በስመ፡ አብ፡ ወወልድ፡ ወመንፈስ፡ ቅዱስ፡ ፩ አምላክ፤ አመ፡ ፭ለጥቅምት፡ በዛቲ፡ ዕለት፡ አዕረፈ፡ ኢያሱ፡ ንጉሥ፡ ወሰማዕት፡ ተመሳሊሁ፡ ለአቤል፡ ዘተክዕወ፡ ደሙ፡ በዓመፃ፡ ለዝንቱ፡ ኢያሱ፡ ሰማዕት፡ ወለድዎ፡ በጾም፡ ወበጸሎት፡ ንጉሥ፡ ዮሐንስ፡ ጻድቅ፡ ዘብሔረ፡ ኢትዮጵያ፡ ወንግሥት፡ ሰብለ፡ ወንጌል፡ ፈራሂተ፡ እግዚአብሔር፨ ወእምዝ፡ ወሰድዎ፡ ውስተ፡ ደሴት፡ ዘይብልዋ፡ ምጽራሐ፨ ወቀበርዎ፡ በዝማሬ፡ ወበማኅሌት፡ ውስተ፡ መቃብረ፡ አበዊሁ፨ በረከተ፡ ጸሎቱ፡ ለዝንቱ፡ ኢያሱ፡ ሰማዕት፡ የሀሉ፡ ምስለ፡ ወልዱ፡ ንጉሥነ፡ ኢያሱ፡ ወምስሌነሂ፡ ሰማዕያን፡ ለዓለመ፡ ዓለም፡ አሜን፨ ሀብተ፡ መንፈስ፡ ቅዱስ፡ ዜና፡ ጽድቅከ፡ በከመ፡ ከሠተ፡ ሊተ፨ ውሑደ፡ አእምሮ፡ ገብርከ፡ እስመ፡ ጸሐፍኩ፡ ንስቲተ፨ ኢያሱ፡ ሥርግው፡ አልባሰ፡ ደመ፡ ግፍዕ፡ ቀጣንተ፨ በለኒ፡ በቃለ፡ ጽድቅ፡ ወአብስረኒ፡ ብስራተ፨ እምኀብለ፡ ርስትየ፡ እሁበከ፡ ክብረ፡ ነፍስ፡ ርስተ፨

፳ወ፭ በዛቲ፡ ዕለት፡ አእረፈት፡ ወለተ፡ ቅዱሳን፡ ወለተ፡ ንጉሥ፡ ልብነ፡ ድንግል፡ ወተቀብረት፡ ውስተ፡ መንፈሳዊት፡ መቅደስ፡ እንተ፡ ትሰመይ፡ ዳጋ።

፲ወ፮ ወበዛቲ፡ ዕለት፡ ካዕበ፡ አእረፈት፡ ወለተ፡ ጽዮን፡ ወለተ፡ ንጉሥ፡ ወተቀብረት፡ ውስተ፡ መቅደሰ፡ ዳጋ፡ ጸሎታ፡ ወበረከታ፡ የሃሉ፡ ምስሌነ፡ አሜን።

፳ በዛቲ፡ ዕለት፡ ካዕበ፡ አዕረፈ፡ ሠርፀ፡ ክርስቶስ፡ ወዓሌ፡ ንጉሥ፡ ርቱዓ፡ ሃይማኖት፡ ሠርፀ፡ ድንግል፡ ወተቀብረ፡ ውስተ፡ መቅደሰ፡ ዳጋ።

አመ፡ ፲ወ፭፡ ለግንቦት። በዛቲ፡ ዕለት፡ ካዕበ፡ አዕረፈት፡ ቅድስት፡ አመተ፡ ጽዮን፡ ወለተ፡ ንጉሥ፡ ናኦድ፡ ወኮነ፡ መቃብራ፡ ውስተ፡ ደሴት፡ እንተ፡ ትሰመይ፡ ዳጋ፡ ጸሎታ፡ የሀሉ፡ ምስሌነ፡ አሜን።

፳ወ፯፡ ለግንቦት። በዛቲ፡ ዕለት፡ አዕረፈ፡ ገብረ፡ ሚካኤል፡ መኰንን፡ ወተቀብረ፡ ውስተ፡ መቃብረ፡ ጻድቃን፡ ዳጋ፡ እግዚአብሔር፡ ይምሐረነ፡ በጸሎቱ፡ አሜን።

፳ወ፭ ወበዛቲ፡ ዕለት፡ ካዕበ፡ አዕረፈት፡ ዮስቴና፡ ወለተ፡ ንጉሥ፡ ሚናስ፡ ወተቀብረት፡ ውስተ፡ ደብር፡ ዘይብልዋ፡ ዳጋ፡ እግዚአብሔር፡ ይምሐረነ፡ በትንብልናሃ፡ አሜን።

፲፬ በዛቲ፡ ዕለት፡ ካዕበ፡ አዕረፈ፡ ፊቅጦር፡ ትሩፈ፡ ምግባር፡ ወፈካሬ፡ መጻሕፍት፡ ወልደ፡ ንጉሥ፡ ሚናስ። ወተቀብረ፡ ውስተ፡ መቅደሰ፡ ዳጋ፡ በክብር፡ ወዕበይ፡ እግዚአብሔር፡ ይምሐረነ፡ ለገቢረ፡ ተዝካሩ፡ እለ፡ ተጋባእነ፡ አሜን።

ወበዛቲ፡ ዕለት፡ አእረፈ፡ አቡነ፡ ገብረ፡ ክርስቶስ፡ መምሕረ፡ ዳጋ፡ ወኵሎሰ፡ ትሩፋቲሁ፡ ሁሎ፡ ለክሙ፡ ተጽሒፎ፡ በጽንፉ፡ ለዝ፡ ስንክሳር፡ አንብብዎ

አመ፡ ፴ለሐምሌ በዛቲ፡ ዕለት፡ አዕረፈ፡ ዝሐዋርያት፡ ወልደ፡ ንጉሥ፡ ሚናስ፡ ወተቀብረ፡ ውስተ፡ ዛቲ፡ ደብር፡ ዘስማ፡ ዳጋ።

ወበዛቲ፡ ዕለት፡ ካዕበ፡ አዕረፈ፡ አቡነ፡ ኂሩት፡ መምሕረ፡ ዳጋ፡ ጸሎቱ፡ ወበረቱ፡ የሐሉ፡ ምስሌነ፡ አሜን።

ወቦቱ፡ ካዕበ፡ ስም ለቅዱስ፡ ኤልያስ፡ ነቢይ

[3vb] መሐሬ፡ ክርስቶስ፡ ወ[n.l.]፡ ክርስቶስ፡ ምሕጽንተ፡ ማ[ርያ]ም፡ ቃለ፡ መለኮ[ት] [4ra] ገብረ፡ ማርያም፡ እምጣዕመ፡ ክርስቶስ፡ ወልደ፡ ሚካኤል፡ ተዝካራች [4rb] ው፡ ያወጣ፡ ነው፡ ገብረ፡ ሚካኤል፡ ወልደ፡ ሥላሴ። ተስፋ፡ ሚካኤል፡ ተስፋ፡ ሚካኤል፡ ወልደ፡ ዓ[መተ] [4va] እግዚእ፡ ወልደ፡ ዮናስ፡ ዑቁባ፡ ሚካኤል፡ ዘሚካኤል፡ ወልደ፡ ሊባኖስ፡ ወልደ፡ ማርያ [4vb] ም፡ ገብረ፡ መድኅን፡ ወለተ፡ ተክሌ፡ ወለተ፡ ሕይወት፡ ወለተ፡ ዮናስ፡ ወለተ፡ [5ra] ማርያም፡ ወለተ፡ ሥላሴ፡ ወለተ፡ መድኅን፡ ወአ{ቡ}ሆሙ፡ ወልደ፡ ሚካኤል፡ ገብረ፡ ተ [5rb] ዝካረ፡ አበዊሁ፡ አንትሙኒ፡ ከማሁ፡ ግበሩ፡ ተዝካረ፡ አበዊክሙ፡ ደቂቁ፡ ለእመ፡ እብጠለ፡ ተዝካረ፡ አቡሁ፡ [5va] ኢተሀቡ፡ ገራህተ፡ አቡሁ። [5vb] ጣዕመ፡ ክርስቶስ፡ ዕረፋቱ፡ [l.n.] መጋቢት [6ra] ዓመ፡ ፳ወ፬ለጥቅምት፡ ዕረፍቲ፡ ማሕፀንተ፡ ማርያም [6rb] ቃለ፡ መለኮት፡ ገብረ፡ ማርያም፡ አመ፡ ፲ወ፯ለመጋቢት።

ጸሐፍና፡ አስማቲሆሙ፡ ለእለ፡ ይገብሩ፡ ተዝከሮሙ፡ ለሰማዕተ፡ ጳራቅሊጦስ፡...

ወቀዳሚ፡ ዘገብረ፡ ተዝካሮሙ፡ አቡየ፡ ሄኖክ።

ወበዛቲ: ዕለት: አዕረፈ: አባ: ነቢየ: ልዑል ... ወቦአ: ኀበ: መፍቀሬ: እግዚአብሔር: ንጉሥ: ዮሐንስ: ...

ወበዛቲ: ዕለት: ቅዳሴ: ቤተ: ክርስቲያኑ: ለአቡነ: አረጋዊ: ...

ወበዛቲ፡ ዕለት፡ ካዕበ፡ ተዝካረ፡ ዕረፍቱ፡ ለአቡነ፡ ብእሴ፡ እግዚአብሔር፡ በረከተ፡ አምላኩ፡ የሀሉ፡ ምስሌነ፡ ለዓለመ፡ ዓለም፡ አሜን።

ወበዛቲ፡ ዕለት፡ አዕረፈት፡ እኅተ፡ ክርስቶስ፡ ዓመተ፡ እግዚአብሔር፡ ሠናይት፡ ግዕዝ፡ መፍቄሪተ፡ አኃው፡ አምሳለ፡ ፌቤን፡ ተለአኪተ፡ ቤተ፡ ክርስቲያን፡ ጸሎታ፡ ወበረከታ፡ የሀሉ፡ ምስለ፡ ፍቁራ፡ ብእሴ፡ እግዚአብሔር፡ ለዓለመ፡ ዓለም፡ አሜን፡

ወበዛቲ፡ ዕለት፡ ካዕበ፡ አዕረፈ፡ አባ፡ ዘአሐዱ፡ አምላክ፡ መምህር፡ ዘደብረ፡ ዳሞ፡ ተጋዳሊ፡ ትሩፍ፡ ዘአስረፀ፡ ክንፈ፡ ከመ፡ ዖፍ፡ ለተወርዎ፡ ጸድፍ። ጸሎቱ፡ ወበረከቱ፡ የሀሉ፡ ምስለ፡ ፍቁሩ፡ ብእሴ፡ እግዚአብሔር። ለዓለመ፡ ዓለም

ወበዛቲ፡ ዕለት፡ ካዕበ፡ ተዝካሩ፡ ለአባ፡ ዮሐኒ፡ መነኮስ፡ ትሩፍ፡ መስተጋድል፡ ዘደብረ፡ ዳሞ፤ ውእቱ፡ አቡሆሙ፡ ለአቡነ፡ ተክለ፡ ሃይማኖት፤ ወለአባ፡ ኢየሱስ፡ ሞአ፡ ዘሐይቅ። ጸሎቱ፡ ወበረከቱ፡ የሀሉ፡ ምስሌነ።

ወበዛቲ፡ ዕለት፡ ካዕበ፡ አዕረፉ፡ አባ፡ እስጢፋኖስ፡ ወመርዐተ፡ አብ፡ ሱቱፋነ፡ ምግባር፡ ወግእዝ፡ ትሩፋን፡ መስተጋድላን፡ ዘደብረ፡ ዳሞ፡ ጸሎቶሙ፡ ወበረከቶሙ፡ የሀሉ፡ ምስለ፡ ፍቁሮሙ፡ ብእሴ፡ እግዚአብሔር፡ ለዓለመ፡ ዓለም፡ አሜን።

ወበዛቲ፡ ዕለት፡ ካዕበ፡ አዕረፈት፡ ማርያም፡ ክብራ፡ ንግሥት፡ ብእሲተ፡ ንጉሥ፡ ናኦድ፡ ዘዓቀበት፡ ምግባራተ፡ መንፈሳዌ፤ ወፈጸመት፡ ኵሎ፡ ትሩፋተ፡ ወተጋድሎተ፡ ብዙኃ፡ ወፈጸመት፡ ቀኖና፡ መነኮሳት፡ ቅድሳት፡ በደብረ፡ ሊባኖስ፤ ዘይእቲ፡ መቃብረ፡ አቡነ፡ ተክለ፡ ሃይማኖት፡ ረድኤተ፡ ትንብልናሃ፡ የሀሉ፡ ምስለ፡ ኵልነ፡ ሕዝበ፡ ክርስቲያን፡ ለዓለመ፡ ዓለም፡ አሜን።

ወካዕበ፡ በዛቲ፡ ዕለት፡ አዕረፈ፡ አባ፡ ዘሥላሴ፡ መምህር፡ ዘደብረ፡ ዳሞ፡ መስተጋድል፡ ትሩፍ፡ ወዕረፍቱኒ፡ ኮነ፡ በገዳመ፡ ዋሊ፡ በእደ፡ ጋላተ፡ ዘውእቱ፡ አረሚ፡ ጸሎቱ፡ ወበረከቱ፡ ወዕሤተ፡ ስምዑ፡ የሀሉ፡ ምስለ፡ ፍቁሩ፡ ብእሴ፡ እግዚአብሔ፡ ር ወምስለ፡ ኵልነ፡ ሕዝበ፡ ክርስቲያን፡ ለዓለመ፡ ዓለም፡ አሜን።

ወካዕበ፡ በዛቲ፡ ዕለት፡ አቡነ፡ ዘወልደ፡ ማርያም፡ ዘደብረ፡ ዳሞ፡ በገዳመ፡ ዋሊ፡ ድኅረ፡ ተጋደለ፡ ሠናየ፡ ገድለ፡ በከመ፡ ተምህረ፡ እም፡ አረጋዊ፡ አቡሁ፡ እስከ፡ ያነክሩ፡ አኃዊሁ፡ እምትሩፋቲሁ። ወትሩፋቲሁኒ፡ ኮነ፡ ይገብር፡ ቆብዓ፡ ዘሐፂን፡ ክቡደ፤ ዓዲ፡ ኮነ፡ ይትቀሰፍ፡ በነደ፡ እሳት፡ ዘሐፂን፡ እስከ፡ ይፀይእ፡ ወይወጽእ፡ ዕፄ፡ እምሥጋሁ፤ ዓዲ፡ ኮነ፡ ይከሪ፡ ግበ፡ መጠነ፡ ቆሙ፡ ወይበውእ፡ ውስቴቱ፡ እስከ፡ ይትሌለይ፡ ማዕሰ፡ ሥጋሁ፡ እምብዝኃ፡ ዋዕይ። ዓዲ፡ ኮነት፡ እግዝእትነ፡ ማርያም፡ ትትናገሮ፡ በቃላ፡ ጥዑም፡ በውሣጤ፡ ሥዕላ፡ እምዝኃ፡ ንጽህናሁ፡ ወአፍቅሮቱ፡ ኪያሃ፡ ናዛዚተ፤ በጊዜ፡ መከራ። ባሕቱ፡ ኢጸሐፍነ፡ ኵሎ፡ ገድሉ፡ ከመ፡ ኢናብዝኅ፡ ነገረ፡ እስመ፡ ዝንቱ፡ የዓክለነ፡ ለሰማዕያን። እግዚአብሔር፡ ይምሐረነ፡ በጸሎቱ፡ ለኵልነ፡ ሰማዕያን፡ ለዓለመ፡ ዓለም።

በእንተ፡ ዘከሮሙ፡ ለአበውየ፡ በሐለ፡ ሚካኤል፡ ዘሚካኤል፡ ለሀብተ፡ ሚካኤል። ተዝካሩ፡ አመ፲ወሰኑይ፡ ለሀምሌ። ወተክለ፡ ሚካኤል፡  ወል፡ ዱ፡ ወተስፋ፡ ጊዮርጊስ፡ ከማሆሙ፡ ኢተርስ፡ እዎሙ። ወሐብተ፡ ኢየሱስኒ፡ ተዘከሩ፡ አመ፡ ሀሙሱ፡ ለሐምሌ።

በአኰቴታ፡ አብ፡ ወወልድ፡ ወመንፈስ፡ ቅዱስ፡  አነ፡ ሀብተ፡ መርያም፡ ሐጥእ፡ ጸኀፍኩ፡ ለአቡይ። እንዳሉ፡ ወለብእሲቱ፡ ዜነ፡ መርየም፡ ተዝከሮሙ፡ ምስለ፡ ብእሲሀ፡ በአኀዱ፡ ዕለት ተዝከረ፡ ዕረፍቱ፡ እም፳ወ፬ ለመስከረም፡ ወለዘ፡ ሚካኤል፡ ወልዱሂ፡ ፲ወ፪፡ ለሕዳር። ዕረፍቱ። ወለሰመረ፡ ክርስቶስሂ፡ ፳ወ፩። ለጥቅምት፡ ዕረፍቱሂ፡ ወቀተልዎ፡ እርብ፡ አረዕ፡ ወበጸሎቶሙ፡ ይምሐረኒ። ለኀጥእ፡ ሀብተ፡ መርያም፡ ለዐለም፡ ዐለም፡ አሜን።

በስመ፡ ሥሉስ፡ ቅዱስ፡ አሓዱ፡ እግዚኣብሔር፡ ተጽሕፈ፡ ተዝካረ፡ ዕረፍቱ፡ ለኣባ፡ አስቶና፡ ሊቀ፡ ጳጳሳት፡ ዘሮሜ፡ ሃገር፡ ወምስለ፡ ኵሎሙ፡ ቅዱሳን፡ እለ፡ አስመርዎ፡ ለእግዚኣብሔር፡ በስነ፡ ትዕግስቶሙ፡ ወፈጸሙ፡ ስምዖሙ፡ በሰናይ፡ በደብረ፡ ማዕጾ፡ ዝክሩኒ፡ በጸሎትክሙ፡ ለሓጥእ፡ ዘአማኑኤል፡ በእንተ፡ መንግሥቱ፡ ለዘርአ፡ ያዕቆብ፡ ፍቅሬ፡ እግዚአብሔር፡ ይባርክ፡ ፍሬ፡ ምድር፡

Fol. 3r ወድ፡ ጓል፡ አኃው፡ ፮አብጋር፡ አብሕኔ፡ አትለያዩ፡ <…> ውጉዝ፡ ተዝካር፡ የራስ፡ እሺት፡ ፯አኃው፡ አሊ፡ ናግሥ፡ ገድእሊሽ፡ ዮሐንስ፡ ስብሐት፡ ሐፉኒ፡ ባይሉል፡ <…> ዋስ፡ የራስ፡ አሊ፡ አቶ፡ ተክሉ፡ የራስ፡ ገድእሊስ፡ ስብቴ፡ የራስ፡ ዮሐንስ፡ ወልዱ፡ ወድ፡ ሐኔታ፡ አምደ፡ ጽዮን፡ የሹም፡ ስብሐት፡ ዳነ፡ የሹም፡ ሐፉኒ፡ ወልዱ፡ የራስ፡ ናግሥ፡ ሐኔታ፡ ወልደ፡ ጊዮርጊስ፡ ደኛ፡ አቶ፡ አረጋዊ፡

በአኰተተ፡ አብ፡ ወወልደ፡ ወመንፈስ፡ ቅዱስ፡ አጽሐፍነ፡ ዘንተ፡ መጽሐፈ፡ ኀቢረነ፡ ደቂቀ፡ ቅፍርያ፡ ካህናት፡ ወመነኮሳት፡ አመ፡ ፯፡ ለግንቦት፡ በእንተ፡ ተዝካሮሙ፡ ለአቡነ፡ ተንሥአ፡ ክርስቶስ፡ ንቡረ፡ እድ፡ ወሰምረ፡ ክርስቶስ፡ ወይሰሀለነ፡ ክርስቶስ፡ እርድእቶሙ፡ ፪፡ ወዘንተ፡ ዘአጽሐፉ፡ ከመ፡ ይዝክርዎሙ

5r:  አመ፡ ፲ወ፩፡ ለጥቅምት፡ አባ፡ ክፍለ፡ አብ፡ ወአመ ፪ ለግንቦት፡ አባ፡ ገብረ፡ ድንግል። አመ፡ ፲፱፡ ተክለ፡ ሚካኤል፡ ለግንቦት። ቀሲስ፡ አቡየ፡ ተወልደ፡ መድኅን፡ አመ፡ አሚሩ፡ ለመጋቢት። አመ፡ ፳ወ፯፡ ለየካቲት፡ ክፍለ፡ ሚካኤል። አመ፡ ፭፡ ለታሕሳስ፡ ዐምደ፡ ሚካኤል።

ኦእግዚኦ᎓ አዕረፍ᎓ ነፍሳተ᎓ አበዊነ᎓

Oh Lord, let the souls of our fathers rest in peace ...

ወዓእረፈ፡ ቀሲስ፡ ጴጥሮስ፡ አሡሩ፡ ወረቡዑ፡ ለግንቦት፡ እምተሱኡ፡ በሮሜ። ፷፻ወበ፱፻፡ ፶ወ፪፡ ለአብነ፡ ዓዳም፡ ወጸሐፎ፡ ኃጥእ፡ ዝልጉስ፡ በስም፡ መነኮስ፡ ቀሌምንጦስ።

በ፷፻፡ ወበ፱፻፶ወ፪፡ አመተ፡ ምሕረት፡ አዕረፈ፡ ቀሲስ፡ ጴጥሮስ፡ አመ፡ ፲ወ፬ ለግንቦት፡ በግእዝ፡ ወበሮሜ፡ ፱። ይምሐሮ፡ እግዚአብሔር፡ ወይደምሮ፡ ምስለ፡ ቅዱሳኒሁ፡ አሜን፡ በጸሎታ፡ ለእግዚእትነ፡ ማርያም።