ፤ ዘአጾርከኒአ ፡ እጸውርአ ፡ ወአገበሮ ፡ ንጉሠ ፡ ፋርስ ፡ ለሕዝቅያስ ፡ ንጉሠ ፡ ይሁዳ ፡ ፫፻መክሊተ ፡ ብሩር ፡ ወ፴መክሊተ ፡ ወርቅ ።
¹⁵ ወወሀበ ፡ ሕዝቅያስ ፡ ኵሎ ፡ ወርቀ ፡ ዘተረክበ ፡ ውስተ ፡ ቤተ ፡ እግዚአብሔር ፡ ወዘውስተ ፡ መዛግብተ ፡ ቤተ ፡ ንጉሥ ።
¹⁶ ወይእተ ፡ አሚረ ፡ ሰበረ ፡ ሕዝቅያስ ፡ ኆኅተ ፡ ቤተ ፡ እግዚአብሔር ፡ ወአቅፈለ ፡ በወርቁ ፡ መናብርተ ፡ ምስማክ ፡ ወወሀቦ ፡ ለንጉሠ ፡ ፋርስ ።
¹⁷ ወፈነዎሙ ፡ ንጉሠ ፡ ፋርስ ፡ ተንተንሃ ፡ ወረፋርሶሃ ፡ ወረፋስቃንሃ ፡ እምለኪስ ፡ ምስለ ፡ ብዙኅ ፡ ሰራዊቱ ፡ ኀበ ፡ ሕዝቅያስ ፡ ንጉሥ ፡ ውስተ ፡ ኢየሩሳሌም ፡ ወዐርጉ ፡ ወበጽሑ ፡ ኢየሩሳሌም ፡ ወቆሙ ፡ ኀበ ፡ ሙሓዘ ፡ ማይ ፡ ዘምጥማቃት ፡ ላዕላይ ፡ መንገለ ፡ ፍኖተ ፡ ዐጸዱ ፡ ለገናፊ ።
¹⁸ ወጸውዕዎ ፡ ለሕዝቅያስ ፡ ወወጽኡ ፡ ኀቤሆሙ ፡ ኤልያቄም ፡ ወልደ ፡ ኬልቅዩ ፡ መጋቢ ፡ ወሳምናስ ፡ ጸሓፊ ፡ ወዮሳፍጥ ፡ መዘክር ።
¹⁹ ወይቤሎሙ ፡ ራፍስቂስ ፡ በልዎ ፡ ለሕዝቅያስ ፡ ከመዝአ ፡ ይቤአ ፡ ንጉሥአ ፡ ዐቢይ ፡ ንጉሠ ፡ ፋርስ ፡ ምንት ፡ ዝንቱ ፡ በዘ ፡ ተአመንከ ፤
²⁰ በነገርከ ፡ ወምክርከ ፡ ወአኮ ፡ በኀይላ ፡ ቀትል ፡ ወይእዜ ፡ በመኑ ፡ ተአሚነከ ፡ ዐለውከኒ ።
²¹ ወይእዜሰ ፡ ተአመንከ ፡ በበትር ፡ ባሕሩስ ፡ ቅጥቁጥ ፡ በግብጽ ፡ እንተ ፡ እመ ፡ ተመርጐዘ ፡ ባቲ ፡ ብእሲ ፡ ይሰበር ፡ ወይበውእ ፡ ስርዋጽ ፡ ውስተ ፡ እዴሁ ፡ ወያቁስሎ ፤ ከማሁ ፡ ውእቱ ፡ ፈርዖን ፡ ንጉሠ ፡ ግብጽ ፡ ለኵሎሙ ፡ እለ ፡ ይትዌከሉ ፡ ቦቱ ።
²² ወዝኒ ፡ ዘትብል ፡ በእግዚአብሔር ፡ አምላኪየ ፡ ተወከልኩ ፡ አኮኑ ፡ ውእቱ ፡ ዘነሠተ ፡ ሕዝቅያስ ፡ አብያቲሁ ፡ ወምሥዋዓቲሁኒ ፡ ወይቤሎሙ ፡ ለአይሁድ ፡ ወለኢየሩሳሌም ፡ ቅድመዝ ፡ ምሥዋዕ ፡ ስግዱ ፡ በኢየሩሳሌም ።
²³ ወይእዜኒአ ፡ ነዓ ፡ ኀበ ፡ እግዚእየ ፡ ንጉሠ ፡ ፋርስ ፡ ወእሁበከ ፡ ፳፻አፍራሰ ፡ ወአምጽኡ ፡ ዘይክል ፡ ተጽዕኖቶን ።
²⁴ ወእፎ ፡ እንከ ፡ ትመይጡ ፡ ገጸ ፡ ፩መልአክ ፡ ገብረ ፡ እግዚእየ ፡ እምውስተ ፡ እለ ፡ ይትነአሱ ፡ ወተአመንከ ፡ በግብጽ ፡ በሰረገላት ፡ ወበአፍራስ ።
²⁵ ወይእዜኒ ፡ ቦኑ ፡ ዘእንበለ ፡ ትአዛዘ ፡ እግዚአብሔር ፡ ዐረግነ ፡ ውስተዝ ፡ ብሔር ፡ ንትቃተሎ ፤ እግዚአብሔር ፡ ይቤለነ ፡ ዕረጉ ፡ ውስተዝ ፡ ብሔር ፡ ወቅትልዎ ።
²⁶ ወይቤልዎ ፡ ኤልያቂም ፡ ወልደ ፡ ኬልቅዩ ፡ ወሰምናስ ፡ ወዮሳፍጥ ፡ ለራፍስቂስ ፡ ሱርስተ ፡ ተናገር ፡ ምስለ ፡ አግብርቲከ ፡ እስመ ፡ ንሰምዕ ፡ ንሕነ ፡ ወኢትትናገረነ ፡ ዕብራይስጥ ፡ ለምንት ፡ ትትናገር ፡ በዘይሰምዑ ፡ ሕዝብ ፡ እለ ፡ ውስተ ፡ አረፍት ።
²⁷ ወይቤሎሙ ፡ ረፋስቂስ ፡ ቦኑ ፡ ኀበ ፡ እግዚእክሙ ፡ ፈነወኒ ፡ እግዚእየ ፡ እንግሮ ፡ ዘነገረ ፡ አኮኑ ፡ ኀበ ፡ እሉ ፡ ዕደው ፡ እለ ፡ ይነብሩ ፡ ውስተ ፡ አረፍት ፡ ከመ ፡ ይብልዑ ፡ ኵስሖሙ ፡ ወይስተዩ ፡ ሥንቶሙ ፡ ምስሌክሙ ።
²⁸ ወቆመ ፡ ረፋስቂስ ፡ ወጸርኀ ፡ ሎሙ ፡ በነገረ ፡ ዕብራይስጥ ፡ ወይቤሎሙ ፡ ስምዑ ፡ ቃሎ ፡ ለዐቢይ ፡ ንጉሠ ፡ ፋርስ ።
²⁹ ከመዝ ፡ ይቤ ፡ ንጉሥ ፡ ኢያስሕትክሙአ ፡ ሕዝቅያስአ ፡ በነገርአ ፤ ኢይክልአ ፡ አድኅኖተክሙአ ፡ እምእዴየ ።
³⁰ ወኢያስተሰፉክሙአ ፡ ሕዝቅያስአ ፡ ኀበ ፡ እግዚአብሔርአ ፡ እንዘ ፡ ይብል ፡ ያድኀነክሙአ ፡ እግዚአብሔር ፡ ወኢይክል ፡ ንጉሠ ፡ ፋርስአ ፡ ነሢኦታአ ፡ ለዛቲ ፡ ሀገር ።
³¹ ኢትስምዕዎአ ፡ ለሕዝቅያስ ፤ ከመዝ ፡ ይቤ ፡ ንጉሠ ፡ ፋርስ ፡ ምስሌየ ፡ ግበሩ ፡ ስንዓአ ፡ ወፃኡአ ፡ ኀቤየአ ፡ ወኵልከሙአ ፡ ትሰትዩአ ፡ ወይነክሙአ ፤ ወትበልዑ ፡ በለስክሙአ ፡ ወትሰትዩ ፡ ማየ ፡ ዐዘቃቲክሙ ፤
³² እስከ ፡ እመጽእ ፡ ወእወስደክሙ ፡ ውስተ ፡ ብሔርአ ፡ ዘከመ ፡ ብሔርክሙ ፡ ብሔረ ፡ ሥርናይ ፡ ወወይን ፡ ወእክል ፡ ወቅብእ ፡ ወመዓር ፡ ወተሐይዉ ፡ ወኢትመውቱ ፡ ወኢትስምዕዎአ ፡ ለሕዝቅያስአ ፡ እስመ ፡ ያስሕተክሙአ ፡ ወይብለክሙ ፡ እግዚአብሔር ፡ ያድኅነክሙአ ።
³³ ቦኑ ፡ እምውስተ ፡ አማልክተ ፡ አሕዛብ ፡ ዘአድኀንዎሙ ፡ ብሔሮሙ ፡ እምእዴሁ ፡ ለንጉሠ ፡ ፋርስ ።
³⁴ አይቴ ፡ እሙንቱ ፡ አምላከ ፡ ኤመት ፡ ወአርፍድ ፡ ወአይቴ ፡ ውእቱ ፡ አምላከ ፡ ሴፋርሔም ፡ ከመ ፡ እፎ ፡ ዘኢያድኀና ፡ ለሰማርያ ፡ እምእዴየ ።
³⁵ መኑ ፡ እምውስተ ፡ ኵሉ ፡ አማልክት ፡ ዘአድኀነ ፡ ብሔር ፡ እምእዴየ ።
³⁶ ወአርመሙ ፡ ወኢያውሥእዎ ፡ ቃለ ፡ እስመ ፡ አዘዞሙ ፡ ንጉሥ ፡ ከመ ፡ ኢያውሥእዎ ።
³⁷ ወቦአ ፡ ኤልያቄም ፡ ወልደ ፡ ኬልቅዩ ፡ መጋቢ ፡ ወሳምናስ ፡ ጸሓፊ ፡ ወዮአስ ፡ ወልደ ፡ ሳፍን ፡ መዘክር ፡ ኀበ ፡ ሕዝቅያስ ፡ እንዘ ፡ ሥጡጥ ፡ አልባሲሆሙ ፡ ወነገርዎ ፡ ቃለ ፡ ረፋስቂስ ።

http://www.sacred-texts.com/bib/poly/kg2019.htm 19↗     ¹ ወሶበ ፡ ሰምዐ ፡ ንጉሥ ፡ ሕዝቅያስ ፡ ሠጠጠ ፡ አልባሲሁ ፡ ወለብበ ፡ ሠቀ ፡ ወቦአ ፡ ቤተ ፡ እግዚአብሔር ።
² ወለአኮሙ ፡ ለኤልያቄም ፡ መጋቢ ፡ ወለስምናስ ፡ ጸሓፊ ፡ ወለሊቃነ ፡ ካህናት ፡ እንዘ ፡ ልቡስ ፡ ሠቀ ፡ ኀበ ፡ ኢሳይያስ ፡ ነቢይ ፡ ወልደ ፡ አሞጽ ።
³ ወይቤሎ ፡ ዕለተ ፡ ምንዳቤ ፡ ዮምአ ፡ ወዕለተ ፡ መንሱትአ ፡ ወመቅሠፍትአ ፡ ዛቲ ፡ ዕለት ፡ እስመ ፡ አኀዛ ፡ ማሕምም ፡ ለእንተ ፡ ትወልድ ፡ ወኀይለ ፡ አልባቲ ።
⁴ እመ ፡ ከመ ፡ ቦአ ፡ ከመአ ፡ ይስማዕ ፡ እግዚአብሔር ፡ አምላክ ፡ ንባቦ ፡ ለረፋስቂስ ፡ ኵሎ ፡ ዘነበበ ፡ ዘለአከ ፡ ንጉሠ ፡ ፋርስ ፡ እግዚኡ ፡ ከመ ፡ ይፀርፍ ፡ ላዕለ ፡ እግዚአብሔር ፡ ሕያውአ ፡ ወያስተሐቅሮአ ፡ በነገር ፡ ዘሰምዐ ፡ እግዚአብሔር ፡ አምላክከ ፡ ወጸሊ ፡ ላዕሌነአ ፡ ለእለአ ፡ ተረፍነአ ።
⁵ ወበጽሑ ፡ ደቀ ፡ ንጉሥ ፡ ኀበ ፡ ኢሳይያስ ።
⁶ ወይቤሎሙ ፡ ኢሳይያስ ፡ በልዎ ፡ ለእግዚእክሙ ፡ ከመዝ ፡ ይቤ ፡ እግዚአብሔር ፡ ኢትፍራህአ ፡ እምቅድመ ፡ ገጹ ፡ ለዝአ ፡ ነገርአ ፡ ዘሰማዕከ ፡ ዘፀረፋ ፡ ደቁ ፡ ለንጉሠ ፡ ፋርስአ ።
⁷ ናሁ ፡ አነ ፡ እፌኑ ፡ መንፈሰ ፡ ላዕሌሆሙ ፡ ወይሰምዑ ፡ ዜና ፡ ወይገብኡ ፡ ብሔሮሙአ ፡ ወእቀትሎሙ ፡ በብሔሮሙአ ፡ በኲናትአ ።
⁸ ወገብአ ፡ ረፋስቂስ ፡ ወረከቦ ፡ ለንጉሥ ፡ ይትቃተል ፡ ምስለ ፡ ሎምና ፡ እስመ ፡ ሰምዐ ፡ ከመ ፡ አፅረሩ ፡ እምነ ፡ ለኪስ ።
⁹ ወሰምዐ ፡ በእንተ ፡ ታራ ፡ ንጉሠ ፡ ኢትዮጵያ ፡ ወይቤልዎ ፡ ናሁ ፡ ወፅአ ፡ ይትቃተል ፡ ምስሌከ ፡ ወተመይጠ ፡ ወለአከ ፡ ሐዋርያተ ፡ ኀበ ፡ ሕዝቅያስ ፡ እንዘ ፡ ይብል ፤
¹⁰ ኢያስሕትከ ፡ አምላክከ ፡ ዘቦቱአ ፡ ተአመንከ ፡ እስመ ፡ ይቤለከ ፡ ኢትገብእ ፡ ኢየሩሳሌም ፡ ውስተ ፡ እደ ፡ ንጉሠ ፡ ፋርስ ።
¹¹ ለሊከአ ፡ ሰማዕከ ፡ ኵሎአ ፡ ዘገብሩ ፡ ነገሥተ ፡ ፋርስ ፡ ወኵሎ ፡ በሓውርተ ፡ ዘከመ ፡ ይምሰስዎ ።
¹² ቦኑአ ፡ እምውስተ ፡ አማልክቲሆሙ ፡ ለአሕዛብ ፡ እለ ፡ ቀተልናሆሙ ፡ ቦኑ ፡ ዘአድኀኖሙ ፡ ወእለኒ ፡ ቀተሉ ፡ አበውየ ፡ ጎዘን ፡ ወካራን ፡ ወራፌስ ፡ ወልደ ፡ ሴዴቄን ፡ እለ ፡ ውስተ ፡ ታኤሴቴም ።
¹³ አይቴአ ፡ ውእቱአ ፡ ንጉሠ ፡ አርፋት ፡ ወንጉሠ ፡ ኤማት ፤ ኦይቴአ ፡ ሌፋሩ ፡ ወኤናን ፡ ወአጉገዌ ።
¹⁴ ወነሥአ ፡ ሕዝቅያስ ፡ እምእዴሆሙ ፡ ለሐዋርያት ፡ መጽሐፈ ፡ ወአንበባ ፡ ወዐርገ ፡ ውስተ ፡ ቤተ ፡ እግዚአብሔር ፡ ወከሠታ ፡ ሕዝቅያስ ፡ ቅድመ ፡ እግዚአብሔር ።
¹⁵ ወይቤ ፡ እግዚኦ ፡ አምላከ ፡ እስራኤል ፡ ዘትነብር ፡ ላዕለ ፡ ኪሩቤል ፡ አንተ ፡ እግዚአብሔር ፡ ባሕቲትከ ፡ ላዕለ ፡ ኵሉ ፡ መንግሥታተ ፡ ዓለም ፡ ወአንተ ፡ ገበርከ ፡ ሰማየ ፡ ወምድረ ።
¹⁶ አፅምእ ፡ እዝነከ ፡ ወስምዐኒ ፡ ወክሥት ፡ አዕይንቲከ ፡ ወርኢ ፡ ወስማዕ ፡ ቃሎ ፡ ለሰናክሬም ፡ ዘለአከ ፡ እንዘ ፡ ያስተሐቅሮ ፡ ለእግዚአብሔር ፡ ሕያው ።
¹⁷ እስመ ፡ አማን ፡ እግዚኦ ፡ አጥፍእዎሙ ፡ ነገሥተ ፡ ፋርስ ፡ ለአሕዛብ ፤
¹⁸ ወአውዐይዎሙ ፡ ለአማልክቲሆሙ ፡ በእሳት ፡ እስመ ፡ ኢኮኑ ፡ አማልክተ ፡ እስመ ፡ ግብረ ፡ እደ ፡ ሰብእ ፡ እሙንቱ ፤ ዕፀው ፡ ወእብን ፡ እሙንቱ ፤ ወአጥፍእዎሙ ።
¹⁹ ወይእዜኒ ፡ እግዚኦ ፡ አምላክነ ፡ አድኅነነ ፡ እምእዴሁ ፡ ወያእምሩ ፡ ኵሎሙ ፡ ነገሥተ ፡ ምድር ፡ ከመ ፡ አንተ ፡ ውእቱ ፡ እግዚአብሔር ፡ ባሕቲትከ ።
²⁰ ወለአከ ፡ ኢሳይያስ ፡ ወልደ ፡ አሞጽ ፡ ኀበ ፡ ሕዝቅያስ ፡ እንዘ ፡ ይብል ፡ ከመዝአ ፡ ይቤአ ፡ እግዚአብሔር ፡ አምላከ ፡ ኀይልአ ፡ አምላከ ፡ እስራኤል ፡ ሰማዕኩ ፡ ዘጸለይከ ፡ ኀቤየ ፡ በእንተ ፡ ሰናክሬምአ ፡ ንጉሠ ፡ ፋርስአ ።
²¹ ወዝውእቱአ ፡ ቃልአ ፡ ዘነበበ ፡ እግዚአብሔርአ ፡ ላዕሌሁ ፡ ጸዐለኪአ ፡ ወአስተሐቅረኪአ ፡ ወለተ ፡ ጽዮንአ ፡ ወአሖሰ ፡ ርእሶ ፡ ላዕሌኪ ፡ ወለተ ፡ ኢየሩሳሌምአ ።
²² መነ ፡ ጸዐልከ ፡ ወላዕለ ፡ መኑ ፡ አዕበይከ ፡ አፉከአ ፤ ነጽር ፡ ሰማያተ ፡ በአዕይንቲከ ፡ ኀበ ፡ ቅዱስ ፡ እስራኤል ፡ ዘበእዴሆሙ ፡ ለመላእክቲሁ ።
²³ ወአንተሰ ፡ ጸዐልከ ፡ እግዚእከ ፡ ወትቤ ፡ በብዝኀ ፡ ሰረገላትየ ፡ አዐርግ ፡ ሰማያተ ፡ ወውስተ ፡ አድባር ፡ ነዋኃት ፡ አድባረ ፡ ሊባኖስ ፡ ወገዘምኩ ፡ ዐበይተ ፡ ቄድሮስ ፡ ወሠናየ ፡ ቄጶረስስ ፡ ወበጻሕኩ ፡ ማእከለ ፡ ገዳም ።
²⁴ ወአዕረፍኩ ፡ አንሰ ፡ ወሰተይኩ ፡ ማየ ፡ ነኪር ፡ ወአይበስኩ ፡ ኵሎ ፡ ዐውደ ፡ ወአፍላገ ፡ በመከየደ ፡ እገርየ ።
²⁵ ወገበርክዎሂ ፡ ወአምጻእክዎሂ ፡ ወከንቶ ፡ ለአንሥኦ ፡ እምኀበ ፡ ኤቄሴዮም ፡ ዘማኪሞን ፡ አህጉር ፡ ጽኑዓት ።
²⁶ ወእለኒ ፡ ይነብሩ ፡ ውስቴቶን ፡ ደክማ ፡ እደዊሆሙ ፡ ወተመውኡ ፡ ወተኀፈሩ ፡ ወከኑ ፡ ከመ ፡ ሣዕረ ፡ ገዳም ፡ ወከመ ፡ ሐመልማለ ፡ ሐምል ፡ ወከመ ፡ ሣዕረ ፡ አንሕስት ፡ ወሴዴማ ፡ ቅድመ ፡ ዘይቀውም ፡ መንበርከ ።
²⁷ ወበአትከኒ ፡ ወፀአትከኒ ፡ ወአእመርኩ ፡ መዐትከኒ ፡ ዘተመዓዕከ ፡ ላዕሌየ ።
²⁸ ወፍሒሎትከኒ ፡ ዐርገ ፡ ውስተ ፡ እዘንየ ፡ ወእወዲ ፡ መሣግርየ ፡ ውስተ ፡ አንፍከ ፡ ወልጓመ ፡ ማእከለ ፡ ከናፍሪከ ፡ ወእመይጠከ ፡ ፍኖተ ፡ እንተ ፡ ባቲ ፡ መጻእከ ።
²⁹ ወዝአ ፡ ተኣምሪሁአ ፤ ብላዕአ ፡ ዘዓመተ ፡ እክልሰ ፡ ዘለሊሁ ፡ ይበቍል ፡ ወካልአኒ ፡ ዓመተ ፡ ዘበቈለ ፡ ወአመ ፡ ፫ዓመት ፡ ዝራእ ፡ ወእረር ፡ ወትክል ፡ ወይነ ፡ ወብላዕ ፡ ፍሬሁ ።
³⁰ ወይበዝኅአ ፡ ቤተአ ፡ ይሁዳአ ፡ ዘተረፈ ፡ ሥርዉ ፡ በታሕቱ ፡ ወይገብር ፡ ፍሬሁ ፡ በላዕሌሁ ።
³¹ እስመ ፡ እምኢየሩሳሌም ፡ ይወዕእ ፡ ተረፎሙ ፡ ዘድኅነ ፡ እምደብረ ፡ ጽዮን ፤ ቅንኡ ፡ ለእግዚአብሔርአ ፡ ይገብሮአ ፡ ለዝንቱአ ።
³² ወአኮ ፡ ከማሁአ ፤ ከመዝ ፡ ይቤ ፡ እግዚአብሔር ፡ በእንተ ፡ ንጉሠ ፡ ፋርስ ፡ ኢይበውእ ፡ ውስተዝ ፡ ሀገር ፡ ይቤ ፡ እግዚአብሔር ፡ ኢይነድፍ ፡ በህየ ፡ ሐጸ ፡ ወኢይቀርብ ፡ ንዋየ ፡ ሐቅሉ ፡ ወኢይከይድ ፡ ምድረ ።
³³ በፍኖት ፡ እንተ ፡ መጽአ ፡ ይገብእ ፡ ወኢይበውእ ፡ ውስተ ፡ ዛቲ ፡ ሀገር ፡ ይቤ ፡ እግዚአብሔር ።
³⁴ ወአጸንዓ ፡ ለዛቲ ፡ ሀገር ፡ በእንተ ፡ ዳዊት ፡ ገብርየ ።
³⁵ ወእምዝ ፡ ወፅአ ፡ መልአከ ፡ እግዚአብሔር ፡ ወቀተለ ፡ እምውስተ ፡ ተዓይኒሆሙ ፡ ለፋርስ ፡ ፲ወ፰፼ወ፶፻፡ ወሶበ ፡ ነቅሁ ፡ በጽባሕ ፡ ረከቡ ፡ አብድንተ ፡ ኵሎሙ ።
³⁶ ወተንሥኡ ፡ ወገዐዙ ፡ ወሖሩ ፡ ወአተወ ፡ ንጉሠ ፡ ፋርስ ፡ ወነበረ ፡ ውስተ ፡ ነነዌ ።
³⁷ ወእንዘ ፡ ይሰግድ ፡ ውስተ ፡ ቤተ ፡ አምላኩ ፡ ሲድራክ ፡ አድራሜሌክ ፡ ወሰሮሰር ፡ ደቂቁ ፡ ቀተልዎ ፡ በኀጺን ፡ ወአምሠጡ ፡ እሙንቱ ፡ ብሔረ ፡ አሮራት ፡ ወነግሠ ፡ ሆናሕርጻን ፡ ወልዱ ፡ ህየንቴሁ ።

http://www.sacred-texts.com/bib/poly/kg2020.htm 20↗     ¹ ወውእተ ፡ አሚረ ፡ ደወየ ፡ ሕዝቅያስ ፡ ወበጽሐ ፡ ለመዊት ፡ ወቦአ ፡ ኢሳይያስ ፡ ነቢይ ፡ ወልደ ፡ አሞጽ ፡ ኀቤሁ ፡ ወይቤሎ ፡ ከመዝ ፡ ይቤ ፡ እግዚአብሔር ፡ ሥራዕ ፡ ቤተከአ ፡ እስመ ፡ ትመውትአ ፡ ወኢተሐዩእ ።
² ወሜጠ ፡ ገጾ ፡ ሕዝቅያስ ፡ ኀበ ፡ አረፍት ፡ ወጸለየ ፡ ኀበ ፡ እግዚአብሔር ፡ እንዘ ፡ ይሴብሕ ፤
³ እግዚኦ ፡ ተዘከር ፡ ከመ ፡ በጽድቅ ፡ ሖርኩ ፡ ቅድሜከ ፡ ወበፍጹም ፡ ልብ ፡ ገበርክዋ ፡ ለሠናይት ፡ ወበከየ ፡ ሕዝቅያስ ፡ ዐቢየ ፡ ብካየ ።
⁴ ወበጽሐ ፡ ኢሳይያስ ፡ ውስተ ፡ ማእከላዊ ፡ በጸድ ፡ ወነበቦ ፡ እግዚአብሔር ፡ ወይቤሎ ፤
⁵ ግባእ ፡ ወበሎ ፡ ለሕዝቅያስ ፡ ንጉሦሙ ፡ ለሕዝብየ ፡ ከመዝ ፡ ይቤ ፡ እግዚአብሔር ፡ አምላከ ፡ ዳዊት ፡ አቡከ ፡ ሰማዕኩአ ፡ ጸሎተከአ ፡ ወርኢኩከአ ፡ አንብዕከ ፤ ናሁ ፡ እፌውሰከ ፡ አነ ፤ እስከ ፡ ሠሉስ ፡ መዋዕል ፡ ተዐርግ ፡ ቤተ ፡ እግዚአብሔርአ ።
⁶ ወእዌስከከ ፡ ላዕለ ፡ ክራማቲከአ ፡ ፲ወ፭ዓመተ ፡ ወአድኅነከ ፡ እምእዴሁ ፡ ለንጉሠ ፡ ፋርስ ፡ ወለዛኒ ፡ ሀገርአ ፡ ኣጸንዓ ፡ በእንቲአየ ፡ [ወበ]በይነ ፡ ዳዊት ፡ ገብርየአ ።
⁷ ወይቤሎ ፡ ንሣእ ፡ ዐጽቀ ፡ በለስ ፡ ወጢእ ፡ ቦቱ ፡ ኀበ ፡ ተሐምም ፡ ውተሐዩ ።
⁸ ወይቤሎ ፡ ሕዝቅያስ ፡ ለኢሳይያስ ፡ ምንት ፡ ትእምርቱ ፡ ከመ ፡ ያሕይወኒ ፡ እግዚአብሔር ፡ ወአዐርግ ፡ ቤተ ፡ እግዚአብሔር ፡ እስከ ፡ ሠሉስ ።
⁹ ወይቤሎ ፡ ኢሳይያስ ፡ ዝውእቱ ፡ ትእምርቱ ፡ ዘእምኀበ ፡ እግዚአብሔር ፡ ከመ ፡ ይግበር ፡ እግዚአብሔር ፡ ቃሎ ፡ ዘነበበ ፤ ይወርድ ፡ ጽላሎት ፡ ውስተ ፡ ፲መዓርጋት ፡ አመ ፡ ይገብእ ፡ ፲መዓርጋተ ።
¹⁰ ወይቤሎ ፡ ሕዝቅያስ ፡ ይገብእ ፡ ጽላሎት ፡ ድኅሬሁ ፡ ፲መዐርጋተ ።
¹¹ ወጸርኀ ፡ ኢሳይያስ ፡ ነቢይ ፡ ኀበ ፡ እግዚአብሔር ፡ ወገብአ ፡ ጽላሎት ፡ ድኅሬሁ ፡ ፲መዐርጋተ ።
¹² ወይእተ ፡ አሚረ ፡ ለአከ ፡ መሮዳኅ ፡ ወልደ ፡ በለዓን ፡ ንጉሠ ፡ ባቢሎን ፡ መጻሕፍተ ፡ ወመሐና ፡ ኀበ ፡ ሕዝቅያስ ፡ እስመ ፡ ስምዐ ፡ ከመ ፡ ደወየ ፡ ሕዝቅያስ ።
¹³ ወተፈሥሐ ፡ ሕዝቅያስ ፡ በእንቲአሁ ፡ ወአርአዮሙ ፡ ኵሎ ፡ ቤተ ፡ ኒቆታሁ ፡ ወርቀ ፡ ወብሩረ ፡ ወአፈዋተኒ ፡ ወቅብአኒ ፡ ቡሩከ ፡ ወቤተ ፡ ንዋይኒ ፡ ወኵሎ ፡ ዘተረክበ ፡ ውስተ ፡ ቤተ ፡ መዝገቡ ፡ ወአልቦ ፡ ኀበ ፡ ኢያርአዮሙ ፡ ሕዝቅያስ ፡ ዘውስተ ፡ ቤቱ ፡ ወኵሉ ፡ ምኵናኑ ።
¹⁴ ወቦአ ፡ ኢሳይያስ ፡ ነቢይ ፡ ኀበ ፡ ሕዝቅያስ ፡ ንጉሥ ፡ ወይቤሎ ፡ ምንተኑ ፡ ተናገሩ ፡ እሉ ፡ ዕደው ፡ ወእምአይቴ ፡ መጽኡ ፡ ኀቤከ ፡ ወይቤሎ ፡ ሕዝቅያስ ፡ እምርሑቅ ፡ ብሔር ፡ መጽኡ ፡ ኀቤየ ፡ እምባቢሎን ።
¹⁵ ወይቤሎ ፡ ምንተ ፡ አርአይኮሙ ፡ ወይቤሎ ፡ ኵሎ ፡ ዘውስተ ፡ ቤትየ ፡ ርእዩ ፡ ወዓዲ ፡ ዘውስተ ፡ መዘግብትየኒ ፡ ርእዩ ።
¹⁶ ወይቤሎ ፡ ኢሳይያስ ፡ ለሕዝቅያስ ፡ ስማዕ ፡ ቃለ ፡ እግዚአብሔር ።
¹⁷ ናሁ ፡ ይበጽሕ ፡ መዋዕል ፡ ይቤ ፡ እግዚአብሔር ፡ ወይነሥኡ ፡ ኵሎ ፡ ዘውስተ ፡ ቤትከ ፡ ወኵሎ ፡ ዘዘገቡ ፡ አበዊከ ፡ እስከ ፡ ዮም ፡ ወይወስዱ ፡ ባቢሎን ፡ ወአልቦ ፡ ዘያተርፉ ፡ ይቤ ፡ እግዚአብሔር ።
¹⁸ ወይነሥእዎሙ ፡ ለውሉድከ ፡ ለእለ ፡ ወለድከ ፡ ወይሬስይዎሙ ፡ ኅጽዋነ ፡ ለቤተ ፡ ንጉሠ ፡ ባቢሎን ።
¹⁹ ወይቤሎ ፡ ሕዝቅያስ ፡ ሠናየ ፡ ነበበ ፡ እግዚአብሔር ፡ ወይኩን ፡ ሰላም ፡ በመዋዕልየ ።
²⁰ ወኵሉ ፡ ነገሩ ፡ ለሕዝቅያስ ፡ ወኵሉ ፡ ኀይሉ ፡ ወኵሉ ፡ ዘገብረ ፡ በቄርኔ ፡ ወበሙሓዘ ፡ ማይ ፡ ወዘአብአ ፡ ማየ ፡ ውስተ ፡ ሀገር ፡ ዝንቱ ፡ ውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
²¹ ወሰከበ ፡ ሕዝቅያስ ፡ ምስለ ፡ አበዊሁ ፡ ወቀበርዎ ፡ ውስተ ፡ ሀገረ ፡ ዳዊት ፡ ወነግሠ ፡ ምናሴ ፡ ወልዱ ፡ ህየንቴሁ ።

http://www.sacred-texts.com/bib/poly/kg2021.htm 21↗     ¹ እንዘ ፡ ፲ወ፪ክረምቱ ፡ ለምናሴ ፡ አመ ፡ ይነግሥ ፡ ወ፶ወ፭ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ሐፍሴባ ።
² ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ከመ ፡ ርኵሶሙ ፡ ለአሕዛብ ፡ እለ ፡ አሰሰለ ፡ እግዚአብሔር ፡ እምቅድመ ፡ ገጸሙ ፡ ለደቂቀ ፡ እስራኤል ።
³ ወሖነጸ ፡ አብያተ ፡ አማልክት ፡ ዘነሠተ ፡ ሕዝቅያስ ፡ አቡሁ ፡ ወገብረ ፡ ምሥዋበ ፡ ለበዓል ፡ ወገብረ ፡ ምሕራማተ ፡ ዖም ፡ ዘከመ ፡ ገብረ ፡ አካአብ ፡ ንጉሠ ፡ እስራኤል ፡ ወሰገደ ፡ ለኵሉ ፡ ኀይለ ፡ ሰማይ ፡ ወተቀንየ ፡ ሎሙ ።
⁴ ወሐነጸ ፡ ምሥዋዐ ፡ ውስተ ፡ ቤተ ፡ እግዚአብሔር ፡ ዘይቤ ፡ እግዚአብሔር ፡ ውስተ ፡ ኢየሩሳሌም ፡ እሠይም ፡ ስምየ ።
⁵ ወሐነጸ ፡ ምሥዋዐ ፡ ለኀይለ ፡ ሰማይ ፡ ውስተ ፡ ክልኤሆሙ ፡ ዐጸደ ፡ ቤተ ፡ እግዚአብሔር ።
⁶ ወሦዐ ፡ ወልዶ ፡ በእሳት ፡ ወያስተቃስም ፡ ወያሰግል ፡ ወገብረ ፡ ቴሌም ፡ ወማእምራነ ፡ ወአብዝኀ ፡ ገቢሮታ ፡ ለእኪት ፡ ቅድመ ፡ አዕይንቲሁ ፡ ለእግዚአብሔር ፡ ወአምዕዖ ።
⁷ ወአንበረ ፡ ግልፎ ፡ ምሕራም ፡ ውስተ ፡ ቤት ፡ ዘይቤሎ ፡ እግዚአብሔር ፡ ለዳዊት ፡ ወለሰሎሞን ፡ ወልዱ ፡ ውስተዝ ፡ ቤት ፡ ዘኢየሩሳሌም ፡ ዘኀረይኩ ፡ እምነ ፡ ኵሉ ፡ ሕዝበ ፡ እስራኤል ፡ ኣቀውም ፡ ስምየ ፡ ለዓለም ።
⁸ ወኢይደግም ፡ አደኅዖቶሙ ፡ እግሮሙ ፡ ለእስራኤል ፡ እምነ ፡ ምድር ፡ እንተ ፡ ወሀብክዎሙ ፡ ለአበዊሆሙ ፡ ለእመ ፡ ሰምዑ ፡ ኵሎ ፡ ዘአዘዝክዎሙ ፡ ዘነገሮሙ ፡ ሙሴ ፡ ገብርየ ።
⁹ ወኢሰምዑኒ ፡ ወአስሐቶሙ ፡ ምናሴ ፡ ከመ ፡ ይግበሩ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ ወአምዕዕዎ ፡ ፈድፋደ ፡ እምአሕዛብ ፡ እለ ፡ አማሰኖሙ ፡ እግዚአብሔር ፡ እምቅድመ ፡ ገጾሙ ፡ ለደቂቀ ፡ እስራኤል ።
¹⁰ ወነበበ ፡ እግዚአብሔር ፡ በእደ ፡ አግብርቲሁ ፡ ነቢያት ፡ ወይቤ ፤
¹¹ እስመ ፡ ገብረ ፡ ምናሴ ፡ ንጉሠ ፡ ይሁዳ ፡ ዘርኵሰ ፡ እኩየ ፡ እምኵሉ ፡ ዘገብሩ ፡ አሞሬዎን ፡ ቀደምት ፡ ወአበሱ ፡ ወይሁዳኒ ፡ ምስለ ፡ አግብርቲሆሙ ።
¹² ወአኮአ ፡ ከመዝአ ፡ ይቤአ ፡ እግዚአብሔርአ ፡ አምላከ ፡ እስራኤልአ ፡ ናሁ ፡ አነአ ፡ ኣመጽእአ ፡ እኪተ ፡ ላዕለ ፡ ኢየሩሳሌም ፡ ወላዕለ ፡ ይሁዳ ፡ ከመ ፡ ኵሉአ ፡ ዘሰምዐ ፡ ይእኅዝ ፡ ክልኤሆን ፡ አእዛኒሀ ፡ ።
¹³ ወኣገብእ ፡ ላዕለ ፡ ኢየሩሳሌም ፡ መስፈርተ ፡ ሰማርያ ፡ ወመዳልወ ፡ ዘቤተ ፡ አካአብ ፡ ወእደመስሳ ፡ ለኢየሩሳሌም ፡ ከመ ፡ ይትመዘመዝ ፡ ዕፍረት ፡ እምከመ ፡ መዝመዝዎ ፡ ወትትገፈታእ ፡ በገጻ ።
¹⁴ ወኣጠፍኦሙ ፡ ተረፎሙ ፡ ለሕዝብየአ ፡ ወኣገብኦሙ ፡ ውስተ ፡ እዴሆሙ ፡ ስፀሮሙ ፡ ወይፄውዎሙአ ፡ ወይበርብሮሙአ ፡ ፀሮሙ ።
¹⁵ እስመ ፡ እኩየ ፡ ገብሩ ፡ ቅድመ ፡ አዕይንትየ ፡ ወአምዕዑኒአ ፡ እምአመ ፡ አውፃእክዎሙ ፡ ለአበዊሆሙ ፡ እምግብጽአ ፡ እስከ ፡ ዮም ።
¹⁶ ወደመኒ ፡ ንጹሐ ፡ ከዐወ ፡ ምናሴ ፡ ዘሦዐ ፡ እስከ ፡ መልኣ ፡ ለኢየሩሳሌም ፡ እምበአታ ፡ እስከ ፡ ጽንፋ ፡ በኀጢአቱ ፡ ዘአስሐቶሙ ፡ ለይሁዳ ፡ ወገብረ ፡ ኀጢአተ ፡ ቅድመ ፡ አዕይንቲሁ ፡ ለእግዚአብሔር ።
¹⁷ ወኵሉ ፡ ነገሩ ፡ ለምናሴ ፡ ወኵሉ ፡ ዘገብረ ፡ ወኀጢአቱኒ ፡ ዘአበሰ ፡ ናሁ ፡ ዝንቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
¹⁸ ወሰከበ ፡ ምናሴ ፡ ምስለ ፡ አበዊሁ ፡ ወተቀብረ ፡ ውስተ ፡ ገነት ፡ ዘቤተ ፡ ዖዛ ፡ ወነግሠ ፡ አሞጽ ፡ ወልዱ ፡ ህየንቴሁ ።
¹⁹ እንዘ ፡ ፳ወ፪ክረምቱ ፡ ለአሞጽ ፡ አመ ፡ ይነግሥ ፡ ወክልኤተ ፡ ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ሜሰለም ፡ ወለተ ፡ አሩሳ ፡ እንተ ፡ እምሔሴባል ።
²⁰ ወገብረ ፡ እኩየ ፡ ቅድመ ፡ አዕይንቲሁ ፡ ለእግዚአብሔር ፡ በከመ ፡ ገብረ ፡ ምናሌ ፡ አቡሁ ።
²¹ ወሖረ ፡ በፍኖት ፡ በኵሉ ፡ እንተ ፡ ሖረ ፡ አቡሁ ፡ ወአምለከ ፡ አማልክተ ፡ ዘአምለከ ፡ አቡሁ ፡ ወሰገደ ፡ ሎሙ ።
²² ወኀደጎ ፡ ለእግዚአብሔር ፡ አምላከ ፡ አበዊሁ ፡ ወኢሖረ ፡ በፍኖተ ፡ እግዚአብሔር ።
²³ ወዐለውዎ ፡ ደቁ ፡ ለአሞጽ ፡ ወቀተልዎ ፡ ለንጉሥ ፡ በቤቱ ።
²⁴ ወቀተልዎሙ ፡ አሕዛበ ፡ ምድር ፡ ለኵሎሙ ፡ እለ ፡ ዐለውዎ ፡ ለንጉሥ ፡ በሞጽ ፡ ወአንጉሠዎ ፡ አሕዛበ ፡ ምድር ፡ ለዮስያስ ፡ ወልዱ ፡ ህየንቴሁ ።
²⁵ ወኵሉ ፡ ነገሩ ፡ ለዐሞጽ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
²⁶ ወቀበርዎ ፡ ውስተ ፡ መቃብሩ ፡ ውስተ ፡ ገነተ ፡ ዖዛ ፡ ወነግሠ ፡ ዮስያስ ፡ ወልዱ ፡ ህየንቴሁ ።

http://www.sacred-texts.com/bib/poly/kg2022.htm 22↗     ¹ ወሰማኒ ፡ ክረምቱ ፡ ለዮስያስ ፡ አመ ፡ ይነግሥ ፡ ወ ፡ ፴ወ፩ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ይሄድያ ፡ ወለተ ፡ ኤዶና ፡ እንተ ፡ እምባሱሮት ።
² ወገብረ ፡ ጽድቀ ፡ ቅድመ ፡ እግዚአብሔር ፡ በቅድመ ፡ አዕይንቲሁ ፡ ወሖረ ፡ በኵሉ ፡ ፍኖተ ፡ ዳዊት ፡ አቡሁ ፡ ወኢተግሕሠ ፡ ኢለየማን ፡ ወኢለፀጋም ።
³ ወአመ ፡ ፲ወ፰ዓመተ ፡ መንግሥቱ ፡ ለዮስያስ ፡ አመ ፡ ሳምን ፡ ወርኅ ፡ ፈነዎ ፡ ንጉሥ ፡ ለሶፋን ፡ ወልደ ፡ ኤሴልዩ ፡ ወልደ ፡ ሜሰላም ፡ ጸሓፌ ፡ ቤተ ፡ እግዚአብሔር ፡ እንዘ ፡ ይብል ፤
⁴ ዕርግአ ፡ ኀበ ፡ ኬልቅዩአ ፡ ካህን ፡ ዐቢይ ፡ ወኅትም ፡ ወርቀ ፡ ዘቦኦ ፡ ለቤተ ፡ እግዚአብሔር ፡ ዘአስተጋብኡ ፡ እለ ፡ የዐቅቡ ፡ መዳልዎሙ ፡ ለሕዝብ ።
⁵ ወአወፍይዎሙ ፡ ለእለ ፡ ያገብሩ ፡ ግብረ ፡ ቤተ ፡ እግዚአብሔር ፡ በዘይጼንዑ ፡ ቤዴቀ ፡ ዘውስተ ፡ ቤት ፤
⁶ ለጸረብት ፡ ወለነደቅት ፡ ወለእስ ፡ ይገብሩ ፡ አረፍተ ፡ በዘ ፡ ይሣየጡ ፡ ዕፀወ ፡ ወእብነ ፡ ውቅሮ ፡ በዘይጼንዕዎ ፡ ለቤዴቅ ፡ ለቤቱ ።
⁷ ወኢይትሓሰብዎሙ ፡ ወርቆ ፡ ዘወሀብውሙ ፡ እስመ ፡ በሃይማኖት ፡ ይገብሩ ።
⁸ ወይቤሎ ፡ ኬልቅዩ ፡ ካህን ፡ ዐቢይ ፡ ለሳፋን ፡ ጸሓፊ ፡ አንብብ ፡ ሎቱ ።
⁹ ወቦአ ፡ ቤተ ፡ እግዚአብሔር ፡ ኀበ ፡ ንጉሥ ፡ ወአግብአ ፡ ሎቱ ፡ መልእክቶ ፡ ለንጉሥ ፡ ወይቤ[ሎ] ፡ ሰበክዎ ፡ አግብርቲከ ፡ ለውእቱ ፡ ብሩር ፡ ዘተረክበ ፡ ውስተ ፡ ቤተ ፡ እግዚአብሔር ፡ ወወሀብዎሙ ፡ ለእለ ፡ ይገብሩ ፡ ግብረ ፡ ቤተ ፡ እግዚአብሔር ።
¹⁰ ወይቤሎ ፡ ሳፋን ፡ ለንጉሥ ፡ መጽሐፈ ፡ ሕግ ፡ ወሀበኒ ፡ ኬልቅዩ ፡ ካህን ፡ ወአንበባ ፡ ሳፋን ፡ በቅድመ ፡ ንጉሥ ።
¹¹ ወሶበ ፡ ሰምዓ ፡ ንጉሥ ፡ ለይእቲ ፡ መጽሐፍ ፡ ዘሕግ ፡ ሠጠጠ ፡ አልባሲሁ ።
¹² ወአዘዞ ፡ ንጉሥ ፡ ለኬልቅያስ ፡ ካህን ፡ ወለአኪቃም ፡ ወልደ ፡ ሳፋን ፡ ወለአክባር ፡ ወልደ ፡ ሚክዩ ፡ ወለሶፋን ፡ ጸሓፊ ፡ ወለአስያ ፡ ገብረ ፡ ንጉሥ ፡ ወይቤሎሙ ፤
¹³ ንዑ ፡ አስተብቍዕዎ ፡ ለእግዚአብሔር ፡ በእንቲአየ ፡ ወበእንተ ፡ ኵሉ ፡ ሕዝበ ፡ ይሁዳ ፡ ወእንበይነ ፡ ኵሉ ፡ ቃላ ፡ ለዛቲ ፡ መጽሐፍ ፡ እስመ ፡ ዐቢይ ፡ መዐተ ፡ እግዚአብሔር ፡ ዘተረክበ ፡ ላዕሌነ ፡ ይነድድ ፡ እሳት ፤ ኢሰምዑ ፡ አበዊነ ፡ ቃላ ፡ ለዛቲ ፡ መጽሐፍ ፡ ወኢገብሩ ፡ ሕጎሙ ፡ ዘጽሑፍ ።
¹⁴ ወሖረ ፡ ኬልቅያስ ፡ ካህን ፡ ወአኪቃም ፡ ወአክባር ፡ ወሶፋን ፡ ወአሶያስ ፡ ኀበ ፡ ሕልደና ፡ ነቢይት ፡ እሙ ፡ ለሴሌም ፡ ወልደ ፡ ቴቄሀው ፡ ወልደ ፡ አድራስ ፡ ዐቃቤ ፡ አልባስ ፡ ወውስተ ፡ ኢየሩሳሌም ፡ ሀለወት ፡ ህየ ፡ ምንባራ ፡ ውስተ ፡ ምናሴ ፡ ወነገርዋ ።
¹⁵ ወትቤሎሙ ፡ ከመዝ ፡ ይቤ ፡ እግዚአብሔር ፡ አምላከ ፡ እስራኤል ፡ በልዎ ፡ ለብእሲ ፡ ዘፈነወክሙ ፡ ኀቤየ ፤
¹⁶ ከመዝ ፡ ይቤ ፡ እግዚአብሔርአ ፡ ናሁ ፡ አነአ ፡ ኣመጽእአ ፡ እኪተ ፡ ላዕለ ፡ ዝብሔር ፡ ወላዕለ ፡ እለ ፡ ይነብሩ ፡ ውስቴቱ ፡ ኵሎአ ፡ ቃለአ ፡ ዘሀሎ ፡ ውስተ ፡ መጽሐፍ ፡ ዘአንበበ ፡ ንጉሠ ፡ ይሁዳ ።
¹⁷ እስመ ፡ ኀደግሙኒ ፡ ወዐጠንክሙ ፡ ለባዕድ ፡ አማልክት ፡ ከመ ፡ ታምዕዑኒ ፡ በግብረ ፡ እደዊክሙ ፡ ወትነድድአ ፡ መዐትየ ፡ ውስተዝ ፡ ብሔር ፡ ወኢያጠፍእአ ።
¹⁸ ወላዕለ ፡ ንጉሠ ፡ ይሁዳ ፡ ዘፈነወክሙ ፡ ከመ ፡ ትሰእሉ ፡ ለእግዚአብሔርአ ፡ ከመዝ ፡ በልዎአ ፡ ከመዝ ፡ ይቤ ፡ እግዚአብሔር ፡ አምላከ ፡ እስራኤል ፡ ዝቃል ፡ ዘሰማዕከ ፤
¹⁹ እስመ ፡ ኢያግዘፍከ ፡ ልበከ ፡ ወፈራህከ ፡ እምገጸ ፡ እግዚአብሔር ፡ ዘሰማዕከ ፡ ዘነበብኩ ፡ ላዕለዝ ፡ ብሔር ፡ ወላዕለ ፡ እለ ፡ ይነብሩ ፡ ውስቴቱ ፡ ከመ ፡ ኣማስኖሙ ፡ ወይኩኑአ ፡ ለመርገምአ ፡ ወሠጠጥከአ ፡ አልባሲከ ፡ ወበከይከ ፡ ቅድሜየ ፡ ሰማዕኩአ ፡ አነአ ፡ ይቤአ ፡ እግዚአብሔርአ ።
²⁰ ወአኮአ ፡ ከመዝአ ፤ ናሁ ፡ አነ ፡ እቀትለከ ፡ ወትመውት ፡ ወተአቱ ፡ ኀበ ፡ አበዊከ ፡ ወትበውእ ፡ ውስተ ፡ መቃብሪከ ፡ በሰላም ፡ ወኢትሬእያ ፡ በዐይንከ ፡ ለኵሉ ፡ እኪት ፡ እንተ ፡ ኣመጽእ ፡ አነ ፡ ውስተዝ ፡ ብሔርአ ፡ ወላዕለ ፡ እለ ፡ ይነብርዎአ ።

http://www.sacred-texts.com/bib/poly/kg2023.htm 23↗     ¹ ወአግብኡ ፡ ሎቱ ፡ መልእክቶ ፡ ለንጉሥ ፡ ወለአከ ፡ ንጉሥ ፡ ወአስተጋብኦሙ ፡ ኀቤሁ ፡ ለኵሎሙ ፡ ሊቃናተ ፡ ይሁዳ ፡ ወኢየሩሳሌም ።
² ወዐርገ ፡ ንጉሥ ፡ ውስተ ፡ ቤተ ፡ እግዚአብሔር ፡ ወኵሉ ፡ ሰብአ ፡ ይሁዳ ፡ ወኵሉ ፡ እለ ፡ ይነብሩ ፡ ውስተ ፡ ኢየሩሳሌም ፡ ምስሌሁ ፡ ወካህናትኒ ፡ ወነቢያትኒ ፡ ወኵሉ ፡ ሕዝብ ፡ ንኡሶሙ ፡ ወዐቢዮሙ ፡ ወአንበበ ፡ ቅድሜሆሙ ፡ ኵ ሎ ፡ ቃለ ፡ መጽሐፈ ፡ ሕግ ፡ ዘተረክበ ፡ ውስተ ፡ ቤተ ፡ እግዚአብሔር ።
³ ወቆመ ፡ ንጉሥ ፡ ኀበ ፡ ዐምድ ፡ ወተካየደ ፡ ኪዳነ ፡ ቅድመ ፡ እግዚአብሔር ፡ ወይዕቀቡ ፡ ትእዛዞ ፡ ወኵነኔሁ ፡ ወሕጎ ፡ በኵሉ ፡ ልቦሙ ፡ ወበኵሉ ፡ ነፍሶሙ ፡ ከመ ፡ ያቅሙ ፡ በዝ ፡ ነገር ፡ ኪዳኖሙ ።
⁴ ወአዘዞ ፡ ንጉሥ ፡ ለኬልቅያስ ፡ ለዐቢይ ፡ ካህን ፡ ወለካህናትኒ ፡ እለ ፡ እምታሕቴሁ ፡ ወለእለ ፡ የዐቅቡ ፡ መዳልወ ፡ ከመ ፡ ያውፅኡ ፡ ኵሎ ፡ ንዋየ ፡ በዓል ፡ ወዘምሕራማት ፡ ወዘኵሉ ፡ ኀይለ ፡ ሰማይ ፡ ወአውፀይዎ ፡ በአፍአ ፡ እምኢየሩሳሌም ፡ በሰዴሞተ ፡ ቄድሮን ፡ ወነሥኡ ፡ ሐመዶ ፡ ወወሰዱ ፡ ቤቴል ።
⁵ ወአውዐዮሙ ፡ ለከማርም ፡ እለ ፡ ወሀበ ፡ ንጉሠ ፡ ይሁዳ ፡ ወየዐጥኑ ፡ በአብያተ ፡ አማልክት ፡ ወውስተ ፡ አህጉረ ፡ ይሁዳ ፡ ወውስተ ፡ ዐውደ ፡ ኢየሩሳሌም ፡ ወለእለ ፡ የዐጥኑ ፡ ለበዓል ፡ ወለፀሓይ ፡ ወለወርኅ ፡ ወለማዙሮት ፡ ወለኵሉ ፡ ኀይለ ፡ ሰማያት ።
⁶ ወአውፅኦሙ ፡ ምስለ ፡ አማልክቲሆሙ ፡ እምቤተ ፡ እግዚአብሔር ፡ አፍአ ፡ እምኢየሩሳሌም ፡ ውስተ ፡ ፈለገ ፡ ቄድሮን ፡ ወአውዐይዎሙ ፡ በፈለገ ፡ ቄድሮን ፡ ወቀጥቀጥዎሙ ፡ ወወደየ ፡ ስባራቲሆሙ ፡ ውስተ ፡ መቃብረ ፡ ደቂቀ ፡ ሕዝብ ።
⁷ ወነሠተ ፡ ቤተ ፡ ቃዴስም ፡ ዘውስተ ፡ ቤተ ፡ እግዚአብሔር ፡ ኀበ ፡ የአንማ ፡ አንስት ፡ ለአምላከ ፡ ኬጣእም ።
⁸ ወአውፅኦሙ ፡ ለገነውት ፡ እምአህጉረ ፡ ይሁዳ ፡ ወአርኰሰ ፡ አብያተ ፡ አማልክት ፡ ኀበ ፡ የዐጥኑ ፡ ህየ ፡ ገነውት ፡ እምጌባል ፡ እስከ ፡ ቤርሳቤሕ ፡ ወነሠተ ፡ አጽርሕ ፡ ዴዴያት ፡ ዘኀበ ፡ ዴዴ ፡ አንቀጽ ፡ ዘሆሴዕ ፡ መልአከ ፡ ሀገር ፡ ብእሲ ፡ ዘኀበ ፡ የማነ ፡ አንቀጸ ፡ ሀገር ፡ አንቀጽ ፡ ዘያበውእ ፡ መንገለ ፡ ወግዕ ።
⁹ ወባሕቱ ፡ ኢያንበሩ ፡ ገነውተ ፡ አማልክት ፡ በኀበ ፡ ምሥዋዐ ፡ እግዚአብሔር ፡ በኢየሩሳሌም ፡ እንበለ ፡ ሶበ ፡ ይበልዑ ፡ ምስለ ፡ ቢጾሙ ።
¹⁰ ወአርኰስዎ ፡ ለጤፌጣ ፡ በቈላተ ፡ ወልደ ፡ ሄኖም ፡ ከመ ፡ ይሡዑ ፡ ኵሉ ፡ ብእሲ ፡ ወልዶ ፡ ወኵሉ ፡ ብእሲ ፡ ወለቶ ፡ ለሞሎሕ ፡ በእሳት ።
¹¹ ወአውዐየ ፡ አፍራሰ ፡ ዘወሀቡ ፡ ነገሥተ ፡ ይሁዳ ፡ ለፀሓይ ፡ በውስተ ፡ አንቀጸ ፡ ቤተ ፡ እግዚአብሔር ፡ ውስተ ፡ ሙዳየ ፡ ምጽዋት ፡ ዘናታን ፡ ኅጽው ፡ በፈሩርም ፡ ወሰረገላተ ፡ ዘፀሓይ ፡ አውዐየ ፡ በእሳት ።
¹² ወምሥዋዓተኒ ፡ ዘውስተ ፡ አንሕስት ፡ ዘአጽራሕ ፡ አካዝ ፡ ዘገብረ ፡ ንጉሠ ፡ ይሁዳ ፤ ምሥዋዕኒ ፡ ዘገብረ ፡ ምናሴ ፡ ውስተ ፡ ፪ዐጸደ ፡ ቤተ ፡ እግዚአብሔር ፡ ወነሠቶ ፡ ንጉሥ ፡ ወአውረዶሙ ፡ እምህየ ፡ ወሰበሮሙ ፡ ወስባራቲሆሙ ፡ ገደፈ ፡ ውስተ ፡ ፈለገ ፡ ቄድሮን ።
¹³ ወቤተኒ ፡ ዘቅድመ ፡ ኢየሩሳሌም ፡ ዘመንገለ ፡ የማነ ፡ ደብር ፡ መስኅት ፡ ዘሐነጸ ፡ ንጉሠ ፡ እስራኤል ፡ ሰሎሞን ፡ ለአስጠርጤ ፡ ኀሳሮሙ ፡ ለሲዶና ፡ ወለኮሞስ ፡ ኀሳሮሙ ፡ ለሞአብ ፡ ወለሜልኮል ፡ ርኵሶሙ ፡ ለደቂቀ ፡ አሞን ፡ አርኰሰ ፡ ንጉሥ ።
¹⁴ ወቀጥቀጠ ፡ አምሳሊሆሙ ፡ ወሠረወ ፡ ምሕራማቲሆሙ ፡ ወመልአ ፡ ውስተ ፡ መካናቲሆሙ ፡ አዕፅምተ ፡ ሰብእ ።
¹⁵ ወምሥዋዐኒ ፡ ዘውስተ ፡ ቤቴል ፡ ዘቤተ ፡ አማልክቲሆሙ ፡ ዘገብረ ፡ ኢዮርብዓም ፡ ወልደ ፡ ናባጥ ፡ ዘአስሐቶሙ ፡ ለእስራኤል ፡ ወውእተኒ ፡ ምሥዋዐ ፡ ዘቤተ ፡ አምላኮሙ ፡ ነሠተ ፡ ወሰበረ ፡ ወቀጥቀጠ ፡ እበኒሁ ፡ ወሐረፀ ፡ ወአውዐየ ፡ ምሕራሞሙ ።
¹⁶ ወሖረ ፡ ኢዮስያስ ፡ ወርእየ ፡ መቃብረ ፡ ዘውስተ ፡ ውእቱ ፡ ሀገር ፡ ወፈነወ ፡ ወአውፅኡ ፡ ኵሎ ፡ አዕፅምቺ ፡ ዘውስተ ፡ ውእቱ ፡ መቃብር ፡ ወአውዐዮ ፡ በውስተ ፡ ምሥዋዕ ፡ ወአርኰሶ ፡ በከመ ፡ ይቤ ፡ እግዚአብሔር ፡ ዘነበበ ፡ ብእሴ ፡ እግዚአብሔር ፡ አመ ፡ በዓል ፡ ዘገብረ ፡ ኢዮርብዓም ፤ ወተመይጠ ፡ ወርእየ ፡ መቃብሮ ፡ ለብእሴ ፡ እግዚአብሔር ፡ ዘነበቦ ፡ ለዝ ፡ ቃል ።
¹⁷ ወይቤሎሙ ፡ ምንትኑ ፡ ዝንቱ ፡ መድፍን ፡ ዘእሬኢ ፡ ወይቤልዎ ፡ ሰብአ ፡ ውእቱ ፡ ብሔር ፡ መቃብሩ ፡ ለብእሴ ፡ እግዚአብሔር ፡ ውእቱ ፡ ዘመጽአ ፡ እምይሁዳ ፡ ዘነበበ ፡ በቃል ፡ ከመዝ ፡ በኀበ ፡ ምሥዋዕ ፡ ቤቴል ።
¹⁸ ወይቤሎሙ ፡ ኅድግዎ ፡ አልቦ ፡ ዘይገስስ ፡ አዕፅምቲሁ ፤ ወድኅነ ፡ አዕፅምቲሁ ፡ ምስለ ፡ አዕፅምተ ፡ ነቢይ ፡ ዘመጽአ ፡ እምሰማርያ ።
¹⁹ ወኵሎ ፡ አብያተ ፡ አማልክቲሆሙ ፡ ዘውስተ ፡ ሰማርያ ፡ ዘንብሩ ፡ ነገሥተ ፡ እስራኤል ፡ ከመ ፡ ያምዕዕዎ ፡ ለእግዚአብሔር ፡ ነሠተ ፡ ኢዮስያስ ፡ ወገብረ ፡ ቤተ ፡ ኵሉ ፡ ግብረ ፡ ዘገብረ ፡ በቤቴል ።
²⁰ ወሦዖሙ ፡ ለኵሎሙ ፡ ገነውተ ፡ አማልክት ፡ እለ ፡ ሀለዉ ፡ ህየ ፡ ውስተ ፡ ምሥዋዓቲሆሙ ፡ ወአንደዱ ፡ አዕፅምተ ፡ እጓለ ፡ እመሕያው ፡ ውስቴቱ ፡ ወአተወ ፡ ኢየሩሳሌም ።
²¹ ወአዘዞሙ ፡ ንጉሥ ፡ ለኵሎሙ ፡ አሕዛብ ፡ ከመ ፡ ይግበሩ ፡ ፋሲካሁ ፡ ለእግዚአብሔር ፡ አምላኮሙ ፡ በከመ ፡ ጽሑፍ ፡ ውስተ ፡ ውእቱ ፡ መጽሐፈ ፡ ሕግ ።
²² እስመ ፡ ኢተገብረ ፡ ውእቱ ፡ ፋሲካ ፡ እምአመ ፡ መሳፍንት ፡ እለ ፡ ኰነንዎሙ ፡ ለእስራኤል ፡ በኵሉ ፡ መዋዕለ ፡ ነገሥተ ፡ እስራኤል ፡ ወነገሥተ ፡ ይሁዳ ።
²³ እንበለ ፡ አመ ፡ ፲ወ፰ክረምተ ፡ መንግሥቱ ፡ ለኢዮስያስ ፡ ተገብረ ፡ ፋሲካሁ ፡ ለእግዚአብሔር ፡ በኢየሩሳሌም ።
²⁴ ለማእምራን ፡ ወለፈቃድያን ፡ ወለቴርፋን ፡ ኵሉ ፡ ዘአማልክቲሆሙ ፡ ወኵሉ ፡ ኀሳሮሙ ፡ ዘገብሩ ፡ በይሁዳ ፡ ወበኢየሩሳሌም ፡ አሰሰለ ፡ ኢዮስያስ ፡ ከመ ፡ ይብጻሕ ፡ ቃለ ፡ ሕጎሙ ፡ ዘጽሑፍ ፡ ዘረከበ ፡ ኬልቅያስ ፡ ካህን ፡ ውስተ ፡ ቤተ ፡ እግዚአብሔር ።
²⁵ ወከማሁ ፡ አልቦ ፡ ዘኮነ ፡ እምእለ ፡ ቅድሜሁ ፡ ነገሥት ፡ ዘገብአ ፡ በኵሉ ፡ ልቡ ፡ ኀበ ፡ እግዚአብሔር ፡ ወበኵሉ ፡ ኀይሉ ፡ ወበኵሉ ፡ ነፍሱ ፡ በከመ ፡ ኵሉ ፡ ሕገ ፡ ሙሴ ፡ ወእምድኅሬሁኒ ፡ አልቦ ፡ ዘቆመ ፡ ዘከማሁ ።
²⁶ ወባሕቱ ፡ ኢሜጠ ፡ እግዚአብሔር ፡ መዐቶ ፡ ዘተምዐ ፡ ላዕለ ፡ ይሁዳ ፡ መዐተ ፡ ዘአምዕዖ ፡ ምናሴ ።
²⁷ ወይቤ ፡ እግዚአብሔር ፡ ለይሁዳኒ ፡ እገድፎሙ ፡ እምቅድመ ፡ ገጽየ ፡ በከመ ፡ ገዴፍክዎሙ ፡ ለእስራኤል ፡ ወእደመስሳ ፡ ለዛቲ ፡ ሀገር ፡ ኢየሩሳሌም ፡ እንተ ፡ ኀረይኩ ፡ ወዝኒ ፡ ቤት ፡ ዘእቤ ፡ ይሄሉ ፡ ስምየ ፡ ህየ ።
²⁸ ወኵሉ ፡ ነገሩ ፡ ለኢዮስያስ ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
²⁹ ወበመዋዕሊሁ ፡ ዐርገ ፡ ፈርዖን ፡ ኒካዑ ፡ ንጉሠ ፡ ግብጽ ፡ ላዕለ ፡ ንጉሠ ፡ ፋርስ ፡ እንተ ፡ ፈለገ ፡ አፍራጤን ፡ ወሖረ ፡ ኢዮስያስ ፡ ወተቀበሎ ፡ ወቀተሎ ፡ ኒካዑ ፡ በመጌዱ ፡ ሶበ ፡ ተራከቦ ።
³⁰ ወአጽዐንዎ ፡ በድኖ ፡ አግብርቲሁ ፡ እመጌዱ ፡ ወአእተውዎ ፡ ኢየሩሳሌም ፡ ወቀበርዎ ፡ ውስተ ፡ መቃብር ፡ ወነሥእዎ ፡ አሕዛበ ፡ ምድር ፡ ለዮአክስ ፡ ወልዱ ፡ ወቀብእዎ ፡ ወአንገሥዎ ፡ ህየንተ ፡ አቡሁ ።
³¹ ፳ወ፫ክረምቱ ፡ አመ ፡ ይነግሥ ፡ ዮአክስ ፡ ወ፫አውራኀ ፡ ነግሠ ፡ በኢየሩሳሌም ፡ ወስማ ፡ ለእሙ ፡ አሚጣል ፡ ወለተ ፡ ኤርምያስ ፡ ዘእምሌምና ።
³² ወገብረ ፡ እኩየ ፡ ቅድመ ፡ እግዚአብሔር ፡ ከመ ፡ ኵሉ ፡ ዘገብሩ ፡ አበዊሁ ።
³³ ወአፍለሶ ፡ ፈርዖን ፡ ኒካዑ ፡ በኤብለታ ፡ በምድረ ፡ ኤመጤ ፡ ከመ ፡ ኢይንግሥ ፡ በኢየሩሳሌም ፡ ወአገበሮሙ ፡ ጸባሕተ ፡ ለኵሉ ፡ ብሔሮሙ ፡ ወአዘዞሙ ፡ ፻መክሊተ ፡ ወርቅ ፡ ወ፻መክሊተ ፡ ብሩር ።
³⁴ ወአንገሠ ፡ ፈርዖን ፡ ኒካዑ ፡ ኤልያቄምሃ ፡ ወልደ ፡ ኢዮስያስ ፡ ንጉሠ ፡ ይሁዳ ፡ ህየንተ ፡ ኢዮስያስ ፡ አቡሁ ፡ ወሜጠ ፡ ስሞ ፡ ዮአቂም ፡ ወነሥኦ ፡ ለዮአክዝ ፡ ወወሰዶ ፡ ብሔረ ፡ ግብጽ ፡ ወበህየ ፡ ሞተ ።
³⁵ ወወሀቦ ፡ ዮአቂም ፡ ለፈርዖን ፡ ወርቆ ፡ ወብሩሮ ፡ ወአጽሐፈ ፡ ኵሎ ፡ ብሔሮ ፡ ከመ ፡ የሀቡ ፡ ጸባሕተ ፡ ወርቅ ፡ ለፈርዖን ፤ ኵሉ ፡ ብእሲ ፡ በአምጣነ ፡ ንዋዩ ፡ የሀቡ ፡ ጸባሕተ ፡ ለፈረዖን ፡ ኒካዑ ።
³⁶ ፳ወ፭ ክረምቱ ፡ ለዮአቂም ፡ አመ ፡ ይነግሥ ፡ ወ፲ወ፩ክረምቱ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ሄልድፍ ፡ ወለተ ፡ ፌደየ ፡ ቅሩማ ።
³⁷ ወገብረ ፡ እኩየ ፡ ቅድመ ፡ እግዚአብሔር ፡ ከመ ፡ ኵሉ ፡ ዘገብሩ ፡ አበዊሁ ።

http://www.sacred-texts.com/bib/poly/kg2024.htm 24↗     ¹ ወበመዋዕሊሁ ፡ ዐርገ ፡ ናቡክድናጾር ፡ ንጉሠ ፡ ባቢሎን ፡ ውስተ ፡ ውእቱ ፡ ብሔር ፡ ወተቀንየ ፡ ሎቱ ፡ ዮአቂም ፡ ፫ዓመተ ፡ ወእምዝ ፡ አፅረረ ፡ ወዐለዎ ።
² ወፈነዎሙ ፡ እግዚአብሔር ፡ ለጸባኢተ ፡ ሶርያ ፡ ወለጸባኢተ ፡ ሞአብ ፡ ወለጸባኢተ ፡ ደቂቀ ፡ ዐሞን ፡ ወፈነዎሙ ፡ ብሔረ ፡ ይሁዳ ፡ ከመ ፡ ይቅንይዎሙ ፡ በከመ ፡ ነበበ ፡ እግዚአብሔር ፡ በእዶ ፡ አግብርቲሁ ፡ ነቢያት ።
³ ወባሕቱ ፡ መዐቱ ፡ ለእግዚአብሔር ፡ ላዕለ ፡ ይሁዳ ፡ ወከመ ፡ ያውፅእ ፡ እምቅድመ ፡ ገጹ ፡ በኀጢአተ ፡ ምናሴ ፡ ወኵሉ ፡ ዘገብረ ።
⁴ ወቀተለ ፡ ነፍሰ ፡ ጻድቅ ፡ ወመልኣ ፡ ለኢየሩሳሌም ፡ ደመ ፡ ንጹሐ ፡ ወአበየ ፡ እግዚአብሔር ፡ ተሣህሎቶሙ ።
⁵ ወኵሉ ፡ ነገሩ ፡ ለዮአቄም ፡ ወኵሉ ፡ ዘገብረ ፡ ናሁ ፡ ዝውእቱ ፡ ዘጽሑፍ ፡ ውስተ ፡ መጽሐፈ ፡ ነቢያቲሆሙ ፡ ለነገሥተ ፡ ይሁዳ ።
⁶ ወሰከበ ፡ ኢዮአቄም ፡ ምስለ ፡ አበዊሁ ፡ ወቀበርዎ ፡ ውስተ ፡ ገራሀተ ፡ ዖዛ ፡ ወነግሠ ፡ ኢዮአቄም ፡ ወልዱ ፡ ህየንቴሁ ።
⁷ ወኢደገመ ፡ እንከ ፡ ንጉሠ ፡ ግብጽ ፡ ወፂአ ፡ እምነ ፡ ብሔሩ ፡ እስመ ፡ አስተጋብአ ፡ ንጉሠ ፡ ባቢሎን ፡ እምፈለገ ፡ ግብጽ ፡ እስከ ፡ ፈለገ ፡ አፍራጢስ ፡ ወኵሎ ፡ ዘንጉሠ ፡ ግብጽ ።
⁸ ወ፲ወ፰ክረምቱ ፡ ለኢዮአቂም ፡ አመ ፡ ይነግሥ ፡ ወ፫አውራኀ ፡ ነግሠ ፡ በኢየሩሳሌም ፡ ወስማ ፡ ለእሙ ፡ ኔስተ ፡ ወለተ ፡ ኤላናታን ፡ እንተ ፡ እምኢየሩሳሌም ።
⁹ ወገብረ ፡ እኩየ ፡ ቅድመ ፡ እግዚአብሔር ፡ ከመ ፡ ኵሉ ፡ ዘገብሩ ፡ አበዊሁ ።
¹⁰ ወውእተ ፡ አሚረ ፡ ዐርገ ፡ ናቡከደናጾር ፡ ንጉሠ ፡ ባቢሎን ፡ ውስተ ፡ ኢየሩሳሌም ፡ ወተጸወነት ፡ ሀገር ፡ ወተጸወኑ ።
¹¹ ወናቡከደነጾር ፡ ንጉሠ ፡ ባቢሎን ፡ መጽአ ፡ ኀበ ፡ ሀገር ፡ ይትቃተሎሙ ፡ ምስለ ፡ አሕዛቢሁ ።
¹² ወወፅአ ፡ ኢዮአቄም ፡ ንጉሠ ፡ ይሁዳ ፡ ኀባ ፡ ንጉሠ ፡ ባቢሎን ፡ ምስለ ፡ ደቂቁ ፡ ወመላእክቲሁ ፡ ወኅጽዋኒሁ ፡ ወአኀዞ ፡ ንጉሠ ፡ ባቢሎን ፡ ወአስተጋብአ ፡ አመ ፡ ፰ዓመተ ፡ መንግሥቱ ።
¹³ ወአውፅአ ፡ ኵሎ ፡ መዛግብተ ፡ ቤተ ፡ እግዚአብሔር ፡ ወመዛግብተ ፡ ቤተ ፡ ንጉሥኒ ፡ ወሰበረ ፡ ኵሎ ፡ ንዋየ ፡ ወርቅ ፡ ዘገብረ ፡ ሰሎሞን ፡ ንጉሠ ፡ እስራኤል ፡ ለቤተ ፡ እግዚአብሔር ፡ በከመ ፡ ይቤ ፡ እግዚአብሔር ።
¹⁴ ወአፍለሳ ፡ ለኢየሩሳሌም ፡ ወለኵሉ ፡ መላእክቲሆሙ ፡ ወዐበይቶሙ ፡ ወጽኑዓኒሆሙ ፡ ኵሎ ፡ ፄዋሁ ፡ ፼ወኵሎ ፡ ኬነቶሙ ፡ ወጸረብቶሙኒ ፡ ወአልቦ ፡ ዘአትረፈ ፡ ዘእንበለ ፡ ቢጸ ፡ ነዳያን ።
¹⁵ ወአፍለሶ ፡ ለኢዮአቄም ፡ ባቢሎን ፡ ወለእሙ ፡ ለንጉሥ ፡ ወአንስትያ ፡ ንጉሥ ፡ ወኅጽዋኒሁ ፡ ወዐበይተ ፡ ብሔር ፡ እፍለሶሙ ፡ ኵሎሙ ፡ ባቢሎን ።
¹⁶ ወኵሎ ፡ መላእክተ ፡ ሰራዊቶሙ ፡ ፸፻ብእሴ ፡ ወኬነቶሙሰ ፡ ወጸረብቶሙ ፡ ፲፻ኵሎ ፡ ጽኑዓነ ፡ እለ ፡ ይክሉ ፡ ተቃትሎ ፡ አፍለሶሙ ፡ ለኵሎሙ ፡ ንጉሥ ፡ ውስተ ፡ ባቢሎን ።
¹⁷ ወእንገሦ ፡ ንጉሠ ፡ ባቢሎን ፡ ለናታንያን ፡ እኁሁ ፡ ለአቡሁ ፡ ህየንቴሁ ፡ ወወለጠ ፡ ስሞ ፡ ሴዴቅያስ ፡ ሰመዮ ።
¹⁸ ፳ወ፩ክረምቱ ፡ ለሴዴቄያን ፡ አመ ፡ ይነግሥ ፡ ወ፲ወ፩ክረምተ ፡ ነግሠ ፡ በኢየሩሳሌም ፡ ወስማ ፡ ለእሙ ፡ አሚጠል ፡ ወለተ ፡ ኤርምያስ ።
¹⁹ ወገብረ ፡ እኩየ ፡ ቅድመ ፡ እግዚአብሔር ፡ ከመ ፡ ኵሉ ፡ ዘገብረ ፡ ኢዮአቄም ።
²⁰ እስመ ፡ ኮነ ፡ መዐተ ፡ እግዚአብሔር ፡ ላዕለ ፡ ኢየሩሳሌም ፡ ወላዕለ ፡ ይሁዳ ፡ እስከ ፡ አውፅኦሙ ፡ እምቅድመ ፡ ገጹ ፡ ወአፅረሮ ፡ ሴዴቅያን ፡ ለንጉሠ ፡ ባቢሎን ።

http://www.sacred-texts.com/bib/poly/kg2025.htm 25↗     ¹ ወአመ ፡ ታስዕ ፡ ክረምተ ፡ መንግሥቱ ፡ በዓሥር ፡ ወርኅ ፡ መጽአ ፡ ናቡከደናጾር ፡ ንጉሠ ፡ ባቢሎን ፡ ምስለ ፡ ሰራዊቱ ፡ ላዕለ ፡ ኢየሩሳሌም ፡ ወተዐየነ ፡ ላዕሌሃ ፡ ወሐጸራ ።
² ወተጸወነት ፡ ሀገር ፡ እስከ ፡ አመ ፡ ፲ወ፩ዓመተ ፡ መንግሥቱ ፡ ለሴዴቅያን ፡ እስከ ፡ ፱ሠረቀ ፡ ወርኅ ።
³ ወኮነ ፡ ዐቢየ ፡ ረኃብ ፡ ወአልቦ ፡ እክለ ፡ ለአሕዛበ ፡ ምድር ።
⁴ ወተገፍትአት ፡ ሀገር ፡ ወኵሉ ፡ ዕደው ፡ መስተቃትላን ፡ ወፅኡ ፡ በሌሊት ፡ በፍኖተ ፡ አንቀጽ ፡ ማእከላዊ ፡ እንተ ፡ መንገለ ፡ ገነቱ ፡ ለንጉሥ ፡ ወዐገትዋ ፡ ፋርስ ፡ ለሀገር ፡ ወእሙንቱሰ ፡ ወፅኡ ፡ እንተ ፡ ዐረቦት ።
⁵ ወዴገንዎ ፡ ሰራዊተ ፡ ፋርስ ፡ ወተለውዎ ፡ ለንጉሥ ፡ ወአኀዝዎ ፡ በዐረቦት ፡ ዘኢያሪኮ ፡ ወጐዩ ፡ ኵሉ ፡ ሰብኡ ፡ ወኀደግዎ ።
⁶ ወአኀዝዎ ፡ ለንጉሥ ፡ ወወሰድዎ ፡ ኀበ ፡ ንጉሠ ፡ ባቢሎን ፡ ዴብለታ ፡ ወተናገሮ ።
⁷ ወረገዞሙ ፡ ለደቂቁ ፡ በቅድሜሁ ፡ ወአዕወሮ ፡ ለሴዴቅያን ፡ ወሞቅሖ ፡ ወወሰዶ ፡ ባቢሎን ።
⁸ ወአመ ፡ ሰቡዑ ፡ ለሠርቀ ፡ ሳብዕ ፡ ወርኅ ፡ አመ ፡ ፲ወ፱ዓመተ ፡ መንግሥቱ ፡ ለናቡከደናጾር ፡ ንጉሠ ፡ ባቢሎን ፡ መጽአ ፡ ናቡዛርዳን ፡ ሊቀ ፡ መብስላኑ ፡ ለንጉሥ ፡ ዘይቀውም ፡ ቅድሜሁ ፡ መጽአ ፡ ኢየሩሳሌም ።
⁹ ወአውዐየ ፡ ቤተ ፡ እግዚአብሔር ፡ ወቤተ ፡ ንጉሥኒ ፡ ወኵሎ ፡ አብያተ ፡ ኢየሩሳሌም ፡ ወአውዐየ ፡ ሊቀ ፡ መብስላኒሁ ፡ ለንጉሥ ።
¹⁰ ወነሠቱ ፡ አረፍተ ፡ ጥቅማ ፡ ለኢየሩሳሌም ፡ ሰራዊቶሙ ፡ ለፋርስ ።
¹¹ ወዘተረፈሂ ፡ ሕዝብ ፡ ውስተ ፡ ሀገር ፡ ወእለኒ ፡ ሖሩ ፡ ኀበ ፡ ንጉሠ ፡ ባቢሎን ፡ ወባዕደኒ ፡ ኵሎ ፡ ዘተረፈ ፡ እፍለሶሙ ፡ ናቡዛርዳን ፡ ሊቀ ፡ መብስላን ፡ ውስተ ፡ ከራሜ ፡ ወውስተ ፡ ኤሬቢ ።
¹² ወእምውስተ ፡ ነዳያነ ፡ ብሔር ፡ አትረፈ ፡ ሊቀ ፡ መብስላን ፡ ለዐጸደ ፡ ወይን ፡ ወለማሕረስ ።
¹³ ወአዕማደ ፡ ብርትኒ ፡ ዘቤተ ፡ እግዚአብሔር ፡ ወሜኬኖተ ፡ ወባሕረ ፡ ብርት ፡ ዘቤተ ፡ እግዚአብሔር ፡ ሰበርዎ ፡ ፋርስ ፡ ወአእተውዎ ፡ ብርቶ ፡ ባቢሎን ።
¹⁴ ወጸሀርትኒ ፡ ወኢያሚን ፡ ወፍያላትኒ ፡ ኵሎ ፡ ንዋየ ፡ ብርት ፡ ዘቦቱ ፡ ይገብሩ ፡ ነሥኡ ።
¹⁵ ወመዓጥነ ፡ ወፍያላተ ፡ ወርቅ ፡ ወዘብሩር ፡ ነሥአ ፡ ሊቀ ፡ መብስላን ።
¹⁶ አዕማድ ፡ ክልኤ ፡ ወባሕር ፡ አሐቲ ፡ ወሜኬኖት ፡ ዘገብረ ፡ ሰሎሞን ፡ ንጉሥ ፡ ለቤተ ፡ እግዚአብሔር ፡ ወአልቦ ፡ መድሎተ ፡ ብርቱ ።
¹⁷ ፲ወ፰በእመት ፡ ኑኁ ፡ ለለ፩ ፡ ዐምድ ፡ ወከታር ፡ ዘብርት ፡ መልዕልቱ ፡ ወቆሙ ፡ ለከታር ፡ ፫በእመት ፡ ወሰቃራር ፡ ላዕለ ፡ ከታር ፡ ወ፩ኵሉ ፡ ዘብርት ፡ ወከማሁ ፡ ዘካልኡኒ ፡ ዐምድ ፡ ወ፻ጽጌያት ፡ ላዕለ ፡ ሰባኬ ፡ ዐውዱ ።
¹⁸ ወነሥኦ ፡ ሊቀ ፡ መብስላን ፡ ለሴሬያ ፡ ለዐቢይ ፡ ካህን ፡ ወሰፎንያስ ፡ ወልዱ ፡ ዘእምታሕቴሁ ፡ ወለደላዊያን ።
¹⁹ ወነሥአ ፡ እምውስተ ፡ ሀገር ፡ ፩ኅጽወ ፡ መልአከ ፡ ስረዊሆሙ ፡ ለመስተቃትላን ፡ ወ፮ዕደው ፡ እምእለ ፡ ይቀውሙ ፡ ቅድመ ፡ ንጉሥ ፡ እለ ፡ ተረክቡ ፡ ውስተ ፡ ሀገር ፡ ወጻሓፊሁ ፡ ለመልአክ ፡ ስረዊሆሙ ፡ ዘይኤዝዞሙ ፡ ለአሕዛበ ፡ ምድር ፡ ወ፷ብእሲ ፡ እምውስተ ፡ አሕዛበ ፡ ምድር ፡ እለ ፡ ተረክቡ ፡ ውስተ ፡ ሀገር ።
²⁰ ወነሥኦሙ ፡ ናቡዛርዳን ፡ ሊቀ ፡ መብስላን ፡ ወወሰዶሙ ፡ ኀበ ፡ ንጉሠ ፡ ባቢሎን ፡ ዴብለታ ።
²¹ ወቀተሎሙ ፡ ንጉሠ ፡ ባቢሎን ፡ በዴብለታ ፡ በምድረ ፡ ኤማት ፡ ወአፍለሶሙ ፡ ለይሁዳ ፡ እምነ ፡ ብሔሮሙ ።
²² ወለሕዝብሰ ፡ እለ ፡ ተርፉ ፡ ውስተ ፡ ብሔረ ፡ ይሁዳ ፡ እለ ፡ አትረፈ ፡ ናቡከደነጾር ፡ ንጉሠ ፡ ባቢሎን ፡ ወሤሞ ፡ ላዕሌሆሙ ፡ ጎዶልያን ፡ ወልደ ፡ አኪቃም ፡ ወልደ ፡ ሳፍን ።
²³ ወሰምዑ ፡ ኵሎሙ ፡ መላእክተ ፡ ሰራዊቶሙ ፡ ወአሕዛቢሆሙ ፡ ከመ ፡ ሤሞ ፡ ንጉሠ ፡ ባቢሎን ፡ ለጎዶልያ ፡ ወሖሩ ፡ ኀበ ፡ ጎዶልያ ፡ ውስተ ፡ መሴፋ ፡ ወይስማኤል ፡ ወልደ ፡ ናታንዩ ፡ ወዮሐናን ፡ ወልደ ፡ ቃሬሄ ፡ ወሴሬያ ፡ ወልደ ፡ ቴንሄሜት ፡ ፍትያዊ ፡ ወዖዝንያስ ፡ ወልደ ፡ መካት ፡ እሙንቱኒ ፡ ምስለ ፡ ሰብአሙ ።
²⁴ ወመሐለ ፡ ጎዶልያ ፡ ሎሙ ፡ ወለሰብኦሙ ፡ ወይቤሎሙ ፡ ኢትፍርሁ ፡ እምነ ፡ ፋርስ ፤ ንበሩ ፡ ውስተ ፡ ብሔር ፡ ወተቀነዩ ፡ ለንጉሠ ፡ ባቢሎን ፡ ወያሤኒ ፡ ላዕሌክሙ ።
²⁵ ወአመ ፡ ሳብዕ ፡ ወርኅ ፡ መጽአ ፡ ይስማዔል ፡ ወልደ ፡ ናታንዩ ፡ ወልዶ ፡ ኤልስማ ፡ ወእምዘመደ ፡ መንግሥት ፡ ወ፲ዕደው ፡ ምስሌሁ ፡ ወቀተሎ ፡ ለጎዶልያ ፡ ወሞተ ፡ ወለአይሁድኒ ፡ ወለፋርስኒ ፡ እለ ፡ ሀለዉ ፡ ምስሌሁ ፡ ውስተ ፡ መሴፋት ።
²⁶ ወተንሥኡ ፡ ኵሉ ፡ ሕዝብ ፡ ንኡሶሙ ፡ ወዐቢዮሙ ፡ ወመላእክተ ፡ ሰራዊቶሙኒ ፡ ወቦኡ ፡ ብሔረ ፡ ግብጽ ፡ እስመ ፡ ፈርህዎሙ ፡ ለፋርስ ።
²⁷ ወአመ ፡ ፴ወ፯ዓመት ፡ እምዘ ፡ ፈለሰ ፡ ኢዮአቄም ፡ ንጉሠ ፡ ይሁዳ ፡ አመ ፡ ዐሡሩ ፡ ወስኑዩ ፡ ለጽልመት ፡ በዓሥር ፡ ወርኅ ፡ አክበሮ ፡ ኤዌያል ፡ ማርዴቅ ፡ ንጉሠ ፡ ባቢሎን ፡ አመ ፡ ፩ዓመተ ፡ መንግሥቱ ፡ አክባሮ ፡ ለኢዮእቄም ፡ ንጉሠ ፡ ይሁዳ ፡ ወአውፅኦ ፡ እምነ ፡ ቤተ ፡ ሞቅሕ ።
²⁸ ወተናገሮ ፡ ሠናየ ፡ ወአዕበየ ፡ መንበሮ ፡ እመናብርተ ፡ ነገሥት ፡ እለ ፡ ምስሌሁ ፡ ውስተ ፡ ባቢሎን ።
²⁹ ወአልበሶ ፡ ሠናየ ፡ አልባሰ ፡ ወይመስሕ ፡ ምስሌሁ ፡ ዘልፈ ።
³⁰ ወሲሳዮ ፡ ኵሎ ፡ አሚረ ፡ ይነሥእ ፡ እምነ ፡ ቤተ ፡ ንጉሥ ፡ ወይሁብዎ ፡ እንተ ፡ ጸብሐት ፡ በኵሉ ፡ መዋዕለ ፡ ሕይወቱ ።