Canons of S. Simon the Canaanite (1st recension)

paragraph : 1

Alignment Start a translation alignment with Alpheios Alignment. You can also add morphological annotations there. See instructions in GitHub.

Quotations Check for marked up quotations of a passage in this section
back to top

[a] ዝንቱ፡ ሴኖዶስ፡ ዘአበው፡ ሐዋርያት፡ ንጹሓን፡ ሥርዐተ፡ ክህነት

paragraph : 2


back to top

ክህነት፡ ዘስምዖን፡ ቀነናዊ፡ በእንተ፡ ሥርዐተ፡ ቤተ፡ ክርስቲያን፡ ቅድስት፡ እንተ፡ ላዕለ፡ ኵሉ

paragraph : 3


back to top

ኤጲስ፡ ቆጶስ፡ ይባርክ፡ ወኢይትባረክ። ወውእቱ፡ ያንብር፡ እዴሁ፡ ላዕለ፡ ርእሰ፡ ሰብእ። ወአልቦ፡ ዘያነብር፡ እዴሁ፡ ላዕለ፡ ርእሱ፡ ዘእንበለ፡ ሊቀ፡ ጳጳሳት። ወውእቱ፡ ይሢም፡ ቀሳውስተ። ወዘይሠየም፡ በኀቤሁ፡ ይንሣእ፡ በኀቤሁ፡ በረከተ

paragraph : 4


back to top

[1] ቀሲስ፡ ኢይሢም፡ ካህናተ። ወኢይከውኖ፡ ግሙራ፡ አላ፡ ለእመ፡ ኮኑ፡ ቀሳውስት፡ ወመነኮሳት፡ አበ፡ ምኔታት፡ ለዕድ፡ ወአንስት፡ ኅቡረ፡ ወያመንኵሱ፡ በኀበ፡ ምኔቶሙ፡ ዘፈቀዱ፡ ወኵሉ፡ ዘመጽአ፡ ኀቤሆሙ፡ ኀበ፡ ምንኵስና

paragraph : 5


back to top

ሊቀ፡ ጳጳሳት፡ ውእቱ፡ ዘይስዕር፡ ኵሎ፡ ዘይደልዎ፡ ተስዕሮ፡ እምኤጲስ፡ ቆጶሳት፡ ወቀሳውስት፡ ወዲያቆናት፡ ወካልኣን፡ ካህናት፡ ወሕዝባዊያንኒ፡ ዘእንበለ፡ ሊቀ፡ ጳጳሳት፡ ዘከማሁ፡ እስመ፡ ኢይትከሀሎ፡ ውእቱ፡ ዘእንበለ፡ በህላዌ፡ ሊቃነ፡ ጳጳሳት፡ እለ፡ ከማሁ፡ ወማኅበረ፡ ኤጲስ፡ ቆጶሳት

paragraph : 6


back to top

ቀሲስ፡ ይባርክ፡ ወያንብር፡ እዴሁ፡ ዲበ፡ ርእሰ፡ ዲያቆናት፡ ወዘይቴሐቶሙ፡ እምሕዝብ። ወኢይትባረክ፡ ለሊሁ፡ በኀበ፡ ዘይቴሐቶ፡ ወይትወከፍ፡ በረከተ፡ ኤጲስ፡ ቆጶስ፡ በርእሱ፡ ወአኮ፡ በእዴሁ፡ ወእምቀሲስ፡ ዘከማሁ፡ በእዴሁ፡ ወአኮ፡ በርእሱ። ወይከውኖ፡ ያንብር፡ እዴሁ፡ ላዕለ፡ ርእሰ፡ ኵሉ፡ ሕዝብ፡ ወኢይከውኖ፡ ይግበር፡ ክህነቶ፡ ዘእንበለ፡ ዘሠራዕነ፡ ለክሙ። ወኢይደልዎ፡ ይስዐር፡ መነሂ። ወይደልዎ፡ ይስድድ፡ ዘፈቀደ፡ እምሢመቶሙ፡ ለእለ፡ ይቴሐትዎ፡ ለእለ፡ ይደልዎሙ፡ ለእመ፡ አብሖ፡ ሊቁ፡ ወአሥለጦ

paragraph : 7


back to top

ዲያቆን፡ ኢይባርክ፡ ወኢይሀብ፡ ክህነተ፡ አላ፡ ይትወከፍ፡ እምኤጲስ፡ ቆጶስ፡ ወእምቀሲስ። ወኢይከውኖ፡ ያጥምቅ፡ ወኢያቅርብ፡ መነሂ፡ ዘይትሌዐሎ፡ በመዓርግ። ወሶበ፡ ይቄርብ፡ ኤጲስ፡ ቆጶስ፡ ወቀሲስ፡ ባሕቱ፡ ከመ፡ ላእክ፡ ለካህናት፡ በጽዋዕ፡ ወበዕርፈ፡ መስቀል፡ ወኢይደይ፡ እዴሁ፡ ውስተ፡ ጽዋዐ፡ ቍርባን፡ ዘእንበለ፡ ይኅትም፡ ሎቱ፡ ቀሲስ፡ አው፡ ኤጲስ፡ ቆጶስ። ወዘይቴሐት፡ እምዲያቆን፡ ኢይከውኖሙ፡ ይግበሩ፡ ግብረ፡ ዲያቆናት። ዲያቆናት፡ ኢይባርኩ፡ ወኢይግበሩ፡ ግብረ ቀሳውስት፡ አላ፡ ይዕቀቡ፡ አናቅጸ፡ ወይትለአክዎሙ፡ ለቀሳውስት፡ ሶበ፡ ያጠምቁ፡ ሰብአ፡ ወይቄድሱ፡ ቍርባነ፡ እስመ፡ ዝንቱ፡ ይኄይስ፡ ወይሤኒ። ዲያቆን፡ ይኤዝዝ፡ ለዘይቴሐቶ፡ በመልእክተ፡ ቤተ፡ ክርስቲያን፡ ወኢይኤዝዝ፡ ለዘይትሌዐሎ፡ በመዓርግ፡ ወኢይአዝዙ፡ ዘይቴሐቶሙኒ፡ ዘእንበለ፡ ለእመ፡ ኢሀሎ፡ ቀሲስ። ወኢይደልዎ፡ ለዲያቆን፡ ይክሥት፡ ጸሎተ፡ ቀዲሙ። ወኢይአዝዝ፡ በግብረ፡ ቤተ፡ ክርስቲያን፡ ዘእንበለ፡ ቀሲስ፡ ወይኩን፡ ቀሲስ፡ ዘይኤዝዝ፡ ባቲ

paragraph : 8


back to top

[2] ዘአዘዙ፡ ማቴዎስ፡ ወስምዖን፡ ሐዋርያት፡ በእንተ፡ ዐሥራት፡ ወበኵር

paragraph : 9


back to top

ኵሉ፡ በኵር፡ ዘይበፅዑ፡ ለእግዚአብሔር፡ አው፡ ወይነ፡ አው፡ ባዕደ፡ ፍረያተ፡ ያምጽእዎ፡ ኀበ፡ ኤጲስ፡ ቆጶስ፡ አው፡ ቀሲስ፡ አው፡ ዲያቆን፡ ኅቡረ፡ ምስሌሁ። ወይኩን፡ ለሲሳዮሙ፡ ወግብሮሙ፡ ወዘይፈቅዱ። ወዘኮነ፡ እምዓሥራት፡ ያስተዋፅእዎ፡ ለሲሳየ፡ ሰብእ፡ ወለእለ፡ ይቴሐቱ፡ እምዲያቆናት፡ ወመነኮሳዊያት፡ ወመዐስብ፡ ወነዳያን። ወበኵረ፡ እንስሳሰ፡ ለካህናት፡ ለባሕቲቶሙ፡ ወለእለ፡ ይትለአክዎሙ። ወከማሁ፡ ይግበሩ፡ በዘ፡ ተረፈ፡ እምቍርባን። ውእቱ፡ ለኤጲስ፡ ቆጶስ፡ ወለቀሳውስት። ይክፍልዎ፡ ዲያቆናት። ወለኤጲስ፡ ቆጶስ፡ በቤተ፡ ክርስቲያን፡ እምኵሉ፡ ዘኮነ፡ አርባዕቱ፡ ክፍል። ወለቀሲስ፡ ሠለስቱ፡ ክፍል። ወለዲያቆን፡ ክልኤቱ፡ ክፍል። ወለሰብእ፡ አሐደ፡ አሐደ። እስመ፡ ዝንቱ፡ ሠናይ፡ በቅድመ፡ እግዚአብሔር፡ ከመ፡ ያክብርዎ፡ ለለ፡ አሐዱ፡ አሐዱ፡ በአምጣነ፡ መዓርጊሁ። ወኢያልህቅ፡ ቀዳሚ፡ ካህን፡ እምካህናት፡ ለርእሱ፡ ዘእንበለ፡ ለካልኡ፡ አላ፡ ይኩን፡ ሥርዐተ፡ ክልኤሆሙ፡ ዕሩየ፡ በአሐዱ፡ ነፍስ፡ እስመ፡ ቤተ፡ ክርስቲያን፡ ኢኮነት፡ ዘእንበለ፡ ሥርዐት፡ አላ፡ ሠናይ፡ ሥርዐታ፡ ወእሙር፡ መዓርጊሃ፡ በአምጣነ፡ መኃድሪሃ፡ እስመ ከማሁ፡ ሢመቶሙ፡ ለሰማያዊያን። ወከመዝ፡ አጠየቀነ፡ ወአርአየነ፡ መንፈስ፡ ቅዱስ፡ ጰራቅሊጦስ፡ ማሕየዊ

paragraph : 10


back to top

[3] ወአዘዘ፡ ጳውሎስ፡ ሐዋርያ፡ ወይቤ። ኵሉ፡ መሀይምን፡ ወመሀይምንት፡ ሶበ፡ ይከውን፡ ጽባሕ፡ ኢይግበሩ፡ ግብረ፡ ዘእንበለ፡ ይትኀፀቡ፡ ወይጸልዩ፡ ለእግዚአብሔር፡ ፈጣሪሆሙ፡ በተጋንዮ። ወለእመ፡ ኮነ፡ ነገር፡ አው፡ ተዋቅሦ፡ ለያቅድሙ፡ ፈሪሀ፡ እግዚአብሔር፡ ላዕለ፡ ኵሉ፡ ነገር። ወይነጽሩ፡ መሀይምናን፡ ውስተ፡ ግብሮሙ፡ በፍቅር፡ ወበየውሀት፡ በከመ፡ አዘዝነ፡ ወመሀርነ፡ በመልእክትነ፡ ወነገርነ፡ በእንተ፡ ፈሪሀ፡ እግዚአብሔር፡ ወሕገጊሁ

paragraph : 11


back to top

[4] ትእዛዝ፡ ዘጴጥሮስ፡ ወጳውሎስ፡ በእንተ፡ ዕረፍተ፡ አግብርት፡ በዕለታት፡ ዘይደሉ

paragraph : 12


back to top

፩። ንሕነ፡ አዘዝነ፡ ከመ፡ ያዕርፉ፡ አግብርት፡ በበ፡ ሰሙን፡ ፪፡ ዕለተ፡ ወእማንቱ፡ ሰንበት፡ ወዕለተ፡ እሑድ፡ ኅቡረ፡ ወያስተርክቡ፡ ባቲ፡ ለተፀምዶ፡ ቤተ፡ ክርስቲያን፡ ወሰሚዐ፡ ትእዛዝ፡ ወመጻሕፍት፡ ቅዱሳት። አነ፡ ጴጥሮስ፡ ወአነ፡ ጳውሎስ፡ አዘዝነ፡ ከመ፡ ይትቀነዩ፡ አግብርት፡ ኀሙሰ፡ መዋዕለ፡ በበ፡ ሰሙን፡ ወያዕርፉ፡ ፪፡ ዕለተ፡ ሰንበተ፡ ወእሑደ፡ ወያስተርክቡ፡ ባቲ፡ ተፀምዶ፡ ቤተ፡ ክርስቲያን፡ ለዘክሮ፡ ወፈሪሀ፡ እግዚአብሔር

paragraph : 13


back to top

ወዕረፍትሰ፡ በዕለተ፡ ሰንበት፡ ከመ፡ ታእምሩ፡ ከመ፡ እግዚአብሔር፡ ፈጸመ፡ ኵሎ፡ ግብሮ፡ ወፍጥረቶ፡ ወበዛቲ፡ ዕለት፡ አዕረፈ፡ ወኢገብረ፡ ወኢምንተኒ፡ ወረሰያ፡ ደኃሪተ፡ ዕለታት፡ ወተፍጻሚቶን፡ ወደኃሪተ፡ መዋዕለ፡ ዓለም፡ ወተፍጻሚቱ፡ ወረሰያ፡ ዕለተ፡ መርስ፡ ወዕረፍተ፡ ለዕረፍቱ፡ ወመርስ፡ ለዕረፍተ፡ ቃሉ፡ ወመርስ፡ ለዕረፍተ፡ ፍጥረቱ

paragraph : 14


back to top

ወዕረፍትሰ፡ በዕለተ፡ እሑድ፡ ከመ፡ ናእምር፡ ከመ፡ እግዚአብሔር፡ ወጠነ፡ ባቲ፡ ግብሮ፡ ወፈጠረ፡ ፍጥረቶ፡ በይእቲ፡ ዕለት፡ ወአዕበያ፡ በክሂሎቱ፡ ወረሰያ፡ ቀዳሚተ፡ ዕለታት፡ ወጥንቶን፡ ወቀዳሜ፡ ግብሩ፡ ለክርስቶስ። ኦሪት፡ መርሕ፡ ወወንጌል፡ መንፈሳዊ፡ ሐዲስ፡ ለሐዲስ፡ ሕዝብ፡ ወጥንቱ፡ ወቀዳሜ፡ ሕይወተ፡ ዓለም፡ ወጥንቱ። ወረሰያ፡ ዕለተ፡ ኅሪተ፡ ለዕበዩ፡ ወዕለተ፡ ብርሃን፡ ለሥልጣነ፡ ቃሉ፡ ወዕለተ፡ ሕይወት፡ ለሕይወተ፡ ፍጥረቱ፡ ወትንሣኤሁ፡ ዕለተ፡ እሑድ። ወይእቲ፡ ቀዳሚት፡ ዕለት፡ እምደኃሪ፡ መዋዕል፡ በከመ፡ ይእቲ፡ ቀዳሚት፡ ዕለት፡ እመዋዕለ፡ ፍጥረት። ወይእቲ፡ ቀዳሚት፡ ዕለት፡ እመዋዕለ፡ ሐዲስ፡ ሕግ፡ ወኪዳን፡ ወከማሁ፡ ይእቲ፡ ቀዳሚት፡ ዕለት፡ እምደኃሪ፡ መዋዕል፡ ኀበ፡ ሀሎ፡ ርትዕ፡ ወፍዳ። ወባቲ፡ ገብረ፡ እግዚአብሔር፡ ብርሃነ፡ ውስተ፡ ሰማይ፡ ዝውእቱ፡ ፀሐይ፡ መብርሂ፡ ወባቲ፡ አርአየ፡ ብርሃነ፡ ውስተ፡ ዓለም። ወገብረ፡ ባቲ፡ ብርሃነ፡ በደኃሪ። ወረሰያ፡ ለቀዳሚት፡ ሰንበት፡ ህየንተ፡ ጽልመት፡ እንተ፡ ፈጠረ፡ ቀዲሙ፡ ወረሰያ፡ ሌሊተ፡ ወረሰያ፡ ዕረፍተ፡ ከመ፡ ይኑሙ፡ ምውታን። ወረሰያ፡ ለዕለተ፡ እሑድ፡ ህየንተ፡ ብርሃን፡ ዘገብረ፡ እምድኅረ፡ ጽልመት፡ ወረሰያ፡ ሞዐልተ፡ ወንብረተ፡ ለንቁሃን፡ እለ፡ ሕያዋን። ወይእቲ፡ ዕለት፡ እንተ፡ ባቲ፡ ተንሥአ፡ እግዚእነ፡ እምውታን፡ ወአርአየ፡ ብርሃነ፡ በዲበ፡ ምድር፡ ወአዐቀ፡ ብርሃነ፡ ሐዲስ፡ ለሕዝብ፡ ሐዲስ፡ ወአግሀደ፡ ብርሃነ፡ ወሕገ፡ ለክርስቲያን

paragraph : 15


back to top

፪፡ ትእዛዝ። ከመ፡ ያዕርፉ፡ አግብርት፡ ወመሀይምናን፡ በሰሙነ፡ ፋሲካ፡ እስመ፡ ሰሙነ፡ ሐዘን፡ ወሕማመ፡ ትስብእቱ፡ ለክርስቶስ፡ ማሕየዊ። ወያዕርፉ፡ ካዕበ፡ በሰሙን፡ እንተ፡ ድኅሬሃ፡ እስመ፡ ሰሙነ፡ ፍሥሓ፡ በትንሣኤሁ፡ ለክርስቶስ፡ ወመድኀኒተ፡ ዓለም፡ እስመ፡ ይትፈቀድ፡ ይምሀርዎሙ፡ መኑ፡ ዘተሰቅለ፡ ወሐመ፡ ወሞተ፡ ወተቀብረ፡ ወተንሥአ፡ በሣልስት፡ ዕለት፡ ወተፈጸመ፡ ትንቢተ፡ ነቢያት

paragraph : 16


back to top

፫። ወያዕርፉ፡ ካዕበ፡ በበዓለ፡ ዕርገት፡ በእንተ፡ ትእዛዙ፡ ወትምህርቱ፡ ለክርስቶስ፡ ወዕርገቱ፡ ውስተ፡ ሰማይ

paragraph : 17


back to top

፬። ወያዕርፉ፡ በዕለተ፡ እሑድ፡ ዘውእቱ፡ ተፍጻሜተ፡ ፶፡ በእንተ፡ ርደተ፡ መንፈስ፡ ቅዱስ፡ ጳራቅሊጦስ፡ ዘተውህበ፡ ለእለ፡ የአምኑ፡ በክርስቶስ

paragraph : 18


back to top

፭። ወያዕርፉ፡ በዕለተ፡ ዜነዋ፡ በእንተ፡ መድኀኒት፡ ዘአሰፈወ፡ ለአዳም፡ ወለውሉዱ፡ እማርያም፡ ድንግል

paragraph : 19


back to top

፮። ወያዕርፉ፡ በዕለተ፡ ልደት፡ እስመ፡ ጸጋ፡ እግዚአብሔር፡ በይእቲ፡ ዕለት፡ ተውህበ፡ ለሰብእ፡ እንተ፡ ሀለዉ፡ ይሴፈውዎ፡ እምቀዳሚ፡ ፍጥረት፡ ወባቲ፡ አስተርአየ፡ ቃል፡ ዘእምትካት፡ ተሠጊዎ፡ በዲበ፡ ምድር፡ ለመድኀኒተ፡ ዓለም። ውእቱ፡ ኢየሱስ፡ ክርስቶስ፡ ዘተወልደ፡ እማርያም፡ ድንግል፡ እንተ፡ ንጽሕት፡ እምኵሉ፡ ትሕዝብት፡ ወርኵስ

paragraph : 20


back to top

፯። ወያዕርፉ፡ በዕለተ፡ ኤጰፋንያ፡ ዝውእቱ፡ ኅፅበት፡ ዘቦቱ፡ አስተርአየ፡ እግዚእ፡ መድኅን፡ ለኵሉ፡ ሰብእ፡ በፈለገ፡ ዮርዳኖስ። ወዓዲ፡ ተሠጥቀ፡ ሰማይ፡ ወስምዐ፡ ኮኖ፡ አብ፡ ከመ፡ ወልዱ፡ በይእቲ፡ ዕለት፡ ወይቤ፡ ዝንቱ፡ ወልድየ፡ ዘአፈቅር፡ ሎቱ። ስምዕዎ፡ ወተአዘዝዎ። ወወረደ፡ ላዕሌሁ፡ መንፈስ፡ ቅዱስ፡ ከመ፡ ርግብ። ወሰማዕት፡ ወኵሉ፡ ፍጥረት፡ ይሬኢዩ፡ ወይሰምዑ፡ ዘንተ፡ ኵሎ

paragraph : 21


back to top

፰። ወያዕርፉ፡ በዕለተ፡ ተወክፎ፡ ስምዖን፡ ካህን፡ ላዕለ፡ እደዊሁ፡ እንዘ፡ ክቡዳን፡ አዕይንቲሁ፡ እምርሥኣን፡ እስመ፡ ከመዝ፡ ተብህለ፡ ሎቱ፡ ከመ፡ ኢይጥዕማ፡ ለሞት፡ እስከ፡ ይሬኢ፡ መሲሐ፡ መድኅነ። ወሶበ፡ ጾሮ፡ ስምዖን፡ ዲበ፡ እደዊሁ፡ ወአብኦ፡ ቤተ፡ መቅደስ፡ ወተካሥተ፡ አዕይንቲሁ፡ ወርእየ። ወተነበየ፡ ወይቤ፡ ይእዜ፡ ሰዐሮ፡ ለገብርከ፡ እግዚኦ። ይሖር፡ በሰላም፡ እስመ፡ ርእያ፡ አዕይንቲየ፡ አድኅኖተከ። እስመ፡ አምነ፡ በቃል፡ ዘተብህለ፡ ሎቱ፡ ከመ፡ ኢይመውት፡ እስከ፡ ይሬኢ፡ መሲሐ፡ እግዚእ፡ ወመድኅነ

paragraph : 22


back to top

፱። ወያዕርፉ፡ በዕለተ፡ ተወለጠ፡ ራእዩ፡ እስመ፡ በደብረ፡ ታቦር፡ አስተርአየነ፡ እግዚእነ፡ ክርስቶስ፡ ወአርአየነ፡ ስብሐተ፡ መለኮቱ። ወርኢናሁ፡ ንሕነ፡ ሐዋርያት፡ ወሙሴ፡ ወኤልያስ፡ ይትናገርዎ፡ ወሰማዕነ፡ ቃለ፡ ምስለ፡ ደመና፡ ዘይጼልለነ፡ ወይብል፡ ዝንቱ፡ ውእቱ፡ ወልድየ፡ ዘአፈቅር፡ ሎቱ። ስምዕዎ፡ ወተአዘዝዎ። ወውእቱ፡ ይትናገሮሙ፡ ለሙሴ፡ ወለኤልያስ

paragraph : 23


back to top

፲። ወያዕርፉ፡ በዕለተ፡ ተዝካሮሙ፡ ለሐዋርያት፡ እለ፡ እሙንቱ፡ መምህራነ፡ ትእዛዘ፡ ክርስቶስ፡ ወመለባዊያነ፡ ሀብተ፡ መንፈስ፡ ቅዱስ። ወያዕርፉ፡ በበዓለ፡ እስጢፋኖስ፡ ሊቀ፡ ሰማዕት፡ ወቀዳሚሆሙ፡ ወለባዕዳንሂ፡ ሰማዕት፡ ከማሁ፡ ወለሰማዕት፡ ወለቅዱሳን፡ እስመ፡ አቅደሙ፡ አክብሮቶ፡ ለክርስቶስ፡ ወአብደሩ፡ ፍቅሮ፡ እምሕይወቶሙ

paragraph : 24


back to top

[5] ትእዛዝ፡ ዘሐዋርያት፡ በእንተ፡ ዐቂበ፡ ጊዜ፡ ጸሎት

paragraph : 25


back to top

አቅሙ፡ ጸሎተ፡ እምቅድመ፡ ጽባሕ፡ እንዘ፡ ሠለስቱ፡ ሰዐት፡ በሌሊት፡ ወጸሎተ፡ ነግህ፡ በጽባሕ፡ ወጸሎተ፡ ሠለስቱ፡ ሰዐት፡ ወጸሎተ፡ ስድስቱ፡ ሰዐት፡ ወጸሎተ፡ ተስዓቱ፡ ሰዐት፡ ወጸሎተ፡ ሰርክ፡ በምሴት፡ ወጸሎተ፡ ካልእ፡ እምድኅረ፡ ምሴት፡ በሠለስቱ፡ ሰዐት፡ ወመንፈቀ፡ ሌሊት

paragraph : 26


back to top

ወጸሎትሰ፡ እምቅድመ፡ ጽባሕ፡ እንዘ፡ ሠለስቱ፡ ሰዐት፡ በእንተ፡ ከመ፡ በይእቲ፡ ሰዐት፡ ንሴፎ፡ ምጽአቶ፡ ለእግዚእነ፡ ክርስቶስ፡ ለኰንኖ፡ ወበይእቲ፡ ሰዐት፡ ያአምሩ፡ ውሉደ፡ ብርሃን፡ ምግባረ፡ ሠናይ

paragraph : 27


back to top

ወጸሎትሰ፡ በጽባሕ፡ እንዘ፡ ታአኵትዎ፡ ለእግዚአብሔር፡ እስመ፡ አምጽአ፡ ብርሃነ፡ ላሕየ፡ ወሞዐልተ፡ ብሩሀ፡ ወአእተተ፡ ጽልመተ፡ ወፍርሀተ፡ ሌሊት

paragraph : 28


back to top

ወጸሎትሰ፡ በሠለስቱ፡ ሰዐት፡ እስመ፡ ለክርስቶስ፡ በይእቲ፡ ሰዐት፡ ፈትሑ፡ ላዕሌሁ፡ ቀትለ፡ ወኮነ፡ ውእቱ፡ መድኀኒተ፡ ለውሉደ፡ አዳም

paragraph : 29


back to top

ወጸሎትሰ፡ በስድስቱ፡ ሰዐት፡ እስመ፡ በይእቲ፡ ሰዐት፡ ተሰቅለ፡ ክርስቶስ፡ ዲበ፡ ዕፀ፡ መስቀል፡ ወሰፍሐ፡ እደዊሁ፡ ወደምሰሰ፡ ኀጢአተነ

paragraph : 30


back to top

ወጸሎትሰ፡ በተስዓቱ፡ ሰዐት፡ እስመ፡ ለክርስቶስ፡ በይእቲ፡ ሰዐት፡ ወፅአት፡ መንፈሱ፡ ወአድለቅለቀት፡ ምድር፡ ወተሠጠ፡ መንጦላዕተ፡ ምኵራብ፡ ወተሐምገ፡ ፀሐይ፡ ወጸልመ፡ ኵሉ፡ ዓለም

paragraph : 31


back to top

ወጸሎትሰ፡ በምሴት፡ አኰቴት፡ እምኀቤክሙ፡ ለእግዚአብሔር፡ በእንተ፡ ዘአምጽአ፡ ለክሙ፡ ዕረፍተ፡ ሌሊት፡ ወአእተተ፡ እምኔክሙ፡ ጻማ፡ ወስራሐ፡ ዘመዓልት፡ ዘገብረ፡ እግዚአብሔር፡ ለኵሉ፡ ፍጥረቱ

paragraph : 32


back to top

ወጸሎትሰ፡ ዘንዋም፡ ከመ፡ ትስአልዎ፡ ለእግዚአብሔር፡ ከመ፡ ይዕቀብክሙ፡ እምውሉደ፡ ጽልመት፡ ወያድኅንክሙ፡ እመሥገርተ፡ ጸላኢ፡ ማህጐል፡ ወእምሕሊና፡ እኩይ፡ እስመ፡ በይእቲ፡ ሰዐት፡ ይትባሐቱ፡ አጋንንት፡ ምስለ፡ ሰብእ፡ ወይወዲዩ፡ ውስተ፡ ልቦሙ፡ ሕሊና፡ እኩየ

paragraph : 33


back to top

ወለእመ፡ ኢተክህለክሙ፡ ትሖሩ፡ ኀበ፡ ቤተ፡ ክርስቲያን፡ እምፍርሀተ፡ አረሚ፡ እኩያን፡ ጠዋያን። እስመ፡ ከመዝ፡ ይቤ፡ ዳዊት፡ በእንቲአሆሙ፡ ጸላእኩ፡ ማኅበረ፡ እኩያን። እስመ፡ አኮ፡ መካን፡ ዘይቄድሶ፡ ለሰብእ፡ አላ፡ ሰብእ፡ ዘይቄድሶ፡ ለመካን። ወለእመ፡ ኮነ፡ መካነ፡ ዕልዋን፡ ፍልሱ፡ እምኔሆሙ፡ እስመ፡ ርኩስ፡ ውእቱ፡ ወበከመ፡ ካህናት፡ ንጹሓን፡ ይቄድሱ፡ መካነ፡ መሀይምናን፡ ራትዓን፡ ወከማሁ፡ ዕልዋን፡ ርኵሳን፡ ያረኵሱ፡ መካነ፡ ቅዱስ። ወለእመ፡ ኢተክህለክሙ፡ ትትጋብኡ፡ ውስተ፡ ቤተ፡ ክርስቲያን፡ አው፡ በማኅደረ፡ ኤጲስ፡ ቆጶስ፡ ለለ፡ አሐዱ፡ እምኔክሙ፡ ይጸሊ፡ በቤቱ፡ በባሕቲቱ፡ አው፡ ምስለ፡ ክልኤቱ፡ ወሠለስቱ፡ እስመ፡ ተብህለ፡ ኀበ፡ ሀለዉ፡ ክልኤቱ፡ ወሠለስቱ፡ ጉቡኣን፡ በስምየ፡ ህየ፡ ሀለውኩ፡ ምስሌሆሙ። ወኢይከውኖ፡ መሀይምን፡ ይጸሊ፡ ምስሌሆሙ፡ ለእለ፡ ኢየአምኑ፡ በአሐዱ፡ ቤት፡ እስመ፡ ኢይደሉ፡ ይጸሊ፡ ዘየኀብር፡ ምስለ፡ ዘኢይኀብር፡ ወኢመሀይምን፡ ምስለ፡ ዕልው፡ አልቦ፡ ዘይጸሊ፡ እምኔክሙ፡ ምስሌሆሙ። ምንተ፡ ደመሮ፡ ለጽልመት፡ ምስለ፡ ብርሃን፡ ወአይ፡ መሀይምን፡ ወመሀይምንት፡ ያወስቡ፡ አግብርተ። ለይትገሐሡ፡ እምኔሆሙ፡ ወእመአኮ፡ ይሰደዱ፡ እምቅድስት፡ ቤተ፡ ክርስቲያኑ፡ ለእግዚአብሔር

paragraph : 34


back to top

[6] ትእዛዝ፡ ዘጳውሎስ፡ ሐዋርያ፡ በእንተ፡ እለ፡ ኖሙ፡ ዘከመ፡ ይትገበር፡ ተዝካር

paragraph : 35


back to top

ይትገበር፡ በሣልስት፡ ዕለት፡ ለእለ፡ ኖሙ፡ ተዝካረ፡ ምውታን፡ በመዝሙር፡ ወጸሎት፡ እስመ፡ ክርስቶስ፡ ሞተ፡ ወተንሥአ፡ በሣልስት፡ ዕለት። ወካዕበ፡ ይግበሩ፡ በሳብዕት፡ ዕለት፡ ዕጣነ፡ ወጸሎተ፡ ለተዝካረ፡ ሕያዋን፡ ወምውታን። ወካዕበ፡ ይግበሩ፡ በሠላሳ፡ ዕለት፡ አመ፡ ተፍጻሜተ፡ ወርኅ፡ ከመ፡ ሥርዐት፡ ዘትካት፡ እስመ፡ ደቂቀ፡ እስራኤል፡ ላሐውዎ፡ ለሙሴ፡ ነቢይ፡ ሠላሳ፡ ዕለት። ወይግበሩ፡ ሎቱ፡ ካዕበ፡ ዕጣነ፡ ለዓመት፡ መንፈሳዊት፡ ወይመጽውቱ፡ እምንዋዩ፡ ለነዳያን፡ ወለምስኪናን፡ ቤዛ፡ ነፍሱ

paragraph : 36


back to top

ወአኮ፡ ዘንኤዝዝ፡ ይግበሩ፡ ዘንተ፡ ለዕልዋን፡ ወመናፍቃን፡ አላ፡ ንኤዝዝ፡ ለሰብአ፡ ኂሩት፡ ወአሚን፡ ወርትዕ። ወበእንተሰ፡ ዕልዋነ፡ መሲሑ፡ ለእግዚአብሔር፡ ለእመ፡ መጽወቱ፡ በእንቲአሆሙ፡ ኵሎ፡ ዘበዓለም፡ እምንዋይ፡ ኢይበቍዖሙ፡ ወኢምንተኒ፡ እስመ፡ ዘኮነ፡ በሕይወቱ፡ ፀረ፡ ለእግዚአብሔር፡ ወከማሁ፡ በሞቱኒ፡ ፀረ፡ ለእግዚአብሔር፡ እስመ፡ አልቦ፡ ኀበ፡ እግዚአብሔር፡ አድልዎ፡ ወራትዕ፡ ውእቱ፡ ወያፈቅር፡ ጽድቀ፡ ወኢይዔምፅ፡ በፍትሕ፡ ወኵሉ፡ የሐውር፡ ኀቤሁ፡ ወይፈድዮ፡ በከመ፡ ምግባሩ

paragraph : 37


back to top

[7] ወካዕበ፡ በእንተ፡ እለ፡ ተጸውዑ፡ ውስተ፡ ምሳሕ፡ ወተዝካረ፡ ምውታን

paragraph : 38


back to top

ሶበ፡ ተጸዋዕክሙ፡ ኀበ፡ ተዝካረ፡ ምውታን፡ ኀበ፡ ተገብረ፡ መብልዕ፡ ወመስቴ፡ ሖሩ፡ በፍርሀት፡ ወበፍቅር፡ ወበግርማ፡ ወበየውሀት፡ በከመ፡ ይደሉ፡ ለዘ፡ አምሳሊክሙ። ወብልዑ፡ ወስተዩ፡ በከመ፡ ግብሩ፡ ለዘ፡ ይፈቅድ፡ ይስአል፡ እግዚአብሔር፡ ህየንተ፡ ውእቱ፡ መብልዕ፡ ዘተገብረ፡ በእንቲአሁ፡ እስመ፡ ኮንክሙ፡ ቀሳውስተ፡ ወዲያቆናተ፡ ውስተ፡ ቤተ፡ ክርስቲያኑ፡ ለእግዚአብሔር፡ ወይደልወክሙ፡ ትኩኑ፡ ንቁሃነ፡ ለገሥጾ፡ ነፍስክሙ፡ ወካልኣን። እስመ፡ ከመዝ፡ ይቤ፡ መጽሐፍ፡ እስመ፡ ለጽኑዓን፡ በእንቲአሆሙ፡ መዐት። ወበእንተዝ፡ ኢይደልዎሙ፡ ይስተዩ፡ ወይነ፡ ከመ፡ ኢይርስዕዋ፡ ለጥበብ፡ ወያርትዑ፡ ፍትሐ፡ ወይቁሙ፡ ቦቱ

paragraph : 39


back to top

ወናሁ፡ ተዐውቀ፡ ከመ፡ ኤጲስ፡ ቆጶሳት፡ ወቀሳውስት፡ ወዲያቆናት፡ እሙንቱ፡ በርትዕ፡ ለእግዚአብሔር፡ አብ፡ ወወልዱ፡ ዘያፈቅር፡ ጽኑዓን፡ ውስተ፡ ቤተ፡ ክርስቲያኑ፡ ለእግዚአብሔር። ወዘንተ፡ ዘንብል፡ አኮ፡ ከመ፡ ኢይስተዩ፡ ወይነ፡ ለዝሉፉ፡ እስመ፡ ውእቱ፡ ነውር፡ ለፍጥረተ፡ እግዚአብሔር፡ አላ፡ ንብል፡ ከመ፡ ኢይስከሩ። እስመ፡ መጽሐፍ፡ ኢአዘዞሙ፡ ለአበው፡ ቀደምት፡ ከመ፡ ኢይስተዩ፡ ወይነ፡ ወባሕቱ፡ ይቤ፡ ኢትስተዩ፡ ወይነ፡ ለስካር። ወአኮ፡ ዝንቱ፡ ነገር፡ ለካህናት፡ ለባሕቲቶሙ፡ አላ፡ ለኵሉ፡ ዘየአምን፡ በክርስቶስ

paragraph : 40


back to top

ወካዕበ፡ ይቤ፡ በመጽሐፍ፡ ለመኑ፡ አሌሎቱ፡ ወለመኑ፡ ተደምሮ፡ ወለመኑ፡ ተዐቅቦ፡ ወለመኑ፡ ድካም፡ ወእባድ፡ ወለመኑ፡ ይከውን፡ አዕይንቲሁ፡ በአምሳለ፡ ጥንፍሕ፡ ወለመኑ፡ መዐት፡ ዘአልቦ፡ ምክንያተ፡ አኮኑ፡ ዝንቱ፡ ኵሉ፡ ለዘ፡ ያበዝኅ፡ ሰቲየ፡ ወይን፡ ወይጐነዲ፡ ነቢረ፡ በሰቲዮታ። ረሐቁኬ፡ እመካን፡ ዘአስተዳለዉ፡ ለስቴ፡ ወለትዝኅርት፡ ወግበሩ፡ ዘይደልወክሙ፡ ወኢትግበሩ፡ ዘየሐሥመክሙ

paragraph : 41


back to top

[8] ወካዕበ፡ ነገሮሙ፡ በእንተ፡ እለ፡ ይሰደዱ፡ በእንተ፡ ሀይማኖት፡ ወይጐይዩ፡ እምሀገር፡ ውስተ፡ ሀገር

paragraph : 42


back to top

ወኵሎሙ፡ እለ፡ ይሰደዱ፡ በእንተ፡ ሀይማኖቶሙ፡ ወይጐዩ፡ እምሀገር፡ ውስተ፡ ሀገር፡ ተዛኪሮሙ፡ ቃለ፡ ክርስቶስ፡ ዘይቤ፡ ሶበ፡ ይሰድዱክሙ፡ እምዛቲ፡ ሀገር፡ ጕዩ፡ ውስተ፡ ካልእታ፡ ወትድኅኑ። እስመ፡ ነፍሶሙ፡ ኮነ፡ ጥቡዐ፡ በአሚን፡ ወኮነ፡ ሥጋሆሙ፡ ድኩመ፡ እምተዐግሦ፡ ለመቅሠፍት፡ ወጐዩ፡ ወተዐውቀ፡ ንጽሐ፡ ሕሊናሆሙ። እስመ፡ ተዐገሡ፡ አህጕሎ፡ ንዋዮሙ፡ ወተበርብሮ፡ አብያቲሆሙ፡ ከመ፡ ኢይህጐሉ፡ አሚኖቶሙ፡ በክርስቶስ፡ በክሂድ። ወመፍትው፡ ይርድእዎሙ፡ ለእለ፡ ከመዝ፡ ከመ፡ ይፈጽሙ፡ ትእዛዘ፡ ክርስቶስ፡ ወይጽንዑ፡ ቦቱ

paragraph : 43


back to top

[9] ነገር፡ ዘጴጥሮስ፡ ወጳውሎስ፡ ቅዱሳን፡ በእንተ፡ ዐቂበ፡ መዓርገ፡ ክህነት

paragraph : 44


back to top

ንሕነ፡ ንኤዝዘክሙ፡ ኦካህናት፡ ወሰብአ፡ ሢመት፡ ሰማያዊ፡ ዘመላእክት፡ ግሙራ፡ ኢትትዐደዉ፡ መናብርቲክሙ፡ ወዓዲ፡ መዓርገ፡ እንተ፡ ተተከልክሙ፡ ላቲ። ወይኩን፡ ለለ፡ አሐዱ፡ እምኔክሙ፡ ኀበ፡ ግብር፡ እንተ፡ ተኀርየ፡ ላቲ፡ እምኀበ፡ እግዚአብሔር፡ ወዛቲ፡ ይእቲ፡ ትእዛዙ፡ ለእግዚአብሔር፡ ዘይቤ፡ ኵሉ፡ ሀብት፡ ሠናይ፡ ወጸጋ፡ መንፈሳዊት፡ እምኀበ፡ አበ፡ ብርሃን፡ ውእቱ። ወይቤለነ፡ እግዚእነ፡ ክርስቶስ፡ ዘኪያክሙ፡ ሰምዐ፡ ኪያየ፡ ሰምዐ፡ ወዘኪያየ፡ ሰምዐ፡ ሰምዖ፡ ለዘፈነወኒ። ወዘዐመፀክሙ፡ ኪያየ፡ ዐመፀ።

paragraph : 45


back to top

ወእመሰ፡ ዘአልቦ፡ ነፍስ፡ ወልበ፡ የዐቅብ፡ በዘ፡ ተአዘዘ፡ ወየዐቅብ፡ ሥርዐተ፡ ሢመቱ። ናሁ፡ ሌሊት፡ ይተሉ፡ መዐልተ፡ ዐቂቦ፡ ሥርዐቶ። ወፀሐይኒ፡ ይተሉ፡ ወርኀ፡ በከመ፡ ተአዘዘ። ወከዋክብትኒ፡ ከማሁ፡ ወመአዝን፡ ወዘመናት፡ ወአውራኅ፡ ወሱባዔታት፡ ወዕለታት፡ ወሰዐታት፡ የዐቅቡ፡ ዐቅመ። በከመ፡ ተብህለ፡ በጽሑፍ፡ እግዚአብሔር፡ ትእዛዘ፡ ወሀቦሙ፡ ወኢኀለፉ። ወካዕበ፡ ይቤ፡ በእንተ፡ ባሕር፡ እግዚአብሔር፡ ገብረ፡ ላቲ፡ ትእዛዘ፡ ወቀጸራ፡ በአረፍት፡ ወአናቅጽ፡ ወይቤላ፡ ብጽሒ፡ ዝየ፡ ባሕቱ፡ ወኢትኅልፊ። ሚመጠን፡ ይደልወክሙ፡ ኢትትዐበዩ፡ ላዕለ፡ እግዚአብሔር፡ ወኢትወልጡ፡ ዘሠርዐ፡ ለክሙ፡ ወአዘዘክሙ፡ እግዚአብሔር።

paragraph : 46


back to top

ወባሕቱ፡ በእንተ፡ ብዙኃን፡ እለ፡ ያስተሐቅሩ፡ ዘንተ፡ ትእዛዘ፡ ወወለጡ፡ ወመተሩ፡ ሥርዐተ፡ ክህነት፡ ወነሥኡ፡ ለርእሶሙ፡ መዓርገ፡ ዘኢይደልዎሙ፡ ወኢወሀቦሙ፡ እግዚአብሔር፡ ወበእንተዝ፡ ኮኑ፡ ዘየዐልውዎ፡ ለእግዚአብሔር። ከመ፡ ሰብአ፡ ቆሬ፡ እለ፡ ጽሑፍ፡ ነገሮሙ፡ ውስተ፡ ኦሪት። ወከመ፡ ዖዝያን፡ ንጉሥ፡ ዘተዐደወ፡ ዘእንበለ፡ ሥርዐት፡ ወኢሀብት፡ እምኀበ፡ እግዚአብሔር፡ ወረሰየ፡ ርእሶ፡ ካህነ። ወደቂቀ፡ ቆሬ፡ ውዕዩ፡ በእሳት፡ ወለዖዝያንሰ፡ አልበሶ፡ እግዚአብሔር፡ ልብሰ፡ ለምጽ

paragraph : 47


back to top

ወኵሉ፡ ዘገብረ፡ ከመ፡ ምግባሮሙ፡ ያምዕዖ፡ ለክርስቶስ፡ ዘአዘዘ፡ ሠናየ፡ ሥርዐተ፡ ወየዐልውዎ፡ ለመንፈስ፡ ቅዱስ። እስመ፡ የኀሥሡ፡ ስምዐ፡ ላዕለ፡ ርእሶሙ፡ ወቦቱ፡ ያነሥኡ፡ ኵነኔ፡ በርቱዕ፡ ወያወርድ፡ እግዚአብሔር፡ መዐቶ፡ ላዕሌሆሙ፡ ወመርገመ። እስመ፡ ይሬኢ፡ ዘይከውን፡ እምአስትቶ፡ በቍርባን፡ ዘያቀርቡ፡ ለዘኢይደልዎ፡ ወይመስሎሙ፡ ክህነት፡ ከመ፡ ተውኔት፡ ወኢያአምሩ፡ ከመ፡ አምሳለ፡ ክህነቱ፡ ለኢየሱስ፡ ክርስቶስ፡ አምላክነ። ወእምይእዜ፡ ለዘ፡ ኮነ፡ በከመ፡ ነገርነ፡ እምተዐድዎ፡ በዝንቱ፡ ወይስሕቦ፡ ከመ፡ ይህጐል፡ ዐቂበ፡ ክህነት፡ ወይነግር፡ ከመ፡ ሰብእ፡ ይገብኡ፡ ድኅሬሆሙ፡ በድፍረቶሙ

paragraph : 48


back to top

ወናሁ፡ ሙሴ፡ ዘየዐቢ፡ ገብሩ፡ ለእግዚአብሔር፡ ዘተናገሮ፡ ገጾ፡ በገጽ፡ በከመ፡ ይትናገር፡ ብእሲ፡ ምስለ፡ ካልኡ፡ ወይቤሎ፡ ናሁ፡ አእመርኩከ፡ እማእከለ፡ ሰብእ። ወኢያስተርአዮ፡ በለሖሳስ፡ ወኢበሕልም፡ ወኢበትሕዝብት፡ ወኢበመልእክተ፡ መላእክት፡ አላ፡ በጸጋሁ፡ ከመዝ፡ ወሀበ፡ እምሕግ፡ ዘነሥአ፡ እምኀበ፡ እግዚአብሔር

paragraph : 49


back to top

ወሠርዐ፡ ባቲ፡ ዘይደሉ፡ ለሊቀ፡ ካህናት፡ ወለካህናት፡ ወይደሉ፡ ይግበሩ፡ ሌዋውያን፡ ወከፈሎሙ፡ በበመክፈልቶሙ፡ በዘይደሉ፡ ይመግቡ፡ መልእክቶሙ፡ ወይቀውሙ፡ ባቲ። ወዘኮነ፡ ግብረ፡ ሊቀ፡ ካህናት፡ ኢይቀርብዎ፡ ካህናት፡ ወኢያብሖሙ፡ ሕግ፡ ወኵሉ፡ ግብረ፡ ካህናት፡ ኢይቀርብዎ፡ ሌዋዊያን። ወባሕቱ፡ ኵሉ፡ ዘመድ፡ እምኔሆሙ፡ የዐቅብ፡ ዘተአዘዘ፡ ሥሩዐ፡ ወኢይትዐደው። ወኵሉ፡ ዘተዐደወ፡ እምኔሆሙ፡ እምዘ፡ ተአዘዘ፡ ኀበ፡ ካልእ፡ ቀቲለ፡ ይቀትልዎ

paragraph : 50


back to top

ወናሁ፡ ተዐውቀ፡ እምነገረ፡ ሳኦል፡ አመ፡ ሦዐ፡ እምአባግዐ፡ ዐማሌቅ፡ ወኀለፈ፡ ወተዐደወ፡ ትእዛዘ፡ እግዚአብሔር፡ ወረሰየ፡ ርእሶ፡ ዘያቀርብ፡ ቍርባነ፡ እንዘ፡ ኢሀሎ፡ ምስሌሁ፡ ሳሙኤል፡ ነቢይ፡ ዘኮነ፡ ሊቀ፡ ካህናት። ወወረደ፡ ላዕሌሁ፡ ኀጢአት፡ ወመርገም፡ ለዝሉፉ፡ እስመ፡ ኢኀሠሠ፡ እምዘ፡ ቀብኦ፡ መንግሥተ፡ ከመ፡ ያቅርብ፡ ህየንቴሁ፡ እስመ፡ ውእቱ፡ ካህን፡ በአማን

paragraph : 51


back to top

ወአርአየ፡ እግዚአብሔር፡ ዘከመዝ፡ በዖዝያን፡ ንጉሥ፡ ገቢረ፡ ከመዝ፡ በጊዜሃ፡ እስመ፡ ሶበ፡ ተዐደወ፡ ትእዛዞ፡ ረከቦ፡ ፍትሐ፡ ኵነኔ፡ ወለምጸ፡ ፈድፋደ፡ ወበእንተ፡ ተኀብሎቱ፡ ላዕለ፡ ክህነት፡ ዘኢኮነ፡ ሎቱ፡ ተሰልበ፡ መንግሥቱ፡ እንተ፡ ይእቲ፡ ርስቱ፡ ወኮነ፡ ነኪረ፡ ወስዱደ፡ እምኔሃ

paragraph : 52


back to top

ወዘኮነ፡ በኀቤነ፡ ኢይሰወረክሙ፡ እስመ፡ ታአምሩ፡ ከመ፡ ተሰምዩ፡ በኀቤነ፡ ኤጲስ፡ ቆጶሳት፡ ወቀሳውስት፡ ወዲያቆናት፡ ወጸለይነ፡ ላዕሌሆሙ፡ ወአንበርነ፡ እደዊነ፡ ዲበ፡ ርእሶሙ፡ ወወለጥነ፡ አስማተ፡ ሢመቶሙ፡ ከመ፡ ይትዐወቅ፡ ተወልጦ፡ መዓርጊሆሙ። እስመ፡ አኮ፡ ኵሉ፡ ዘፈቀደ፡ ዘይከውኖ፡ ወይመጽአነ፡ ወናነብር፡ እደዊነ፡ ዲቤሁ፡ በከመ፡ ክህነተ፡ ኢዮርብዓም፡ ርኩስ፡ ወምቱር። ወባሕቱ፡ ንገብር፡ ዘንተ፡ ወዘጸውዖ፡ ወሤሞ፡ ወኮነ፡ ድልወ፡ በምግባሩ፡ ይትኀረይ፡ ለዝንቱ

paragraph : 53


back to top

ወሶበ፡ ኮነ፡ ዘይልህቅ፡ ወዘይንእስ፡ ዘአልቦ፡ ሥርዐተ፡ ወትእዛዘ፡ እምሰመይነ፡ ኵሎ፡ መዓርገ፡ ክህነት፡ በአሐዱ፡ ስም። ወባሕቱ፡ በከመ፡ ተመሀርነ፡ በኀበ፡ እግዚእነ፡ ኵሎ፡ ግብረ፡ ከማሁ፡ አዕበይናሁ፡ ለኤጲስ፡ ቆጶስ፡ በሢመተ፡ ክህነት፡ ወለቀሲስ፡ በተክህኖ፡ ወለዲያቆን፡ በመልእክተ፡ ክልኤሆሙ፡ ከመ፡ ይትፈጸም፡ ግብረ፡ ቤተ፡ ክርስቲያን፡ በርቱዕ

paragraph : 54


back to top

እስመ፡ ኢይደልዎ፡ ለዲያቆን፡ ያቅርብ፡ ቍርባነ፡ በእዴሁ፡ ወያጥምቅ፡ ጥምቀተ፡ ወይባርክ፡ ሕዝበ፡ በረከተ፡ ንኡሰ፡ ወዐቢየ። ወቀሳውስትሰ፡ ቦሙ፡ ይትፈጸም፡ ክህነት፡ ወኢይደሉ፡ ይትገፈታእ፡ ሥርዐት፡ ወከማሁ፡ ትእዛዘ፡ እግዚአብሔር፡ ኢይከውን፡ ዘእንበለ፡ ሥሩዕ፡ አላ፡ በሠናይ፡ ትእዛዝ፡ ይከውን። ከመ፡ ይኩኑ፡ ሰራዊተ፡ መላእክት፡ ትሑታን፡ ይትመጠዉ፡ ግብረ፡ ሰራዊተ፡ ሰማይ፡ ዘይትሌዐል፡ እምኔሆሙ፡ ወይኩኑ፡ በዜማ፡ ልዑላን

paragraph : 55


back to top

ወኵሉ፡ ዘገብረ፡ ዘእንበለ፡ ዘአዘዝነ፡ ወይትመጠው፡ መዓርገ፡ ዘይትሌዐል፡ እምኔሁ፡ ወይሠይም፡ ለርእሱ፡ በፈቃዱ፡ ሥርዐተ፡ ሐዲስ፡ ያእምር፡ ከመ፡ አመክዐበ፡ ለርእሱ፡ ኵነኔ፡ እምእግዚአብሔር፡ ወእምኔነ፡ ወሠራዕነ፡ ኵነኔሆሙ፡ ውስተ፡ ሳድስ፡ መጽሐፍነ፡ ዘጽሑፍ፡ ሥርዐተ፡ ኵነኔያት፡ እስመ፡ አኮ፡ ተቃውሞቶሙ፡ ዚአነ፡ ወኢጽልእ፡ ለኤጲስ፡ ቆጶሳት፡ አላ፡ ይትቃወምዎ፡ ለዐቢይ፡ ካህን፡ ዘይሬኢ፡ ኵሎ፡ ወለገጸ፡ ቤተ፡ ክርስቲያኑ፡ በኵሉ፡ ጊዜ፡ ውእቱ፡ ኢየሱስ፡ ክርስቶስ፡ አምላክነ

paragraph : 56


back to top

ሙሴ፡ መፍቀሬ፡ እግዚአብሔር፡ እሙን፡ ፍቅሩ፡ ሊቀ፡ ካህናት፡ ወካህናተ፡ ወሌዋውያነ፡ ወለነ፡ ክርስቶስ፡ መድኀኒነ፡ ሤመነ፡ ፲ወ፪፡ ሐዋርያት፡ እምኔነ፡ ላእካነ። አነ፡ ፊልጶስ፡ ወአነ፡ ያዕቆብ፡ ወባዕዳን፡ እለ፡ ምስሌነ፡ እሙራን፡ እምኔነ፡ ሊቃነ፡ ካህናት፡ ሠለስቱ፡ ጾታ። ወቀሳውስት፡ በገጹ፡ ሠለስቱ፡ ጾታ። ወዲያቆናትኒ፡ ሠለስቱ፡ ጾታ፡ ዝውእቱ፡ ዲያቆናት፡ ወንፍቀ፡ ዲያቆናት፡ ወአናጕንስጢስ

paragraph : 57


back to top

ቀዳሚኬ፡ መንበር፡ ውእቱ፡ ሊቀ፡ ካህናት፡ ክርስቶስ፡ ዋሕድ፡ ዘኢመሠጠ፡ ለርእሱ፡ ክብረ፡ ወባሕቱ፡ አብ፡ ዘሤሞ፡ ካህነ፡ ዘለዓለም። ወአመ፡ ኮነ፡ ሰብአ፡ ከማነ፡ ወአቅረበ፡ ነፍሶ፡ መሥዋዕተ፡ መንፈሳዌ፡ ለእግዚአብሔር፡ ለሊሁ፡ በእደዊሁ፡ ሥጋሁ፡ ውእቱ፡ ወልድ፡ አዘዘነ፡ ለነ፡ ለባሕቲተነ፡ ከመ፡ ንግበር፡ ዘንተ፡ እንዘ፡ ሀሎ፡ ምስሌነ፡ በዐቢይ፡ ምሥጢር፡ እንዘ፡ ንትአመኖ

paragraph : 58


back to top

ወባሕቱ፡ አኮ፡ ኵሉ፡ ዘአምነ፡ ቦቱ፡ ይሠየም፡ ካህነ፡ በአማን፡ ወኢሊቀ፡ ካህናት። አላ፡ ንሕነ፡ እምድኅረ፡ ዕርገቱ፡ ውስተ፡ ሰማይ፡ አቅረብነ፡ በከመ፡ አዘዘነ፡ መሥዋዕተ፡ ንጹሐ፡ ዘእንበለ፡ ደም። ወሤምነ፡ እምኔነ፡ ኤጲስ፡ ቆጶሳተ፡ ወቀሳውስተ፡ ወዲያቆናተ፡ ሰብዐተ፡ እለ፡ እምኔሆሙ፡ እስጢፋኖስ፡ ወፊልጶስ፡ ወጵሮኮሮን፡ ወኒቃኖራ፡ ወጢሞና፡ ወጳርሜና፡ ወኒቃለዎን

paragraph : 59


back to top

ወለእመ፡ ኮነ፡ ዝንቱ፡ እስጢፋኖስ፡ አሐዱ፡ እምኔነ፡ በፍቅረ፡ እግዚአብሔር፡ ወአርአየ፡ በሕጉ፡ ፈሪሀ፡ እግዚአብሔር፡ ወፍቅረ፡ እግዚእነ፡ ኢየሱስ፡ ክርስቶስ፡ እስከ፡ መጠወ፡ ነፍሶ፡ ወከዐወ፡ ደሞ፡ ወወሀበ፡ ሥጋሁ፡ ለአይሁድ፡ ቀታልያነ፡ እግዚእነ፡ ወወገርዎ፡ በእብን፡ ወቀተልዎ። ወመንክር፡ በኀቤሁ፡ እስመ፡ በጊዜ፡ ወገርዎ፡ ርእየ፡ ኀዋኅወ፡ ሰማይ፡ ርኅወ፡ ወርእዮ፡ ለክርስቶስ፡ እንዘ፡ ይነብር፡ በየማነ፡ አብ፡ ወውእቱ፡ ኮነ፡ በኂሩቱ፡ ወአርአዮ

paragraph : 60


back to top

ወኢተዐደወ፡ እመዓርጊሁ፡ ወእመልእክቱ፡ እንተ፡ አመገቦ፡ ባቲ፡ ወኢያቅረበ፡ ቍርባነ፡ ግሙራ፡ ወኢያንበረ፡ እዴሁ፡ ላዕለ፡ መኑሂ፡ ወኢባረከ፡ ብእሴ፡ ወባሕቱ፡ ዐቀበ፡ መዓርገ፡ ዲያቆንና፡ እስከ፡ ዕለተ፡ ሞቱ፡ ወባቲ፡ ረከቦ፡ ለእግዚአብሔር። ዝኬ፡ ይኄይስ፡ ወይኤድም፡ ከመ፡ ትኩኑ፡ ከማሁ፡ ወትዕቀቡ፡ ሠናየ፡ ሥርዐተ፡ ክህነት

paragraph : 61


back to top

ወእመቦ፡ ዘይግእዞሙ፡ ለፊልጶስ፡ ወለሐናንያ፡ ወይብል፡ ፊልጶስ፡ አጥመቆ፡ ለገብረ፡ ንግሥተ፡ ኢትዮጵያ፡ ወሐናንያ፡ አጥመቆ፡ ለጳውሎስ። ወንሕነ፡ ንብል፡ ወንኤዝዝ፡ ወአቅደምነ፡ ትእዛዘ፡ ወንቤ፡ ኢይምሥጥ፡ ሰብእ፡ ሢመተ፡ ክህነት፡ ለርእሱ፡ ዘእንበለ፡ እመ፡ ተውህቦ፡ እምኀበ፡ እግዚአብሔር። ከመ፡ መልከ፡ ጼዴቅ፡ ወያዕቆብ፡ እለ፡ ነሥኡ፡ ክህነተ፡ በኀበ፡ እግዚአብሔር፡ ወኮነ፡ መንፈስ፡ ቅዱስ፡ ዘይባርኮሙ፡ በውእቱ፡ አው፡ ይነሥእ፡ ዘይነሥእ፡ እምሊቀ፡ ካህናት፡ በከመ፡ አሮን፡ እሙሴ፡ ዘወሀቦ፡ በከመ፡ አዘዘ፡ እግዚአብሔር

paragraph : 62


back to top

ናሁ፡ ተዐውቀ፡ በቃልነ፡ ከመ፡ ፊልጶስ፡ ወሐናንያ፡ ኢመሠጡ፡ ለርእሶሙ፡ ክህነተ፡ ወባሕቱ፡ ተፈነዉ፡ ቦቱ፡ ወተወክፉ፡ ክህነተ፡ እምሊቀ፡ ካህናት፡ ኢየሱስ፡ ክርስቶስ፡ ዘአልቦ፡ ዘይመስሎ፡ ወአልቦ፡ ዘይትዔረዮ፡ ዘሎቱ፡ ስብሐት፡ ወክብር፡ አሜን

paragraph : 63


back to top

[10] ትእዛዝ፡ ወቀኖና፡ ዘጳውሎስ፡ ላእክ፡ በእንተ፡ እለ፡ ይመጽኡ፡ ኀበ፡ ምሥጢርነ፡ ሐዲስ፡ ወባዕድኒ። አነ፡ ጳውሎስ፡ ንኡስ፡ እምሐዋርያት፡ እኤዝዘክሙ፡ አኀዊነ፡ ኤጲስ፡ ቆጶሳት፡ ቀሳውስት፡ ወዲያቆናት፡ ዘንተ፡ ሥርዐተ

paragraph : 64


back to top

[10.1] ኵሉ፡ ዘአፍቀረ፡ ይደመር፡ ምስሌነ፡ ወይሳተፍ፡ በነፍሱ፡ በምሥጢርነ፡ ይደልዎሙ፡ ይምጽኡ፡ ኀበ፡ ዲያቆን፡ ወዲያቆን፡ ያምጽኦሙ፡ ኀበ፡ ኤጲስ፡ ቆጶስ፡ አው፡ ቀሲስ፡ ዘየዐቢ፡ ብዙኀ፡ አእምሮ፡ በሕግነ፡ ወይስአሎ፡ ወይበሎ፡ በእንተ፡ ምንት፡ አፍቀረ፡ በአተ፡ ውስተ፡ ሕግነ። ወይኩን፡ ዲያቆን፡ ዘይሴአሎሙ፡ በተኀሥሦ፡ በእንተ፡ ግብሮሙ፡ ወይርአይ፡ ለእመ፡ ኮኑ፡ አግብርተ፡ አው፡ አግዓዚያነ። ወለእመቦ፡ እምኔሆሙ፡ ገብር፡ ለብእሲ፡ መሀይምን፡ ይስአልዎ፡ ለውእቱ፡ መሀይምን፡ በእንቲአሁ፡ ወለእመ፡ ሠናይ፡ ግዕዙ፡ ወለእመ፡ ነገረ፡ እግዚኡ፡ ኂሩቶ፡ ወሠናየ፡ ግዕዙ፡ ወውዱስ፡ ፍናዊሁ፡ ይትሐበዮ። ወለእመ፡ ኢኮነ፡ ከማሁ፡ አው፡ ሥሡዕ፡ አው፡ ጽልሕው፡ ስድድዎ፡ እምኀቤክሙ፡ ወአርሕቅዎ፡ እስከ፡ ስምዐ፡ ይከውኖ፡ እግዚኡ፡ ከመ፡ ይደሉ፡ ለዝንቱ። ወለእመ፡ ኮነ፡ ገብረ፡ ለዘኢይአምን፡ ይሴአልዎ፡ ለእግዚኡ፡ ወያእምሩ፡ በኀቤሁ፡ ለእመ፡ ሠናየ፡ ተልእኮ፡ ለእግዚኡ። ከመ፡ ኢይኩን፡ ሕግነ፡ ዘይጼውዕ፡ ውስተ፡ ሙስና፡ አላ፡ ኀበ፡ ሠናይ፡ ወኂሩት፡ ወተፍጻሜቱ፡ ሠናይ

paragraph : 65


back to top

[10.2] ወለእመ፡ ኮነ፡ ብእሲ፡ ዘቦ፡ ብእሲተ፡ አው፡ ብእሲት፡ እንተ፡ ባቲ፡ ምተ፡ ያለብውዎሙ፡ ከመዝ፡ ከመ፡ ይትዐገሡ፡ በዘ፡ ዚአሆሙ፡ እምካልእ፡ ከመ፡ ኢይኩኑ፡ ዘያረኵሱ፡ በተመርዖ፡ ውስተ፡ ፍትወት፡ ከመ፡ ጽሙም። ወለእመ፡ ኮኑ፡ ዘኢያወስቡ፡ መሀርዎሙ፡ ከመ፡ ኢይዘምው፡ አላ፡ ያውስቡ፡ በሕግ፡ በከመ፡ አዘዝነ፡ ወአበየነ። ወለእመቦ፡ እግዚአ፡ መሀይምነ፡ ወአእመረ፡ ከመ፡ ይዜሙ፡ ገብሩ፡ ወኢያስተዋስቦ፡ ወድአ፡ አብጽሖ፡ ላዕሌሁ፡ ኵነኔ። ወለእመ፡ ኮነት፡ አመት፡ መፍቀሪተ፡ ዝሙት፡ ወኢያስተዋስባ፡ ይስዐር፡ ወይሰደድ፡ በከመ፡ አዘዝናክሙ

paragraph : 66


back to top

[10.3] ወለእመ፡ ኮነ፡ ዘጋኔን፡ ይምሀርዎ፡ ቀዲሙ፡ ፍርሀተ፡ እግዚአብሔር፡ ወትእዛዞ፡ ወኢያቅርብዎ፡ ቍርባነ፡ እስከ የሐዩ፡ ወይኀድጎ፡ ጋኔኑ። ወለእመ፡ በጽሐ፡ ለሞት፡ ይትወከፍዎ፡ ወያቅርብዎ፡ ቍርባነ

paragraph : 67


back to top

[10.4] እመቦ፡ ብእሲ፡ ዘይትሐዘብዎ፡ በዝሙት፡ ወገብረ፡ ልማዶ፡ ለይትከላእ፡ እምይእቲ፡ ኀጢአት፡ ወርስሐት፡ ወይትገሐሥ፡ ተግሕሦ፡ ወእመ፡ አኮ፡ ይሰደድ

paragraph : 68


back to top

[10.5] ወከማሁ፡ ብእሲትኒ፡ ዘማዊት፡ አው፡ ትኅድግ፡ ይእተ፡ ፍትወተ፡ ወትትገሐሥ፡ እምይእቲ፡ ዝሙት፡ ወተመርዖ፡ በኀጢአት፡ ወእመ፡ አኮ፡ ትሰደድ፡ እምኔነ

paragraph : 69


back to top

[10.7] እመቦ፡ ብእሲ፡ አው፡ ብእሲት፡ ዘአፍቀረ፡ ይባእ፡ ውስተ፡ ሕግነ፡ ለእመ፡ ኮነ፡ ሰካሬ፡ አው፡ ባዕደ፡ አው፡ መዐንዝረ፡ አው፡ ተዋናዪ፡ አው፡ ዘፋኒ፡ አው፡ ዘይሜህር፡ ማሕሌተ፡ አው፡ መራሒ፡ ውስተ፡ ዝሙት፡ አው፡ ወዳዪ፡ ማእከለ፡ ሰብእ፡ እከየ፡ ወጽልአ፡ ለይኅድጉ፡ ግብሮሙ፡ ወይትገሐሡ፡ እምኔሃ፡ ወይግድፍዋ፡ ድኅሬሆሙ

paragraph : 70


back to top

[10.6] ወኵሎሙ፡ ገበርተ፡ ጣዖት፡ እለ፡ ይገልፉ፡ እምእብን፡ ወዕፅ፡ ወይሰብኩ፡ እምብርት፡ ወኀጺን፡ ወብሩር፡ ወወርቅ፡ ለእመ፡ ቦኡ፡ ምስሌነ፡ ውስተ፡ ሕግነ፡ ይትከልኡ፡ እምዝንቱ፡ ኵሉ፡ ወይትገሐሡ፡ እምይእቲ፡ ኀጢአተ፡ ኪን፡ ወእመ፡ አኮ፡ ይሰደዱ፡ ወይትገደፉ፡ እማኅበርነ

paragraph : 71


back to top

[10.8] እመቦ፡ ብእሲ፡ ሐራዊ፡ ዘቦአ፡ ውስተ፡ ሕግነ፡ ወኮነ፡ ቀዲሙ፡ ቱሱሐ፡ ምስለ፡ ሐራሁ፡ ለንጉሠ፡ ምድር፡ በኀጢአት፡ ወአበሳ፡ ለይትገሐሥ፡ እምትዕግልት፡ ወዐመፃ፡ ወውዴት፡ ለይንበር፡ በሲሳዩ፡ ዘይሁብዎ። ወለእመ፡ ኀደገ፡ ዘንተ፡ ምግባረ፡ ይትወከፍዎ። ወለእመ፡ ኢኀደገ፡ ለይስድድዎ

paragraph : 72


back to top

[10.9] እመቦ፡ ብእሲ፡ ዘአውሰበ፡ ወገብረ፡ ሕሡመ፡ ዝሙተ፡ አው፡ ምርዐተ፡ ወባዕደኒ አው፡ አርኰሰ፡ ኀፍረቶ፡ አው፡ ኮነ፡ ውኁደ፡ ኀፍረት፡ አው፡ መሠርይ፡ አው፡ ረቃይ፡ አው፡ መዐንስብ፡ አው፡ አእማሪ፡ አው፡ ተዋናይ፡ አው፡ ረኣዬ፡ ኮከብ፡ ገሃደ፡ አው፡ መራሔ፡ ዝሙት፡ አው፡ ዘያስተጋብእ፡ ዘይሰመይ፡ በዝ፡ መዋዕል፡ መምህረ፡ እኩይ፡ ወኀጢአት። አሌሎሙ፡ በኀበ፡ እግዚአብሔር፡ በዕለተ፡ ደይን። አው፡ ማሪ፡ ዘይነግር፡ በከመ፡ የሐሊ፡ በእንተ፡ ዘኢሀሎ፡ አው፡ ተማሕፃኒ፡ አው፡ መምካሪ፡ አው፡ ባዕለ፡ ፋል፡ አው፡ ዘይነግር፡ በትእምርተ፡ ሐሰት፡ አው፡ ፈካሬ፡ ሕልም፡ እሉ፡ እለ፡ ይነብሩ፡ ውስተ፡ ፍኖት፡ ወውስተ፡ እደዊሆሙ፡ አሕፃ፡ እለ፡ ይጽሕፉ፡ ተማሕፅኖ፡ ወእለ፡ ይሬእዩ፡ ወእለ፡ ያውዕዩ፡ ገጾሙ፡ በእሳት፡ ሶበ፡ ይረክቦሙ፡ ምንዳቤ፡ ወይላጽዩ፡ ጽሕሞሙ፡ ወጸጕሮሙ፡ ሶበ፡ ይረክቦሙ፡ ውእቱ፡ ተቈጢዖሙ፡ እምኵነኔሁ፡ ለእግዚአብሔር፡ ዘወረደ፡ ላዕሌሆሙ። አው፡ ተጠያሬ፡ በዖፍ፡ አው፡ ዘይጽሕፍ፡ ዲበ፡ እደዊሁ፡ ወእገሪሁ፡ በመርፍእ፡ ወሐላዪ፡ በትእምርት፡ ወዘይትአመር፡ በንቅወተ፡ ዖፍ፡ በጽባሕ፡ ወቦቱ፡ መጽሐፈ፡ ለውእቱ፡ ድምፅ፡ በኀበ፡ አረሚ፡39 ኢትትወከፍዎ፡40 ወኢትስምዕዎ፡41 ወበእንተ፡42 ኆልቆሙ፡ ይነግሮሙ፡43 በእንተ፡ ሕይወት፡ ወሞት፡ በከመ፡ ይመስሎሙ፡ ወኢኮነ፡ በኀቤነ፡44 ከማሁ። ወዘኮነ፡45 ከመዝ፡46 ግዕዙ፡47 ኢይትወከፍዎ፡ ውስተ፡ ሕግነ፡ እስከ፡48 የኀሥሡ፡ በእንቲአሁ፡ ወያመክርዎ፡49 ዘከመ፡ ኮነ። ለእመ፡ ነስሐ፡ በእንተ፡ ምግባሩ፡ እስመ፡ ምሥጢሩ፡ ለሰብእ፡ ኅቡእ፡ አእምሮቱ፡ ወለእመ፡ ተግሕሥዎ፡ ለውእቱ፡ ግብር፡ ይትወከፍዎሙ። ወለእመ፡ ኢኀደግዎ፡ ወኀሠሡ፡ ያብኡ፡ ላዕሌነ፡ ሀከከ፡ ይሰደዱ

paragraph : 73


back to top

[10.10] እመቦ፡ ዕቅብተ፡ ለብእሲ፡ ዘኢይአምን፡ ለእመ፡ ዐቀበት፡ ነፍሳ፡ ለባሕቲቱ፡ ይትወከፍዋ፡ በእንተ፡ ንጽሓ። ወእመሰ፡ ሖረት፡ ካልአ፡ በፍትወታ፡ ለሙስና፡ ወተደምሮ፡ በኀጢአት፡ ወኮነ፡ ልማዳ፡ ለትሰደድ

paragraph : 74


back to top

[10.11] እመቦ፡ መሀይምን፡ ዘኮነ፡ ምስሌነ፡ ወቦአ፡ ውስተ፡ ሕግነ፡ ወቦ፡ ዕቅብተ፡ አው፡ አመተ፡ ይትገሐሥ፡ እምኔሃ፡ ሶበ፡ ተጠምቀ፡ ወያውስባ፡ በሕግ፡ ዘአዘዝነ። ለእመ፡ ያፈቅር፡ ማኅደራ፡ ወያግዕዛ፡ ቀዲሙ፡ ወይጽሐፍ፡ ላቲ፡ መጽሐፈ፡ ግዕዛኒሃ፡ እምቅድመ፡ አውስቦ፡ ከመ፡ ትምለክ፡ ነፍሳ፡ ወትኅረይ፡ ከመ፡ ኢይኀልይዋ። ወለእመ፡ ተዐደወ፡ ወገብረ፡ ዘእንበለ፡ ዘአዘዝነ፡ አምጽአ፡ ላዕለ፡ ነፍሱ፡ ኵነኔ፡ ወይሰደድ

paragraph : 75


back to top

[10.12] እመቦ፡ ብእሲ፡ ዘኮነ፡ እምኔነ፡ ወገብረ፡ ግብረ፡ አረሚ፡ ወዘአምሳሊሆሙ፡ ወአምነ፡ በምሳልያተ፡ አይሁድ፡ ወገብረ፡ ባቲ፡ ለይኅድጋ፡ አው፡ ይሰደድ

paragraph : 76


back to top

[10.13] ወዘይፈቅድ፡ ይኩን፡ ውስተ፡ ኆልቈ፡ እለ፡ ይትቀነዩ፡ በክፍል፡ ወይፀመድ፡ ለእግዚአብሔር፡ በፍርሀት፡ ወበንጽሕ፡ ወያመክርዎ፡ ባቲ፡ ሠለስተ፡ ዓመተ። ወለእመ፡ ኮነ፡ ብእሲ፡ ዘቦ፡ ፍቅረ፡ ወተረክበ፡ በሠናይ፡ ወኂሩት፡ ንጹሕ፡ ይትወከፍዎ። እስመ፡ ውእቱ፡ ግብር፡ ኢይከውን፡ በቀዊም፡ ፍጡነ፡ አላ፡ ይከውን፡ በሠናይ፡ ሕሊና፡ ወበአመክሮ

paragraph : 77


back to top

[10.14] እመቦ፡ ብእሲ፡ ዘይትመየጥ፡ ኀበ፡ ዘፍን፡ ወዐንዝሮ፡ ወወክሕ፡ ዘይትገበር፡ በኀበ፡ ተውኔት፡ አው፡ ኀበ፡ ይትጋደሉ፡ አው፡ ያስተዛብጡ፡ አባግዕ፡ ወዶርሆ፡ ምስለ፡ ካልኡ፡ አው፡ ኀበ፡ ይትሜሀሩ፡ አፍራስ፡ ወነዲፈ፡ በሐጽ፡ ይኅድጉ፡ ዘንተ፡ ወይትመየጡ፡ እምኔሁ፡ ወይምትሩ፡ ዘንተ፡ ግብረ፡ እስመ፡ ግበረ፡ አረሚ፡ ይእቲ። ወእመ፡ አኮ፡ ይሰደድ

paragraph : 78


back to top

[10.15] እመቦ፡ ብእሲ፡ ሕዝባዊ፡ ዘይሜህር፡ ሰብአ፡ ለሠናይ፡ ወይበውእ፡ ማእከሎሙ፡ በሰላም፡ ወመቲረ፡ ሀከክ፡ ኢይትመካሕ፡ በዝንቱ፡ ወይኩን፡ እስትርኩበ፡ በቃሉ፡ ንጹሐ፡ በሥጋሁ፡ ወዐይኑ፡ ወነፍሱ። እስመ፡ ዝንቱ፡ ግብር፡ ኢኮነ፡ ግብሩ። ወባሕቱ፡ ግብረ፡ ካህናት፡ ወኤጲስ፡ ቆጶሳት፡ ውእቱ፡ ወያርትዕ፡ ነፍሶ፡ ቀዲሙ፡ ወፈጺሞ፡ ይኩን፡ ኄረ። ወእምዝ፡ ይወጥን፡ ምህሮ፡ ሰብእ፡ እስመ፡ ተብህለ፡ ወይኩኑ፡ ምሁራነ፡ በኀበ፡ እግዚአብሔር፡ ወመራሕያነ፡ ለሠናይ።

Text visualization help

Page breaks are indicated with a line and the number of the page break. Column breaks are indicated with a pipe (|) followed by the name of the column.
In the text navigation bar:

References are relative to the current level of the view. If you want to see further navigation levels, please click the arrow to open in another page.

Each reference available for the current view can be clicked to scroll to that point. alternatively you can view the section clicking on the arrow.

Using an hyphen between references, like LIT3122Galaw.1-2 you can get a view of these two sections only

Clicking on an index will call the list of relevant annotated entities and print a parallel navigation aid. This is not limited to the context but always refers to the entire text. Also these references can either be clicked if the text is present in the context or can be opened clicking on the arrow, to see them in another page.

In the text:

Click on ↗ to see the related items in Pelagios.

Click on to see the which entities within Beta maṣāḥǝft point to this identifier.

^[!] contains additional information related to uncertainties in the encoding.

Superscript digits refer to notes in the apparatus which are displayed on the right.

to return to the top of the page, please use the back to top button

Canons of S. Simon the Canaanite (1st recension)

Witnesses of the edition